كتب - محمدز ين الدين:
حددت روابط المعلمين والائتلافات المستقلة 14 مطلبا من وزارة التربية والتعليم لتلبيتها قبل بداية العام الدراسي لضمان استقرار العمل في مدارس الجمهورية.
طالب أعضاء هذه الروابط في المؤتمر الأول لثورة المعلمين بمحافظات الصعيد الذي عقد بوضع جدول أجور منفصل بحد أدني للعامل 1200 جنيه للإداري و2000 للمؤهل المتوسط و3000 للمعلم وعودة التكليف لخريجي كليات التربية بأثر رجعي وفقا لجدول زمني يراعي أقدمية التخرج.. إضافة إلي تعيين كافة المتعاقدين بعد مراجعة عقودهم فورا دون قيد أو شرط.. وإعادة النظر في قرار تعيينات أوائل الخريجين علي وظائف اخصائي تدريس وغيرها وإدراجهم في وظائف المعلمين.
قال عبدالله المصري منسق عام المؤتمر ان المطالب اشتملت أيضا علي ضرورة تطبيق القانون علي العاملين بالتعليم الأزهري والتعليم الخاص والمعاهد القومية واعتبارهم معارين دائمين وزيادة المعاشات بما يتناسب مع إجمالي آخر دخل مع عمل مشروع تأمين صحي متكامل للمعلمين وأسرهم علاوة علي إعادة هيكلة الوزارة والمديريات والإدارات التعليمية والمدارس وتطهيرها من القيادات الفاسدة وتوحيد المعاملة المالية وكذلك إتاحة الفرصة أمام الكفاءات من المهنة لشغل كافة المناصب القيادية حتي منصب الوزير وتفعيل دور الشئون القانونية المساند للمعلمين علي ان يتم التحقيق معهم عن طريق اللجنة المهنية التي تضم عضو نقابي وأخيرا تفعيل مشاركة المعلمين في وضع السياسات التعليمية وتطوير المناهج وتعديل القوانين.
حذر المشاركون في المؤتمر انه لا بديل عن إصدار قانون جديد ينظم العمل في كافة مؤسسات التعليم قبل الجامعي مشيرا إلي ان المعلمين يقبلون بتنفيذ الشق المالي وفقا لجدول زمني محدد موضحا تخلي الوزارة عن تحقيق وعودها للمعلمين لا يجعل سوي الإضراب بديلا لتحقيق مطالبهم المشروعة.
حضر المؤتمر الدكتور كمال مغيث المحاضر في المركز القومي للبحوث التربوية وأحمد الأشقر المنسق العام للجنة التنسيقية العليا للمعلمين ونقيب المعلمين بمدينة 6 أكتوبر والشيخ زايد وعمر مرسي نقيب اتحاد المعلمين المصريين بالقاهرة ومحمد النطار المنسق اللجنة العليا للمعلمين لمدن القناة وسيناء ومحمد عبدالمقصود رئيس اللجنة النقابية لمعلمي مصر بأسيوط وعبدالجواد محجوب الهلالي نائب رئيس اللجنة بالقوصية ووائل سامي المتحدث باسم ائتلاف معلمي الوادي الجديد وصلاح الأمير الهواري المنسق العام لرابطة اتحاد معلمي قنا.
المصدر جريدة الجمهورية 3/9/2012
http://www.algomhuria.net.eg/algomhuria/today/brains/detail01.asp

يا جماعة قولوا كلام معقول هو ينفع حد ادنى للمعلم 3000 جنية امال اللى بقالى 10 سنين هيقبض كام 4000 خلينا واقعيين نقول مثلا حد ادنى 1500 يبقى ده معقول

يا جماعة قولوا كلام معقول هو ينفع حد ادنى للمعلم 3000 جنية امال اللى بقالى 10 سنين هيقبض كام 4000 خلينا واقعيين نقول مثلا حد ادنى 1500 يبقى ده معقول

انت عندك كام سنة ؟؟

امال اللي معقول ابقي شغال بقالي 20سنه وبقبض 1200 جنيه

موظف البنك الاهلي اللي ليه 10 سنيبكالوريوس تجارة بيقبض 9000 جنيه يا محترم وانت مستكتر 3000 حد ادني ...اطلب 3000 هيرسوا علي 1500 تطلب 1200 ...يبقي الرد الماليه مفلسه....

وكمان اهم مطلب تنفيذ قرار المسمى الوظيفى حتى لو كان فيه عجز

مرتب المعلمين فى الدول المتحضرة من اعلى المرتبات عن باقى المهن الاخرى

منبقى دول متحضرة نبقى نطلب التساوى بيهم

بالتوفيق والسداد لما فيه الخير والصواب

على لسان أحد المعارف

أول مرتب للمعين حديثا بالبنوك 2000 جنيه

حضرتى و حضرتك انت و هو يا من نحصل على كادر معلمين يميزكم

متى نصل إلى ال2000 جنيه؟

عجبى

بعدا لمثبطي الهمم وعديمي الإحساس

طب واللي متعين من 77 ياخد كام

ياريت يبقوا 30 مطلب ماهو كدا كدا الكثير زى الشوية 0
مفيش حاجة إن شاء الله هاتتحق هههههههههههههه0
الكل طمعان هههههههههههههههه

على لسان أحد المعارف

أول مرتب للمعين حديثا بالبنوك 2000 جنيه

حضرتى و حضرتك انت و هو يا من نحصل على كادر معلمين يميزكم

متى نصل إلى ال2000 جنيه؟

عجبى

بعد 30 سنه

وكمان لا تنسوا تغيير المسمى الوظيفى

يعنى المثل بيقول من طلب العلا يعلى وياللأسف بعض المعلمين فى المنتدى محبطين ... نفسى أفهم هو المدرسين أقل من فئات المجتمع الأخرى فى أيه وليه بعضنا بينظر نظرة دونية ودائماً بيحسسنا بالقهر والظلم اللى هو أصلاً طافح به الكيل ... يا عزيزى فى الخليج اللى أحنا بنقول إننا علمناهم هناك جدول للأجور على مستوى الدولة فى السعودية من الدرجة الـ 15 وحتى الدرجة الأولى لكل العاملين متدرج فيه المرتب حسب المؤهل وحسب سنوات الخبرة والترقية بالكفاءة إحنا فين من ده .... لله الأمر من قبل ومن بعد

الواحد زهق بصراحة من وزارة المجاعة و الذل وزارة التعليم

انا شغال بعقد ب 50 خمسين جنيه وما باقبض خالص على فكره انا خريج كلية الالسن ومعايا زوجه واربع اولاد يعنى ندور نشحت حسبى الله ونعم الوكيل والحكم لله

بعد 22 سنة خدمة من اعدادى لثانوى وترقيات خارج الادارة وشحططة وبهدلة واوعى المعايير واحفظ المعايير ومدرستى جميلة نظيفة منتجة وحاسب فيه متابعة والعيال معهاش كتب ليه يا استاذ ومدير عام يقولك تكتب فى التاريخ من شوال ولو مكتبتهاش (من) دى تبقى وقعتك سودة والحق الجودة والاعتماد واطلع راقب ثانوية عامة خارج الادارة وسافر واتغرب بس انتى تعالى ياحبيبى تعالى وحضر بالطريقة الطولية لا بالعرضية والغى سنة ساتة ورجع سنة ساتة وتالتة ابتدائى تبقى شهادة لا تتلغى والثانوية العامة مرحلتين وهييييييه لا مرحلة وحدة وسنة تانية تبقى نقل وهييييه وتخش الكادر وتذاكر وتنجح واللى مش هيخش الكادر هنحط السيخ المحمى فى صرصور ودنه وتلاقى اللى بعد منك بكام سنة اتساوى بيك وتستنى المرحلة التانية من الكادر عشان تزيد وتقب على وش الفتة ( ده احنا هنهبر هبر ) وتمنى نفسك فى الاخر مرتبى لايزيد عن 1500 جنيه بالحوافز بسلطاته ببابا غنوجه ومن الاخر كده ايديال زانوسى بقت زانوسى وسلم لى على الكادر

والله انت تموت من الضحك

صبرا يا ابن ادم فان موعدكم الكادر

والله ياأستاذ أحمد مش باين شكلها مش هنجتاز الصراط (وعود الحكومة ) وسنهوى فى قاع جهنم ( مطالب الحياة )

ما علينا من الفلوس خلونا فى مصدر الخبر وشوفوا تاريخه صحيح ولا لا والرابط مش سليم ولا بيوصل للخبر يعنى مفيش ائءتلافات ولا تجمعات ولا ديوله دمتم

طيب ما اهو الناس زعلانة فعلا ؟
ولما قلنا الناس زعلانة من رواتب شهر 7 يبقي كنت صادق

انا زهقت من الكلام الفارغ الذى لن يفيد وانا عايز مطلب واحد فقط يحسبوا لنا الكادر على الاساسى الجديد ويسبونا فى حالنا

المهم مجيش بعض المعلمين الجبناء وانا اعتذز عن وصفهم بذلك - يخلوا المدرسين اصحاب العزم يتراجعوا عن الاضراب
ياريت يشفوا اللى عملوة الاطباء
ويشفوا قانون المهن الطبية الجديد والمقابل المادى والمعنوى لهم بعد ان اثبتوا انهم رجال اصحاب كرامة

الواحد زهق بصراحة من وزارة المجاعة و الذل وزارة التعليم

وزارة اصلا مفيش فايدة عمرها ما حتريح المعلم

أصلاااااااااااااااااااا الموضوع ده قديم ومكتوب من 2012 ايه الفايده من الردود فيه وإعادة شحن المعلمين ....
كفاااااااااااااااااااكم أذى
((( طبعا عارفين نفسكم كوووويس )))