دلوقتي ياجماعة انا ناقص درجة واحدة بظبط عشان اخش هندسة خاصة انا جايب 69.6 وانا كنت جايب في تانية مجموع كويس بس في تالتة مكنتش بقد في البيت كنت في المستشفي علي طول لان انا معاق وعندي مرض فهل لو قدمت التماس لوزير التليم العالي هيدخلوني استثنائي زي ما بيعملو في الحكومة مع المعاقين دون النظر للحد الادني بس ليهم تجارة واداب وحقوق والسن وانا عايز خاصة هلي هايرضو عشان خاطر ربنا انصحوني اعمل اية عشان انا نفسي في هندسة وقليت بسبب مرضي اروح لمين عشان ادخل هندسة ابوس اديكم ردو

السلام عليكم ورحمة الله وبركاته
الف سلامة ومتزعلش ان شاء الله ربنا يجزيك كل خير
انا معرفش موضوع استثنائى ده ممكن ولا لا بس اللى هنصحك بيه مهم بجد
لو هتقدم طلب تنزل انهارده متأجلش لساعة واحدة ومتعتمدش على السؤال على النت اتعب شوية لانى الاجراءات دية لو تمت بتاخد وقت كبير فلازم تكون سريع جدا لانى معظم الجامعات الخاصة غلقت التقديم يعنى مثلا الروسية قفلت التقديم قبل تنسيق المرحلة الاولى باسبوعين لانها ارخص جامعة خاصة بدون تنسيق وده عن علم وسؤال مش تخمين فلو اتقبلت كستثنائى وكنت متأخر مش هيتبقى امامك الى الاسعار العالية جدااااااا زى فاروس وغيره.......

ونصيحة تانية انا عارف طبعا يعنى ايه واحد عايز يدخل كلية هو عايزها لانى انا زيك كنت نفسى ادخل هندسة بس طبعا مقدرش على اسعار الجامعات الخاصة اللى الحد الادنى بتاعها 70% وانا جايب 78% ولأسف ملحقتش هندسة خاصة تبع التنسيق رغم انى اسعارها كانت تناسبنى بس طبعا الدنيا مش هتوقف على كده لازم الانسان يكون مرن ويا عالم يمكن ربنا هيدينا الاحسن المقصود اسعى فى موضوعك ولكن بسرعة علشان لو لقدر الله متمش تشوف الخيارات التانية المتاحة ليك يعنى مثلا انا الخيار التانى بالنسبة ليا ان شاء الله ناويت على حاسبات ومعلومات خاصة قسم علوم حاسب فشوف انت ايه اللى يناسبك

وربنا يارب يوفقك وتدخل هندسة

وانا معاك برده لوعايز اى استفسار

الف سلامة عليك يا احمد ومتزعلشى ولا حاجة انتا ممكن تقدم فى جامعة النهضة فى بنى سويف وهى بتاخد من 65 فى المية بس والعدد لسة مكملشى اتصل بيهم وروح قدم

ممكن هندسة سيناء هى واخده زى تصريح حتى 65% هندسه ممكن تتصل بيهم

جامعة اكتوبر بتقبل تحت النسب بس لازم تقدم بدرى الف سلامة بلتوفيق