السلام عليكم..
انا جبت ف الثانوية 75% طبعاً مرحلة تالته و التنسيق هيفتح يوم السبت الجاي 1/9/2012 و كنت عايز اخد رأيكو ف المعهد اللي ادخله
انا دلوقتى اللي اعرفهم معاهد فيها كمبيوتر ساينس هما طيبة فالمعادي و اكاديمية القاهرة الجديدة فالتجمع الخامس و Future Academy ف طريق مصر اسماعيلية و كنت عايز اعرف افضل واحد فيهم علشان اقدم فيه ضروري... ياريت تردو عليا ضروري لأني محتار جداً و اعرف ناس داخلين هندسة فاكاديمية القاهرة الجديدة و بيشكروا فيها جداً و بيقولولي انها افضل واحده فالتلاته دول...ياريت تقولولي رأيكوا...و هل في حاجة ممكن ادرسها ف المجال ده قبل الدراسة يعني لغات برمجة و كده؟!!

كله زي بعضه شوف الاقرب ليك والارخص فى المصاريف وروحله , ابحث عالنت عن دروس لغة c# او html لو حابب الويب ديزاين واتعامل لحد ما الدراسة تبدأ .

اولا احب اشكرك يا بشمهندس على الرد..
ثانيا بالنسبة للدراسة ع النت انا حملت دورة كاملة للغة الـc بس المشكلة ان الكورس ده قديم جدا و بيشتغل على برنامج فيجوال ستوديو قديم فلو انتا تعرف موقع او حاجة ممكن اتعلم منها ياريت تساعدني

ادخل على عرب هارد وير وبوصلة وهتلاقي حاجات تمام وافتح يو تيوب هتلاقي حاجات جامدة برده دا غير بحثك انت مع نفسك

ايه راى حضرتك فى مودرن اكادمى من حيث الشهادات والعمل ومعهد الدرسات المتطورة ابنى مرحلة تالتة وراحت الشروق وامبابة واخبار اليوم

اعتقد اكاديمية القاهره الجديده .. قريبتى كانت فيها وبتشكر فيها

ايه راى حضرتك فى مودرن اكادمى من حيث الشهادات والعمل ومعهد الدرسات المتطورة ابنى مرحلة تالتة وراحت الشروق وامبابة واخبار اليوم

المشكلة مش في الشهادة معتمدة ولا لأ , كل الشهادات معتمدة ومعترف بها المهم الشهادة المعترف بيها دي علوم حاسب ولا نظم معلومات ادارية لأن فيه فرق كبييييييير جدا بينهم , علوم الحاسب هي حاسبات ومعلومات انما نظم معلومات ادارية قسم فى تجارة ومعتمدة فى نقابة التجاريين ومش هتبقى معتمدة فى نقابة مهندسي البرمجيات , حاول تدخله اي معهد المهم يكون علوم حاسب , بس لو ادبي مش هينفع للأسف .

شكرا هو علمى رياضة 79.6 امامنا مودرن اكادمى بس بدخل على النت بيقولوا سمعتها مش اد كده وشهادتها لا تماثل الشروق ومش عرفه نظام الساعات المعتمده وربنا يكرمك لسعة صدرك

كويس يبقا هيلحق ان شاء الله , دخله مودرن اكاديمي اول سنة وبعدين حوله من تاني سنة للشروق ومادام شعبة علوم حاسب فى مودرن يبقا شهادتها معتمدة ومعترف بيها , اصل مافيش شهادة معتمدة نص نص , الشهادة يا إما معتمدة او غير معتمدة , وربنا يوفقه ان شاء الله .

الف شكر ربنا يحميك انت وكل شبابنا

فى واحد صاحبي قدم فى الجامعة المصرية الموجودة داخل عين شمس ب 11 الف انا رحي معاة وكان شكلها حلو

بالتوفيق للجميع

طب هى الشروق علوم الحاسب فيها حلوه؟