Yes We Can
02-09-2012, 11:57 PM
انا بكلمكم دلوقتى و انا بجد ندمان جدا على الانا فيه
انا 3 ثانوى ادبى و دى مشكلتى
انى ادبى انا حتى الان معنديش هدف انا مش لاقى كليات فى ادبى حلوه
قاعد بلف و ادور انى الاقى كليات حلوه ادبى مش لاقى
و ياريت محدش يقولى عندك سياسه و اقتصاد و اخرتى هبيع خضار مع احترامى للخرجيين
و اعلام او السن اعلا ملهاش مستقبل و السن صعبه جدا و عمرى ماهجبها
و تربيه اخرتى مدرس و تجاره و حقوق و اداب دول مصر كلها فيها
انا زهقت بجد انا فكرت فى فنون جميله و قولت بعد كده ملهاش مستقبل هتطلع
مهندس ديكور يعنى مش هشتغل انا بجد مش لاقى كليه عدله احطها هدف ليا
انا خلاص تعبت و مش قادر استحمل و عاوز حد اتكلم معاااااااه
sameh mostafa
03-09-2012, 12:11 AM
تجارة انجلش واقتصاد وعلوم سياسية وفنون جميلة كليات قمة
لو اقتصاد وعلوم سياسية واعلام محدش بيشتغل مكنش حد دخلها ولا اخدت فوق ال95%
اعمل الصح
Yes We Can
03-09-2012, 12:14 AM
تجارة انجلش واقتصاد وعلوم سياسية وفنون جميلة كليات قمة
لو اقتصاد وعلوم سياسية واعلام محدش بيشتغل مكنش حد دخلها ولا اخدت فوق ال95%
اعمل الصح
يعنى ايه رائيك فيهم و ايه احسن كليه فيهم انا عاوز واحده فى حدود بالكتير 92
sameh mostafa
03-09-2012, 12:25 AM
فنون جميلة من غير تفكير
بس اهتم بالقدرات
طالبة حالمة
03-09-2012, 12:27 AM
اقتصاد وعلوم سياسية حلوة اوى انا باسمع صحيح ان لازم واسطة للتعيين للشغل بس ماحدش يعرف المستقبل فيه ايه يمكن الحال يتغير ..انت ممكن تبقى دكتور فى الجامعة وتجتهد فيها وتطلع من الاوائل وتتعين معيد بس هى كليه جميلة حسب ما انا عارفة وحلو انك تفهم فى السياسة.
وألسن كويسة اوى برضه تتخصص فى لغة وممكن تبقى برضه دكتور فى الجامعة ان شاء الله وتكون مترجم للكتب والمؤلفات واعلام وصحافة وهو كذلك
انا شايفة ان كليات ادبى حلوة برضه وبيدخلوها بتوع علمى برضه بس انا اشجع اقتصاد وعلوم سياسية وتكون استاذ فى الحامعة ..
المتفائله...
03-09-2012, 12:31 AM
حضرتك لو اتفوقت فى الكلية واثبت نفسك فيها هتكون دكتور فيها
كل الكليات وظيفها مطلوبة حط لنفسك هدف فى كلية معينة وحط لنفسك بديل للهدف
والهدف انت اللى بتحدده لنفسك محدش يحدده لك لانك انت الوحيد اللى عارف قدراتك وانت كمان الى هتتحط بديله كل الكليات حلوة ومتسمعش للى يقولك الكلية دى للفشلين
ربنا يوفقك
* Dr.Nour *
03-09-2012, 12:40 AM
كل الكليات ممكن تكون كويسة بشرط إن الشخص يكون له هدف فيها
حاول تقعد مع نفسك و تشوف كل كلية كدة و انت حاسس إنك هتتميز في أنهي واحدة فيهم
و ممكن في أي كلية منهم تكون معيد و بعدها دكتور و ممكن كمان تبدع في الشغل بتاعها و تاخد كورسات و كدة و دة هيخليك مطلوب في مجال العمل
و الموضوع دة ممكن يساعدك في تحديد ميولك http://www.thanwya.com/vb/showthread.php?t=453795
و بالتوفيق إن شاء الله
smsmzeros
03-09-2012, 12:49 AM
على فكره مش شرط كليه من كليات القمه عشان تبقى عارف
انتا خالى فبالك دايما ان المكان اللى هتتحطا فيه لازم تثبت نفسك فيه
مهما تعبت لازم تستحمل وتعمل اللى عليك
سدئنى والله اعمل اللى عليك بجد واجتهاد وربنا هيكرمك
ومتشغلش بالك دلوقتى بالكليات واللى هترورحو واللى مش هتروحى
انتا دلوقتى قدامك هدف صغير ووهدف كبير وهدف اكبرمنهم طبعا
فخليك فالصغير دلوقتى اللى هوا المجموع الكبير اللى عايز تجيبو السنادى
عشان يسهلك الهدف اللى اكبر منو بس اعمل اللى عليك
hobahoby
03-09-2012, 02:11 AM
دة فى كلية فنون تطبيقية قسم جرافيك دى تحفةةة و فى اقسام تانية كتير حلوة اوى
دى شغلها جامد بجد
دة غير فنون جميلة قسم عمارة تبقى مهندس معمارى و تبع نقابة المهندسين
و فنون قسم ديكور دى تبقى مهندس ديكور مين قالك دى ملهاش شغل ؟!
المهم تفائل و ادخل الحاجة اللى بتحبها و موضوع الشغل دة هييجى من عند ربنا ^_^
ربنا معاك يا رب
Yes We Can
03-09-2012, 12:08 PM
شكـرا بجد على ردودكم المشجعه دى
و انا هحاول اعيد النظر من اول و جديد
و احط لنفسى هدف و امشى عليه
شكـرا ليكم مره اخرى و معلش دايما بتعبكم معايا
..: Pink rose :..
03-09-2012, 05:42 PM
كل الكليات حلوة بس اللي يتفوق فيها و يبقى عنده طموح انوا يكمل مشوار التفوق
بعدين انت اخترت ادبي من الاول ..يعني عارف انوا الافضل بالنسبالك و يوافق ميولك
فأكيد هتلاقي في الادبي الكلية اللي تناسب مستواك و دراستك
و بالتوفيق...