بسم الله الرحمن الرحيم


دلوقتى انا داخل تالته رياضه ان شاء الله
جبت فى تانيه 86.3% وربنا موفقنيش بس يلا الحمد لله
المهم دلوقتى انا عايز اجيب اقل حاجه 98.5 % فى تالته الموضوع مش سهل بس مش صعب
بس عايز نصايحكم ابدأ السنه ازاى ومذاكرتى تبقا ازاى لاخر السنه ؟
انامعايا مواد : عربى - انجليش - رياضه 2 - فيزيا - اقتصاد واحصا -عربى مستوى
وشكرا ..
ولو عايزين جدول دروسى ممكن احطه ..

Up ^ ...............

ربنا معاك ان شاء الله والحمد لله على كل حال
وزى ما قولت المجموع اللى انت عايز تجيبه ده مش سهل لكن مش صعب ومفيش حاجه بعيده على ربنا واللى ربنا كاتبهولك هو اللى هتنوله فانت شد حيلك وربنا معاك
والله الحكايه مش بتبقى انك تعرف نظام مذاكره الىيخليك تجيب المجموع ده كل واحد وقدراته وكل واحد وليه طريقته
اهم حاجه انك متخليش حاجه تتراكم عليك وتكون مخلص مذاكرتك اول باول ومفتوتش هفوه فى اى ماده وانت مش فاهمها
الحكايه كلها عايزه اهتمام ومواظبه وتركيز وانك تسعى على اد ما تقدر علشان تحقق وتوصل للى انت عايزه
كل المواد عايزه مذاكره اول باول واهم من المذاكره الحل والتمارين كتيير
وكل ماده عايزه اهتمام بطريقه تختلف عن التانيه
العربى عايز مراجعه كتير مع الحل لانه بيتنسى بسرعه وبسهوله
الانجليزى عايز مداومه على حفظ كلمات كتيييييييييير ومراجعة كلمات المنهج والتركيز على الملاحظات اللغويه بتاعة كل وحده لانها بتيجى فى اوجد الخطا وفى الاختيارى فعايزه تركيز فى الحفظ وحل عليها كتير علشان متتنسيش التركيز على الملاحظات اللى بتبقى جديده فى الجرامر ولانجليزى عامة بيبقى عايز حل كتير يعنى لو قدرت تحل اكتر من كتاب او اتنين يبقى كويس
بالنسبه للرياضه بصراحه ماخدتش رياضه اتنين بس الرياضه بردو عامة بتبقى عايزه حل كتير ومستمر واكييد عضو من زمايلنا يكون اخدها ويفيدك
والفيزيا دى باه عايزه تركييييييييييييييز شدييييييييييد جدا عايزه مذاكره كتير وحل اكتررررررررررررررررررر ومتفوتش اى حاجه وانت مش فاهمها ومتفوتش ولا حصه على اد ما تقدر
اما اقتصاد واحصا فمعرفش عنه حاجه لانى ماخدتش الماده دى
والمستوى ده باه مش هياخد منك كتير انت ممكن متبداش فيه ولا تشوفه الا فى اجازة نص السنه مثلا تاخد فكره عن الدروس اللى فيه وكدن وبعد كدن باه تتسلى فيه كل فتره تذاكرلك درس
هم عباره عن 14 درس هم ممكن يكون عددهم كبير لكن فيهم دروس بتبقى صغيره وسهله جدا واحيانا هتلاقى دروس فيها كلام كبير شزيه وصعب انك تحفظه بس انت ساعتها مش شرط تستخدمه ممكن تعبر عنه باى طريقه زى مانت فاهمه بس المهم يكون بيدى نفس المعنى
فانت تنظم وقتك ومذاكرتك على حسب دروسك والحاجات اللى عليك تذاكرها واهم حاجه تراجع اول باول
والدراسه عادة بتبتدى بهدواه شويه ومع الوقت بتذيد المذاكره وبيذيد الجد والتعب
فانت شد حيلك وربنا معاك ومحدش هيعرف ينظم وقتك غيرك انت لانك اكتر واحد ادرى بنظامك وطريقتك فى المذاكره
وربنا يعينك ويوفقك يا باشمهندس ان شاء الله
على فكره مفيش اسهل من الكلام كتير اوى من الاعضاء هنا هيفيدك بكلام ونصائح قيمه جدا
لكن اهم حاجه التنفيذ وانك تحاول تمشى وتستمر فى تنفيذ الكلام ده والاهم المداومه ولاستمرار فى تنفيذ النصائح اللى
هيفيدك بيها زمايلنا هنا
معلش باه طولت شويه
اتمنالك التوفيق وربنا معاك
فى رعاية الله