رضينا بالهم والهم مش راضى بينا
بعد أن حاربنا من أجل عودتنا لأعمالنا بالتربية والتعليم بكفر الشيخ، استكثر علينا السادة المسئولون أن نعامل معاملة آدمية تليق بمن ينتمون إلى التربية والتعليم فى كل مكان بكوكبنا‘ فنحن:
الراتب: 150 جنيه فقط والله العظيم بجد (طبعًا مكفيين الإيجار والكهرباء والمياه والأكل والشرب والعلاج دا غير اللى بيفيض للفسح والمصايف).
التعاقد: لمدة سنة تجدد بعد اعتصامات وإضرابات وبهدلة لا يقبل بها أى آدمى (وهو دا اللى محسسنا نحن وأولادنا بالأمن والأمان ومخلينا نبدع ونبتكر).
دا غير نظرة الشفقة أحيانًا والاحتقار غالبًا من أى موظف لنا عنده طلب.
وكأننا سوف نأخذ أموال أولادهم فيجب عليهم الحفاظ عليها من اللصوص الحثالة أمثالنا.
وأخيرًا حاولوا يغيروا وضعنا المذرى شوفوا التغيير كان لإيه:
التعاقد لمدة سنة جديدة (مع العلم إن القانون حظر التعاقدات الجديدة لأنه جعل العمل بالتعيين ولكن يبدو أن المسئولين لسة ما صحيوش من النوم، أو فاكرين إن الكلام مش ليهم).
الراتب: طلبوا منا التوقيع على عقود جديدة غير مدون بها مدة التعاقد ولا الراتب وتركا أقواسًا خالية (وكأنهم مصممون على خداعنا والتلاعب بنا).
وعندما اعترضنا ألغوا هذه العقود وأبدلوها بعقود جديدة محدد به الراتب ومدة التعاقد (ماتفرحش أوى استنا) وبعد أن وقعنا تلك العقود لم نحصل على صورة منها ( وهذامخالف للقانون) ولم تعتمد العقود الجديدة لا من الإدارات التعليمية ولا مديرية التربية والتعليم بكفر الشيخ، ومما يذيد الأمر عبثًا أنهم قرروا صرف الراتب القديم لنا من جديد (الـ 150 جنيه) وعلى فكرة لسة ماصرفناش حاجة لحد دلوقت علمًا بأن مدة التعاقد الجديد بدأت من 1/7/2012 ومر علينا رمضان بمصاريفه والعيد بمصاريفه وأقبلت المدارس بمصاريفها لسة أسيادنا ما حنوش علينا بالمرتب.
أيها المسئولون أما تستحون؟!

المرتب الجديد:
أولاً: المؤهلات العليا:
الراتب (226.80ج)
العلاوة الخاصة (الراتب فى 30/6/2012) (180ج×15%=27ج
حافز الإثابة الإضافى (200% - 83.33% =116.67%) 226.80ج×116.67%= 264.60ج
جملة المبالغ المستحقة تصرف على بند 10/3 مكافآت تدريس (518.40ج)
ثانيًا: المؤهلات فوق المتوسطة:
الراتب (197.90ج)
العلاوة الخاصة (الراتب فى 30/6/2012) (160ج×15%=24ج
حافز الإثابة الإضافى (200% - 83.33% =116.67%) 197.90ج×116.67%= 230.89ج
جملة المبالغ المستحقة تصرف على بند 3/2 أجور موسميين (452.79ج)
ثالثًا: المؤهلات المتوسطة:
الراتب (193.30ج)
العلاوة الخاصة (الراتب فى 30/6/2012) (160ج×15%=24ج
حافز الإثابة الإضافى (200% - 83.33% =116.67%) 193.30ج×116.67%= 225.52ج
جملة المبالغ المستحقة تصرف على بند 3/2 أجور موسميين (442.82ج)
من مذكرة مديرية التربية والتعليم بكفر الشيخ للعرض على السيد محافظ كفر الشيخ

شكرا على متابعتك استاذ امير

اعتقد ان الفاكسات وصلت بالراتب الجديد
قولى رائيك اية؟

الشرقية لسة الناس فيها بـ 102 جنيه ف الشهر

آخر الأخبار:
على لسان أ/عبد القادر بهلول المدير المالى العام بمديرية التربية والتعليم بكفر الشيخ: صرف المرتب الجديد من أول شهر سبتمبر 2012 وتعويض فرق شهرى يوليو وأغسطس أيضًا (لأنهم اتصرفوا على المرتب القديم).
على لسان أ/ مصطفى مرعى وكيل إدارة كفر الشيخ التعليمية: العقود الجديدة لم تعتمد بعد بحجة الانتهاء من التعاقد مع المرحلة الثالثة من أخوتنا المنقطعين، وأنه سيتم اعتمادها بداية من الأحد 2/9/2012 بعد الانتهاء من التعاقد مع أخوتنا منقطعى المرحلة الثالثة.
وأتمنى أن ينال أخوتنا فى المرحلة الثالثة جميع حقوقهم على الأقل إن لم يتم تعويضهم (تهدية نفوس بدون قصد والله).

وأيه حكايه التجديد كل سنه دي عاوزين نحس بالاستقرار وأن كنا مؤقتين فلابد من الشعور بالاستقرار مش سنه بسنه ونفضل في قلق

أستاذ
أمير المصري
ياريت المتابعة
يعني العقود اللي إحنا مضينا عليها دي مصيرها إيه بالظبط

السلام عليكم
تم النقل على الباب الاول موازنة عامة اعتقد دا كويس جدا
و المرتب كمان اساسي و حافز كويس لكن هل هذه عقود مميزة ؟
كل الشواهد تقول انه تثبيت هل هو تثبيت؟
يخصم من الراتب تأمين صحي هل هيكون فيه كشف صحي و استخراج بطاقة التأمين؟
كلها أسئلة لولبية

بإنتظار رد الأستاذ أمير المصري

يا كل دعاة التشاؤم ، يا كل مصدرى السلبية ، يا أيها الجالسون على الكنب أو العتب تضعون أصابعكم فى أفواهكم ، أيها الراقدون تحت تراب الذل ـ ، أيها المنتظرون حتى نفشل فتشمتوا ، أو ننتصر فتسرعوا لتغنموا ....إليكم جميعا نحن صامدون ثابتون مستمرون ، كونوا معنا وحلقوا كالصقور فى الأعالى لتبحثوا عن كرامتكم أو عيشوا كسحالى يركلها الناس بأقدامهم طيلة أعماركم

العقود اللى مضيناها لم تعتمد بعد، ولكن صرف المرتب الجديد يدل على أن تفعيلها قد تم (كلام مش راكب على بعضه) يعنى هايصرفوا مرتب شهر سبتمبر على الراتب الجديد فى العقد الجديد اللى لسة ماتوافقش عليه ولم يعتمد.
لازم يكون لينا موقف إيجابى شوية لأننا عارفين كلنا أنهم يتمنون أن نخرج فى الشارع من الصبح، واللى بيحصل دلوقت معانا مماطلة غريبة ولكنها معتادة منهم، ومش هانصدق أنهم هايدوروا على حقوقنا ونحن جالسون فى بيوتنا مستنيين حد فيهم يتعطف ويتكرم ويحن علينا.
لكل اللى ماحضرش معنا من الأول ثبت أننا لا نأخذ حقنا إلا إذا وقفنا لهم واللى شايف غير كده يبقى مش بيشوف ولا بيـ...

السكوت عن الحق عار

السكوت عن الحق عار

مهزلة جديدة لمديرية التربية والتعليم بكفر الشيخ
لو حد عنده مخ غير المخ بتاعنا يفهمنى كيف يكون أساسى الراتب لمدرس 219 جنيه ويقبض 620 جنيه بعد الحوافز والخصومات كلها وقبل زيادة الـ 15%، ويكون مدرس تانى زميله أساسيه 226 جنيه ويقبض 449 جنيه بعد الخصومات والحوافز وبعد زيادة الـ 15%. ولسة ياما هانشوف منهم.
لو حد فهم أو عرف سبب واحد لكدة يقول بالله عليكم.
ولكن العيب مش عليهم العيب علينا لأننا نايمين وسايبين غنمنا للذئب.
والله اللى يسكت على المهزلة دى أكيد حد ما عندوش كرامة ولا حاسس بالمسئولية تجاه أولاده وبيته اللى بقى ذى الشخشيخة فى إيد اللى عاوز يلعب ويتسلى.
موعدنا يوم الأحد 2/9/2012 أمام مديرية التربية والتعليم بكفر الشيخ والحضور فقط لمن يريد الحفاظ على كرامته.

موعدنا يوم الأحد 2/9/2012 أمام مديرية التربية والتعليم بكفر الشيخ والحضور فقط لمن يريد الحفاظ على كرامته.

http://a6.sphotos.ak.fbcdn.net/hphotos-ak-ash4/389163_337163146369830_1142267939_n.jpg

استاذ امير مش انت جبت مفردات المرتب قبل كدا:
المرتب الجديد:
أولاً: المؤهلات العليا:
الراتب (226.80ج)
العلاوة الخاصة (الراتب فى 30/6/2012) (180ج×15%=27ج
حافز الإثابة الإضافى (200% - 83.33% =116.67%) 226.80ج×116.67%= 264.60ج
جملة المبالغ المستحقة تصرف على بند 10/3 مكافآت تدريس (518.40ج)
ثانيًا: المؤهلات فوق المتوسطة:
الراتب (197.90ج)
العلاوة الخاصة (الراتب فى 30/6/2012) (160ج×15%=24ج
حافز الإثابة الإضافى (200% - 83.33% =116.67%) 197.90ج×116.67%= 230.89ج
جملة المبالغ المستحقة تصرف على بند 3/2 أجور موسميين (452.79ج)
ثالثًا: المؤهلات المتوسطة:
الراتب (193.30ج)
العلاوة الخاصة (الراتب فى 30/6/2012) (160ج×15%=24ج
حافز الإثابة الإضافى (200% - 83.33% =116.67%) 193.30ج×116.67%= 225.52ج
جملة المبالغ المستحقة تصرف على بند 3/2 أجور موسميين (442.82ج)
من مذكرة مديرية التربية والتعليم بكفر الشيخ للعرض على السيد محافظ كفر الشيخ


اية اللى حصل تاني هو شغل السرقة دا مش هيخلص هما عايزين ياخدوا من الميزانية و يدوا اللي فى الانتظار اللى منهم مشفش طباشيرة غير لما كان طالب شغل رشاوي و كلام فارغ مع العلم ان فى زمايل مظلومين فعلا و ربنا يرجع ليهم حقهم
لازم وقفة فعلا مع الاشكال دي حسبنا الله و نعم الوكيل

إلى من يجلسون فى منازلهم بحجة اللى هايسرى عليهم يسرى عليا.
أبشركم خفضوا المرتبات فأصبحت كالتالى:
المؤهل العالى: 449.58
فوق المتوسط: 392.65
المتوسط: 383.97
شكرًا على تقاعسكم معنا.

هل هذا المرتب بعد الخصومات؟ وهل التثبيت سيكون بعد اتمام 27 شهر أم 6 شهور؟

ما المبرر من خصم الراتب
وزير المالية ارسل الاعتمادات المالية في شهر يونيو الماضي بناء علي الراتب المحدد من المديرية 226 اساسي و 200 % و 15 % الفاكس معايا ايه اللى حصل فيه سرقة ليه و لصالح مين

لا إله إلا الله
محمد رسول الله

لا إله إلا أنت إني كنت من الظالمين

آخر المصائب:
ليس لنا فى الـ 100% الجديدة، ولم يذكرنا أحد عند الوزير أو مجلس الوزراء ولا فى القهوة اللى على الناصية حتى.
يعنى يبقى الوضع المهين بتاعنا كما هو عليه وعلى المتضرر خبط دماغه فى الحيطة.
زملاؤنا المنقطعين من الإداريين سيتم تثبيتهم طبقًا للقانون فى شهر يناير المقبل، (ويارب يحصل) أما المنقطعون من المعلمين فبعد 27 شهر وياعالم الشهور دى بتوقيت أى كوكب.
نشكركم على صمت سيادتكم.

آخر المصائب:
ليس لنا فى الـ 100% الجديدة، ولم يذكرنا أحد عند الوزير أو مجلس الوزراء ولا فى القهوة اللى على الناصية حتى.
يعنى يبقى الوضع المهين بتاعنا كما هو عليه وعلى المتضرر خبط دماغه فى الحيطة.
زملاؤنا المنقطعين من الإداريين سيتم تثبيتهم طبقًا للقانون فى شهر يناير المقبل، (ويارب يحصل) أما المنقطعون من المعلمين فبعد 27 شهر وياعالم الشهور دى بتوقيت أى كوكب.
نشكركم على صمت سيادتكم.

مستحيل يثبت الإداريين المنقطعين وما يثبتش المعلمين المنقطعين
لانه نفس العقد
مستحيل