مشاهدة النسخة كاملة : مدرسة خاصة بالبحيرة تقرر فصل المعلمات المتزوجات


هويدااحمد76
04-09-2012, 10:54 AM
مدرسة خاصة بالبحيرة تقرر فصل المعلمات المتزوجات

محمود محمد محمود


http://www.thanwya.com/vb/./Portal_News/Big/2151332012830582.jpg وزارة التربية والتعليم، دمنهور




في سابقة هى الأولى من نوعها بوزارة التربية والتعليم، قامت مدرسة زمزم الإسلامية بمدينة دمنهور، بتهديد معلمات المدرسة المتزوجات بفصلهن بدءاً من أول سبتمبر المقبل، ومنعهن من الحضور للمدرسة، وفقا لقانون العمل والعقد المبروم معهن، حيث ترفض المدرسة قبول المعلمات المتزوجات، ضاربين بقرارات المهندس مختار الحملاوي محافظ البحيرة، عرض الحائط، حيث سبق وأنذر المدرسة بعدم فصل أي معلمه بقرار تعسفي.

وشهدت مدرسة زمزم الإسلامية الابتدائية بدمنهور، حالة من الاحتقان اليوم، من جانب المعلمات العاملات بالمدرسة، عندما قام مدير المدرسة عبد الحميد هندواي بابلاغ المعلمات المتزوجات بعدم الحضور يوم الأحد المقبل الموافق 2 سبتمبر، حيث قرر مجلس إدارة المدرسة فصلهن.

من جانبهن، دعا المعلمات لتنظيم وقفة احتجاجية الأحد المقبل، أمام المدرسة، للتعبير عن رفضهن للقرار، ومطالبة المحافظ بسرعة التدخل.

كان المهندس مختار الحملاوي، محافظ البحيرة، قد قرر وضع مدرسة زمزم تحت الإشراف المالى والإدارى لمديرية التربية والتعليم بالبحيرة، وذلك لقيامها بفصل المدرسين خلال أشهر الإجازة الدراسية، وعدم صرف مكافأة الامتحانات وتهديدهم بإنهاء التعاقد.

جاء ذلك بناء على تقرير محمود علوى، وكيل وزارة التربية والتعليم بالبحيرة، الذى تضمن عدم التزام تلك المدارس بالتعليمات والقرارات الوزارية 2003 لسنة 1993 وقانون العمل رقم 12 لسنة 2003 وقانون التعليم رقم 139 لسنة 1981 وتعديلاته.
http://new.elfagr.org/dailyPortal_Print_News_Details.aspx?nwsId=177498&secid=34

صوت العقل
04-09-2012, 11:02 AM
لا حول ولا قوة الا بالله ..
شكرا على الخبر

هويدااحمد76
04-09-2012, 10:35 PM
لا حول ولا قوة الا بالله ..
شكرا على الخبر

تخيلى يا صديقتى لو الشرط العجيب ده فى المدارس الحكومية
احنا هنعمل ايه !!!!!!!!!!!!!!
المدرسات انشط ناس عندنا فى المدرسة ده مش كلامى دى شهادة كل المديرين اللى اداروا المدرسة عندنا
بيحضروا اول ناس ومش بيمشوا غير لما يخلصوا حصص وبيحضروا ويشرحوا
ويصححوا الكتب والله ما فيه لجنة متابعة اعطت معلمة عندنا اى تقصير
ليه لاننا بننسي اعباء المنزل والاسرة والاطفال بمجرد دخولنا باب المدرسة بنراعى ربنا وبنقول غلى الرغم اننا بتعب فى البيت ومسؤلياته لكن الاولاد فى المدرسة ما لهومش ذنب واللى تحس انها عتقصر بتاخد اجازة بدون مرتب

love ur life
04-09-2012, 10:41 PM
ههههههههه

.............

هشام الضبع
04-09-2012, 10:52 PM
شكرا على الخبر ، ولا حول ولا قوة إلا بالله .

راغب السيد رويه
05-09-2012, 02:14 AM
جزاك الله خيرا على الخبر

مستر مصطفى الناقه
05-09-2012, 08:13 AM
جزاك الله خيرا على الخبر

mohammed ahmed25
05-09-2012, 11:11 AM
جزاكم الله خيرا على الخبر

نفسى افهم ايه الحكمه من وجود شرط زى كده فى العقد
واعتقد لا يمكن الاحتجاج بالعقد فى فصلهم بحجة ان العقد شريعة المتعاقدين
لان هذا الشرط حرم حلالا .

القط الاسود 13
05-09-2012, 05:31 PM
ليه بقى ان شاء الله ؟ هو الجواز ماله اصلا بالتدريس طب مأنا مامتى مدرسة متزوجة و عنها اربعة ابناء كمان
ايه الهبل ده المفروض يجازوا المدرسة دى

صوت العقل
06-09-2012, 11:46 AM
تخيلى يا صديقتى لو الشرط العجيب ده فى المدارس الحكومية
احنا هنعمل ايه !!!!!!!!!!!!!!
المدرسات انشط ناس عندنا فى المدرسة ده مش كلامى دى شهادة كل المديرين اللى اداروا المدرسة عندنا
بيحضروا اول ناس ومش بيمشوا غير لما يخلصوا حصص وبيحضروا ويشرحوا
ويصححوا الكتب والله ما فيه لجنة متابعة اعطت معلمة عندنا اى تقصير
ليه لاننا بننسي اعباء المنزل والاسرة والاطفال بمجرد دخولنا باب المدرسة بنراعى ربنا وبنقول غلى الرغم اننا بتعب فى البيت ومسؤلياته لكن الاولاد فى المدرسة ما لهومش ذنب واللى تحس انها عتقصر بتاخد اجازة بدون مرتب


فعلا اختى شرط قاسى جدا ..
المفروض طالما مفيش تقصير منهم
مش يتم فصلهم .. لكن المدارس الخاصة بيبقى ليها شروط
معينة وفيه ناس بتقبل لانها محتاجة الوظيفة والشرط ده
بيكون على المدرسات فقط مع العلم انهم وحتى وهم
متزوجات وعندهم ابناء الاكثر كفاءة عن بعض المدرسين
ومش بنعمم لان فيه مدرسين رجال ملتزمين فعلا ..
ونفس الشرط ده .. بيكون اساسى فى اعارات المدرسات والتعاقد
للمدارس بالدول العربية ..انا شايفة انهم وافقوا من البداية وقبلوا الشرط
ده يبقى مش من حقهم الاعتراض حاليا .. معروف ان المدارس الخاصة
يهمها ربحها فقط وليس الاشخاص .. جزاكى الله خيرا اختى ..

صوت العقل
06-09-2012, 11:48 AM
ليه بقى ان شاء الله ؟ هو الجواز ماله اصلا بالتدريس طب مأنا مامتى مدرسة متزوجة و عنها اربعة ابناء كمان
ايه الهبل ده المفروض يجازوا المدرسة دى

حضرتك مش فاهم ..
مامتك بتشتغل فى مدرسة حكومية ..
لذا مفيش شروط من دى وبراحتها خالص ..
انما المدرسة اللى فى الخبر مدرسة خاصة ..
بتعمل التعاقد بدون قيود وباى شروط ..
جزاكم الله خيرا

shimo sh
06-09-2012, 11:54 AM
لا حول ولا قوة الا بالله
وليه يعنى كدا