بسم الله الرحمن الرحيم

السلام عليكم ورحمة الله وبركاته
-=--=

الحمد لله النهاردة حولت ورقى علوم المنصورة

شوفوا ياجماعة الكام سطر الجايين دول فيهم اجابتكم على كل حاجة وبالتوفيق للجميع ان شاء الله

----------

بخصوص جامعة المنصورة
التحويل الورقى شغال ياجماعة والتقديم كمان شغال
هفيدكم اكتر بخصوص التحويل لإنه كان واجهتى النهاردة
اولاً هتنزلوا شارع اسمه شارع جيهان وتسألوا على البوابة الى فيها مكتب التحويلات
خلى بالك هيكون فى شبابيك كتير لكل كام كلية كدا شباك ,, الشباك الزحمة جداً شباك كلية تجارة يليه كليات الطب وكدا والاقل فى الزحمة خالص كليات التمريض يليها العلوم والحاسبات ,, المهم >>
اول ماتوصل مكتب التحويلات متقفش فى الطابور خش على طول ع الشباك اسحب ورقة طلب تحويل ودي بيدوهالك من غير طابور عشان لسا هتقف تعبيها ورا تاخد الورقة وتكتب وتعبيها وترجع تقف ع الشباك
المتطلبات كالآتى
1 - صورة استمارة نجاح الثانوية العامة
2- بطاقة الترشيح للكلية الى انت فيها
3- ورقة التحويل الى انت سحبتها من الشباك دى ومليتها
4 - وصل كهرباء او مياه او نور او فاتورة تليفون بإسم والدك او والدتك يكون عمر الفاتورة اكبر من 6 شهور
5 - مبلغ 300 جنيه
بالتوفيق للجميع بإذن الله

الف مبروووووووووووووووك عقبال التخرج ان شاء الله بلتوفيق

الف شكر يادكتور ,, حضرتك من الناس الى شجعتنى والناس الى قريت ردها النهاردة الصبح قبل مانزل

ربنا يوفقك الجميع ان شاء الله ويارب الحق القسم الى انا عاوزه

التحويلات ديه لكليات مناظرة ولا كليات مناظرة وغير مناظرة

[quote=أبو عصفور;4812194]بسم الله الرحمن الرحيم

السلام عليكم ورحمة الله وبركاته
-=--=

الحمد لله النهاردة حولت ورقى علوم المنصورة

انا كمان حولت امبارح من اداب عين شمس لتجاره عين شمس و قالولي اني النتيجه هتظهر علي اول الدراسه كده فعايز اعرف هل اقدم في كليه اداب عشان لا قدر الله والتحويل ماتقبلش ولو روحت اقدم اكيد هيعوزوا المصاريف فعايز اعرف بقي في الحاله دي بقي لو اتقبل التحويل باذن الله هيرجعوا الفلوس ديه تاني ولا هيضربوا عليها و يخلوني ادفع فلوس تاني في تجاره ولا ايه

التحويلات ديه لكليات مناظرة ولا كليات مناظرة وغير مناظرة

متهيألى الاتنين شغالين

[quote=أبو عصفور;4812194]بسم الله الرحمن الرحيم

السلام عليكم ورحمة الله وبركاته
-=--=

الحمد لله النهاردة حولت ورقى علوم المنصورة

انا كمان حولت امبارح من اداب عين شمس لتجاره عين شمس و قالولي اني النتيجه هتظهر علي اول الدراسه كده فعايز اعرف هل اقدم في كليه اداب عشان لا قدر الله والتحويل ماتقبلش ولو روحت اقدم اكيد هيعوزوا المصاريف فعايز اعرف بقي في الحاله دي بقي لو اتقبل التحويل باذن الله هيرجعوا الفلوس ديه تاني ولا هيضربوا عليها و يخلوني ادفع فلوس تاني في تجاره ولا ايه

بص انا كل الى على الشباك بسمعهم بيقولوا لهم الكلام دا بس بصراحة انا تنحت ع الشباك :rolleyes:

لحد ماقالى كدا انت خلاص اتقبلت طلاما خدنا الملف منك خلاص تيجى بقى اول السنة الدراسية تقدم وتكتب رغبات الاقسام وكدا لإن فى ورق اصلاً بيترفض وبيرجعوه لصاحبه تانى ودا كدا تحويله الورقى اترفض من قبل مايدفع ومن قبل اى حاجة لكن طلاما خد الورق منك ودبسه فى بعضه واداه للراجل الى معاه دا يكتب لك وصل وكدا وخلاص والوصل حتى ملوش اى 30 لزمة غير انه هيأخرك ساعة ع الاقل كمان

طب هل فعلا فتح التحويل من طب اسماعيلية وهندسة بترول ولا دى اشاعات ؟ وهل فى حد يعرف معاد التحويل الورقى فى جامعة الزقازيق؟