مشاهدة النسخة كاملة : لو سمحتو مهم جدا لمستقبلي حد يرد عليا


el senyorita
02-09-2012, 08:03 PM
انا في 3 ثانوى علمى رياضه كنت جايبه في 2 ثانوى 97% :bosyht9: انا محتارة بين هندسة قسم حاسب الي وبين فنون جميلة ديكور انا كده كده ناوية جنب الدراسة اخد كورسات فوشوب وجرافيك وعمارة وديكور وكمبيوتر وانجلش عشان يكون مستوايا عالي في شغلي وانا عاوة يبقي معايا ماجستير ودكتوراه وياريت محدش يتريق ع الحاجات ديه . كل واحد بيبقي عنده طموح عاوز يحققها .... انا عاوزة اعرف انهى شغله احسن في مصر هندسه ديكور لا حاسب الي وانا عاوزة شغل في مصر وبمرتب كويس يعنى اتخرج الاقي شغل مش اقعد زي اي بنت مكملتش تعليم مش عاوزة اضيع تعبي في المذاكرة ع الفاضي وياريت الرد من غير ما اي واحد ينحاز لمجال دراسته .انا كتبت سؤالي هنا عشان لو كتبت في القسم هندسة كلهم هيتريقو ع ديكور عشان في ناس كتير معندهاش معلومات عن كليات فنون جميله وفاكرين انهم راسمين :mad: .وانا ميهمنيش ان الناس تقول ديه طالبة في هندسة انا يهمنى شغلي هيبقي كويس ولا لا ... اسفة انى طولت عليكم:)

el senyorita
03-09-2012, 08:36 PM
:stickjo4: ايه بقي يا بنيأدمين محدش هيرد عليا بقي ولا ايه؟؟
يعنى اروح اسال عند بتوع هندسه يعنى؟
والنبي حد يرد عليا والنبي :unsure:

bahaaeldeen
03-09-2012, 09:34 PM
انا في 3 ثانوى علمى رياضه كنت جايبه في 2 ثانوى 97% :bosyht9: انا محتارة بين هندسة قسم حاسب الي وبين فنون جميلة ديكور انا كده كده ناوية جنب الدراسة اخد كورسات فوشوب وجرافيك وعمارة وديكور وكمبيوتر وانجلش عشان يكون مستوايا عالي في شغلي وانا عاوة يبقي معايا ماجستير ودكتوراه وياريت محدش يتريق ع الحاجات ديه . كل واحد بيبقي عنده طموح عاوز يحققها .... انا عاوزة اعرف انهى شغله احسن في مصر هندسه ديكور لا حاسب الي وانا عاوزة شغل في مصر وبمرتب كويس يعنى اتخرج الاقي شغل مش اقعد زي اي بنت مكملتش تعليم مش عاوزة اضيع تعبي في المذاكرة ع الفاضي وياريت الرد من غير ما اي واحد ينحاز لمجال دراسته .انا كتبت سؤالي هنا عشان لو كتبت في القسم هندسة كلهم هيتريقو ع ديكور عشان في ناس كتير معندهاش معلومات عن كليات فنون جميله وفاكرين انهم راسمين :mad: .وانا ميهمنيش ان الناس تقول ديه طالبة في هندسة انا يهمنى شغلي هيبقي كويس ولا لا ... اسفة انى طولت عليكم:)


ماشاء الله ديكور احلى وفرص شغله اكتر
ومادام حابة الموضوع يبقى هتبقى فيه ناجحة ومتفوقة باذن الله
وسيبك من اللى يتريق يتريق احنا دولة فاشلة لا تقدر العلم والتعليم الصحيح :)
انا كتبت عن ديكور وبحسن الصورة فى المجتمع والحمد لله لاقيت نجاح كبير جدااااااااااااا

واسف بجد لو رد متاخر

el senyorita
04-09-2012, 05:00 AM
ميرسي يا بهاء ع الرد :angry2:

دكتورة/نورهان
04-09-2012, 05:47 PM
بلاش ديكور هو حلو وكل حاجة بس مش مطلوب اوى وبتعدى فرصة كبيرة علشان تتشهرى هندسة افضل بكتير لو دخلتى هندسة اتصالات مثلا هتتخرجى تشتغلى علطول وبمرتبات جامدة نصيحتى ليكى بلاش اللهم ما بلغت اللهم فاشهد

el senyorita
04-09-2012, 07:25 PM
للاسف انا من اسكندريه هندسه عندنا مفهاش قسم اتصالات
الاقسام كهربا وميكانيكا ومدنى وحاجات ولاد كلها مفيش غير حاسب الي وعمارة تنفع للبنات
انا بحب ديكور بصراحة اكتر والحاسب مش هعرف اتفوق فيه بس المشكله خايفه ميكنش في شغل

دكتورة/نورهان
04-09-2012, 07:33 PM
مش هتلاقى شغل غير كل فين وفين اخويا هندسة وزمايلة خريجين فنون جميلة وتطبيقية ومش بيشتغلوا غير كل فين وفين ومرتباتهم قليلة وعلفكرة قسم عمارة شغال وكهربا حلو لوى بلتوفيق

el senyorita
04-09-2012, 07:40 PM
انا الاول كنت عاوزة عمارة بس عرفت انها اسهل حاجة في هندسه وكله بيعدي فيها وكل البنات بتدخل هندسه عمارة
بس ياريت تكونى بتجاوبي من غير انحياز لكليه هندسه عشان اخوكى فيها
لان في ناس كتير ميعرفوش معلومات عن كليه الفنون الجميله
بس استاذ بهاء قالي انه في سنة اولي واتعرض عليه 4 وظايف
كلامكم متناقض .ياريت حد يساعدنى بجد عشان مش عارفه احدد

دكتورة/نورهان
04-09-2012, 08:04 PM
والله العظيم مش علشان اخويا خالص انا بقولك بس من واقع زمايلة الواقع العام مش علشان واحد جالة 4 وظايف بصى ربنا يعلم انى مش منحازة صدقينى هندسة افضل وعمارة وكهربا وميكانيكا عادى البنات بتتدخلها صلى استخارة افضل شئ وربنا هيرشدك للى فية الخير

..: Pink rose :..
05-09-2012, 01:45 AM
الرزق بيد الله وحده ..مش معنى انك هتروحي كلية قمة يبقى هتلاقي شغل و العكس
بس نصيحة ادخلي الكلية اللي تناسب ميولك و تحسي انك هتتفوقي فيها و خدي رأي طلاب مخلصين الكلية او حد كبير يفيدك
لانه هيكون عنده خبرة و معرفة بالكلية و دارسها مش بينصحك على اساس اللي حواليه او اللي بيسمعه من الناس .
و بالتوفيق ..

el senyorita
05-09-2012, 02:29 AM
ميرسي للرد
انا ميولي لديكور بس انا اهلي مش موافقين لو دخلتها وصرفو عليا في ثانوى كتير ومصاريف كليه والكورسات وفي الاخر مشتغلتش هيبقي الموضوع مش حلو قدامهم وحرام انى ادخل كليه 5 سنين واخد كورسات وفي الاخر يبقي كلها ملهاش لزمة واقعد في البيت
او ادخل كليه عارفه ان ليها شغل بس افشل فيها عشان مش بحبها
انا محتاجة حد عارف كويس الفرق بين الكليتين وشغلهم ويرد عليا

دكتورة/نورهان
05-09-2012, 03:04 AM
بصى لو عايزوة ديكور ودى رغبتك خلاص بس بقى خليكى ذكية الهندسة بيبقى بعديها فنون تطبيقية ودى كلية قمة بردوا ادخليها افضل وفيها قسم تصميم داخلى واساس الى هو ديكور ودول اكيد فرص شغلهم اكبر واسم الكلية والوجهة الاجتماعية لو هتفكرى فدة اقوى بكتير ومتزعليش منى فنون جميلة من حاجة وتمنين وديكور كمان منها فى ادبى علشان كدة شغلهم صعب لكن فنون تطبيقية علمى بس وبتاخد من 93 فى المية فاكيد كلية قمة وهى بعد الهندسة اساسا دى نصيحتى بلتوفيق

el senyorita
05-09-2012, 05:51 AM
لا يا قمر انتى عكستى
فنون جميله واخدة من علمى 94% ومن ادبي 92% وديه كليه قمه تحت الهندسه ع طول وقسم الديكور فيه تنسيق داخلي اعلى غير التنسيق ده
وقسم الديكور في فنون جميله بتتخرجى منه مهندسه ديكور وعمارة وتصميم دعايا واعلانات والدراسة في الكليه 5 سنين وان شاء الله هتدخل نقابة مهندسين قريب وتنسيقها كده هيعلى
هى كانت نقابة مهندسين بس جامعه الاسكندرية اخدتها من ادبي بتنسيق داخلي عشان كده بقت تشكليين بس هتدخل نقابة مهندسين قريب
لكن فنون تطبيقيه مش كليه قمه والديكور فيها 4 سنين والديكور فيها ديكورات اثاث والوان وكده بس
راجعى تنسيق السنة اللي فاتت لو عاوزة تتاكدي

دكتورة/نورهان
05-09-2012, 01:31 PM
لاء طبعا فنون تطبيقية كلية قمة وافضل من فنون جميلة ومحطوطة ضمن الكليات الهندسية لكن جميلة لاء وبعدين كمان اى حاجة من علمى عالية لكن من ادبى من 88 او اقل وكمان مش هتتدخل نقابة المهندسين لا يمكن دول فى كل دول العالم مصممين وبطاقتك بيكون مكتوب مصمم ديكور لكن الناس كعرف ساد بتقول مهندس بس لكن انتى حرة فى اختيارك بس ابقى تذكرى كلامى لو ندمتى

bahaaeldeen
05-09-2012, 06:57 PM
لاء طبعا فنون تطبيقية كلية قمة وافضل من فنون جميلة ومحطوطة ضمن الكليات الهندسية لكن جميلة لاء وبعدين كمان اى حاجة من علمى عالية لكن من ادبى من 88 او اقل وكمان مش هتتدخل نقابة المهندسين لا يمكن دول فى كل دول العالم مصممين وبطاقتك بيكون مكتوب مصمم ديكور لكن الناس كعرف ساد بتقول مهندس بس لكن انتى حرة فى اختيارك بس ابقى تذكرى كلامى لو ندمتى


كلامك خاطئ مليون فى المائة
من الواضح تأثير تخلف البيئة المصرية على ظلم القسم الممتاز
فنون تطبيقية بها قسم الديكور ومن تانى سنة بعد اعدادى وبتنسيق ودة اعلى تنسيق
لكن فنون جميلة بتدخل من اعدادى ديكور وبها تخصص عمارة داخلية وفنون تعبيرية
شئ اخر
الاثنان يندرجان لنقابة التشكليين ولولا الحقوديين المتخلفين الذين لا يعرفون ولا يدركون التصميم الداخلى لكنا تبع نقابة المهندسين

الاثنان يدرسون نفس الدراسة الهندسية وفنون ديكور تقبل من علمى بمجموع يكون 92 على الاقل وبحد اعلى 93

من انتى يا دكتورة ولماذا تتكلمين باللهجة تلك؟؟؟؟؟؟؟؟؟
من الواضح عدم تقدير المهنة العظيمة
من انتى حتى تتفوهين على القسم الذى يحدث الروح فى الاعمال الهندسية كلها

bahaaeldeen
05-09-2012, 06:59 PM
بصى لو عايزوة ديكور ودى رغبتك خلاص بس بقى خليكى ذكية الهندسة بيبقى بعديها فنون تطبيقية ودى كلية قمة بردوا ادخليها افضل وفيها قسم تصميم داخلى واساس الى هو ديكور ودول اكيد فرص شغلهم اكبر واسم الكلية والوجهة الاجتماعية لو هتفكرى فدة اقوى بكتير ومتزعليش منى فنون جميلة من حاجة وتمنين وديكور كمان منها فى ادبى علشان كدة شغلهم صعب لكن فنون تطبيقية علمى بس وبتاخد من 93 فى المية فاكيد كلية قمة وهى بعد الهندسة اساسا دى نصيحتى بلتوفيق

يبدو لديكى جهلا بالامور
ديكور لا ياخذ من ادبى الا فى اسكندرية للاسف وبمجموع يفوق التسعين
وباقى الكلياتت تأخذ من علمى
ديكور يدرس كل اسس التصميم الداخلى

el senyorita
05-09-2012, 07:08 PM
فنون جميله علمى 94%
ادبي 92% بيبقي في تنسيق داخلي لقسم الديكور بيكون بين 93 و 94 لان باقي المحافظات مش بتاخد الديكور من ادبي
هندسه اخدت 96%
انا حطيت سؤالي لحد يجاوبنى يكون عارف الفرق بين فنون جميله وهندسه حاسب الي
واضح ان حضرتك متعرفيش يعنى ايه فنون جميله
ادخلي ع النت واعرفي الفرق بين ديكور في فنون جميله وفنون تطبيقيه
وبردو دوري ع النت وهتعرفي ان الديكور هيبقي نقابة مهندسين
وانا ان شاء الله مش هندم ع حاجة
وحتى لو الباقي رد وقالي هندسه افضل انا قررت ادخل فنون جميله ديكور ومش هندم ان شاء الله
وطول ما في ناس بتستفزنى وعاوزة تغلطنى ده حافز ليا انى اجتهد واعرفهم انهم غلط وهدخل فنون جميله وهثبت نفسي في المجال ده
لحد ما كل واحد مش فاهم يعنى ايه فنون جميله ديكور وبيتكلم وخلاص يفهم الصح
حضرتك حضارة المصريين زمان كان معتمده ع العمارة الفنيه والديكورات اللي هى بتدرس وبيفهمها طالب فنون جميله ديكور وعمارة وبيفهمها طالب ديكور اكتر
الكليه واخدة 350 طالب تقريبا السنة ديه
وعشان العدد قليل الناس متعرفهمش
وعشان كده مبقاش عندنا حضارة زي زمان والجهل انتشر
التقدم اللي ابهر العالم مكنش تقدم الطب ولا الاختراعات كان تقدم حضارة الفراعنه في العمارة والفن
ولو التقدم المفروض يكون طب واختراعات عندنا الاااااااااااااااااااااف متخرجين ومعملوش حاجة
لكن لو اهتموا بالعمارة الفنيه والديكورات والناس سابت افكارها الجاهله هنتقدم تانى وهنبقي احسن ناس
ياريت تقري عن الحاجة وتفهميها كويسه يا دكتورة نورهان بعدها تردي عن اسئله الاخرين
مدام مش فاهمه حاجة عن الؤال يبقي الافضل كنتى متجاوبيش

aya jevara
05-09-2012, 07:48 PM
السلام عليكم انا عايزم حد يرد عليا ضرورى ارجوكم و يا ريت مشرف القسم دلوقتى انا رايحة اقدم ان شاء الله ديكور اسكندرية يس انا قلقانة و خايفة احسن ماقبلش مع العلم انى كنت علمى و مجموعى 96% فارجوكم حد يرد عليا يسررررعة و يفهمنى ايه الموضوع يعنى التقديم ازاى و هلحق القسم ده و لا

el senyorita
05-09-2012, 08:17 PM
السلام عليكم انا عايزم حد يرد عليا ضرورى ارجوكم و يا ريت مشرف القسم دلوقتى انا رايحة اقدم ان شاء الله ديكور اسكندرية يس انا قلقانة و خايفة احسن ماقبلش مع العلم انى كنت علمى و مجموعى 96% فارجوكم حد يرد عليا يسررررعة و يفهمنى ايه الموضوع يعنى التقديم ازاى و هلحق القسم ده و لا

بعد اذنك يا ايه ممكن اعرف انتى الاول كنتى كليه ايه وهتحولي لفنون
ولا انتى اصلا من الاول فنون ؟؟

aya jevara
05-09-2012, 09:31 PM
لا انا اصلا من الاول فنون

el senyorita
05-09-2012, 09:39 PM
لا انا اصلا من الاول فنون

اوك يا قمر شكرا ع ردك
ربنا يوفقك :)

aya jevara
05-09-2012, 09:41 PM
شكرا جدا بس ممكن اعرف اية سبب السؤال لو سمحتى

aya jevara
05-09-2012, 09:46 PM
اوك يا قمر شكرا ع ردك
ربنا يوفقك :)

معلش و حاجة كمان انتى هتقدمى فنون ان شاء الله فلو كدة ممكن اعرف هو التقديم بدا و لا ايه ؟:p

el senyorita
05-09-2012, 09:59 PM
بس يا جميل انا لسه في 3 ث
بس هسالك دلوقتى وهرد عليكي

el senyorita
05-09-2012, 10:17 PM
بصي التقديم لسه شغال
روحى وادفعى المصاريف وقت تانى لو عاوزة
بس بقي هما قالولي كده:006et4:

aya jevara
05-09-2012, 10:22 PM
بصي التقديم لسه شغال
روحى وادفعى المصاريف وقت تانى لو عاوزة
بس بقي هما قالولي كده:006et4:

مش فاهمة يعنى ايه؟:confused:

el senyorita
05-09-2012, 10:32 PM
وربنا ما اعرف
هما قالولي كده
بس باين يعنى
انك ممكن تقدمى دلوقتى وبالنسبه للمصاريف تدفعيها اي وقت تانى .. والله اعلم

aya jevara
05-09-2012, 10:36 PM
وربنا ما اعرف
هما قالولي كده
بس باين يعنى
انك ممكن تقدمى دلوقتى وبالنسبه للمصاريف تدفعيها اي وقت تانى .. والله اعلم

انا اسفة جدا تعبتك معايا و الله و متشكرة جدا على مساعدتك ليا و شدى حيلك السنه دى و يا رب تدخلى فنون زى ما انتى عايزة عشان اتشرف بمقابلتك السنة الجاية فى الكلية:)

el senyorita
05-09-2012, 10:41 PM
:)ايوه بقي وتعزميني ع سندوتشات وشيبسي وحاجة ساقعه وتروحيني في تاكسي ع حسابك

aya jevara
05-09-2012, 10:47 PM
:)ايوه بقي وتعزميني ع سندوتشات وشيبسي وحاجة ساقعه وتروحيني في تاكسي ع حسابك

بس كدة دا انا اجيبلك عربية بسواق و اكلك فى احسن مكان فى اسكندرية بس انتى شدى حيلك كويس عشان تعدى السنادى بمجموع كبير زى السنة اللى فاتت و تخشى ديكور و انتى حاطه رجل على رجل بس نصيحة منى حاولى ما تضيعيش وقتك بقدر الامكان و فى نفس الوقت ماتضغطيش على نفسك فى المذاكرة زيادة عن اللزوم عشان ماتتعبيش تمام يا باشمهندس ؟:p

el senyorita
05-09-2012, 10:52 PM
اممممممم طب ممكن لو عندك فيس تبعتيلي لينك الصفحة بتاعتك في رساله

aya jevara
05-09-2012, 10:56 PM
للاسف ماعنديش

دكتورة/نورهان
06-09-2012, 12:04 AM
كلامك خاطئ مليون فى المائة
من الواضح تأثير تخلف البيئة المصرية على ظلم القسم الممتاز
فنون تطبيقية بها قسم الديكور ومن تانى سنة بعد اعدادى وبتنسيق ودة اعلى تنسيق
لكن فنون جميلة بتدخل من اعدادى ديكور وبها تخصص عمارة داخلية وفنون تعبيرية
شئ اخر
الاثنان يندرجان لنقابة التشكليين ولولا الحقوديين المتخلفين الذين لا يعرفون ولا يدركون التصميم الداخلى لكنا تبع نقابة المهندسين

الاثنان يدرسون نفس الدراسة الهندسية وفنون ديكور تقبل من علمى بمجموع يكون 92 على الاقل وبحد اعلى 93

من انتى يا دكتورة ولماذا تتكلمين باللهجة تلك؟؟؟؟؟؟؟؟؟
من الواضح عدم تقدير المهنة العظيمة
من انتى حتى تتفوهين على القسم الذى يحدث الروح فى الاعمال الهندسية كلها



اولا انا مقلتش حاجة ثانيا احنا مش فى بيئة متخلفة ولومنها فانت فى نفس البيئة ثانيا بدل متعد تتدى اثذرات للمخالفين ادية لنفسك وانا مسمحلكش تكلمنى بلطريقة دى ثانيا متحسسنيش ان انتوا اطباء الرحمة يعنى انا مقلتش حاجة ولو بتكلم على الجهل فانتوا يا فاهم يا عاقل يلى مش جاهل فى كل دول العالم مصممين بسسسسسسسسسس وانا مقلتش حاجة على المهنة بتاعتكوا وعارفة انها كويسة جدا زمن انتى دى بتفكرنى بلقذافى اية من انتى دى انا دكتورة ان شاء الله من انت بقى علشان تكلمنى بلطريقة دى زى ما بتبعت تحذير للناس فانا ببعتلك تحذير منى وبقولك مسمحلكش بلهجة دى معايا يا استاذ

دكتورة/نورهان
06-09-2012, 12:07 AM
يبدو لديكى جهلا بالامور
ديكور لا ياخذ من ادبى الا فى اسكندرية للاسف وبمجموع يفوق التسعين
وباقى الكلياتت تأخذ من علمى
ديكور يدرس كل اسس التصميم الداخلى

لا حضرتك انا لا يبدو عندى جهلا بالامور انا قلت ان بتاخد من ادبى مقلتش كل المحافظات ولو مش عارفة توضحلى بادب لانى متكلمتش بعدم احترام مسمحلكش تقولى كدة فاهم لانى مقلتلكش حاجة تجرحك فكلمنى باحترام لوسمحت انا مقدرة المهنة بتاعتكوا ومقلتش حاجة لكن انت عندك لبس بس ومرة تانية متكلمش بالاسلوب دة معايا لانى مسمحش واظن قوانين المنتدى بتمنع الكلام دة سلام يا يا استاذ

دكتورة/نورهان
06-09-2012, 12:12 AM
فنون جميله علمى 94%
ادبي 92% بيبقي في تنسيق داخلي لقسم الديكور بيكون بين 93 و 94 لان باقي المحافظات مش بتاخد الديكور من ادبي
هندسه اخدت 96%
انا حطيت سؤالي لحد يجاوبنى يكون عارف الفرق بين فنون جميله وهندسه حاسب الي
واضح ان حضرتك متعرفيش يعنى ايه فنون جميله
ادخلي ع النت واعرفي الفرق بين ديكور في فنون جميله وفنون تطبيقيه
وبردو دوري ع النت وهتعرفي ان الديكور هيبقي نقابة مهندسين
وانا ان شاء الله مش هندم ع حاجة
وحتى لو الباقي رد وقالي هندسه افضل انا قررت ادخل فنون جميله ديكور ومش هندم ان شاء الله
وطول ما في ناس بتستفزنى وعاوزة تغلطنى ده حافز ليا انى اجتهد واعرفهم انهم غلط وهدخل فنون جميله وهثبت نفسي في المجال ده
لحد ما كل واحد مش فاهم يعنى ايه فنون جميله ديكور وبيتكلم وخلاص يفهم الصح
حضرتك حضارة المصريين زمان كان معتمده ع العمارة الفنيه والديكورات اللي هى بتدرس وبيفهمها طالب فنون جميله ديكور وعمارة وبيفهمها طالب ديكور اكتر
الكليه واخدة 350 طالب تقريبا السنة ديه
وعشان العدد قليل الناس متعرفهمش
وعشان كده مبقاش عندنا حضارة زي زمان والجهل انتشر
التقدم اللي ابهر العالم مكنش تقدم الطب ولا الاختراعات كان تقدم حضارة الفراعنه في العمارة والفن
ولو التقدم المفروض يكون طب واختراعات عندنا الاااااااااااااااااااااف متخرجين ومعملوش حاجة
لكن لو اهتموا بالعمارة الفنيه والديكورات والناس سابت افكارها الجاهله هنتقدم تانى وهنبقي احسن ناس
ياريت تقري عن الحاجة وتفهميها كويسه يا دكتورة نورهان بعدها تردي عن اسئله الاخرين
مدام مش فاهمه حاجة عن الؤال يبقي الافضل كنتى متجاوبيش


علفكرة انا غلطانة انى جاوبتك بدام زعلانة اوى مكنتيش سالتى يعنى انا قلت الاتنين حلوين بس دى وجهة نظرى تحترميها و350 طالب 400 طالب انا مليش دعوة وانتوا مصممين بس عرف بيتقال مهندس ومش هتمضموا للنقابة ولو انضميتوا ليها ابقى ابعتيلى دة حلم انتوا مصممين فى كل دول العالم وانا فاهمة الحمد لله وبدام انتى فاهمة اوى كدة مكنتيش سالتى وصحيح ياريت وانتى بتكلمى تكلمى باحترام لانى اكبر منك ماشى علشان عيب وبدام مقتنعة بديكور ادخليها مقلتش حاجة وبلاش تقولى على الناس جاهلة لانى انتى من الناس ماشى وانصحك تركزى فى تالتة احسن لحسن متضمنيش ناس كانوا جايبين 99 وبقوا حاجة وتمنين ياريت تركزى لتبقى 70 بس مركزة فى حاجة انتى مدخلتهاش اساسا ودة من حقك بس متعمليش فيها بقى فى كلية واسلوبك ياريت يبقى كويس مع الى اكبر منك انا دكتورة مش طالبة ادك بتكلمى معاها خليكى متحضرة تحياتى

el senyorita
06-09-2012, 12:18 AM
لا حضرتك انا لا يبدو عندى جهلا بالامور انا قلت ان بتاخد من ادبى مقلتش كل المحافظات ولو مش عارفة توضحلى بادب لانى متكلمتش بعدم احترام مسمحلكش تقولى كدة فاهم لانى مقلتلكش حاجة تجرحك فكلمنى باحترام لوسمحت انا مقدرة المهنة بتاعتكوا ومقلتش حاجة لكن انت عندك لبس بس ومرة تانية متكلمش بالاسلوب دة معايا لانى مسمحش واظن قوانين المنتدى بتمنع الكلام دة سلام يا يا استاذ

حضرتك يا دكتورة نورهان محدش غلط فيكي
انتى اللي اتكلمتى غلط وقللتى من شان الكليه
واحنا نقصد ان المجتمع بتاعنا جاهل في معرفته بكليه فنون جميله لانها مش منتشرة لو كانت موجوده في كل محافظة زي باقي الكليات وبتاخد كل كليه الاااااااااف من الطلاب كانت الناس عرفت ايه هى الكليه
واستاذ بهاء مش جاهل لانه يقصد بجهل المعرفه عن الكليه ولو انتى تقصدي انه جاهل في النطاق اللي احنا بنتكلم فيه فهو عارف كويس كل حاجة عن الكليه بجميع اقسامها وعارف فنون تطبيقيه كويس وهندسه وعارف الفرق بنهم
فنون تطبيقيه اللي حضرتك بتقولي انها قمه وداخله مع الهندسه والكلام الي قولتيه فهى مفهاش غير قسمين نقابه مهندسين وبالباقي لا
الدراسه في فنون تطبيقيه سنة اعدادى بتدرسي كل اللي في الاقسام بعدها تدرسي 4 سنين ديكور وبتندرسي فرعين الديكور
لكن فنون جميله 5 سنين بتدرسي ديكور وبتخصصي في الحاجة اللي تطلبيها وانا مش عاوزة ادرس حاجة زياده ومش محتاجاها
وانا طلبت الراي بين كليتين ومدخلتش فيهم فنون تطبيقيه
لان معنديش فنون تطبيقيه في اسكندريه
ولو قريتي كلامى كويس هتعرفي انى موجهة كلامى للناس اللي عارفه الكليه كويس مش لحد جاهل عن الكليه
ياريت تكونى فهمتى
ومتغلطيش في حد لان محدش غلط فيكي

el senyorita
06-09-2012, 12:35 AM
علفكرة انا غلطانة انى جاوبتك بدام زعلانة اوى مكنتيش سالتى يعنى انا قلت الاتنين حلوين بس دى وجهة نظرى تحترميها و350 طالب 400 طالب انا مليش دعوة وانتوا مصممين بس عرف بيتقال مهندس ومش هتمضموا للنقابة ولو انضميتوا ليها ابقى ابعتيلى دة حلم انتوا مصممين فى كل دول العالم وانا فاهمة الحمد لله وبدام انتى فاهمة اوى كدة مكنتيش سالتى وصحيح ياريت وانتى بتكلمى تكلمى باحترام لانى اكبر منك ماشى علشان عيب وبدام مقتنعة بديكور ادخليها مقلتش حاجة وبلاش تقولى على الناس جاهلة لانى انتى من الناس ماشى وانصحك تركزى فى تالتة احسن لحسن متضمنيش ناس كانوا جايبين 99 وبقوا حاجة وتمنين ياريت تركزى لتبقى 70 بس مركزة فى حاجة انتى مدخلتهاش اساسا ودة من حقك بس متعمليش فيها بقى فى كلية واسلوبك ياريت يبقى كويس مع الى اكبر منك انا دكتورة مش طالبة ادك بتكلمى معاها خليكى متحضرة تحياتى

واضح مين الي محتاج يكون متحضر يا دكتورة
ع فكرة انا متربيه كويس وعارفه حدودى ولو كنت مش متربيه كنت رديت عليكي رد تانى
في دكاترة كتييييييييييييييير بس بردو تفكيرهم ومعلوماتهم محصورة في مجال دراستهم
وع فكرة النقابة وافقت انها تضم الديكور لنقابه مهندسين بس لسه هيضيفو مواد مدنى بعدها تدخل النقابه لكن مصممين الديكور اخدو الموافقه يعنى مش حلم لان هما اصلا كانو نقابه مهندسين
وع فكرة يا دكتورة ادخلي ع اي موقع يكون في التنسيق وشوفيه واضح انك متعرفيش حاجة عنه وبردو شوفي كشف في درجات واسماء طلبه فنون جميله هتلاقي ناس مجموعها يجبلها طب بردو بس للاسف دول ناس فاهمه ايه كليه فنون جميله وعندها ثقافه وقررت انها شايفه مستقبلها احسن في فنون جميله وناس غيرهم بردو عارفه الكليه كويس بس اختارت ان ميولهم رايحة لطب
وفي ناس ماشاء الله عليها متعرفش حاجة خالص
ومع احترامى ليكي انتى بردو كنتى في يوم من الايام طالبه مش مولوده دكتورة يعنى والمحترم مش بيستهزأ بمهنه غيره او بسن غيره
في ناس دخلت طب وفشلت وناس دخلت تجارة وبقوا معيدين في الكليه ودكاترة وشغلهم كويس
وسواء مجموعى يزيد او يقل حاجة تخصنى متخصكيش انا متكلمتش عن المجموع انا قولت مجموعى عشان اللي يرد يكون عارف انى لو حافظت عليه اقدر اجيب هندسه
وزي ما خريج فنون طبيقيه مصمم ديكور خريج فنون جميله بردو مصمم ديكور ولو دخلو النقابه هيدخلو هما الاتنين
وده هيعلي التنسيق طبعا
ولو مدخلوش مع انهم هيدخلو يعنى بس لو اعتبرنا مدخلوش فالنقابه ملهاش علاقه بالشغل او المرتب
وانا ميهمنيش وجهة نظر المجتمع انى مصممه مش مهندسه ديه حاجة اتشرف بيها
وفي الاخر احب اقولك ان تربيتي احسن من تربيه ناس تانيه ع الاقل مش بجاوب ع حاجة مش فاهماها اصل في ناس بتتكلم وعامله نفسها فاهمه وخلاص .المفروض ان الواحد يتكلم في اللي يفهمه اوك يا دكتور

el senyorita
06-09-2012, 12:47 AM
علفكرة انا غلطانة انى جاوبتك بدام زعلانة اوى مكنتيش سالتى يعنى انا قلت الاتنين حلوين بس دى وجهة نظرى تحترميها و350 طالب 400 طالب انا مليش دعوة وانتوا مصممين بس عرف بيتقال مهندس ومش هتمضموا للنقابة ولو انضميتوا ليها ابقى ابعتيلى دة حلم انتوا مصممين فى كل دول العالم وانا فاهمة الحمد لله وبدام انتى فاهمة اوى كدة مكنتيش سالتى وصحيح ياريت وانتى بتكلمى تكلمى باحترام لانى اكبر منك ماشى علشان عيب وبدام مقتنعة بديكور ادخليها مقلتش حاجة وبلاش تقولى على الناس جاهلة لانى انتى من الناس ماشى وانصحك تركزى فى تالتة احسن لحسن متضمنيش ناس كانوا جايبين 99 وبقوا حاجة وتمنين ياريت تركزى لتبقى 70 بس مركزة فى حاجة انتى مدخلتهاش اساسا ودة من حقك بس متعمليش فيها بقى فى كلية واسلوبك ياريت يبقى كويس مع الى اكبر منك انا دكتورة مش طالبة ادك بتكلمى معاها خليكى متحضرة تحياتى

اه وع فكرة انا دخلت عندك ع الصفحة بتاعتك لقيت باين داخله اولي كليه علاج طبيعي وعندك 17 سنة
لو دخلتى عندى هتلاقي 17 سنة بردو
يعنى الفرق بينا سنة في الدراسه يمكن عشان انا كنت بايتى سنة عشان اتولدت في شهر 12 او انتى دخلتى مدرسة بدري
وحتى لو انتى اكبر فانتى بردو طالبه ده انا افتكرتك اتخرجتى وكده
يعنى بلاش موضوع احترمى اللي اكبر منك لاننا في سن بعض واحنا الاتنين لسه طلاب بردو

دكتورة/نورهان
06-09-2012, 01:18 AM
هههههههههههه بجد ضحكتينى فى كلة اولا انا عندى 18 وكام شهر اختى الى سجلتلى فعملت 1995 وانا 1994 تمام مش موضوعى المهم انا مغلطش فيكى وعارفة او فنون جميلة مصمم فتطبيقية كمان مصمم وبلنسبة احنا لسة طلاب بردوا واحنا فى سن بعضينا فهو مش بلسن واحنا مش طلبة زى بعض انا طالبة جامعية انتى لسة فى الثانوية وانا جاوبتك ومقتنعة انى صح ولاء متخرجتش بس من اول يوم من اضغر لاكبر عامل بيقولنا يا دكتورة ماشى وانا لو شفت مصمم ديكور هقولة يا باش مهندس لانى انا عارفة انة مجال رائع جدا جدا مش محتاجة توضحيلى وانا متحضرة حضرتك مش هتعلمينى اعمل اية وانا قلت تبقى متحضرة لانك قلتى كلام غلط سلام

el senyorita
06-09-2012, 01:56 AM
هههههههههههه بجد ضحكتينى فى كلة اولا انا عندى 18 وكام شهر اختى الى سجلتلى فعملت 1995 وانا 1994 تمام مش موضوعى المهم انا مغلطش فيكى وعارفة او فنون جميلة مصمم فتطبيقية كمان مصمم وبلنسبة احنا لسة طلاب بردوا واحنا فى سن بعضينا فهو مش بلسن واحنا مش طلبة زى بعض انا طالبة جامعية انتى لسة فى الثانوية وانا جاوبتك ومقتنعة انى صح ولاء متخرجتش بس من اول يوم من اضغر لاكبر عامل بيقولنا يا دكتورة ماشى وانا لو شفت مصمم ديكور هقولة يا باش مهندس لانى انا عارفة انة مجال رائع جدا جدا مش محتاجة توضحيلى وانا متحضرة حضرتك مش هتعلمينى اعمل اية وانا قلت تبقى متحضرة لامك قلتى كلام غلط سلام

اولا يا دكتورة انا فضلي 3 شهور واكمل 18 وفرق السنة او اقل من سنة اللى ميخلكيش تتكلمى كده وتقولي طالبه ثانوى وطالبه جامعية لانك لسه مبداتيش الدراسة اصلا انتى تعتبري في اجازة 3 ث
ولو افترضنا كده انى صغيرة وحضرتك كبيرة وانى زي ما حضرتك واخدة فكرة عن ثانوى انهم عيال كده والطالب اللي في جامعه هو كبير
فبدل ما تقوليلي انا انى احترم اللي اكبر منى كنتى قولتيها لنفسك قبل ما تغلطى في استاذ بهاء او عشان متزعليش مصمم الديكور بهاء لانه اكبر منك بردو
ومش انا اللي قولت كلام غلط حضرتك اللي جاوبتى من غير ما تبحثي في الموضوع
لكن انا فاهمه كويس الشغل في ديكور ايه لانى بقرا عنه من سنتين ونص وشوفت وظايفه ومرتباته سؤالي كان بسبب ان اهلي مش موافقين لانهم بردو ميعرفوش حاجة عن الكليه فحبيت اتكلم مع ناس في التخصص ده لان عندي استفسارات تانيه غير الشغل بس مدام حضرتك شايفه ان مجاله رائع ليه كنتى بتتكلمى باسلوب في استهزاء عن الكليه وبتقللي منها
وياريت تقري كويس اخر سطر انتى كاتباه عشان الي انكتب عيب

el senyorita
06-09-2012, 01:59 AM
للاسف ماعنديش

طب يا جميل ولا يهمك
بس انا محتاجة ابقي اتكلم معاكى كل فترة عشان اسال عن حاجات وكورسات وكده
ابقي ابعتيلي ايميل اي حاجة

دكتورة/نورهان
06-09-2012, 02:09 AM
اولا يا دكتورة انا فضلي 3 شهور واكمل 18 وفرق السنة او اقل من سنة اللى ميخلكيش تتكلمى كده وتقولي طالبه ثانوى وطالبه جامعية لانك لسه مبداتيش الدراسة اصلا انتى تعتبري في اجازة 3 ث
ولو افترضنا كده انى صغيرة وحضرتك كبيرة وانى زي ما حضرتك واخدة فكرة عن ثانوى انهم عيال كده والطالب اللي في جامعه هو كبير
فبدل ما تقوليلي انا انى احترم اللي اكبر منى كنتى قولتيها لنفسك قبل ما تغلطى في استاذ بهاء او عشان متزعليش مصمم الديكور بهاء لانه اكبر منك بردو
ومش انا اللي قولت كلام غلط حضرتك اللي جاوبتى من غير ما تبحثي في الموضوع
لكن انا فاهمه كويس الشغل في ديكور ايه لانى بقرا عنه من سنتين ونص وشوفت وظايفه ومرتباته سؤالي كان بسبب ان اهلي مش موافقين لانهم بردو ميعرفوش حاجة عن الكليه فحبيت اتكلم مع ناس في التخصص ده لان عندي استفسارات تانيه غير الشغل بس مدام حضرتك شايفه ان مجاله رائع ليه كنتى بتتكلمى باسلوب في استهزاء عن الكليه وبتقللي منها
وياريت تقري كويس اخر سطر انتى كاتباه عشان الي انكتب عيب


علفكرة واضح انى كتبت ميم بدل نون وانتى فهمتى غلط يعنى اقتبيسيها من الحوار مش قصدى الى وصلك وانا مغلطش فيكى ولا فى استاذ بهاء ولا قللت من المهنة نهائى علفكرة تحياتى

mimo108
06-09-2012, 04:11 PM
انا شايفة انك تدخلى ديكور احسن لان حتدرسى فيها زى كلية الهندسة بس بالاضافة لجانب فنى وده مطلوب اكتر طبعا
بس فى العموم الشغل ده حاجة بأيد ربنا ممكن تلاقى واحد فى هندسة يجيلوا شغل بالهبل وواحد لأ ونفس الموضوع بالنسبة لفنون
شوفى انتى بتحبى ايه وايه اللى تقدرى تتفوقى فيه وده اكيد حيساعدك ع الشغل
وقبل اى حاجة صلى استخارة
انا ناوية ان شاء الله لو قدرت اجيب مجموع كويس فى 3 ادخل ديكور ادعيلى :)
بس فى حاجة عايزة اسأل فيها هو انا ادبى بالنسبة للدراسة حتفرق فى حاجة ان علمى يعنى انا اعرف ان لازم اخد كورسات فى الكيميا والفيزيا فى حاجة تانية غير كده

el senyorita
06-09-2012, 09:35 PM
انا شايفة انك تدخلى ديكور احسن لان حتدرسى فيها زى كلية الهندسة بس بالاضافة لجانب فنى وده مطلوب اكتر طبعا
بس فى العموم الشغل ده حاجة بأيد ربنا ممكن تلاقى واحد فى هندسة يجيلوا شغل بالهبل وواحد لأ ونفس الموضوع بالنسبة لفنون
شوفى انتى بتحبى ايه وايه اللى تقدرى تتفوقى فيه وده اكيد حيساعدك ع الشغل
وقبل اى حاجة صلى استخارة
انا ناوية ان شاء الله لو قدرت اجيب مجموع كويس فى 3 ادخل ديكور ادعيلى :)
بس فى حاجة عايزة اسأل فيها هو انا ادبى بالنسبة للدراسة حتفرق فى حاجة ان علمى يعنى انا اعرف ان لازم اخد كورسات فى الكيميا والفيزيا فى حاجة تانية غير كده

ربنا معاكى
بصي هو ديكور بياخد ادبي في اسكندريه بس
وانتى مش محتاجة حاجة الموضوع سهل ومش محتاجة كورسات عادي انتى اخدتى الفيزيا والكيميا في 1ث وفي اعدادى وفاهمه
بس بصراحة مش عارفه موضوع الكورسات ده اجباري للكليه ولا الطلاب بيعملوه من نفسهم بس اكيد انتى سالتى وعارفه
وربنا يوفقك ان شاء الله

mimo108
07-09-2012, 05:23 AM
ربنا معاكى
بصي هو ديكور بياخد ادبي في اسكندريه بس
وانتى مش محتاجة حاجة الموضوع سهل ومش محتاجة كورسات عادي انتى اخدتى الفيزيا والكيميا في 1ث وفي اعدادى وفاهمه
بس بصراحة مش عارفه موضوع الكورسات ده اجباري للكليه ولا الطلاب بيعملوه من نفسهم بس اكيد انتى سالتى وعارفه
وربنا يوفقك ان شاء الله
انا من اسكندرية فاكيد معنديش مشكلة بالنسبة لكده
بس انا كنت خاية لان سمعت قبل كده حد بيتكلم ان ادبى بيبقى الموضوع مختلف بالنسبالهم وبيبقى فى سنة اعدادى لكن من علمى بيدخلوا ع طول وحاجات كده فكنت عايزة اعرف نظامها بس
وانا برده مش عارفة هى بتبقى تبع الكلية ولا لأ
وان شاء الله ربنا يوفقك انتى كمان

el senyorita
08-09-2012, 12:15 AM
انا من اسكندرية فاكيد معنديش مشكلة بالنسبة لكده
بس انا كنت خاية لان سمعت قبل كده حد بيتكلم ان ادبى بيبقى الموضوع مختلف بالنسبالهم وبيبقى فى سنة اعدادى لكن من علمى بيدخلوا ع طول وحاجات كده فكنت عايزة اعرف نظامها بس
وانا برده مش عارفة هى بتبقى تبع الكلية ولا لأ
وان شاء الله ربنا يوفقك انتى كمان

بصي يا قمر انا هفهمك الموضوع ماشي ازاي
دلوقتى مثى نفترض ان الكليه اخدت تنسيق العلمى 94% .وتنسيق الادبي 92%
وعملت تنسيق داخلي لقسم ديكور مثلا 93.4%
طلاب علمى لو عاوزين ديكور هيدخلو ع طول من غير تنسيق
طلاب ادبي لو مجموعهم جايب التنسيق الداخلي هيدخلو ولو مش جايب واقل من التنسيق الداخلي يبقي هيدخلو سنة اعداداي ولو تقديرهم عالي هيدخلو قسم الديكور بعد كده

Yes We Can
08-09-2012, 09:13 AM
بصي يا قمر انا هفهمك الموضوع ماشي ازاي
دلوقتى مثى نفترض ان الكليه اخدت تنسيق العلمى 94% .وتنسيق الادبي 92%
وعملت تنسيق داخلي لقسم ديكور مثلا 93.4%
طلاب علمى لو عاوزين ديكور هيدخلو ع طول من غير تنسيق
طلاب ادبي لو مجموعهم جايب التنسيق الداخلي هيدخلو ولو مش جايب واقل من التنسيق الداخلي يبقي هيدخلو سنة اعداداي ولو تقديرهم عالي هيدخلو قسم الديكور بعد كده

بعد اذن حضرتك هستفسر على شويه حاجات
يعنى انا لو ادبى و فرضا جبت مجموع الكليه لكن مجبتش التنسيق الداخلى طبعا انا بتكلم على اسكندريه
هدخل اعدادى و لو جبت تقدير ادخل على ديكور عادى و ابقى زى علمى
و لو جبت مجموع التنسيق الداخلى ابقى ديكور علطول زى علمى و لا فيه قسم لديكور لادبى بس هناك
غير علمى خالص و هل لازم اخد كورسات و كده و لا لا و هل مستقبلها حلو من نظر حضرتك
و اسف ع الازعاج و ارجو الرد

mimo108
08-09-2012, 12:09 PM
بصي يا قمر انا هفهمك الموضوع ماشي ازاي
دلوقتى مثى نفترض ان الكليه اخدت تنسيق العلمى 94% .وتنسيق الادبي 92%
وعملت تنسيق داخلي لقسم ديكور مثلا 93.4%
طلاب علمى لو عاوزين ديكور هيدخلو ع طول من غير تنسيق
طلاب ادبي لو مجموعهم جايب التنسيق الداخلي هيدخلو ولو مش جايب واقل من التنسيق الداخلي يبقي هيدخلو سنة اعداداي ولو تقديرهم عالي هيدخلو قسم الديكور بعد كده
اه كده فهمت شكرا ليكى

el senyorita
08-09-2012, 05:50 PM
بعد اذن حضرتك هستفسر على شويه حاجات
يعنى انا لو ادبى و فرضا جبت مجموع الكليه لكن مجبتش التنسيق الداخلى طبعا انا بتكلم على اسكندريه
هدخل اعدادى و لو جبت تقدير ادخل على ديكور عادى و ابقى زى علمى
و لو جبت مجموع التنسيق الداخلى ابقى ديكور علطول زى علمى و لا فيه قسم لديكور لادبى بس هناك
غير علمى خالص و هل لازم اخد كورسات و كده و لا لا و هل مستقبلها حلو من نظر حضرتك
و اسف ع الازعاج و ارجو الرد

انا شايفه ان مستقبلها حلو خصوصا للولاد
وبالنسبه للكلام اللي انت قولته صح بس في شويه غلطات
هى ان الديكور القسم بتاعه لما تدخله زيك زي علمى مفيش فرق
وموضوع الكورسات بصراحة مش عارفه بس هسال وارد عليك
وع فكرة في قسم الجرافيك لو التنسيق معرفتش تجيب فيه ديكور
انا شايفه ان مستقبل الجرافيك وشغله احسن بكتييييييييييييير بالنسبه لمصر
بس لو عاوز شغل بره مصر ومرتب عالي خليك في ديكور

el senyorita
08-09-2012, 05:51 PM
اه كده فهمت شكرا ليكى

العفو
وربنا يوفقك ان شاء الله

بشمهندس احمد
10-09-2012, 12:41 AM
بصي يا قمر انا هفهمك الموضوع ماشي ازاي

طلاب ادبي لو مجموعهم جايب التنسيق الداخلي هيدخلو ولو مش جايب واقل من التنسيق الداخلي يبقي هيدخلو سنة اعداداي ولو تقديرهم عالي هيدخلو قسم الديكور بعد كده

هو انتى بعد اذنك فى حاجة غلط فى الكلام ديكور قسم منفرد بنفسه ذى عمارة مش ينفع يكون لى تقدير بعد اعدادى فنون عام واشكرك جدا على دفعك عن كليتنا وقسمنا (:078111rg3:الديكور)

el senyorita
10-09-2012, 12:58 AM
هو انتى بعد اذنك فى حاجة غلط فى الكلام ديكور قسم منفرد بنفسه ذى عمارة مش ينفع يكون لى تقدير بعد اعدادى فنون عام واشكرك جدا على دفعك عن كليتنا وقسمنا (:078111rg3:الديكور)

انا اسفه بس انا اخدت المعلومات اللي اعرفها كلها من النت ومن ناس في فنون جميله اكيد حد قالي معلومة غلط

bahaaeldeen
04-02-2013, 03:18 PM
انا اسفه بس انا اخدت المعلومات اللي اعرفها كلها من النت ومن ناس في فنون جميله اكيد حد قالي معلومة غلط


ديكور قسم مستقل بذاته كما ذكرنا لو انتى علمى
ولو انتى ادبى بتدخلى فى اسكندرية تنسيق داخلى باعلى من مجموع الكلية فقط :)
تحياتى

Noha Dyab
05-03-2013, 01:26 AM
أرجو الرد وبدون انحياز انا اعشق الفن والمعمار وأنا فى الصف الثالث الثانوى ومجموعة 97 فى تانيه ولكن كل ما أجيب سيره فنون جميله عماره اسمع تريقه واستهزاء وان الكلية ملهاش مستقبل وان انا فأكره نفسى فى أوروبا وان هندسه عماره هى اللى معترف بيها بس فى مصر وان محدش هيوظف واحده خريجه فنون عماره ، انا احترت بقى مين الأفضل ويمكن عشان صغر سنى ونقص الخبره معنديش خلفيه كويس ، أرجو الرد لو سمحتو

bahaaeldeen
05-03-2013, 05:58 PM
أرجو الرد وبدون انحياز انا اعشق الفن والمعمار وأنا فى الصف الثالث الثانوى ومجموعة 97 فى تانيه ولكن كل ما أجيب سيره فنون جميله عماره اسمع تريقه واستهزاء وان الكلية ملهاش مستقبل وان انا فأكره نفسى فى أوروبا وان هندسه عماره هى اللى معترف بيها بس فى مصر وان محدش هيوظف واحده خريجه فنون عماره ، انا احترت بقى مين الأفضل ويمكن عشان صغر سنى ونقص الخبره معنديش خلفيه كويس ، أرجو الرد لو سمحتو

سيبك من التريقة لو كدة كانت البلد حالها بقى احسن :)
الافضل فنون جميلة عمارة وديكور وجرافيك دول افضل الاقسام اللى عليهم الطلب مع احترامى لباقى الاقسام هايلين برضو
وذكرت الدليل ليه ديكور وعمارة احسن الاقسام واحسن نظام تعليمى ف الكلية
الموضوع يطول شرحه
وذكرته ف المنتدى بالدليل