مشاهدة النسخة كاملة : جاءنا الآن بخصوص الكادر للمعلمين


صاحب ترقية
31-08-2012, 04:29 PM
احمد الحلواني يتحدى فئة المعلمين
وقال بالأمس في إحدى المداخلات على الهواء أن خروج المعلمين للتظاهر يوم 10 سبتمبر
هذا من بعض المعلمين القلة الذين يريدون تعطيل العملية التعليمية ولن يؤثروا

وأكثر المعلمين على وعي تام بأن ظروف البلد لا تتحمل مثل هذه المهاطرات

وقال يجب على المعلمين إدراك ظروف البلد الإقتصادية
وأن المعلمين الأن أعلى فئة تتمتع براتب كل الجمهورية تتطلع إليه
ويجب على المعلمين حمد الله
........................
يعني ما فيش كادر (هذا الحلواني اللي أنتم اخترتوه تحملوا أيها المعلمون )

salahtola
31-08-2012, 05:18 PM
اذا قال ذلك فسيرى ماسيفعله المعلمون وموعدنا يوم 10/9

من يضحك اخيرا يضحك كثيرا

يسمينات
31-08-2012, 06:11 PM
بالفعل سمعت هذه المداخلة واتحرق دمي وارتفع الضغط

وموعدنا يوم 10/9 يا حلواني

ابراهيم حمدى 1
31-08-2012, 06:18 PM
موعدنا يوم 10/9 يا حلواني

ابراهيم حمدى 1
31-08-2012, 06:21 PM
سوف تشاهد درساً لن تنساه يوم 10/9 ..لقد غرتك السلطة وأصبحت تتحدث بلسان النظام السابق

مجدى المنياوى
31-08-2012, 06:52 PM
كله كلام وتصريحات لا يوجد تغير فى الكادر

طه السعدني
31-08-2012, 07:07 PM
يا ريت تخف و ترحمنا من تصريحاتك اللي بقت أكثر من رئيس الوزراء في مدخل العمارة و الحمام و التلفزيون نروح منك فين مش معاها أي مبيد

eldosoqe
31-08-2012, 07:10 PM
جاءنا الآن
قال مسؤول
لقد علمنا
افاد ت مصادرنا
يامعلمى الاجيال انتظروا واصبروا ليوم الاربعاء القادم
وبلاش الظن السىء وبلاش نجرح فى الوزير والنقيب
لااظن انه يوجد مسؤول يريد الاساءة لنفسه ولموقعه
قليل من الصبر وان شاء الله المرحلة القادمة
هى الاهتمام بالتعليم واولها الاهتمام بالمعلم ادبيا ومعنويا وماديا
ولن تطول هذه المرحلة ان شاء الله انها ايام قلائل وستسمعون وتجدوا
مايسركم ويسعدكم وغدا لناظره قريب

الطاووس3
31-08-2012, 07:54 PM
ظروف البلد يا ذي النظام يا ك المرشد نهايتكم قربت يا منافقين

داليا 2012
31-08-2012, 08:11 PM
الكادر لل مخدش
ال أخذ كادر عايز تانى
مش مهم المبلغ كام ولا المرتب كام
المهم مصطلح كادر
للأسف نشعر بالحسرة مقارنة بموظفى الدولة
عزائى الوحيد
الرسالة السامية
رسالة الرسل والانبياء

bob1111
31-08-2012, 08:31 PM
احمد الحلواني يتحدى فئة المعلمين
وقال بالأمس في إحدى المداخلات على الهواء أن خروج المعلمين للتظاهر يوم 10 سبتمبر
هذا من بعض المعلمين القلة الذين يريدون تعطيل العملية التعليمية ولن يؤثروا

وأكثر المعلمين على وعي تام بأن ظروف البلد لا تتحمل مثل هذه المهاطرات

وقال يجب على المعلمين إدراك ظروف البلد الإقتصادية
وأن المعلمين الأن أعلى فئة تتمتع براتب كل الجمهورية تتطلع إليه
ويجب على المعلمين حمد الله
........................
يعني ما فيش كادر (هذا الحلواني اللي أنتم اخترتوه تحملوا أيها المعلمون )
المعلمين أعلي فئة تتمتع براتب لو الراجل ده بيتكلم وهو مصدق الل بيقولو يبقي كارثة ان نقيب المعلمين مش عارف ان في معلمين لسة بتقبض مرتب 275 جنية ولا هو بيمثل نقابة المعلمين في قطر يا اخوان احنا اقل فئة في المرتبات حتي اقل من المحليات مازلنا يحتسب بدل العتماد وبدل المعلم علي اساسي السنة السابقة وباقي الدولة ياخذون حافز اداء 200% علي اساسي السنة الحالية اليس هذا ظلم ويطلع يقول احنا اعلي فئة في الجمهورية يعني احنا معديين البنوك والبترول والكهربا والجامعةو .......... الخ احنا مش محصلين غفير او فراش في بنك او بترول
احب اقول للسيد النقيب احنا نازلين الثورة لتحقيق العدالة الجتماعية وردا علي كلامه احنا مش راجعين قبل ماتتساوي مرتبات اي موظف بمرتباتنا

مُحبة القرآن
31-08-2012, 08:42 PM
كلكم تعلمون أن هذا الحلواني صاحب مدارس خاصة ولا يهمه أن يأخذ المعلمون الكادر أو لايأخذونه أو يزيد راتبهم أو لايزيد متفرقش معاه لأنه عايش في برج عاجي زي أي حد من كبار الإخوان اللي لهم شركات أو مشروعات ... يعني مش حاسين بغيرهم ... ولا يهمهم هل المعلم يستطيع أن يكفي من يعولهم أو لا يستطيع ؟؟؟

موفاسا سيمبا
31-08-2012, 09:12 PM
اللهم وفق رئيس جمهوريتنا إلى ماتحب وترضى

Super Teacher
31-08-2012, 09:18 PM
موعدنا يوم 10/9 يا مصخاني

صبرى عبدالحى
31-08-2012, 09:19 PM
تعالوا نتجمع معلمون مع اداريون صدقنى


بالنسبة للإداريين بالتربية والتعليم قرار الخصم قرار باطل قرار موفض الدولة قرار باطل ولايعتد به النظام لم يتغير جميل يعنى المشكلة علة مكافاة الامتحانات وتراجع وزير المالية بفصل مكافة الامتحانات عن حافز الاثابة والكادر قرار صرف المكافة قرار واحد ازاى مفصولة عن كادر المعلم ومحسبوبة فى حافز الاثابة انى ارى حذف المكافأ من التربية والتعليم عن الاداريين والمعلمين وصرف الحافز بنسبة 200% بأثر رجعى ووالرجكه الللى عملها الجنزوى باضافة حافز 50% للإداريين وسرق منهم 33% للدولة وهو ده الجنزورى فلا بد م ن الغاء مكافأة اإمتحانات من التربية والتعليم عن المعلمين اولا و الاداريين أيضا اين رئيس الحكومة من تطبيق العدالة الاجتماعية نحن ننفذ تعليمات بطرس بطرس غالى بوجود ممتاز السعيد ما قاله بطرس فى حافز الاداريين ينفذه ممتاز السعبيد يعنى الدولة خربيت معتاش الا ممتاز السعيد يبقى فى المالية تلميذ بطرس غالى قفلت ثورة ثورة ثورة النهاية انت قاعد فى بيتك اطلع غير مصيرك بيدك حفك منهوب اطلع هات حقك وحقك ابنك ثورة ومازال الفساد يتوغل فى ضعف حكم الاخوان اننا كنا لانتصور ان الاخوان بهذا الضعف تصريحات براقة

داودعلى
31-08-2012, 09:30 PM
منذ فترة وقبل انتخابات النقابة عدد الحلوانى ماسوف يفعله للمعلمين مانحلم به ومالم نحلم
قلد غرك الكرسى مثلك مثل غير فانت فى الاخر اخوانى
وارجع واقول ان الحلوانى اخوانى............او حلوانى اخوان بالهنا واشفا

محمدحسن2000
31-08-2012, 09:35 PM
موعدنا 10/9 وهتشوف القله اللى بتقول عليها

ابو محمد ع م
31-08-2012, 09:45 PM
يامعلمى الاجيال انتظروا واصبروا ليوم الاربعاء القادم

خالد عبدالحميد33
31-08-2012, 10:22 PM
الحلواني كذاب وهدفه افشال ثورة المعلمين
يبدوا أن الأخوان عرفوا من مبارك الأساليب اللي تخليهم يستمروا في الحكم 30 سنة :slap1qk6:
علي أساس أن اللي اتخرب في 30 سنة يتصلح في 30 سنة كمان
وطولة العمر تبلغ الأمل وسلمولي علي الثورة :av4056bb7jp3:

صاحب ترقية
31-08-2012, 10:48 PM
لا تتخاذلوا يوم 10 سبتمبر

عوضكو
31-08-2012, 11:28 PM
لا تراجع ولا استسلام يوم 10 /9

محمد انور منتصر
01-09-2012, 12:10 AM
جاءنا الآن
قال مسؤول
لقد علمنا
افاد ت مصادرنا
يامعلمى الاجيال انتظروا واصبروا ليوم الاربعاء القادم
وبلاش الظن السىء وبلاش نجرح فى الوزير والنقيب
لااظن انه يوجد مسؤول يريد الاساءة لنفسه ولموقعه
قليل من الصبر وان شاء الله المرحلة القادمة
هى الاهتمام بالتعليم واولها الاهتمام بالمعلم ادبيا ومعنويا وماديا
ولن تطول هذه المرحلة ان شاء الله انها ايام قلائل وستسمعون وتجدوا
مايسركم ويسعدكم وغدا لناظره قريب

:mad::mad::mad: حرام عليك بلاش تسويف للموضوع حرام معا 10/9/2012

ابوسمرة88
01-09-2012, 12:12 AM
احنا لم نحتاج الى الكادر ولكن نخرج لاسقاط الحلوانى وامثالة

احمد حاكم
01-09-2012, 12:19 AM
من غالي الحرامي الي تلميده السعيد ...لاتبالي بما يحمله لك المعلمون من كل كره لانك تلميذي
اكرر النداء يا سعيد انا غالي الحرامي اسمع كلامي لاتبالي بالمعلمين ولا التعليم لان ماما امريكا تريد ان تجعل من الشعب المصري شعبا جاهلا ...افعلها ياسعيد ولاتعطيهم كادر علشان ربما تيجي لندن وتحصلني ومتنساش ممكن تروح امريكا تتعالج علي حسابي اقصد علي حساب الشعب الغلبان....

alamed
01-09-2012, 12:22 AM
اخوان كاذبون لاعهد لهم

الزاهد73
01-09-2012, 12:23 AM
لابد من الموضوعية و تحكيم العقول قبل ما نتبع كل ناعق يريد الخراب و الفوضى ايها المعلمون فلنحمد الله اولا على ما نحن فيه حتى لا تزول النعمة و للنظر الى من هم ادنى منا و لا تقولوا لا يوجد ادنى من المعلم لأ يوجد الكثير و اذكركم ان الانسان لا يشعر بالنعمة الا اذا حرم منها

waelfarouk
01-09-2012, 12:26 AM
حسبى الله ونعم الوكيل

هشام الضبع
01-09-2012, 12:30 AM
لما نشوف حيقوللنا يوم الأربعاء القادم 5/9/2012 ايه .

حاتم مصادف
01-09-2012, 12:38 AM
موعدنا يوم 10/9

yarash
01-09-2012, 12:40 AM
بالفعل نحن نخدع بكلمة كادر ويثيرون الرأي العام ضد كل معلم يرفع صوته ليتساوى فقط راتبه براتب زميله في المحليات فنحن أقل فئة في المجتمع تحصل على راتب لأن نصف هذه ال200 % تحتسب على أساسي سابق بينما جميع العاملون بالدولة يحصلون على ال200% من الأساسي الجديد ، ثم لماذا لا يكون الحافز 200 % مثل باقي موظفي الدولة ، وإذا أراد أن يطبق كادر يكون بنسبة واحدة لجميع المعلمين حتى نعرف رؤوسنا من أقدامنا ، وستكون الأقدميات محفوظة تبعاً لأساسي كل معلم حسب أقدميته ؟؟؟؟؟؟؟؟؟؟؟ ولا عزاء للمعلمين .........................

almoalem
01-09-2012, 01:09 AM
[quote=صاحب ترقية;4800703]احمد الحلواني يتحدى فئة المعلمين
وقال بالأمس في إحدى المداخلات على الهواء أن خروج المعلمين للتظاهر يوم 10 سبتمبر
هذا من بعض المعلمين القلة الذين يريدون تعطيل العملية التعليمية ولن يؤثروا

وأكثر المعلمين على وعي تام بأن ظروف البلد لا تتحمل مثل هذه المهاطرات

وقال يجب على المعلمين إدراك ظروف البلد الإقتصادية
وأن المعلمين الأن أعلى فئة تتمتع براتب كل الجمهورية تتطلع إليه
ويجب على المعلمين حمد الله
........................
يعني ما فيش كادر (هذا الحلواني اللي أنتم اخترتوه تحملوا أيها المعلمون )[/quote
انتو عاملين زى النخبة اللى بتتكلم فى الفضائيات بس بدون عمل عاوزين كل حاجة على الجاهز قاعدين على الفيس بس تفيسوا اما الناس دول بيتحركوا فى صفوف المعلمين
الاول جابولهم نادى الشاطىء بعد 10 سنين
وعاملين انشطة رياضية ورحلات ومصايف وخدمات ومعارض واخيرا على اول السنة سيتم تطبيق الكادر
انا مش عارف انتو عاوزين ايه بالضبط ارحمونا بقى من كلامكم اللى لايودى ولا يجيب انتو يوم لما تتجمعوا ماتجبوش 100 واحد من كل المحافظات سيبوا الناس تشتغل الدنيا اتبنت فى ست ايام

أحمد هاشم الزيدي
01-09-2012, 01:26 AM
موعدنا 10/9 السيد الوزير

mohammed733
01-09-2012, 01:46 AM
كل حاجه ظروف البلد وكل سنه الكلام ده طيب فين ظروف البلد في الشرطه ولا البنوك ولا الضرائب ولا علشان احنا الحيطه الواطيه ولا علشان احنا ماعندناش كرامه طيب فين الظروف دى من تعاقد الوزير مع رجال الأخوان النصابين تظ فيك يا حلوانى

e_thestar
01-09-2012, 01:48 AM
يا ساتر يارب

عبدالناصر اسماعيل
01-09-2012, 03:50 AM
إلى الزملاء الأفاضل المنتمين إلى جماعة الاخوان ياريت ترحمونا من كلامكم
لأن واضح جدا انكم تنفذون ما يطلب منكم وهو محاولة إثناء المعلمين عن مطالبتهم بحقهم
فياريت تبعدوا عننا وتخليكم في حالكم
إن شاء الله يوم 10/9 ثورة المعلمين

geeeno
01-09-2012, 03:57 AM
يا اخي حراااااااااااام عليك احنا مش طالبين غير انك تساوينا بالعمال والفنيين اللي في الكهربا والبترول اللي مؤهلاتهم دبلوم
هو انت فاكر اننا مستمتعين باننا بندي دروس
كفايه اهانه بقي من حقنا ناخد مرتب يعيشنا محترمين
ليه هو احنا منستاهلشي نعيش وللا ايه

geeeno
01-09-2012, 04:03 AM
بلدنا عمرها ما هتنهض الا بينا نحن المعلمين ونحن لن نستطيع ان نعيش براتب 620 جنيه في الشهر فلازم ندي درو س فهل مستقبل بلدنا سينهض بهذه الدروس الخصوصيه
يا اخي
القصه مش قصه فلو وكادر زياده لأ احنا عاوزيم تكون لينا مكانه في بلدنا علشان برده بلدنا لاننا اصل الاصلاح وبدايته

emtech
01-09-2012, 09:32 AM
المعلمين اقل فئة فى الدولةوانت لا تعلم ذلك لانك لست من المعلمين انت ممن غرتهم السلطة ولكن اعلم ان لكل ظالم نهاية وتذكر مبارك وان شاء الله يجب ان تعلم ان من وضعك فى السلطة قادر على اذلالك وانتزاعها من ووقتها لن يرحمك احد

حسبى الله ونعم الوكيل فيك وامثالك ممن يتلاعبون بالحقيقة

ahmed salh
01-09-2012, 09:44 AM
سوف يعملون ع تشتيت صفوف المعلمين وزراعة التافرقة بينهم والضحك عليهم اعلاميا وشعبيا يجب النزول في اليوم المحدد من كل المعلمين اذا لم يكن مايسفر عنة يوم الاربعاء القادم ليس الذي نطالب بية
والحذر من الكاذبييييييييييييين ومن
الاعلام الوجة والمضلل وخاصة الجزيرة مباشر مصر وغيرها

mokhtar2002
01-09-2012, 11:38 AM
اسمع ايها المعسلانى (الحلوانى) ان غدا ناظره لقريب
موعدنا 10 سبتمبر ونشوف انا عن نفسى معتصم

Mr/Ali Aswan
01-09-2012, 11:53 AM
والله العظيم انا مش فاهم الناس ديه ايه يعني نقيب المعلمين يولعها ويقولك 1500 جنيه و1000 والتاني يطفيها ويزعلو لما المعلمين يعشمو يعيني مساكين كل مره يصدقو انو ممكن مرتبهم يعدي الالفين جنيه وكلها لعب بمشاعر وقلوب الناس خليتو المدرسين بدل مكانو هيسافرو ويشوفو بلد تاني يظبطو نفسيهم يعتمدو علي اشاعات كاذبة مستفزه تثير الفتن حسبي الله ونعم الوكيل طب مكنتوش تقولو من الاول بتجطو نفسكم في مواقف وحشه

Mr/Ali Aswan
01-09-2012, 11:54 AM
كل مره كده المعلمين يضحكو عليهم بكلمتين جلوين ياجماعه متقولوش من الاول وتريجونا وقولو الحقيقه مفيش فلوس خلاص لكن كل مره وعود كاذبه

boltmaged
01-09-2012, 12:12 PM
يا حلوانى يا يوم 10/9

أ/رضا عطيه
01-09-2012, 01:06 PM
"التعليم" توفر اعتمادات مالية قدرها 5 مليارات جنيه لكادر المعلم الجديد.. ومساعد الوزير: لدينا 12 سيناريو لتطبيق القانون.. ومصادر تؤكد: زيادات الأجور لن تصل للأرقام التى أعلنها نقيب المعلمين
السبت، 1 سبتمبر 2012 - 09:17
http://www1.youm7.com/News.asp?NewsID=771982



12 سيناريو فى شهرين مناقشة على الأقل لكل سيناريو

ويمكن السيناريست يتعب أويقول مش لاعب

هانت

كلها سنتين ويفكروا إزاى ناخد حقنا

حسبنا الله ونعم الوكيل

شكرا جزيلا

صاحب ترقية
01-09-2012, 02:57 PM
موعدنا 10 سبتمبر يا حلواني
وسوف تلقن درس قاسي من هؤلاء القلة

seeen
01-09-2012, 03:39 PM
بصوا يا جماعة مع انى متعاطف مع الاخوان ومع انى شايف ان الاخوان اساءوا اختيار الحلوانى ومع انى شايف ان الاخوان مالهمش علاقة بالكادر وانهم لو يطولوا يخلوا مرتب المعلم زيه زى بتوع الكهربا مش حيتاخروا بس انا شايف ان فكرة الاضراب لن تنجح ويار ب يخيب ظنى وتوقعى وتنجح وانا يؤسفنى هذا القول لسببين
1/ لسنا قوة منظمة او قادرة على الحشد
2/ قلوبنا شتى وليست لنا نقابة تدافع عن حقوقنا بالقوة

وبناء عليه اطالب ان نناشد الاعلام ونعمل حالة من الراى العام حول ضياع حقوق المعلمين ونطالب بجدولة تحقيق هذه المطالب على ان تكن مطالب ممكنة وعاقلة ومتدرجة وترضى اقل مرتبة من المعلمين

ويؤسفنى القول ثانية ان غير ذلك هو نوع من ضياع الوقت وتشتيت الجهود ومع ذلك انا اقسم بالله اتمنى ان تنجح اضرابات المعلمين لانه بها وربما بها وحدها يمكن تحقيق مكالبنا او بعضها سريعا

احمد 112233
01-09-2012, 04:21 PM
احمد الحلواني يتحدى فئة المعلمين
وقال بالأمس في إحدى المداخلات على الهواء أن خروج المعلمين للتظاهر يوم 10 سبتمبر
هذا من بعض المعلمين القلة الذين يريدون تعطيل العملية التعليمية ولن يؤثروا

وأكثر المعلمين على وعي تام بأن ظروف البلد لا تتحمل مثل هذه المهاطرات

وقال يجب على المعلمين إدراك ظروف البلد الإقتصادية
وأن المعلمين الأن أعلى فئة تتمتع براتب كل الجمهورية تتطلع إليه
ويجب على المعلمين حمد الله
........................
يعني ما فيش كادر (هذا الحلواني اللي أنتم اخترتوه تحملوا أيها المعلمون )على فكرة اللى مش جاى يوم 10/9 دول اباطرة الدروس الخوصوصية وهما دول اللى يقصدهم الحلوانى يا دى المصيبة حتى الحلوانى طلع منهم النظام السابق :av4056bb7jp3:

RABIAFAYED
01-09-2012, 04:38 PM
من غالي الحرامي الي تلميده السعيد ...لاتبالي بما يحمله لك المعلمون من كل كره لانك تلميذي
اكرر النداء يا سعيد انا غالي الحرامي اسمع كلامي لاتبالي بالمعلمين ولا التعليم لان ماما امريكا تريد ان تجعل من الشعب المصري شعبا جاهلا ...افعلها ياسعيد ولاتعطيهم كادر علشان ربما تيجي لندن وتحصلني ومتنساش ممكن تروح امريكا تتعالج علي حسابي اقصد علي حساب الشعب الغلبان....

فعلا كلام منفذ بالحرف المعلم اقل دخل بسبب ان الكادر يحسب على اساسى العام السابق

mo4600483
01-09-2012, 04:55 PM
الى الذين يدعون الى ثورة :-
المعلمين ورثة الإنبياء امر مفرو غ منه فكم كادر اخذه رسول الله صلى الله عليه وسلم حتى يوصل رسالته وهل اخذ سيدنا عيسى كادر نحن المعلمون حالنا احسن من غيرنا واذا كان يوجد كادر سنؤدى رسالتنا واذا لم يوجد كادر سنؤدى رسالتنا رغم عن ما يدعون الى مظاهرات وكانت فين المظاهرات دى ايام المخلوع الذى اجلس المعلمين على الإدراج وعمل لهم امتحان حتى يعطيهم مايقال انه كادر ولكنها حملة مغرضة فإذا كان هناك اناس تفدى أوطنها بدمها فهل ان يعقل الا نفتدى وطننا ببقليل من الصبر وخصوصا كلنا نعلم ظروف البلد ولم ننزل عليها من المريخ

alsawy2
01-09-2012, 09:48 PM
والله خسارة فيك التعليق
انا مكنتش نازل يوم 10 -9 بس بعد كلامك ياحياة امك لانزل

ايمن ظريف
01-09-2012, 10:31 PM
علي كيفك يا حلواني احنا نازلين 10/9 ولا تراجع حتي المساواة مع باقي موظفي الدولة {العلم رسالة}أبو مريم

amado1
01-09-2012, 10:58 PM
و الله حرام عليك

استخفاف بينا و قلة احترام

alneseem
01-09-2012, 11:04 PM
واضح ان النقيب ده مش ها يحليها مع المعلمين

thelord2910
01-09-2012, 11:13 PM
اللهم وفق رئيس جمهوريتنا إلى ماتحب وترضى
وحسبى الله ونعم الوكيل
:angry2::angry2::angry2::angry2::angry2::angry2::a ngry2::angry2::angry2:

سارة محمود سليمان
01-09-2012, 11:26 PM
الملواني اسم فني وظريف

السيدالقناياتي
02-09-2012, 12:40 AM
http://a7.sphotos.ak.fbcdn.net/hphotos-ak-ash4/s480x480/292068_275340232582203_524414156_n.jpg

السيدالقناياتي
02-09-2012, 12:43 AM
والله لو كان دا حصل المفروض اننا اقل حاجة نتظاهر ضدة و يغور ودا طبع الاخوان المجرمين

أ/رضا عطيه
02-09-2012, 05:11 AM
http://a7.sphotos.ak.fbcdn.net/hphotos-ak-ash4/s480x480/292068_275340232582203_524414156_n.jpg


حسبنا الله ونعم الوكيل

mosaadabd460
02-09-2012, 01:07 PM
يا اخى ضحكتنى احنا هنشتغل فى الازرق ليه مطبقوش الحد الاقصى عشان خاطر اللى بياخدوا الفتات لوصح الكلام ده يبقى لا اخوان ولا غيره يبقى هتبقى مليونات بجد احنا واخواتنا واقاربنا والجيران يعن تقدر تقول يعنى سكة مليونية خمسة مليون اللى بيتكلم ده بيقبض كام واحنا بنقبض كام احنا احنا هنهزر طب مايقول احسن ان انتم بتعملوا وغيركم بيشرب مخدرات واتحطم مستقبلة احنا الشعب الذى اعطى الشرعية للكل وتحذير من الاستفزاز لمعدومين الدخل ولله الامر كله

mosaadabd460
02-09-2012, 01:10 PM
ندائى الى السيد الرئيس مرسىالعدل العدل العدل

mosaadabd460
02-09-2012, 01:11 PM
العدل والا المقاومة الشعبية

mosaadabd460
02-09-2012, 01:20 PM
نداء بمليونية شعبية قسم لى 1200 على خمس اولاد وزوجة وانا هاصوم بعد عشرين سنة خدمة ولا نقول لهم ماتكلوش هنخليهم يكلوا اللى هياكل حقهم بدل مايكلوا مال النبى الخ.......................

يسمينات
02-09-2012, 02:25 PM
موعدنا 10/9/2012
يا حلواني

محمدشومان
02-09-2012, 04:32 PM
يا رب الصبر من عندك

الوليد1
02-09-2012, 04:46 PM
هل من المتوقع ان يقف الحلوانى ضد اى قرار يخالف الرئيس والمرشد وبالتالي وهو دا الرد الطبيعي للحلواني ولو لم يخرج المعلمون يوم 10/9 لن يحصلوا على شئ

الوليد1
02-09-2012, 04:48 PM
حرام عليك يا حلوانى ولكن نقول في الاخر هم دول الاخوان

السيدالقناياتي
02-09-2012, 10:21 PM
http://a6.sphotos.ak.fbcdn.net/hphotos-ak-prn1/s480x480/556565_275622485887311_917247279_n.jpg

Nabila
03-09-2012, 01:53 AM
ظروف البلد يتحملها المعلم ولا يتحملها من دونة من الوظائف ؟ .... ايوة انا مش مع الاضراب وضد من يعطل العملية التعليمية وضد سياسة لوى الاذرع وارفض ايضا سياسة التميع فى القرارات .... والمظلوم يفضل على حالة وعامل البوفية فى اىشركة بترول اكبر من مرتبى وانا مدير عام 33سنة خدمة فى وزراة تعبانة

يسمينات
03-09-2012, 12:22 PM
لاتنسوا موعد الكرامة 10 /9

Super Teacher
03-09-2012, 12:35 PM
10 / 9 يوم الرد على الذين هم في نيتهم خراب البلد

كركرمومو
03-09-2012, 06:12 PM
الاضراب له شروط حتى لاتتعرض للمساءلة القانونية
- تخبر ادارة المدرسة قبل موعد الاضراب بما لايقل عن اسبوعين كتابيا
- تذكر اسباب الاضراب
- يوقع مدير المدرسة على صورة من الاضراب مكتوب عليها استلمت الاصل

بسم الله الرحمن الرحيم

السيد الأستاذ / مدير مدرسة
تحية طيبةوبعد
مقدمة لسيادتكم أعضاء هيئة التدريس بالمدرسة
التزاما منا باحترامالقوانين واللوائح المنظمة للعملية التعليمية نفيد سيادتكم علما بأننا اعتبارا من بداية العام الدراسي الجديد 17/9/2011 سنحضر كعادتنا فى مواعيد العمل الرسميةولكن نظرا لما نتعرض له من ظلم وإهدار لكرامتنا فى راتب لا يكفى حاجاتنا الأساسيةونظرا لتعسف قيادات التربية والتعليم فى عدم المطالبة بتطبيق حافز الإثابة عليناأسوة بجميع موظفى الدولة ونظرا لان مطلبنا هذا بتطبيق حافز الاثابة 200% مستحق لنابموجب القانونوبنص مادة(89) من قانون الكادر
" يمنح شاغلو وظائف التعليمالمشار إليها في المادة (70) من هذا القانون الموجودون بالخدمة في تاريخ العمل بهذاالباب أو الذين سيعينون مستقبلاً بدل معلم وقدره 50٪ من أساسي الأجر ، وتسرى عليهمالعلاوة السنوية المقررة،وكل زيادة في الأجور تمنح للعاملين بالجهاز الإداريبالدولة ، وتتم ترقيتهم للدرجة المالية الأعلى وفقاً للأحكام المنصوص عليها بقانوننظام العاملين المدنيين بالدولة ،وتطبق عليهم الأحكام الأخرى الواردة بهذا الباب"
فنرجو من سيادتكم إيصال صوتنا فى المطالبة بالحقوق التى يضمنها لنا القانونالى السيد وزير التعليم وإننا ملتزمون بالحضور والانصراف فى مواعيد العمل الرسميةولكننا ننفذ إضراب عن العمل وذلك من خلال قانون العمل الجديد رقم12 لسنة2003مشروعية حق الإضراب السلمي للعمال ونظم أحكامه بمقتضي المواد من192 حتي195 وذلكبحسبان أن هذا الحق من الحقوق الإنسانية للعمال علي المستوي الدولي ووفقا للاتفاقيةالدولية للحقوق الاقتصادية والاجتماعية والثقافية التي أقرتها الجمعية العامة للأممالمتحدة في 16/12/1966 ووقعت عليها مصر فى 4/8/1967 ووافق عليها رئيس الجمهوريةبالقرار رقم537 لسنة1981 بعد موافقة مجلس الشعب عليها .
وبناءاً عليه قررناالإضراب عن العمل للأسباب الآتية
أولا - حـافـز الاثـابـة 200%
لم يتم صرفحافز الإثابة للمعلمين كباقي الموظفين بالدولة بحجة ارتفاع جملة ما يحصل عليهالمعلمون الي 235% وذلك بعد احتساب قيمة الكادر ومكافأة الامتحانات وهذا خطأ بنصالقوانين الخاصة بالكادر والمكافأة كالأتي
* كادر المعلم
ما يصرفه المعلمون فيالكادر بدل وظيفي وليس حافز...
المادة 89 من قانون الكادر 155 لسنة 2007 ينص علىأحقية المعلم فى الدرجات المالية وأية زيادة لعموم الموظفين وبناءا عليه فمن حقالمعلم قانونا صرف حافز 200% بعيدا عن الكادر وليس بإضافة قيمة الكادر.
* مكافأةالامتحانات
بقرار وزاري يتم صرف مكافأة 200 يوم بنسبة 5% نتيجة أعمال الامتحاناتمن كنترول ومراقبة وتصحيح ورصد درجات وكتابة شهادات للدورين الأول والثاني للنقل أيأنها أجر مقابل عمل إضافي إضافة الي ذلك أن العاملين بديوان عام الوزارة يصرفون 500يوم فلماذا؟
ثانيا: بالنسبة للدرجة المالية وربطها بالترقية
قانون العاملينالمدنيين بالدولة 47 لسنة 1978 ينص صراحة على أنه من أمضى فى الدرجة الثالثة 8سنوات يرقى للدرجة الثانية ومن أمضى فى الدرجتين الثانية والأولى 6 سنوات يرقىللدرجة الأعلى .
- منذ صدور قانون الكادر 2007 وتوقفت الدرجات المالية ( هذا غيرقانونى ) لان المادة 89 من قانون الكادر 155 لسنة 2007 تنص صراحة على ترقية معلمىالكادر وفقا لقانون العاملين المدنيين بالدولة 47 / 1978...
- لا يوجد فىالقانون ولم يتبع فى أى وزارة أخرى نفس النهج الذى يريد أن يتبعه سيادة وزيرالتعليم فى منح الدرجات المالية بعد عقد دورة تدريبية يعقبها امتحان تقليدى .... حيث لا علاقة بين منح الدرجات المالية وبين عقد دورات تدريبية التى تمنح مباشرة لأىمن العاملين المدنيين بالدولة.
وتفضلوا بقبول وافر الشكر


توقيعات السادةالعاملين بالمدرسة

م

اسم المعلم

الوظيفة

رقم البطاقة

التوقيع

elfeky
03-09-2012, 08:11 PM
يا ريت حد يقولي كل وزير او نقيب بيوصل للمنصب وفجاءة يتحول كلامة الي العكس تمام هو المنصب فية سحر ولا اية نفس الكلام والتصرحات بتاع النظام السابق ونفس الاسلوب والحجج والكلام انا كدة حاسس ان فية كتاب او منهج في الوزارة والنقابة كل وزير وكل نقيب بيقول تصريحاتة منة علي حسب كل موقف بيتعرض لة بنفس السياسة والاسلوب وكلها في النهاية تسويفات وفي الاخر بينهي الموضوع علي ما فيش شوية فتفيت وحقنة بنج طويلة المفعول علي كلمتين حلوين علي خبرين حلوين في الصحف الي انتم عارفينها وكل سنة وانتم طيبين

ابوروحيم محمد
04-09-2012, 02:45 AM
مين الحلواني ده بيبيع ايه

لطيف20002000
04-09-2012, 02:46 AM
حقا اية المنافق ثلاث أذا تحدث كذب و أذا اأتمن حان و ..........................
ان شاء الله الشعب سوف ينتصر فى النهاية و يأخذ حقوقه كاملة

mahmmoud_sakr
04-09-2012, 08:05 AM
[هو بيمثل نقابة المعلمين في قطر ]
تعليق جميل

maru20002000
04-09-2012, 11:56 AM
فعلا مافيش زيادات ولاكادر السنه دى والنقابة باعت القضية للاخوان والريس مرسى .
فين اعلى راتب فى الدولة موظف وزارة الزراعة اللى نايم فى البيت او مسافر فى اى شغلانه تانيه بياخد مرتب اعلى من المعلم وهو موظف بدبلوم الزراعة وعجبى.

أ/رضا عطيه
04-09-2012, 01:15 PM
الى الذين يدعون الى ثورة :-
المعلمين ورثة الإنبياء امر مفرو غ منه فكم كادر اخذه رسول الله صلى الله عليه وسلم حتى يوصل رسالته وهل اخذ سيدنا عيسى كادر نحن المعلمون حالنا احسن من غيرنا واذا كان يوجد كادر سنؤدى رسالتنا واذا لم يوجد كادر سنؤدى رسالتنا رغم عن ما يدعون الى مظاهرات وكانت فين المظاهرات دى ايام المخلوع الذى اجلس المعلمين على الإدراج وعمل لهم امتحان حتى يعطيهم مايقال انه كادر ولكنها حملة مغرضة فإذا كان هناك اناس تفدى أوطنها بدمها فهل ان يعقل الا نفتدى وطننا ببقليل من الصبر وخصوصا كلنا نعلم ظروف البلد ولم ننزل عليها من المريخ



هو حرام نطالب بحياة كريمة زى الناس

هو كل من سيطالب بحقه سيكون ضد الإسلام والإخوان ؟

هما الإخوان ملكوا البلد واحنا عاملين لديهم ؟

حتى لوكان هذا حقيقى

هو حرام نطالب بحقنا منهم ؟

الرحمة يالجان

الرحمة بزملاء لكم

واتقوا الله فى يوم لاينفع فيه مال ولابنون
__________________

علاءمالك
04-09-2012, 03:04 PM
انا شغال ب50 جنيه فى الشهر بمحافظة المنيا والاغرب اننى لم اقبض ولامليم من شهرديسمبر2011

hanafi32
04-09-2012, 11:59 PM
الإخوان المسلمون هم شرفاء هذا الوطن

صاحب ترقية
05-09-2012, 03:11 PM
http://im15.gulfup.com/2012-09-05/1346849314661.bmp