مشاهدة النسخة كاملة : مضآيق ومشتت
KhaleD Moustafa 25-08-2012, 05:34 PM السلآم عليگم والرحمه
إزيگوو ؟!
أنا مضايق چداً ي چماعة ؛ عشآن مش عارڤ أظبط أموري .. يعني أنا لحد دلوقتي مش بدأت دروس .. أنا بشوف مدرسين بس تقريباً گلهم بدأوا وأنا هبدأ معاهم متأخر :(
ومشتت يعني مش عارڤ أعمل إيه أچيب گتب إيه ولّا هذاگر إزاي ؟! وهعمل إيه ف الإنچلش هحل إزاي أنا مش اللغة عندي ضعيفة چداً إزاي هحل وأفهم الأسئلة وأذاگره ؟! وگذلك العربي النحو وغيره ؟!
أنا أحبطت وحاسس إنّ مش هأعمل حاچة والسنة ضاعت عليا ومفيش مخرج هخش معهد يعني هخش ومش هفلح ف حاچة :(:(
وقال عاوز أچيب 99٪ ! .. شر البليّة م يضحگ ..*
نور يوسر 25-08-2012, 07:16 PM اول حاجه انت فى سنه كااااااااااام علشان اقدر اكلمك حسبالسنه اللى انت فيها
lolododo2010 25-08-2012, 07:37 PM ايه الياس ده بداية الغلط بعينه لازم الواحد يكون عنده امل وبعدين انا علي مستقريت علي مدرسين كنت لافه علي مدرسين كتير اللي معجبنيش بسيبه وبروح للافضل بس عارفه مشتتش نفسي ازاي
اقولك تعمل ايه
اولا اسكت فجاه وقول لنفسك انا دلوقتي هظبط حالي وروح ابدا دروسك عادي انت في الاول بس ذاكر كويس من الاول وتابع دروسك مع نفسك اجتهد ربنا يوفقك بالنسبه للموضوع بتاع الانجليزي انت كده صح اعترفت انك عندك فيه مشكله ابتدي بقي حلها مثلا احفظ الكلمات بنظام الجمله تحط الكلمه ف جمله حل قطع الفهم ومعاك قاموس انجليزي عربي معاك بص كل اللي داخل معاك زيك بس اللي عاوز يفلح هو اللي بيعافر عشان يوصل للصح والمطلوب اقولك سر انا كنت جايبه كتاب انجليزي خارجي زياده عن اللي المستر طالبه وقولته يا مستر مش عاوزة حد يعرف اني شغاله منه وكنت بخليه يديني (واجب اضافي) مش مهم انه يصححه كنت بعلم علي اللي يقف قدامي واساله اما قطع الفهم والبراجرافات شغاله قاموس وكنت بديله البراجرافات يصححالي والحمدلله قفلت الانجليزي ليه؟ بتوفيق ربنا 2/الرغبه القويه3/العزيمه والمثابرة 4/العمل الجاد وبجد أي حاجه تعوز تسالها اتفضل احنا اخواتك بس اهم حاجه بلاش نبرة الياس واتكلم بالشجاعه عشان يا اما انت تغلبها او هي تغلبك ولو حبيت الدراسه هتحبك وتساعدك
ونصيحه للسنه ككل اهم من كتر الشكوي من امشكله والبحث ليها عن حلول انك تبتدي بالفعل تعمل علي حلها معلش طولت عليك بس بجد نفسي اكون بساعدك لو عاوز حاجه اسالني
Yes We Can 25-08-2012, 08:41 PM ايه يا خالد احنا مش اتفقنا يكون عندنا اراده
ده انت مومن و عارف ربنـا يعنى لازم تثق فيه
اولا لازم يكون عندك ثقه كبيره جدا فى ربنا
و ثانيا عندك ثقه فى نفسك انك تقدر انت مش عاجز او عويل
انت تقدر انت انسان عادى جدا لكن بارداتك تقدر تعمل اى حاجه
أمال البيجيب 100 و واحد فى الميه بيجبها ازاى بالاراده و محاربه اليأس
هتقولى انا وقعت فى تانيه مهما كان استغل ده انه يكون دافع ليك
حول الشر لخير انت البتصنع مستقبلك بايدك و ارادتـك
انت مش عاجز واحده واحده الامور بتتحل باذن الله
انت قول يارب و انوى و ابتدى و هتلاقى ربنا معاك فى الدراسه
و المش هنفهمه حاول مره تانيه بص هقولك حاجه اى واحد ناجح
مش بيكون ناجح من فراغ بالعكس ده بيفشل 100 مره لحد ماينجح
و يتعلم من اخطائه شوف انت عملت ايه فى 2 غلط و متكرروش
و احنا معاك هنا فى المنتدى و انا يا خالد معاك ادبى
لو عوزت اى حاجه و زى فيه كتيرررررر احنا هنا اخوات هنساعد بعض
و هننجح مع بعض و ان شاء الله تكون انت اولنا و اكثر مننا تفوقا
و اياك اياك و اليأس هو البيوصل الانسان الناجح للفشل و بقولهالك تانى
اليـــــــــــــــأس اياك و قول يارب و ابتدى من دلوقتى و سيبها على الله
asmaa232 26-08-2012, 01:34 AM حرام عليك بجد انت كدا بتظلم نفسك بلاش تقول كدا يمكن انت بس لسا مصدوم ارجع تانى وكأنك لسا داخل ثانوية عامة وزاكر بجد ومش تحط ف دماغك أى حاجة وصمم بجد وخليك مع ربنا وهتلاقى نتيجة تعبك ويمكن أكتر كمان
ولعلها تكون بداية جديدة مشرقة ان شاء الله
وبالنسبة للانجليزى شوف مدرس شاطر اوى وروح خده على جنب واشرحله مشكلتك بالظبط وهو هيتابعك مع مجهودك الشخصى طبعا وبإذن الله كل حاجة هتبقى تمام
إليزابيث 26-08-2012, 04:29 AM بصراحة اتأخرت اوي ف بدء الدروس
لكن ملحوقة لسة قدامك سنة طول بعرض وبالنسبة للانجلش كل يوم احفظ صفحتين كلمات مش تقعد تقول انا هضيع وانت مش بتفتحه والعربي كل يوم راجع قاعدة من الكتاب اللي بيدوهولنا ف الثانوي ده
وان شاء الله ربنا يوفقك وتجيب 99,9 كمان
user22 26-08-2012, 09:06 AM عادى ده شيء طبيعى بداية العام الدراسى دايما بتكون ملخبطة وفيها اضطراب كتير بس كلها شهر وهتلاقى نفسك شغال 10 / 10 وعرفت النظام ماشى إزاى
ما تقلقش ان شاء الله :)
KhaleD Moustafa 27-08-2012, 12:37 PM چزاگم الله گلَّ خير
أنا إتفقت خلاص مع مدرسين وهبدأ بگره .. ربنا ييسر
دعواتگم بقى :(*
asmaa232 27-08-2012, 06:58 PM چزاگم الله گلَّ خير
أنا إتفقت خلاص مع مدرسين وهبدأ بگره .. ربنا ييسر
دعواتگم بقى :(*
ربنا يوفقك
KhaleD Moustafa 28-08-2012, 10:20 AM ربنا يوفقك
آمين وإياكِ:)
SwOrD OF JusTice 28-08-2012, 10:27 AM ايه ياعم خالد هتزعلنى منك على اول السنه ليه كدا بس
منا اهو زيك مبداتش حاجه ومقضيها :d
خدها بسهوله هتلاقيها ماشيه معاك والله
انما هتعقد نفسك مش هتحصل لا ابيض ولا اصفر ( مش عايزين الاسود خالص :d )
KhaleD Moustafa 28-08-2012, 10:38 AM ايه ياعم خالد هتزعلنى منك على اول السنه ليه كدا بس
منا اهو زيك مبداتش حاجه ومقضيها :d
خدها بسهوله هتلاقيها ماشيه معاك والله
انما هتعقد نفسك مش هتحصل لا ابيض ولا اصفر ( مش عايزين الاسود خالص :d)
ههههههههههـ أحبيبي أأحمد :d
أصل فعلاً حاسس إن السنة صغيرة وأنا مش هلحق أعمل حاجة
ربنا يسهل
منور :)
smsmzeros 29-08-2012, 01:17 AM ايه يعم خالد النكد دا ومن اول السنه حرام عليك يا اخى تفأل بالخير تجده انتا راجل عارف ربنا
عيب عليك لما يتملكك اليآس والضعف دا
على فكره فسنه 3 هتجيب اكتر من مجموعك السنادى ومستعد احلفلك بس اخاف الظروف
فشد حيلك واعمل اللى عليكى وربنا مش هيضيعك
ويريت مشفش منك موضوع زى دا تانى
Asa7be Wawa 29-08-2012, 04:50 AM يا عم انا لسه مبدأتش حاجه و زى الفل لسه تلت أيام ان شاء الله عادى يعنى
lolo cat 29-08-2012, 10:50 AM يعنى احنا لسة فى 8 وقاعد تقول هضيع والله حرام عليك
بس ابداء ذاكر كل درس بد ما تيجى منه لى طول واكتب الواجب بتاه
وقبل الحصة راج ليه بسرعة وباذن الله108% :) تفائلوا بلخير تجدوه
sameh mostafa 29-08-2012, 01:20 PM اعمل اللى عليك وبس
KhaleD Moustafa 29-08-2012, 01:46 PM ربنا يگرمگم ويجزيگم گل خير
الحمدلله الأمور بتتيسر بفضل الله وهي لحظة إحباط وراحت
جزاكم الرحمن فردوسه الأعلى ووققكم لما يُحب ويَرضى .. آمين
:)
بحر_الامل 29-08-2012, 08:56 PM احيب اضيف تعليق لسة قريه هيفيدك
(
حتى الفشل منه [ مُزيف ] و منه [ حقيقي ] !! و للتفريق : الفشل الحقيقي هو الذي [ نتعلم ] منه !! ..
صدى الدمعة 01-09-2012, 04:11 AM السلآم عليگم والرحمه
إزيگوو ؟!
أنا مضايق چداً ي چماعة ؛ عشآن مش عارڤ أظبط أموري .. يعني أنا لحد دلوقتي مش بدأت دروس .. أنا بشوف مدرسين بس تقريباً گلهم بدأوا وأنا هبدأ معاهم متأخر :(
ومشتت يعني مش عارڤ أعمل إيه أچيب گتب إيه ولّا هذاگر إزاي ؟! وهعمل إيه ف الإنچلش هحل إزاي أنا مش اللغة عندي ضعيفة چداً إزاي هحل وأفهم الأسئلة وأذاگره ؟! وگذلك العربي النحو وغيره ؟!
أنا أحبطت وحاسس إنّ مش هأعمل حاچة والسنة ضاعت عليا ومفيش مخرج هخش معهد يعني هخش ومش هفلح ف حاچة :(:(
وقال عاوز أچيب 99٪ ! .. شر البليّة م يضحگ ..*
ياريت تطلع الكلام ده من بالك نهائي ومتفكرش فيه خالص:stickjo4:
استعن بالله كده وتوكل على الله
مفيش حاجة مستهلة القلق والاحباط ده كلو
وبعدين احنا لسة في اول سنة ....... يعني قدامك وقت طويييييييييييل ان شاء الله هتنجز فيه وتزاكر وتحل وتعمل الي انت عاوزه
والاهم من كده انك متحملش نفسك اكتر من طاقتها ( لايكلف الله نفسا الا وسعها)
والله الموضوع سهل مش صعب عايز شوية صبر وجهد مع توكل على الله سبحانه وتعالى
بالتوفيق يا خالد :):)
Marry Sam 01-09-2012, 11:15 AM و من يتوكل ع الله فهو حسبه ..
If you don`t succeed , try , try and try again
|