السلام عليكم

لو سمحتوا كان عندى استفسار بخصوص التنسيق و ياريت حد يفيدنى

انا مدخلتش امتحان الفيزياء فى الدور الأول عشان كنت عيانة و عملت اعتذار و اتقبل
و دخلت الامتحان فى الدور التانى على 50 درجة عادى
و النتيجة طلعت و دلوقتى بقى مجموعى الكلى 94
انا عايزة ادخل فنون جميلة و امتحنت قدرات و نجحت
هيبقى ايه وضعى فى التنسيق بقى
انا خايفة ملاقيش مكان فى الكلية لغاية التنسيق بتاعى
مع ان فى كذا حد قالى ان تنسيقى هيبقى زى المرحلة اللى فيها مجموعى عادى
يعنى المرحلة التانية

حد يعرف حاجة عن الموضوع ده ؟

انتي مش علمي رياضة يبقى تنسيقك مرحلة اولى وانا هحاول اسال عن الموضوع ده

لا انا علمى علوم و عايزة أدخل فنون جميلة ديكور مش عمارة ... بس انا سؤالى هو تنسيقى هيبقى امتى ؟
و هل حقى هيبقى محفوظ فى دخول الكلية زيى زى اى حد امتحن فى الدور الاول ؟

و شكـــرا على اهتمام حضرتك

طيب انا ان شاء الله هسالك ي الموضوع ده وهقولك على يوم الخميس كده ان شاء الله وياريت حد يكون عارف ويرد عليكي قبل كده

انتى بيبقى ليكى معامله خاصة بتعملى التنسيق على المرحلة بتاعتك عادى جدا بس مع بتوع المرحلة الثالثة لكن الكليات اللى هتظهرلك ف الرغبات هى كليات المرحلة الثانيه بتاعتك وهتتقبلى ان شاء الله ف الكليه عادى جدا لانك امتحنتى القدرات ونجحتى فيها كمان وربنا يوفقك

شكرا ليكوا جداااااااااا :)

طيب ممكن اعرف تنسيق المرحلتة التالته ده هيبقى امتى ؟؟؟

هي هتفتح الاسبوع الجاي اعتقد هتبقى السبت او الاحد بالكتير وعايز اقولك انك لما تفتحي اتأكدي ان الكليات من مجموعك موجودة

اصـــــل فى نــاس بتقولى انها بدأت وانا بدخل مش لاقية حاجة فى الموقع

الناس ال بتبفتي كتير اشتغلت ازاي وهي مبدأتش على الموقع لا لسه وحتى الخبر ان المرحلة التالتة الاسبوع الجاي كان موجود في اليوم السابع

مبروك اول حاجة تانى حاجة انصحك تقدمى فنون تطبيقية مش جميلة فيها قسم ديكور بردوا واجمل وقمة زيها زى هندسة ومجموعها 93 السنادى وفى الاخر الاتنين حلوين انا بقول الافضل لانى اخويا فنون تطبيقية وعندة اصحابة جميلة لكن فى الاخر انتوا الاتنين مهندسين انا بكلم علشان الشهادة والوظيفة الاسرع بس بلتوفيق ليكى وطمنينا عملتى اية

الناس ال بتبفتي كتير اشتغلت ازاي وهي مبدأتش على الموقع لا لسه وحتى الخبر ان المرحلة التالتة الاسبوع الجاي كان موجود في اليوم السابع

طيــب اهو مفيش حاجة لغاية دلوقتى :(

مبروك اول حاجة تانى حاجة انصحك تقدمى فنون تطبيقية مش جميلة فيها قسم ديكور بردوا واجمل وقمة زيها زى هندسة ومجموعها 93 السنادى وفى الاخر الاتنين حلوين انا بقول الافضل لانى اخويا فنون تطبيقية وعندة اصحابة جميلة لكن فى الاخر انتوا الاتنين مهندسين انا بكلم علشان الشهادة والوظيفة الاسرع بس بلتوفيق ليكى وطمنينا عملتى اية


انا ممتحنتش قدرات لفنون تطبيقية فمش هينفع أدخلها
هو ايه الفــرق بين الاتنين فى قسم الديكور ؟