أعرفي عريسك بدري بدري..من طريقة أكله....؟؟

1-إذا كان عادي يعني لابياكل بسرعه ولاببطءولا دايما شبعان ولامفجوع علي طول..يبقي شخص معتدل في عواطفه وقراراته ويبقي ده آخر الرجال المحترمين..كلبشي فيه..وأستعجلي الزفاف والحياه هتبقي بمبي. 2-إذا كان بيحب الاكل زي عنيه..وأول مايدخل من الباب وقبل مايقولك ازيك يقولك ريحة التقليه تجنن ياروحي أنتوا عاملين ملوخيه علي أرانب؟؟..أموت أنا.. ويقعد ياكل ويحشر لحد مايغمي عليه..يبقي إنسان طفس..وهوائي..وطايش..وأوعي تتجوزيه أحسن ياكلك وأنتي نايمه...؟؟

3-أما إذاكان مش مهتم بالمره..لايقولك ده حلو ولامالح ولامستوي ولالسه ني ولابيعلق أي تعليق..وعمره مايقولك جعان ولا شبعان..يبقي إنسان مالوش لزمه.. وزي قلته..وأنصحك بدل ما تتجوزيه أتبنيه..وهاتعيشي أنتي الراجل والست في وقت واحد

4-أما إذاكان بياكل زي مايكون حد بيجري وراااه وساعة الاكل بيجيله صرع معوي..ويقوم من علي الأكل قبل أي حد تاني ..يبقي متسرع..ومتهور في إتخاذ قراراته وممكن بعد الجواز إنك لست ملهمته..ولست فتاة أحلامه ولست حلمه..ويروح مطلقك بالتلاته..إخلعي انتي بدري أحسن لكرامتك.

5-أما إذاكان بياكل علي مهله..ويمزمز في كل صنف لوحده..ويسأل عن كل صنف مقاديره أيه ومعمول إزاي.. ويقعد يستطعم في الأكل من العصر للمغرب..حاسبي منه ياأختي ده النوع إللي ليه مخ..وبيوزن الأمور بطريقه تفقع المراره..ولو في يوم طلبتي منه يقولك كلمه حلوه هايقولك مش عامل حسابي ويقعد يفكر 3سنين وبعدين يقولك بحبك ويقعد يشوف وقعها عليكي أيه؟؟نظام شلل رعاش بدري...بدري...أخلعي ياأمي...


6-أما إذاكان بيقعد يقطع في الأكل زي مايكون في خناقه ويخبط في الطبق من الغل..ويقطع حتة اللحمه زي مايكون بيدبحها..ويتفتف..ويتكلم طول ماهو بياكل لما يغرق وشك أكل..ده شخص عصبي جداًاًاً..ومع أول خناقه هايروح مناولك بالكرسي في راسك أو بالسكينه في عينك يعملك عاهه مستديمه وبعدين..يهدي..ويقولللك:"سوووري ياروحي هي جت فيكي..ماعليش" ""ماعليش بره ياحبيبي وخد الباب في إيدك""

7-أماإذاكان دايماً قرفاااان دايماً مايعجبوش العجب ولا الصيام في رجب ..يع.. الملوخيه تقيله..ياي..السمنه كتيره علي وش الشوربه..ياساتر.. ده محشي ولاصوابع موووز..أوف..الرز محصويل..يامه المكرونه معجنه.. ذاكان كده توكلي علي الله وهاتي أحمي سطووور عندك وأنا أعرفلك واحد محامي يطلعك منها زي الشعره من العجينه والأحسن من ده كله... مالها القعده في بيت أبووووووووووكي؟؟

ههههههههههههههههههههههههههههه
خير الأمور الوسط و فيها آيه لو تتعلم عنده و يصبر عليها و شويه شويه تصير شيف تمام و يتحملوا بعض و تسير الأمور و المركب تمشي لحين تعرف ما يرضيه و تكون الحياة متوازنه و هادئة و معقولة

ههههههههههههههههههههههههههههه

خير الأمور الوسط و فيها آيه لو تتعلم عنده و يصبر عليها و شويه شويه تصير شيف تمام و يتحملوا بعض و تسير الأمور و المركب تمشي لحين تعرف ما يرضيه و تكون الحياة متوازنه و هادئة و معقولة

تتعلم عنده ايه بس مفيش زوج بيصبر على زوجته الجديده انها تتعلم عنده عايزها متعلمه جاهزة
سعدت بمرورك

يبقى كده مفيش بنت هتتجوز

موضوع جميل

بارك الله فيك

ده كدة مفيش رجال للجواز نعنس يعنى ولا ايه
بس على فكرة انا بحب الراجل اللى مش بيعلق على الاكل هو احيانا يشلك بس حد عملى مش فاضى يقول حلو ولا مش حلوويارب كل البنات تتجوز

يبقى كده مفيش بنت هتتجوز

موضوع جميل

بارك الله فيك


سعدت بمرورك

هههههههههههه ده انتي قضيتي عالصنف كله
على رأيك مالها القعدة ف بيت ابويا

على رئيك والله ما بلا ها احسن هو الوحدة بتتجوز علشان تفرح ولا علشان يتحرق دمها بدرى
بص انا مشفشت بصراحة حاجة فى سيرة رجالة غير لما تلاقى ورها لامنا مصيبة لاما شلل بدرى
وستات برضه والله
فيعنى كله بيستحمل بعضه
وعلى ايه بيت ابويا زى الفل
وبلا ها جووووووووووووووووووواز خاالص

هههههههههههههههه
مفيش ولا وحدة هتتجوز بالطريفة دى
عجبنى جدا التوبيك