السلام عليكم ورحمة الله وبركاته

عيد سعيد عليكم كلكم مع اني عارف ان الاجازة ديه محدش استفاد منها

المهم ندخل في الموضوع على طول

اعمل ايه لو عايز ادخل حقوق انجليزي ؟


الاول انت بتكتب في الرغبات حقوق عربي عادي وبعدين لما تتقبل بتروح شئون طلبة حقوق شعبة الانجليزي وبتسحب طلب وبتملى البيانات الطلب ده اعتقد سعره موحد وهو 150 جنيه والطلب ده بيبقى معاه صورة شهادة الثانوية وصورة بطاقة الترشيح وبعدين بعد لما تخلص بيدوك ميعاد تروح تشوف اتقبلت ولا لا ولو متقبلتش بتقدم ورقك في حقوق عربي

طيب هي ايه شروط قسم الانجليزي ؟


1-ميقلش مجموعك في الانجليزي عن 40 وساعات بتوصل ل42.5
2-مش شرط مستوى رفيع انجليزي ولو واخد انجليزي بيبقى ليك افضلية من حيث المجموع
3-يكون الانجليزي لغة اولى لو مدرسة عربي

طيب هي بتاخد من كام ؟

الكلية بتاخد من حاجة اسمها المجموع الاعتباري وده بيبقى
مجموعك في الثانوية من غير المستوى + درجة الانجليزي + المستوى لو انجليزي بس فبتبقى العملية نسبية بس السنة الي فاتت اعلى جامعة في المجموع الي هي القاهرة 394 ادبي و417.5 بني سويف

ومصاريفها كام بقى ؟

مصاريفها في القاهرة 5000 وشوية وفي عين شمس وصلت السنادي ل7000 وديه شاملة االكتب واعتقد ممكن يبقى فيه تخفيف للمصاريف للي مش قادر بس مش متاكد

وهي كل المواد انجليزي ؟

لا بيبقى فيه مواد عربي ومواد انجليزي والمواد العربي بتحضرها في مدرج حقوق عربي عادي


طب التقديم فتح ؟

هو التقديم في القاهرة وعين شمس بدأ من فترة واعتقد اخر ميعاد يوم 30 اغسطس بس الي هيقدم ينجز بعد العيد على طول

المجموع الإعتباري سألت ناس كتير جداً وقالوا بالمستوى , بس لما يجي يحسب المجموع الإعتباري مش هيكرر المستوى زي لو كان إنجلش
وحتى من غير ما تسأل بالعقل والمنطق لو ماحسبهوش هيبقى إيه لازمته أساساً؟!

والله انا لما سألت في الكلية نفسها قالولي لو انجليزي وعلى العموم هتاكد برضو من الحكاية ديه