يا جماعه انا مش فاهم بجد اى حاجة
اناهرضة كنت فى جامعه علوم اسكندرية
وعرضو فيلم عن الكلية وكدة
واتكلمو عن نظام الساعات المعتمدة وقالو عشان تعدى اولى لازم تعمل 35 ساعه

طيب اعملها ازاى وهم هيحسبو الساعات دى اصلا ازاى وهم قالين ان السنة 12 اسبوع واعتقد ان الاسبوع فى ساعه بجد انا مش فاهم

عاوز اعرف بيحسبوها ازاى دى و ازاى اكمل ال 35 ساعه دول

وانا كمان كنت فى الندوة دى ومش فهمت اى حاجة عن النظام الساعات ده لاننى فصلت المفروض كان قالوه فى الاول

اه فعلا انا الى فهمتو ان عشان تعدى اولى لازم تخلص 35 ساعه وعشان تتخرج لازم تخلص 140 ساعه
طيب هيحسبوهم ازاى دول يعنى

يا ريت لو سمحتو الى يقدر يساعدنا يقول

اه انا اللى فهمته ان الاجبارى 25 ساعة تمام وال 10 فى منهم 7 ساعات اجبارى تقريبا كدة ودى متطلبات جامعة وفى مادة اختيارية ودى ب 3 ساعات ده اللى فهمته انا دخلت ع المواقع وقريت بس بصراحة نظام صعب ومعقد لما الواحد مش فاهم النظام هنفهم ازاى فى الكلية وفى ناس بتقولك ده طبيعى انك مش تفهم النظام من اول ندوة :)

اه تمام
طيب هم الكلية ازاى هتعرف اصلا اننا كلمنا الساعات دى هو ده الى عاوز اعرفو
ايه الاثبات انى كملت الساعات ؟

ماهو انت بتسجل عدد الساعات لى انت عايزها فى ناس بتسجل مثلا 30 ساعة ةفى بيسجل 35 عشان يخلص السنة بسنتها وده بيبقى ع الموقع تسجيل المواد

طيب يا جماعة انا مقدرتش اروح الندوة تعرفوا ازاى يتم التسجيل فى الموقع بتاع الكلية ولا فصلتوا زى ناس كتيير النهاردة

طيب انا مثلا عشان اخلص اولى دخلت وسجلت ال 35 ساعه
انا هيتحسبلى ازاى ال35 ساعه انى خلصتهم انا هعرف ازاى اصلا وهم هيعرفو ازاى اى خلصهتم بجد انا مش فاهم اى حاجة

السلام عليكم
بجد بتفكرونى بنفسى لما كنت لسة داخل الكلية انا هحاول افهمك فكرة عامة عن الساعات المعتمدة بس انتو هتعرفوا كل حاجة واحدة واحدة

دلوقتى انت عشان تنتقل من المستوى الاول للمستوى التانى تكون معدى 35 ساعة

يعنى ايه ساعة بقى ؟

دلوقتى انت مثلا فالثانوى العام فى سنة اولى كنت اى مادة كان عليك مثلا 8 مواد بيتحسبوا فالنتيجة فنص الترم انهم 8 مواد وبدرجاتهم

لكن فالكلية لا

يعنى مثلا انت هتاخد مقرر اسمه كمياء 101 وده بيتحسب عليك ب3 ساعات

يعنى ليك فالاسبوع محاضرة ب 3 ساعات خلال الفصل الدراسى الاول

تمام ؟؟

افرض بقى انت عديت المادة دى هيتحسبلك 3 ساعات من الترم

طبعا انت مش هتاخد مادة واحدة انت ليك حوالى 7 او 8 مواد
منهم الكمياء والرياضة والحيوان

وفى مواد بتتحسب بساعة او ساعتين او 3

عندك مادة اسمها حقوق انسان بتتضاف ليك وبتدرسها ولازم تنجح فيها بس مش بتحسسب لا جوة تقدير ولا حتى جوة الساعات

طبعا عشان تعدى المستوى الاول فى فصلين


ممكن تاخد مواد فالترم الاول حوالى 18 ساعة وعليهم الساعة حقوق انسان الموقع بيسحبها بس بعد مابتنجح فيها مش بتتحسب عليك بيبقى 18
وتاخد الترم التانى 18 بردو

كدة انت هتكون عديت المستوى الاول فى فصلين دراسين

يعنى مثلا هتاخد مادة واحدة فالترم ب3 ساعات زى الكمياء هبقى كدة انت خدت 3 ساعات من ال35 وكل ماتزود موادك كل ماتزود ساعاتك

المصود بعدد ساعات المادة هى تقريبا وقت المحاضرة اللى انت بيتخده

يعنى بيضفلك انك ادت مادة ب 3 ساعات اسبوعيا بيتضفلك فالساعات بتاعتك



حد فهم حاجة

اللى عندو اسئلة يسال بسرعة بليز

اه تمام
طيب هم الكلية ازاى هتعرف اصلا اننا كلمنا الساعات دى هو ده الى عاوز اعرفو
ايه الاثبات انى كملت الساعات ؟


الاثبات صفحك عالموقع اللى هتاخد بيانتها لما تقرب الدراسة
معرفش معاكم ولالا ؟؟

بس بيكون عليها كل حاجة الساعات اللى انت سجلتها واللى انت عدتها ولو مثلا وقعت فى مادة بتتشال ساعتها على طوول

على فكرة المحاضرة ال 3 ساعات دى بتكون 3 ساعات كل اسبوع خلال الترم الدراسسسى

لو محتاجين طريقة التسجيل انا هعملكم موضوع بالصور عن الطريقة بس اول ماتسجلوا لسسة شوية

ربنا يكرمك يا غالى
اهو انا كدة الحمد لله فهمت شوية
انا فعلا اناهرضة فى الندوه قالولنا هيتم تسجيل الساعات عن طريق النت
بس طبعا انا كنت قاعد ولا فاهم اى حاجة اساسا

سؤال بقا تانى معلش بس برده مثلا لو انا اخت 8 مواد فى التيرم الاول زى ما حضرتك قلت ان فى مواد بساعه ومواد بساعتين ومواد ب 3 طيب مهو كدة برده مش هقدر اجمع ال 18 ساعه فى التيرم برده ايه الحل يعنى مثلا اختار المواد الى ب 3 ساعات بس ولا اعمل ايه

ربنا يكرمك يا غالى
اهو انا كدة الحمد لله فهمت شوية
انا فعلا اناهرضة فى الندوه قالولنا هيتم تسجيل الساعات عن طريق النت
بس طبعا انا كنت قاعد ولا فاهم اى حاجة اساسا

سؤال بقا تانى معلش بس برده مثلا لو انا اخت 8 مواد فى التيرم الاول زى ما حضرتك قلت ان فى مواد بساعه ومواد بساعتين ومواد ب 3 طيب مهو كدة برده مش هقدر اجمع ال 18 ساعه فى التيرم برده ايه الحل يعنى مثلا اختار المواد الى ب 3 ساعات بس ولا اعمل ايه


ايوة التسجيل عن طريق النت بس مش دلوقتى

انت فى سنة اولى غالبا فالترم الاول بتدرس مواد اساسية متطلبات كلية زى الكمياء والرياضة حيوان كدة

ومواد متطلبات جامعة زى الانجليزى

وامود اتانية كدة بتنزل فالترم

انت اخترت شعبة ايه ؟؟

والله انا عاوز جيولوجيا بترول بس طبعا عشان مجموعى فى الانجليزى قليل هتبقا صعب
فأنا عاوز ادخل جيولوجيا عادية

تقريبا الساعة بعشرين جنيه
يعني 35*20
واحسبها تقريباساعتان على مدار الاسبوع
والنظام ده تقريبا في قسم جيولوجيا البترول

يعنى نظام الساعتات بيتحسب على اساس حضور المحاضرات ولا اننى انجح فى المادة نفسها ؟؟؟؟
بصراحة نظام الساعات ده غريب انا مش فاهمة اوى بصراحة

يعنى نظام الساعتات بيتحسب على اساس حضور المحاضرات ولا اننى انجح فى المادة نفسها ؟؟؟؟
بصراحة نظام الساعات ده غريب انا مش فاهمة اوى بصراحة

فعلا هو ده الى عاوزين نفهمو ان نظام الساعات بيتحسب على اساس حضور المحاضرات ولا النجاح فى المادة يا ريت حد يقولنا

يعنى نظام الساعتات بيتحسب على اساس حضور المحاضرات ولا اننى انجح فى المادة نفسها ؟؟؟؟
بصراحة نظام الساعات ده غريب انا مش فاهمة اوى بصراحة


نظام الساعات بيضيف ساعات المادة لما تنجحى فيها وملوش دعوة بحضور الحاضرات
الموضوع كله
ان المادة اللى ب 3 ساعات بيكون ليها فالاسبوع الواحد محاضرة ب 3س اعات وهكذاا

تمام يا غالى متشكر جدا جدا لحضرتك
واسف على الاسئلة الكثيرة بس معلش انت عارف بقا احنا اول سنة والنظام ده صعب جدا

معلش بقا سؤال اخير
هو التقديم فى الكلية امته بقا؟

التقديم يوم الابعاء والخميس هو والكشف الطبى

تمام متشكر جدا جدا لحضرتك

والله انا عاوز جيولوجيا بترول بس طبعا عشان مجموعى فى الانجليزى قليل هتبقا صعب
فأنا عاوز ادخل جيولوجيا عادية

انت هتاخد

رياضيات عامة ودى اول محاضرة غالبا هتحضرها فى حياتك :d ب 3 ساعات

كمياء 101 ودى ب3 ساعات

جيولوجيا 101 ودى ب 4 ساعات ومش سهلة ذاكرها من الاول احسنلك:028ja7:

حيوان ودى ب 2 ساعة

كمياء 102 عملى ودى بساعة

لغة انجليزية ودى ب 2 ساعة

وعندك مادة حقوق الانسان بساعة

وبتاخد مادة تانية بتنزل وانت بتسجل بتتلف من ترم لتانى

تمام يعنى المواد دى هدرسها فى التيرم الاول بس والتيرم الثانى هاخد مواد ثانية
ولا دى طول السنة

ولو دى طول السنة هيبقا كدة 19 ساعه وانا مطلوب منى انى اعمل 35 ساعه هيكملو ازاى كدة طيب ؟

معلش استحملنى شوية لان بجد النظام ده صعب شوية

لا دى مواد ترم واحد بسس
الترم التانى هتسجل 18 ساعة او 19 حسب ماتحب
اقصى عدد ساعات بيكون 19 للترم الواحد
وبكدة 19 و19 هيبقى معاك 38 ساعة

لا دى مواد ترم واحد بسس
الترم التانى هتسجل 18 ساعة او 19 حسب ماتحب
اقصى عدد ساعات بيكون 19 للترم الواحد
وبكدة 19 و19 هيبقى معاك 38 ساعة



تمام يا غالى متشكر جدا جدا لحضرتك
وربنا يجعله فى ميزان حسناتك يا رب

لو حضرتك تعرف هو الكشف الطبى الى هيتعمل عبارة عن ايه بالظبط ؟

الكشف الطبى ده عبارة عن كشف نظر وكشف عالقلب بسماعة كدة ولا ليه لازمة
وهتككتب اسمك وتروح

تمام يا غالى متشكرين جدا لحضرتك
وربنا يكرمك يا رب ويجعله فى ميزان حسناتك