من وجهة نظرى المتواضعة واحد المعلمين المتضررين من تدنى اجر المعلم


ولا اعطى دروس لان مادتى تربية رياضية وفى الارياف يعنى لا تدريب ولا غيره

بمعنى آخر مرتبى وبس انا تعيين 1992

الحمد لله بادبر امورى وباشتغل احيانا شغل خارجى لاستطيع توفير طلبات اسرتى


كل يوم بنسمع كلام جديد عن الكادر الجديد وبنحلم نكون زى باقى خلق الله لا نريد تمييز او تفرقه لكن سبحان الله

كل الناس اللى مرتباتها زادت بعد الثوره هى اللى كانت مرتباتها كبيره

الضرائب والبترول والكهرباء وشركات المياه والشرب والصرف الصحى والمحليات

حتى اخوانا الاداريين اللى فى التربية والتعليم مرتباتهم زادت عن مرتباتنا


المهم اللى يرضينى ويرضى كل زملائى اللى زى حالتى

الاساسى يكون 1200 جنيه
وعن كل سنه خبرة 100 جنيه
الكلام ده يكون من 1/10/2012

ومن العام القادم يكون الاساسى 1300 جنيه
وعن كل سنه خبرة 100 جنيه
الكلام ده من 1/7/2013


اما فى 1/7/2014
يكون الاساسى 1400جنيه
وعن كل سنه خبره 100 جنيه


وفى 1/7/2015
يكون الاساسى 1500 جنيه
وعن كل سنه خبره 100 جنيه


يعنى مقدرين ظروف البلد وهنقسط المرتب على خمس سنوات لنحصل على جزء من حقوقنا

ولا مساس بمكافاة الامتحانات


امات الدورية التى كنا نحصل عليها

فستكون

المعلم المساعد 50 جنيه

المعلم 75 جنيه


المعلم الاول 100 جنيه

المعلم الاول أ 125 جنيه

المعلم الخبير وكبير المعلمين 150 جنيه


الزياده دى سنويا فى اول السنه الماليه


وتكون كشوف المرتبات من 5 خانات فقط

الاساسى

تكلفة سنوات الخبرة

المستقطع


الصافى


التوقيع

مثال للتوضيح


معلم اول خبره سنه على معلم اول و15 سنه فى التعليم


الاساسى 1200
سنوات الخبره 100* 15 = 1500

المستقطع مثلا 200 جنيه

الصافى

1200+1500=2700-200=2500 جنيه

ثم اضافة100 جنيه دوريه

يكون راتبه = 2600 جنيه


زود كل سنه 200 جنيه

ارجو من كل الزملاء المشاركة والتعليق الجاد يمكن يصل صوتنا الى من يهمه الامر

لا والله ما ده حقنا حقنا تكون الميزانية التعليم 20 فى الميةزى اى دوله تانية عندها المدرس رقم 1 فى الدولة وكل الناس زادت البنوك والبرول اللى مرتبهم 4000 زاد اكتر والله ده اللى حصل مش 4 فى المية ويكون اقل مرتب للمعين 3000جنيه حرام اللى بيحصل فى مصر فى التعليم مناهج وادارة ومرتبات النظام التعليمى لازم يتغير خالص

لا والله ما ده حقنا حقنا تكون الميزانية التعليم 20 فى الميةزى اى دوله تانية عندها المدرس رقم 1 فى الدولة وكل الناس زادت البنوك والبرول اللى مرتبهم 4000 زاد اكتر والله ده اللى حصل مش 4 فى المية ويكون اقل مرتب للمعين 3000جنيه حرام اللى بيحصل فى مصر فى التعليم مناهج وادارة ومرتبات النظام التعليمى لازم يتغير خالص




انا معاك بس نبدأ الاول وبعدين القادم سيكون افضل باذن الله تعالى