عندنا عجز في حصص الانجليزي 24 حصه.. المدير والموجه الاول عايزيني ادي 30 حصه بواقع اربع حصص اسبوعيا للفصل مع العلم ان الفصل ليه 6 حصص اسبوعيا
وانا شايل نصاب كامل 24 حصه
انا رفضت والمدير كتب مذكره وبعتها المديريه
هل موقفي كده قانوني ولا لأ؟ مع العلم ان تخفيض نصاب الفصل من الحصص الاسبوعيه من 6 الي 4 سوف يؤثر علي المنهج لان المنهج متوزع علي 6 حصص اسبوعيا وانا شايل نصاب كامل 24 حصه يبقي تخفيض نصاب الفصل من الحصص غير قانوني اساسا

ارجو الرد من ذوي الخبره

اكيد طبعا غير قانونى هو المفروض يوفر مدرس للحصص الاخرى واعتقد انك لو قلت له انا موافق بس اكتب مذكرة بكده وامضى عليها وكمان احسب لى الحصص الزائدة عن النصاب باجر سيتراجع عن كلامه

شكرا جزيلا....هو فعلا قال هكتب في الدفتر الكلام ده بس مكتبش حاجه وبيتهرب

حضرتك متشيلش فوق نصابك وامضى بكده طبقا لقانون رقم 155 لسنة 2007 وبنوده فنصاب المعلم من الحصص 24 حصة وهدده بتخفيضه نصاب الفصل من الحصص لأن ده مش قانونى وقوله اكتب مذكرة للتوجيخ لطلب مدرس وان مردوش ابعت شكوى لمدير الإدارة وصعدها لكن مش هشيل أكثر من نصابى

شكرا يا جماعه علي الردود... المشكله ان مدير الاداره متواطئ معاه وعارف بكده هو عايز يكمل العجز اللي في المدرسه وخلاص واشيل انا الليله لو اتأخرت في المنهج وجالي متابعه ممكن اخد جزا ومحدش فيهم هيعرفني ساعتها

ربنا يسهل انا معاهم للاخر
انا صورت قانون 155 لسنة 2007 ومعايا نسخه منه احتياطي للظروف.. واساسا طبقا للقانون انا نصابي 21 حصه مش 24

عسي ان تكرهوا شئ وهو خير لكم . ياعم في حد يجيله الخيرلحد عنده ويقول لاءه ادي دروس لكل الطلبة الي بتديهم وعيش حياتك فرصتك جت لحد عندك . اغتنمها يامعلم