مشاهدة النسخة كاملة : أصعب أسئلة من كتاب الإمتحان . أدخل وشاركنا الحل ( مـــــــتـــــجــــــدد ) :) ;) ;)
Lyonenyo 06-09-2012, 02:17 PM بسم الله والصلاة والسلام على رسول الله
هذه بعض الأسئلة التي واجهتني ولم أستطع فهم الحل يا ريت اللي عنده أسئلة صعبة أيضا يضعها هنا ونتشارك في حلها وشكرا وياريت لو في مدرس طيب وحلو وجميل يساعدنا :)
يلا ابدا أنا بسؤال مش عارفه عشان ننشط الشغل
س : موجة ترددها (نيو1) وطولها الموجي (لمدا1) وسرعتها في وسط ما (V1) , إذا انتقلت هذه الموجة من هذا الوسط إلى وسط آخر سرعتها فيه 2/3(v1) فإن
1- التردد (نيو1) يظل ثابتا وكذلك الطول الموجي (لمدا1)
2-التردد (نيو1) يظل ثابتا ويصبح الطول الموجي 2/3(لمدا1)
3-الطول الموجي (لمدا1) يظل ثابتا ويصبح التردد 3/2(نيو1)
4- الطول الموجي (لمدا1) يظل ثابتا ويصبح التردد 2/3(نيو1)
أرجو توضيح الحل وشكرا
وبالنسبة للناس اللي بتتشائم من المنظر دا
أفتح كتاب الإمتحان نسخة 2013 الجديدة صفحة 19 كتاب الأسئلة هتلاقيها رقم 23 في الصفحة وشكرا
إن شاء الله بمجرد حل هذا السؤال سأقوم بوضع آخر
محمد على الشاورى 06-09-2012, 02:49 PM الاجابة رقم 2 ان شاء الله لان لما موجة تنتقل من وسط لاخر بيكون ترددها ثابت والسرعة تتناسب طرديا مع الطول الموجى
والله اعلم
Lyonenyo 06-09-2012, 03:13 PM تمام تمام إجابة سليمة 100% وانا مكنتش واخد بالي فعلا طيب جميل المسألة اللي بعدها جاية في الطريق :)
+ تم إضافة تقييم لإجابة حضرتك + اللي عنده سؤال يحطه على طول
ملحوظة أنا قربت أخلص فصل الضوء بس أنا بحل الكتاب اللي لسه نازل كدا من الأول :)
Lyonenyo 06-09-2012, 05:21 PM ما الفرق بين تعريف الحركة الإهتزازية وتعريف الحركة التوافقية البسيطة ؟
M i S h O o 06-09-2012, 07:00 PM الحركة الإهتزازية : هى الحركة التى يحدثها الجسم المهتز حول موضع سكونه الأصلى فى اتجاهين متضادين .
الحركة التوافقية البسيطة : هى انقى وأبسط صور الحركة الإهتزازية ويمثلها منحنى جيبى .
Lyonenyo 06-09-2012, 10:39 PM الحركة الإهتزازية : هى الحركة التى يحدثها الجسم المهتز حول موضع سكونه الأصلى فى اتجاهين متضادين .
الحركة التوافقية البسيطة : هى انقى وأبسط صور الحركة الإهتزازية ويمثلها منحنى جيبى .
ماشي تمام +1 تقييم
يلا يا جماعة حطوا أي أسئلة في أي فصل إن شاء الله نجاوبكم يلااااااااا
والسؤال اللي جاي خطير
سامى جزر شمس 07-09-2012, 08:58 AM مستخدماً العلاقة البيانية بين الإزاحة والزمن لجسم مهتز كيف يمكن إيجاد سرعة هذا الجسم المهتز فى أى لحظة؟
Lyonenyo 07-09-2012, 09:27 AM بما أن السرعة = المسافة / الزمن
إذا يمكن إيجاد سرعة الجسم المهتز في أي لحظة بإيجاد ميل المنحنى
يعني لو جبت الميل تجيب السرعة
Lyonenyo 07-09-2012, 01:03 PM بما أن السرعة = المسافة / الزمن
إذا يمكن إيجاد سرعة الجسم المهتز في أي لحظة بإيجاد ميل المنحنى
يعني لو جبت الميل تجيب السرعة
انتظروا سؤال قادم على فصل الضوء بقى
مروان عبدالله محمود 07-09-2012, 03:57 PM فى نفس الوسط وعند ثبوت درجة الحرارة تكون سرعة الموجة واحدة و يتناسب الطول الوجى عكسيا مع التردد
فى نفس الوسط وعند تغير درجة الحرارة فان التردد يظل ثابت و تتناسب السرعة مع الطول الموجى طرديا
اذا لم يذكر درجة الحرارة فى السؤال معناها ان درجة الحرارة ثابتة
اذا انتقلت الموجة من وسط الى وسط اخر فان التردد يظل ثابت لانه يعتمد على تردد المصدر ويتاسب الطول
الموجى طرديا مع السرعة
والله ولى التوفيق
Lyonenyo 08-09-2012, 12:01 AM فى نفس الوسط وعند ثبوت درجة الحرارة تكون سرعة الموجة واحدة و يتناسب الطول الوجى عكسيا مع التردد
فى نفس الوسط وعند تغير درجة الحرارة فان التردد يظل ثابت و تتناسب السرعة مع الطول الموجى طرديا
اذا لم يذكر درجة الحرارة فى السؤال معناها ان درجة الحرارة ثابتة
اذا انتقلت الموجة من وسط الى وسط اخر فان التردد يظل ثابت لانه يعتمد على تردد المصدر ويتاسب الطول
الموجى طرديا مع السرعة
والله ولى التوفيق
جزاك الله خير على الشرح المستفيض بس انا عايزك تبقى تيجي وتشاركنا ان شاء الله وتحط أسئلة كويسة وإن شاء الله نجاوب مع بعض
Lyonenyo 08-09-2012, 12:03 AM يلا سؤال حلو أنا عرفت إجابته بس عايز اتأكد منها
بعد عاصفة تمشى رجل وكان متجها إلى الشرق وقد شاهد قوس قزح فوق منزل جاره فهل كان الوقت صبحا أم مساءا
سؤال اخر لماذا تفضل الليفة المكونة من طبقتين عن الليفة المكونة من طبقى واحدة ؟
Lyonenyo 08-09-2012, 01:43 PM سبحان الله المنتدى دا أمره عجيب جمييييع الأقسام بسم الله ما شاء الله شغالة كويس جدا السياسية والرياضية والمجتمعية والخ
الأقسام الوحيدة اللي في قمة الضعف ولا يوجد أي تفاعل أقسام الثانوية !!!
أصلا المنتدى اسمهثانوية مجتمع التعليم
أعذروني أنا قررت أبحث عن مكان بديل :) سلام
الصقر الباحث 09-09-2012, 01:03 AM قارن بين:
انكسار الصوت - حيود الصوت (من حيث التغير فى الطول الموجى)
mnhab 15-09-2012, 07:20 PM الطول الموجي يتغير بعلاقة طردية مع السرعة في الانكسار
وثابت في الحيود
ssmsm 15-09-2012, 10:29 PM ششششششكككككككككككككككرررررررررااااااا
khaled_omar 15-09-2012, 11:31 PM يلا سؤال حلو أنا عرفت إجابته بس عايز اتأكد منها
بعد عاصفة تمشى رجل وكان متجها إلى الشرق وقد شاهد قوس قزح فوق منزل جاره فهل كان الوقت صبحا أم مساءا
سؤال اخر لماذا تفضل الليفة المكونة من طبقتين عن الليفة المكونة من طبقى واحدة ؟
مساءا ( عصرا لان الشمس تكون فى الغرب لذا انعكس الضوء على قطرات المياه فكون قوس قزح
تفضل الليفه ذات الطبقتين لانها الطبقه الثانيه يكون معامل انكسارها اقل من معامل انكسار الطبقه الداخليه مما يؤدى الى منع تسرب الضوء وصوله الى اخر الليفه بكل وضوح
khaled_omar 15-09-2012, 11:32 PM بصراحه الموضوع حلو بس انا هبقى ادخل متقطع شان الثانويه
استمر
NeVeR CoMe BacK 19-09-2012, 03:04 PM قارن بين:
انكسار الصوت - حيود الصوت (من حيث التغير فى الطول الموجى)
هتبقا الاجابة ايه ؟؟؟ :blush:
NeVeR CoMe BacK 19-09-2012, 03:11 PM يلا سؤال حلو أنا عرفت إجابته بس عايز اتأكد منها
بعد عاصفة تمشى رجل وكان متجها إلى الشرق وقد شاهد قوس قزح فوق منزل جاره فهل كان الوقت صبحا أم مساءا
سؤال اخر لماذا تفضل الليفة المكونة من طبقتين عن الليفة المكونة من طبقى واحدة ؟
معرفش الاولى :(
التانية هتبقا للمحافظة علا شدة الضوء المنقولة بالليفة الضوئية لأنه عند تسرب الضوء من الطبقة الاولى تقوم الطبقة الثانية بإنعكاسه كليا مرة ثانية الى الداخل صح كده :stickjo4:
Lyonenyo 20-09-2012, 05:30 AM قارن بين:
انكسار الصوت - حيود الصوت (من حيث التغير فى الطول الموجى)
انكسار الضوء . يتغير الطول الموجي بسبب تغير السرعة بسبب تغير كثافة الوسط وسرعة الصوت فيه
حيود الصوت لا يتغير الطول الموجي ولا حتى التردد لان السرعة ثابتة لأن الحيود يحدث في نفس الوسط
صح كدا ؟؟
اممم طيب نشوف شكل الموضوع ممكن ينشط شوية ونبدا نحط اسئلة صعبة بقى ؟
Lyonenyo 20-09-2012, 05:32 AM معرفش الاولى :(
التانية هتبقا للمحافظة علا شدة الضوء المنقولة بالليفة الضوئية لأنه عند تسرب الضوء من الطبقة الاولى تقوم الطبقة الثانية بإنعكاسه كليا مرة ثانية الى الداخل صح كده :stickjo4:
أنا هقولك الاولى
عشان تشوف ألوان الطيف لازم يكون في مطر وأنت ماشي والشمس ساطعة وراك مش قادمك
بالتالي انت شفته وانت ماشي ناحية الشرق معناها الشمس اكيد في الغرب
والمشس بتبقى في الغرب امتى ؟ في المغرب اكيد بس طبعا المغرب الشمس مش ساطعة فبنجيب قبل المغرب شوية في العصر بردو بتبقى في الغرب تقريبا بس ادي كل الحكاية
khaled_omar 20-09-2012, 06:16 AM يا جماعه بجد سؤال انا مش عارف اجابته ياريت تجاوبوه
سقط شعاع ضوئى على منشور ثلاثى متساوى الاضلاع معامل انكسار مادته 1.5 اوجد اقل زاويه سقوط من الهواء على المنشور لتسمح بخروج الشعاع من الوجه الاخر دون انعكاس كلى
ياريت الاجابه بسرعه
NeVeR CoMe BacK 20-09-2012, 07:49 AM يا جماعه بجد سؤال انا مش عارف اجابته ياريت تجاوبوه
سقط شعاع ضوئى على منشور ثلاثى متساوى الاضلاع معامل انكسار مادته 1.5 اوجد اقل زاويه سقوط من الهواء على المنشور لتسمح بخروج الشعاع من الوجه الاخر دون انعكاس كلى
ياريت الاجابه بسرعه
طيب الفكرة تقريبا ان زاوية السقوط داخل المنشور اللى هى 2$ هى الزاوية الحرجة فهنجيبها بقانون ان جيب الزاوية الحرجة يساوى مقلوب معامل الانكسار فهتطلع 41.8 بعد كده هنجيب زاوية الانكسار الاولى سيتا 1 بإننا هنطرح الزاوية الحرجة من 60 (زاوية رأس المنشور لأنه متساوى الاضلاع) هتطلع 18.19 وعندنا معامل الانكسار هنجيب بقا زاوية السقوط 1$ هتطلع 27.92 :blush:
صح كده ولا ..;)
NeVeR CoMe BacK 20-09-2012, 10:34 AM طيب ده سؤال مش من كتاب الامتحان
منشور ثلاثى زواياه كما مبين بالرسم (هى 90 و30 و60 ) وغطى الوجه المقابل للزاوية 90 بطبقة من سائل . بفرض ان معامل انكسار مادة المنشور 1.6 احسب معامل انكسار السائل والزى يسبب انعكاسا كليا لشعاع ضوئى يسقط عمودى علا الوجه المقابل للزاوية 30
misss 12-10-2012, 01:35 PM انا لسه شايفه الصفحه دلوقتى
ص35 المسائله رقم14 الف وجيم مش عارفاهم
Lyonenyo 13-10-2012, 02:29 AM اولا المسالة رقم 6 مش 14
ثانيا الاجابة اول حاجة ان هو ينزل المصدر الصوتي تحت المية عشان ميحصلش انكسار للصوت وتبقى النتايج مش دقيقة
ثاني حاجة طبعا الأدق يسحبها وهو واقف
amothman123 13-10-2012, 02:47 AM مشاكل كتاب الامتحان
إنك تلاقيه حاللك فى كتاب الاجابات أهيف الأسئلة
و الأسئلة الرخمة يسيبك تفكر فيها انت
و كإنه حايط الأسئلة و مستنى الطالب يبعتله الإجابة علشان ينزلها فى الكتاب
اكثر كتاب احترمته المعاصر فى الرياضة .. ما شاء الله بيحل كل سؤال فى الكتاب
يليه الرسالة عربى
misss 02-11-2012, 09:09 PM هههههههههههه والله عندك حق وخاصه الاحياء بيشلنى
misss 02-11-2012, 09:14 PM انا لسه شايفه الصفحه دلوقتى
ص35 المسائله رقم14 الف وجيم مش عارفاهم
سورى انا كنت اقصد ص25 وحليتها مرسيه
Lyonenyo 10-11-2012, 07:17 AM قشطة الرالة عربي بيحل كل سؤال ؟ هع هنل اشتريه
سهام عادل 15-11-2012, 06:48 PM اجابه رقم 2
shymaa mouhamed shoman 15-11-2012, 09:55 PM موضوع اكثر من رائع انا اكيد ان شاء الله معاكم بس فين الاسئلة الجديدة
عايزين نشتغل
mahmoud9595 04-12-2012, 01:50 AM مسالة رقم 15 صفحة 188 فى كتاب الامتحان
حبيب لله 24-12-2012, 05:03 AM سؤال الاختيارى ص196 رقم 3و7 (الفصل السابع)
Lyonenyo 19-07-2013, 05:02 PM يلا حد جديد من اللي داخل 3 ثانوي يستلم الموضوع بقى مع نفسكم :d
mehamdkoura 18-10-2013, 05:25 PM جزاااك الله خيرا
وجعله في ميزان حسناتك
عبدة قورة 08-02-2016, 05:47 PM جزاك الله خيرا
moustafahelal 27-05-2023, 06:28 PM جزاك الله خيرا
عبد الرحمن شاكر 10-09-2023, 10:36 AM بارك الله فيكم
|