مشاهدة النسخة كاملة : أنا مع عودة الدورى


حميد بدوى
09-09-2012, 11:58 AM
أنا مع عودة الدورى العام

هو معقولة نخلعوا الدورى مع النظام ؟

ولا أنت رايك اية؟؟؟؟؟

انا عايز أعرف الدورى ذنبه أية

فيه الاف بتسترزق منه

عمركم فكرتوا الناس دى هاتعمل اية

اوعى تبص للنجوم

دا فيه ناس كل امالها تلاقى فى جيبها

خمسين جنية

تصرف بيها على بيتها والعيال

فيه درجة تانية ودرجة تالتة يا ولاد الحلال

معدومين العافية وعايشين بالعافية

وعندهم الكفية هما دول كمان عايزين حقهم

أومال انت فاكر اية

مع احترامى لارواح الشهداء

اللى راحوا في يوم بكت فيه السماء

هما ما متوش هما ما بينا احياء

والقصاص هو الخلاص

بس القضية فى النيابة

احنا مش فى غابة

المحكمة هى اللى هاتحكم

مش احنا الحكم يا سادة

الشاعر
عبد الحميد بدوى

ahmed H capo
09-09-2012, 12:36 PM
لقدر الله لو حد عزيز عليك كان راح في بورسعيد
كان زمانك بتقول انا ضد الدوري

حميد بدوى
09-09-2012, 01:00 PM
ومين قالك ان اللى موتوا دول مفيش حد فيهم عزيز عليا دول هما اجمل حاجة فى مصر بس ماذا بعد الغاء الدورى خالص ؟؟

Monier
09-09-2012, 03:06 PM
احنا مقولناش يلغوا الدورى احنا قولنا يتوقف لحد مايحكموا فى القضية وبعد كدا يلعبوا الدورى والسوبر وكل حاجة

حميد بدوى
10-09-2012, 10:33 AM
طيب ما الاهلى بيلعب فى بطولة افريقيا والمنتخب لعب فى الالمبيادفاضل اية