لسلام عليكم
حقيقى انا فى حيرة من امرى احتمال اطول فى الكتابة شوية بس حقيقى انا تعبت ومش عارف اعمل ايه
اولا : انا بكالوريوس وشغال معلم حاسب الى بمدرسة حكومة واتعينت الحمد لله وكانت البداية لازم دبلوم عام فى التربية والحمد لله اخذتها من معهد الدراسات التربوية جامعة القاهرة تعلم عن بعد بتقدير جيد تمام
ثانيا : فكرت انى ادخل مجال الماجستير والدكتوراه ووجدت مفارقات غريبة هتجننى ومش عارف اعمل فيها ايه
1- ذهبت لجامعة القاهرة علشان اقدم دبلوم خاصة قالولى لازم تكون جايب جيد فى الدرجة الجامعية الأولى مع العلم الشرط ده مكنش موجود قبل كده فى جامعة القاهرة وانا طبعا جايب التقدير الشعبى مقبول
2- قولت الف شوية فى بقيت الجامعات روحت حلوان قلولى نفس الكلام لأ وزيادة فى دبلومة مهنية روحت عين شمس قلولى نفس الكلام ده كمان ايه الجديد لازم دبلومة مهنية الأول وبعدين دبلومة خاصة وبعدين الماجيستير
3- قولت امرى لله اقدم فى جامعة بنها الوحيدة اللى مش شارطة موضوع المؤهل والتقدير مقبول عادى بس الأول دبلومة مهنية وبعدين خاصة وبعدين الماجستير والتقديم يبدأ يوم 25 / 8 2012 قولت مفيش مشكلة
4- المفارقة العجيبة اللى انا مش فاهمها روحت بالصدفة بعد العيد روكسى قولت ياد بس على جامعة عين شمس الدراسات العليا يمكن فى جديد وبالفعل
نزل منشور بيقول مش شرط تقدير جيد فى المؤهل الأصلى قولت الحمد لله الأغرب اكتر ان البلومة الخاصة بعد العامة على طول يعنى مفيش مهنية زى بقيت الكليات المهنية لخريجى كليات التربية فقط غير الجامعات التانية المهنية لأى حد
انا بقى دلوقتى فى حيرة مش عارف اعمل ايه وتعبت وعايز حضرتك تجاوبينى على الأسئلة اللى هقولها دلوقتى
1 - ادخل الدبلومة المهنية الأول فى جامعة بنها ؟ ولا
2- ادخل الدبلومة الخاصة جامعة عين شمس ؟ ولا
3- انا خايف اخش الخاصة عين شمس ويعدين اجى اسجل الماجستير يقولولى لازم يا حبيبى تكون معاك دبلومة مهنية مع الخاصة ويتغير النظام السنة اللى جاية انا مش عارف حقيقى انا تعبت قوليلى اعمل ايه اتصرف ازاى وجزاكى الله عنى خيرا
معلش على الإطالة:rolleyes::rolleyes::rolleyes:

وعليكم اسلام ورحمة الله وبركاته

في جامعة طنطاخريج كلية التربية يلتحق بالدبومة المهنية سنة
غير كلية التربية يلتحق بالدبلومة العامة سنة

بعد ذلك يمكن لأي منهما الالتحاق بالدبلومة الخاصة سنة أخرى. إذن لن يدخل الدبلومة الخاصة مباشرة بعد الجامعة مهما كان تقديره.

لا أعرف كيف تقبل جامعةأخرى بدبلومة خاصة مباشرة؟!

مرحبا

متمسكش في حاجه فرديه
بمعني لو روحت للجامعه الوحيده ايلي مفيهاش مهني ممكن بعدين يكون فيها قيود متقدرش عليها بالجامعه
اما لو اخدت الدبلوم المهني وايلي هو اساس قبل الخاص ثم الماجستير كده انت ممكن تكون حر بالانتقال من جامعه لجامعه اذا لم يعجبك شئ فيها او حصل اي مشكله لا قدر الله مش هتبقي محكوم بقي زي ما الجامعه الاولي حكمتك
متخليش قدام نفسك طريق واحد مفيش غيره اختار الاتجاه ايلي مممكن توصله بأكتر من طريق
دي وجهه نظري ولك حريه الاختيار

لابد من الحصول على الدبلومه المهنية اولا ثم التسجيل للدبلومه الخاصة ثم الماجستير والدكتوراه

السلام عليكم
انا استخرت ربنا وذهبت اليوم الى جامعة عين شمس علسان اقدم فيها
ولاقيت الأتى
1- علشان اقدم دبلوم خاص لازم اكون معايا طبعا الشهادة الجامعية + الدبلوم العام فى التربية + افادة من المدرسة انى مدرس على راس العمل وقيمة الدبلومة 1070 جنيه وطبعا ده لغير كلية التربية
2- اما لخريجى كلية التربية يأخذ الأول دبلوم مهنية ثم دبلوم خاصة
3- يتم بعد ذلك التحضير لرسالة الماجستير
واى استفسار انا تحت امر حضراتكم سواء فى جامعة بنها او عين شمس او حلوان او القاهرة
وشكرا

السلام عليكم
انا استخرت ربنا وذهبت اليوم الى جامعة عين شمس علسان اقدم فيها
ولاقيت الأتى
1- علشان اقدم دبلوم خاص لازم اكون معايا طبعا الشهادة الجامعية + الدبلوم العام فى التربية + افادة من المدرسة انى مدرس على راس العمل وقيمة الدبلومة 1070 جنيه وطبعا ده لغير كلية التربية
2- اما لخريجى كلية التربية يأخذ الأول دبلوم مهنية ثم دبلوم خاصة
3- يتم بعد ذلك التحضير لرسالة الماجستير
واى استفسار انا تحت امر حضراتكم سواء فى جامعة بنها او عين شمس او حلوان او القاهرة
وشكرا


طيب بالنسبة لنسبة الحضور فى الكلية لأنى من محافظة اسكندرية والسفر للقاهرة صعب فيه ليها حل ؟؟؟؟؟؟؟؟؟؟؟؟؟

السلام عليكم ورحمه الله وبركاته
انا ليا سؤال لحضرتك بس خارج اطار الدبلومه اللي حضرتك هتحضرها السنة دي
حضرتك قولت حضرت دبلومه الكترونيه السنه اللي فاتت
انا عاوزة اعرف نظامها ايه وبكام وكده
انا خلاص هقدم غالبا بكره ان شاء الله في بتاعت عين شمس بس مش الكترونية وهقدم نظام العام الواحد
وكنت عاوزة استني للسنه الجايه اقدم في الالكترونية دي بس معرفش اي حاجه عنها
يا ريت تفيدني وتقولي رأيك اعمل ايه؟