بسم الله الرحمن الرحيم

كان عندي استفسار ضروري ناحية طب المنيا
سمعت من ناس كتيرة ان المستوى الاكاديمي من ناحية الدكاترة ومن ناحية التعليم
مش كويس وانه متدني لو قورن بمحافظات تانية
فأنا كنت عايز أعرف من الطلاب الدارسين ايه نظام الدراسة في طب المنيا وشكراً وهل هو جيد كفاية لكي يخرج أطباء أكفاء أم لا

انت من المنيا ولا محافظة تانى؟؟
هى المنيا (اسمع ) انها وحشه جدا ومش حلوة القاهرة احسن طبعا ومجموعها اقل
بس بردو الواحد ممكن يتبهدل فى الغربة.
واهم شىء كده كده لو طب المريخ كل الطلاب بيطلعوا ابيض يا لبن من الكلية.
انت بس تجيب تقديرات حلوة امتياز كل سنه وبس كده
موضوع الكفاءة ده مش بالكليه. ده بيبقى بعد الكليه

ازاي يادكتور الكفاءة بعد الكلية؟
الطالب الممتاز بالكلية إن شاء الله يكون ممتاز بعد ذلك في الحياة العملية؟

ازاي يادكتور الكفاءة بعد الكلية؟
الطالب الممتاز بالكلية إن شاء الله يكون ممتاز بعد ذلك في الحياة العملية؟
نو نو نو
اكيد المتفوق متفوق على طول
بس اقصد ان الطلبة كلهم بيبقوا ولا كانهم متخرجين من معهد لا سلكى
علشان كده فترة التدريب فى المستفى مهمه جدا
لان الطب مش كتابين احفظهم واسمع للمريض

انا برضه للاسف طب المنيا وحاولت احول عين شمس لكن للاسف منفعش

طيب متي ستبدأ الدراسة
ما حد يخطف رجله الكلية ويشوف إذا كان جدول المحاضرات نزل أم لا ؟
ويصوره لنا بكاميرا الموبيل و يضعه هنا بالمنتدي أو يكتبه لنا مثل ما عملوا أبنائنا في طنطا
يا أطباء المستقبل كلية المنيا يلا شدوا حيلكم و شمروا سواعدكم
العام الدراسي بدأ و لا أنتم ليكم رأي تاني ؟