السلام عليكم ورحمة الله

طالعنا اليوم تجديد رهيب في الصفحة الرئيسية بوضع شريط أخبار الجمهورية

أنا معنديش اعتراض على الشريط .. لكن لي اعتراض على محتوى الشريط

دلوقتي الشريط عنواين بس ، تيجي تضغط على أي واحد منهم تلاقيه بيحولك لصفحة برضه مفيهاش إلا عنواين بس ..

نبقى استفدنا إيه ؟؟؟؟؟

الفكرة مش في إنك تقولنا ال

آخر خبر : منتدي دافوس شرم الشيخ.. يختتم أعماله اليوم (http://www.algomhuria.net.eg/algomhuria/today/ticker/ticker_main.asp#)

لكن الفكرة اننا نعرف أسفر عن إيه

أو انك تقول

آخر خبر : جمال مبارك :أشك في وفاء بوش بوعده حول إقامة الدولة الفلسطينية (http://www.algomhuria.net.eg/algomhuria/today/ticker/ticker_main.asp#)

لأن اللي يهمنا أكثر ليه جمال مبارك قال كده وتأثيره على العلاقات إيه

عمومًا

ملخص الموضوع

أقترح استبداله بشريط الجزيرة بدام كلها أخبار عالمية

............

تعليق بس واقف في زوري

الإعلان اللي فوق اللي بيقول
كما قال موقعنا من أسبوع نأكد أن أرقام جلوس الثانوية العامة.. الأحد فعلاً بالمدارس

الوزير قايلها من شهر وأكد عليها من بتاع أسبوعين في كل الجرائد القومية والمعارضة ده الفجر كتبت على الموضوع ده يا راجل

ده كان ناقص يبعتها sms

ولا انت مكنتش تعرف واستنتجت والحمد لله استنتاجك طلع صح ؟؟

طبعًا الموضوع كله صالح للحذف دون ابداء اسباب


تحياتي

مش عارف بس والله الشريط مش وحش يا يورى
يعنى تتابع الاخبار على السريع كده :)

عندك حق يا يوري ههههههههههه

عمومًا هوه زي ما اتحط في هدوء اتشال برضه في هدوء

شكرًا ليك يا محمد ناصر :)

انت بقه يا عم الأسطورة انا مش اعتراضي عليه .. انا اعتراضي على اللنكات الخدعة اللي مبتفتحش حاجة :) ومنظرها وحش كمان

إلى جانب إن الأخبار كلها عالمية ملناس دعوة بيها يعني

تحياتي

عمومًا هوه زي ما اتحط في هدوء اتشال برضه في هدوء

شكرًا ليك يا محمد ناصر :)

انت بقه يا عم الأسطورة انا مش اعتراضي عليه .. انا اعتراضي على اللنكات الخدعة اللي مبتفتحش حاجة :) ومنظرها وحش كمان

إلى جانب إن الأخبار كلها عالمية ملناس دعوة بيها يعني

تحياتي
ههههههههههه
اشرف بيسمع كلامك بطريقة غريبة
يلا حصل خير

مفيش مصيبة عايزين تحلوها

أنا موجود أهوه

هوه موضوع في ركن الشكاوي وهتلاقي المشكلة اتحلت

عشان تعرف بس ;)

ملكش أكاونت على الفيس بوك ؟

تحياتي :)