يا جمااااااااااااااااااعة انا كتبت رغبة اولي طب اسنان القاهرة وجاتلي اسنان القاهرة
دلوقتي بقي عايزة طب بشري عين شمس ومجموعي اعلي من طب بشري
رحت جامعة القاهرة مكتب التنسيق قالولي روحي عند مكتب التنسيق اللي في عين شمس وهو اللي هيحولك عشان اللي رايحة له تحولي منه
رحت عين شمس قالولي رووحي القاهرة مكتب التنسيق العمومي
وفي واحد قابلته قالي لا انتى تحويل ورقي ولسه مفتحش وعايز منى بيان حالة من كلية طب اسنان انى فيهاااا
وواحدة تانية قالت انتى تعديل ترشيح وبرضه لسه مفتحش وتقريبا هيفتح علي اول الدراسة
دلوقتي بقي انا مش عارفة اعمل ايييييييييييييييييييييييييييييييييييييه ومش عارفة هقدم في طب اسنان ولا لا عشان احجز مكان ليا ولا هعد مستنية تعديل الترشيح وهو هيكون علي اول الدراسة انا لو فضلت مستنية مش هروح اي كلية خااالص
بجد انا متلغبطة اووووووووووووووووووووووووى ياريت حد يقولي :angry2::angry2:

خليكي في أسنان ( كنصيحة ) و متسمعيش كلام اللي حواليكي

بصى هو انتى لو عملتى تحويل لبشرى من اسنان ع الالكترونى يبقى ان شاء الله هتتقبلى لو ما اتقبلتيش هتروحى تعملى تحويل ورقى عادى جدا ف كليه طب بشرى اللى عاوزة تحولى ليها وتدفعى مصاريف التحويل هناك ويكون معاكى بطاقة الترشيح اللى فيها اسنان بردة لانك هتطلبى تحويل لبشرى وان شاء الله خير واى استفسار اتفضلى

انا بردوا نصيحتى انك تفضلى فى اسنان انت مش وش البهدلة دى.
انا قريبتى فى امتياز طب بشرى السنة دى و بتقولى ان اكبر غلطة انها دخلت طب بشرى و انها متنفعش للبنات و بهدلة و انا بابا و اخويا بردوا طب بشرى و مش موافقين خالص انى اخشها.
و معظم الناس قالولى ان اسنان احسن من طب بشرى للبنات و انا مش موافقة اصلا على التفكير التقليدى ده ان الناس لازم تخش بشرى او هندسة و اى حاجة تانية تبقى مش حلوة.

و عشان تتأكدي من صحة كلامي وكلام داليا ... خشي شوفي من على موقع الأستاذ في تقريبا 4 من أوائل علمي علوم على مستوى الجمهورية داخلين طب أسنان من ضمنهم شيري وديع دخلت طب أسنان عين شمس .

أعتقد العملية مش عملية استسخار مجموع ... ومع ذلك لك القرار

ان شاء الله تحولى طب عين شمس

انا من رأيي ان الطب البشري اكتر من رائع هو صعب شوية بس مين بينجح في اي مجال من غير تعب ولو كان على طوله فده عادي والله ..... يعني ما تخديش فكرة وحشة عن الطب البشري وفي النهاية اللي جاب مجموع ومادخلش بشري فده مش معناه انه اعتراف انها وحشة يمكن يكونوا بيحبوها عندهم فيها طموحات ......كده .... ثقي في نفسك وان شاء الله تعملي الصح ليكي