انا حاصلة على مجموع 401 كان نفسى ادخل صيدله لكن على درجة مدخلتش "قدر الله وما شاء فعل " جاتلى كلية طب بيطرى قدمت تظلم ف مادة الفيزياء انى استحق درجتين ورجعت الورقة وكتبت تقريرى المهم انهاردة اتصلو بيا بيقولولى ان حصلت على نصف درجة مع انى والله استحق درجتين بقول الحمدلله المهم كده مجموعى 401.5 يجيب علاج طبيعى القاهرة انا محتارة اوى ايهما افضل انى استمر فى كلية الطب البيطرى ولا احول علاج طبيعى ياريت تفيدونى

لا علاج طبيعي افضل

اولا مبروك على النص درجة هيه بجد غالية اووى لانها هتدخلك كلية كويسة جدا واحسن كتيير من بيطري دلوقتى الكل بيشكر فى علاج طبيعي يعنى هتبقي دكتورة انشاء الله وهيبقالك دخل مادى كويس جدا فربنا يوفقك وبالنسبة للصيدلة فاحمدى ربنا اكيد ربنا هيوفقك فى المكان ده وافتكرى
" وعسي ان تكرهوا شيئا وهو خير لكم وعسى ان تحبوا شيئا وهو شر لكم والله يعلم وانتم لا تعلمون "

انا برده عملت تظلم يعنى المفروض كان يطلع لى 1.5 درجة وما اخدتهاش وبرده كنت ح اروح صيدلة
بس سواء الدرجات كانت جاتلى او لا انا خلاص استقريت ع بيطرى وعملت التظلم بس عشان اثبت ان ليا حق
خليك ف بيطرى احسن والله دى كلية جميلة وسمعت انه اللى بيتخرجو منها بيشتغلو على طول

الف الف مبروك على النص درجة واعرفى ان حالتك نادرة احنا كلنا محدش فينا اخد حاجة .. الحمد لله
علاج طبيعى أفضل ، وده مش معناه ان بيطرى سيئ

شكرا ربنا يخليكم بس انا محتارة اووووى انا عايزة علاج طبيعى لأنها افضل من البيطرى ولأنى بنت كمان بس العلاج طبيعى فى القاهرة وانا من الأقصر لكن الطب البيطرى قريب منى مش عارفه اعمل ايه[

علاج طبيعى بالنسبة للبنت مستقبلها أفضل توكلى على الله

توكلى على الله وحولى علاج طبيبعى
هى غربه بس ان شاء الله كله هيهون
وهتلاقى الاموةر بسيطه جدا متخفيش م الغربه
جامعه القاهره اى حد ليه الشرف انه يكون فيها
بالتوفيق ..,

انا عملت تظلم لانى حصلت على صفر من 8 فى التعبير مادة الالمانى فى ظلم اكتر من كده يعنى المصحح اللى تتقطع ايده اللى بيضيع على طالب 4فى المائه من مستقبله نقول عليه ايه وموضوع ليس فيه اى خطأ ونتيجة التظلم حصلت على خمس درجات مع ان من حقى 8 درجات يعنى فى النهايه خسرت برضه 3 درجات حسبى الله ونعم الوكيل

حولى علاج طبيعى مستقبله احسن مليون مرة وهتبقى دكتورة ناجحة ان شاء الله

حولي علاج طبيعي
و طب بيطري حلو برضوا
انت استخيري ربنا و شوفي مياله لايه اكتر
و قوليلنا رسيتي على ايه

انا عملت تظلم في ال4 مواد و مخدتش حاجة فمبروك عليك ال نص درجة و اساسا انا لو كنت حتي زدت 5 درجات في التظلم كنت برده هبقي في حاسبات و معلومات

بســـــــــم الله الحي القيوم الذي يقول كن فيكون الحمد لله انا مجموعى 401 نصف درجة تدخلنى علاج طبيعى درجة واحدة كانت هتدخلى صيدله الحمد لله الخيره فيما اختاره الله

بوصى هو طبعا علاج طبيعى احلى

وبيطرى حلو برضو وف كلا الحالتين دكتورة

بس عشان انتى بنت فالاقصر بعيده عن القاهرة وكدا

ولو حبا علاج طبيعى عادى كدا ف مدينه جامعيه يعنى لكل حاجه حل

بس الراى يرجعلك

استخيرى ربنا لانى سمعت ان العلاج الطبيعى بيبقوا اخصائيين مش دكاترة وبيتكتبلهم كدة فى شهادة التخرج انا مكنتش كاتبة علاج طبيعى وجالى بيطرى الحمد لله على كل حال وعالعموم سواء علاج طبيعى او طب بيطرى فاانا اكتشفت انهم افضل من صيدلة وربنا يوفقك يارب

مبروك انك اخدتى 0.5 انا كان لى 3 درجات ومخدتش ربع درجة حتى
انا شايف العلاج الطبيعى احسن من البيطرى فالافضل علاج طيبعى

يا دكتورة سها انا فى علاج طبيعى ودول دكاترة وكارنية النقابة مكتوب فية دكتور والجامعة بيقولولك يا دكتورة معنى كدة ان اخصائى الباطنة مش دكتور يعنى احنا دكاترة طبعا الى سمعتية غلط حضرتك احب اققول لصاحب الموضوع علاج مستقبلها افضل من اى كلية مش تعصب لكليتى لكن الواقع الى بيقول كدة وابحثى على جوجل وشوفى اكيد وبيطرى بردوا جميلة لكن هتشتغلى منها كبنت اية دكتور بيطرى فى الحكونة او تحاليل علاج افضل تقدرى تفتحى عيادة وتشتغلى برا لو قلتى يا سفر العقود هتجرى عليكى بلتوفيق

طب بيطرى افضل بكتير اوى من علاج طبيعى فمجالاته كتيرة اوى عدى معايا ............

1- تعملى معادلة وتفتحى صيدلية (30% ادوية بيطرية و 70% ادوية بشرية ) .
2- اخصائية تحاليل طبية .
3- markreting فى شركات الادوية .
4- تشتغلى فى مزارع خاصة .
5- عيادة خاصة .
6- وحدات بيطرية - مجازر - الحجر الصحى فى المطارات و الموانى .
7- مزارع الجيش و الشرطة .

الكلام ده انا مش جايبه من عندى ده من موقع كلية الطب البيطرى جامعة اسيوط .
انا الحمد لله اتقبلت فى التحويلات بطب بيطرى القاهرة فممكن اساعدك فى المستقبل ان شاء الله .

الكلتين كويسين بس بيطرى افضل

علفكرة بقى مميزات العلاج الطبيعى افضل مية مرة من الاخر صيدلة فى مصر بقالين مع احترانى للمهنة بس فى الدول الاخرى يعنى برة الصيدلة لية وضعة هنا مش مدينهم وضع معنهم من اهم المهن يعنى انت وانت داخل صيدلية مش عارف الى جوة بيبع صيدلى ولا دبلوم تمام عيادة خاصة محدش هيجيلك احنا مش بنهتم بلحيوانات تمام مزارع ه اية يعنى ملكش تعامل مع مريض من اخرها الحلو الى فيها التحاليل الطبية ودول بتوع علوم الاغلب فيها لكن علاج طبيعى بقى تقدرى تشتغلى وتتدربى فى مستشفيات من سنة تانية ماشى اول متتخرجى مرتبك مش هيقل فى مركز خاص عن 1500 جنية تمام تقدرى لو ربنا كارمك تفتحى علطول عيادة او مركز بس تحت اشراف دكتور علاج اكبر منك لحد متعملى ماجستير او يعدى عليكى 5 سنين ماشى ليكى تعامل مع المريض جدا بتعالجى حاجات مفيشحد غيرك يقدر يعالجها هتحسى بقيمتك لو هتتكلمى على الوجهة الاجتماعية اكيد علاج طبيعى لو قلتى يا سفر الدول العربية مطلوبة اوى وفى امريكا مش محتاجة تعملى معادلة تمام و 60 فى المية من خريجى العلاج الطبيعى بيشتغلوا فى امريكا اختارى انتى بقى

اانا كتبت كدة علشان دكتور محمد عبد الكريم ما اكيد موقع الجامعة هيكتب احلى حاجات من اخرها طب بيطرى كويسة طبعا بس فى مصر لاء فى مصر مظرة تانية ليهم مش زى برة هما اهم من الدكاترة البشرين نفشهم وعلفكرة مصر رقم 3 على مستوى العالم بلنسبة للعلاج الطبيعى وعلفكرة احب اققول ان الطب البيطرى ملوش نقابة تبع نقابة الزراعين للاسف

انا كمان عملت تظلم وكنت المفروووووض اخد 6.5 والله وحجات ف الجممممممممع

المهم الحمد لله مادونييييييش ولا الهواااااااااا


المهم علاااااااااااااج طبيعي وماااااافيش مقارنه اصلا بين بيطري وعلا ج طبيعي

توكلي علي الله

انتى علاج يا دكتورة نسمة لو علاج فانا تحت امرك اى خدمة اسالى يا دكتورة

شكرا ليكم ياجماعة يارب يكرمكم والله انا ببقى مبسوطه اووى بردودكم دى ان شاء الله هحول على علاج طبيعى واللى فيه الخير يقدمه ربنا ادعولى بس ان ربنا يكرمنى

بلتوفيق يا دكتورة اختارتى الصح طبعا واى حاجة تحبى تعرفيها عن الكلية والمستقبل بتاعها انا تحت امرك

بلتوفيق طبعا وربنا يكرمك ان شاء الله بس اية تمساح دى

اانا كتبت كدة علشان دكتور محمد عبد الكريم ما اكيد موقع الجامعة هيكتب احلى حاجات من اخرها طب بيطرى كويسة طبعا بس فى مصر لاء فى مصر مظرة تانية ليهم مش زى برة هما اهم من الدكاترة البشرين نفشهم وعلفكرة مصر رقم 3 على مستوى العالم بلنسبة للعلاج الطبيعى وعلفكرة احب اققول ان الطب البيطرى ملوش نقابة تبع نقابة الزراعين للاسف



معلش بس ممكن تعيدى اللى قلتيه دة تانى ......... مين دوول اللى مالهومش نقابه حضرتك جايبه الكلام دة من سورى اكيد دة من خيالك يا انسه فيه حاجة اسمها النقابه العامة للاطباء البيطرين وطبعا حضرتك اخدتى بالك من كلمة اطباء دى ودى نقابه عامة وليها نقابه فرعية ف كل محافظة

ثانيا حضرتك نقابتنا كمان موجودة ف اتحاد نقابات المهن الطبيه اللى هى بتضم اربع نقابات فقط اللى هما الاطباء البشريين واطباء الاسنان والصيادله والاطباء البيطرين يعنى اصلا نقابتكم مش فيها

نيجى بقى للعلاج الطبيعى ليهم نقابه فعلا بس اسمها النقابة العامة للعلاج الطبيعى يعنى مش اطباء اصلا وكمان النقابة دى مش موجودة ف اتحاد نقابات المهن الطبيه واسالى اى احد والكلام دة انا واثق منه

وياريت يا انسه قبل ما تقولى اى حاجة بعد كدة تبقى تتاكدى منها

بخصوص موضوع ايه الافضل لصاحبة الموضوع اعملى استخارة واختارى اللى انت مياله ليه وربنا يوفقك

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

السلام عليكم
دوقتي انا مرحلة تانية وعملت تظلم في العربي وكان الاطلاع يوم 14 اغسطس تمام
اتصلت الحد اللي فات قالي اتصل التلات اتصلت قاليلسة ما جاتش
المهم اتصلت امبارح الساعة خمسة العصر ورد واحد كان عمال يتكلم مع ناس جنبه ويكلمني ي نفس الوقت المهم قالي مزدتش حاجة
ودلوقتي اتصلت تاني رد عليا واحد وقلتله رقم التظلم قالي اسمي بالكامل والمادة وقالي لسة مجاتش من مصر
اعمل ايه دلوقتي؟؟؟؟؟؟؟؟؟؟؟؟؟؟؟؟؟؟؟؟
علما اني قطاع المنصورة

ياريت زى محترمتك وقلتلك يا دكتور مش يا كابتن تقولى يا دكتورة ماشى بلنسبة بقى ان علاج مش ضمن نقابة المهن الطبية فاحب اققول لجضرتك اقرا الخبر الى فية ان نقابة العلاج الطبيعى بعد اجتماع الجمعية العمومية هتبقى ضمنها وكمان هى مكنتش ضمنها بسبب لائحة مالية ماشى وبلنسبة بقى للاطباء فاحنا اطباء لما بنخلص سنة الامتياز بيبقى مكتوب نخطر سيادتكم بان الطالب طبيب الامتياز قد انهى الفترة بتقدير كذة ماشى ودكاترة ودة حكم محكمة مش حكمى انا كمان يعنى معلش ياريت تتدخل وتتعب نفسك على بنود العلاج الطبيعى والمواد واعرف احنا مين احنا لازم نشوف التحاليل والاشعات وبنكتب ادوية وشوف المواد دة مش كلام منى فى حاجة اسمها الدى بى تى يعنى الدكتوراة المهنية شوف حضرتك دى هتتدينا الحق اننا نكتب اى نوع من الادوية لاننا محددين بقايمى نطلب اشعات وتحاليل وحاجات تانية كتير اما بقى انى اققول صلى استخارة فلدكتورة سالت وقالت انا عايزة علاج بس علشان الغربة وبعدين انا حرة علفكرة مش حضرتك الى هتعلمنى اكتب اية انا بلنسبة ليا تجارة افضل اساسا من اخرها ودة ودى والله ما وجهة نظرى يتقالنا فى الكلية والمستشفى من الاصغر للاكبر يا دكتور وانتوا هنا بيتقال عليكوا دكاترة بهايم ومعلش بقى يعنى خريج البيطرى ملوش اهتمام هنا شوف نظرة الناس اية لدكاترة التخسيس والعلاج الطبيعى وليكوا معلش مانا لازم افهمك يعنى انتوا اخركوا اية للاسف مزارع دينا او تكشفوا على البهايم وتقولوا تتدبح ولا لاء وفى الفلاحين يجولكوا بلحمار لو تعب يعنى ملكش اى علاقة بلبشر غير لو اشتغلت فى التحاليل ودى صعبة علوم مستحوذة عليها او مندوبين ادوية تروحوا للدكتور علشان تعرضوا الدوا علية وعلفكرة بيجولنا خريجى بيطرى فى المستشفيات ويعرضوا ادوية علينا ماشى لازمن اعرفك قبل متتدخل انا بقولك كدة لحسن تتفاجئ بسحضرتك فى سنة الامتياز بيبقى مكتوب طبيب الامتياز كذة بنمضى حضور وانصراف فى قائمة اطباء الامتياز ماشى حضرتك وبعدين بلنسبة ان بقى ليكوا نقابة فمبروك معلش اسفة معلومة جديدة اما موضوع اطباء دى فاعتقد ان نقابة الصيادلة مفيهاش اطباء ولا انا غلط ههههههههههه احنا دكاترة بحكم من المحكمة حضرتك ياريت تكون فهمت وانا بنصحك تحول علوم افضل اة والله بلتوفيق يا يا دكتور

مش من شانك انك تدخلى ف اختيارى احول ايه ومش احول ايه فا خليكى ف حالك احسن يعنى

انا كنت حاطط ف دماغى صيدلة ولو ماجتش يبقى طب بيطرى انما علاج طبيعى دى عمرى ما كنت هتدخلها اصلا

وانا والحمد لله اتظلمت ف التنسيق السنة دى واكيد الكل عارف بس انا جايب 97.5 شوفى بقى انتى داخلة كليتك دى من كام وبعدين ابقى اتكلمى اوك

وبعد كدة اتاكدى من معلواتك قبل ما تقوليها ماشى

لا انا متاكدة من معلوماتى اوى وبعدين هى علاج طبيعى مش واقفة عليك اساسا هههه علاج السنادى واخدةمن 97.9 ههههه يعنى عايزها مش عايزها مش هتتدخلها وعلفكرة شوف تصنيف الكليات الطبية اخرها بيطرى اساسا ودة ميقللش منها وانا كنت جايبة 98.3 يعنى كنت اجيب طب ساعتها ولانى عارفة ان التعليم الحكومى فاشل وانا عارفة مستقبل الكلية وعايزة اطلع دكتورة شاطرة فدخلت خاص علشان الاعداد واتعلم صح فياريت بلاش موضوع المجموع دة الاتنين كويسين بلتوفيق يا دكتور

ايه ده مش كده يا جماعة الأختلاف فى الرأى لا يفسد للود قضية ميبقاش الأجابه كده

سؤال يا دكتور محمد
إحنا مجيناش ع كلية حضرتك عشان تيجى علينا و تقول حاجات فيها غلط؟؟؟

دكتورة نور وضحت مميزات كليتها زى ما فى دكتور وضح مميزات طب بيطرى

و كل الكليات الطبية دكاترة ع فكرة من قبل القانون بحكم العرف و ديه مفصول فيها قضائيا و ممكن حضرتك تدور

و النقابة زى ما حضرتك قريت دكتورة نور كتبت إنها مشاكل مادية و أتحلت و حاليا إحنا هاننضم لمشروع العلاج حتى قبل ما يتوافق ع الورق كله و كدا من مجلس الشعب عشان ده حاجة حيوية

و مجموع حضرتك ميخصش حد فى المناقشة لان ببساطة كل سنة مجموعها بيختلف مش عشان الشطارة عشان صعوبة الأمتحانات و التصحيح و ظروف تانية كتير فمعتقدش إن المقارنة بين أى مجموع سنتين ينفع و إلا كنا قلنا بتوع دفعة 2008 اللى دخلوا طب ب97% دول فشلة مع إنهم عدوا بأصعب أمتحان فيزيا مر على الثانوية العامة فى الفترة الأخيرة غير أمتحانات صعبة تانية

و كل الكليات و المجالات فيها مميزات و عيوب و هو ده اللى ع بنائه الواحد بيختار كليته حضرتك كانت عجباك صيدلة و بيطرى إحنا مش شرط نعجب بنفس الحاجة
ما انا عن نفسى مكتبتش بيطرى خالص ولا حتى ملئ فراغات هل ده يقلل من قدرها و لو كل اللى مدخلوهاش مكنوش كتبوها زيى لا طبعا هى كلية محترمة جدا و ليها مجالها

و زى ما حضرتك عايز الناس تحترم كلية حضرتك و مجالك يبقى حضرتك تحترم كلية و مجال الناس الباقية ولا أيه :)

شكرا ليكم ياجماعة يارب يكرمكم والله انا ببقى مبسوطه اووى بردودكم دى ان شاء الله هحول على علاج طبيعى واللى فيه الخير يقدمه ربنا ادعولى بس ان ربنا يكرمنى

ربنا يوفقلك الخير يا رب و إن شاء الله يكون تحويلك اتقبل
التقديم لسا مفتحش و تابعى ع القسم بتاع كليتنا او ع جروب اتحاد الكلية بتاع السنة ديه ع الفيس
و المدينة متقلقيش منها خالص كله بيتقبل حتى اللى بيترفضوا فى الأول بيتقدم ألتماس و يتقبلوا عشان أحنا كلية وحيدة فمفيش بديل أصلا و كمان فى مدينة كاملة تقريبا كلها علاج طبيعى و البنات بالذات بيتقبلوا أسرع :078111rg3:

و إن شاء الله يوم التقديم هاتلاقينا مستنينكوا و بنساعدكوا فى كل حاجة بس عشان متاخديش المشوار كذا مرة متنزليش إلا لما التقديم يفتح و كمان خلصى ورق المدينة من عندك عشان يبقى كل ورقك جاهز :)

يا رب تكونى قبلتى يا دكتورة و ربنا ييسرلك الخير فى كلا الحالتين و ربنا يوفقك فى الكليتين أيا كان أنهى فيهم

سؤال يا دكتور محمد
إحنا مجيناش ع كلية حضرتك عشان تيجى علينا و تقول حاجات فيها غلط؟؟؟

دكتورة نور وضحت مميزات كليتها زى ما فى دكتور وضح مميزات طب بيطرى

و كل الكليات الطبية دكاترة ع فكرة من قبل القانون بحكم العرف و ديه مفصول فيها قضائيا و ممكن حضرتك تدور

و النقابة زى ما حضرتك قريت دكتورة نور كتبت إنها مشاكل مادية و أتحلت و حاليا إحنا هاننضم لمشروع العلاج حتى قبل ما يتوافق ع الورق كله و كدا من مجلس الشعب عشان ده حاجة حيوية

و مجموع حضرتك ميخصش حد فى المناقشة لان ببساطة كل سنة مجموعها بيختلف مش عشان الشطارة عشان صعوبة الأمتحانات و التصحيح و ظروف تانية كتير فمعتقدش إن المقارنة بين أى مجموع سنتين ينفع و إلا كنا قلنا بتوع دفعة 2008 اللى دخلوا طب ب97% دول فشلة مع إنهم عدوا بأصعب أمتحان فيزيا مر على الثانوية العامة فى الفترة الأخيرة غير أمتحانات صعبة تانية

و كل الكليات و المجالات فيها مميزات و عيوب و هو ده اللى ع بنائه الواحد بيختار كليته حضرتك كانت عجباك صيدلة و بيطرى إحنا مش شرط نعجب بنفس الحاجة
ما انا عن نفسى مكتبتش بيطرى خالص ولا حتى ملئ فراغات هل ده يقلل من قدرها و لو كل اللى مدخلوهاش مكنوش كتبوها زيى لا طبعا هى كلية محترمة جدا و ليها مجالها

و زى ما حضرتك عايز الناس تحترم كلية حضرتك و مجالك يبقى حضرتك تحترم كلية و مجال الناس الباقية ولا أيه :)



سورى يا دكتورة ندى هو الموضوع اتحل مع الدكتورة نور وكل واحد تفهم الموقف التانى والحمد لله واعتذرنا لبعض وخلص الموضوع

وشكرا على كلام حضرتك وطريقتك الراقية وفرصة سعيدة

خلاص حصل خير يا جماعة احنا اعتذرنا لبعض ومفيش مشاكل وبعدين الاختلاف فى البط لا يفسد للوز صنية ههههههههههههههه حصل خير بلتوفيق للجميع

علاج طبيعتى طبعـــــــــــــــــــــــــــــــــــا بدون تفكير بيطرى ملوش مستقيبل

علاج طبيعتى طبعـــــــــــــــــــــــــــــــــــا بدون تفكير بيطرى ملوش مستقيبل



نو كومنــــــــــــــــــــــــــــــــــــــــــــــ ـت

علاج طبيعى افضل
وبعدين الاقصر والقاهرة الاتنين فى مصر
ربنا يوفقك

من زجهة نظرى لحبى المجال علاج طبيعى لكن دة رائيى شوفى انتى بتحبى اية وادخلية لكن بيطرى كويسة جدا جدا سيبك من الكلام الى بيقولوة دة دكتور بهايم والكلام دة عادى ما بيقولوا على العلاج الطبيعى مدلكاتية وطب جزارين واسنان نصابين وصيدلة بقالين لكن كل دول دكاترة وبعيدا عن دكتور شوفى الى بتحبية كلة بيكمل بعضة صلى استخارة وربنا يرشدك للى فية الخير واقرئى عن كل مجال علشان تعرفى ميولك فين بلتوفيق

علاج طبيعى هو المستقبل

هو اة طب المستقبل ان شاء الله بس دة ميمنعش ان البيطرى مستقبلة كويس جدا وبعدين دول اطباء الانسانية يعنى لولاهم لكانت امراض كتيييييييرة انتشرت وبعدين كفاية ان الحيوان الى مبيقدرش يتالم هو بيساعدة كلة كويس بلتوفيق

اللهم لا سهل إلا ما جعلته سهلاً وأنت تجعل الحزن سهلاً

اللهم سهل يارب العالمين

امين يارب العالمين جزاكى الله خيرا على دعواكى للجميع

موضوع بصراحة