مشاهدة النسخة كاملة : لعيبة الاهلى باعو القضية


Monier
10-09-2012, 02:48 AM
فى الاول هذه الابيات اهداء لشهداء الاولتراس جميعا

يا نجيب حقهم .... يانموت زيهم
كان هتافهم من كل قلبهم
وحق اللى مات فى يوم يرجع لهم
ارجل شباب بس مين يسمع لهم
حلفوا ليفدوا الاهلى بدمهم
قالوا اللعيبة هنرجع حقهم
وادارة تعزى فى اللى مات منهم
مفيش دورى مفيش سوبر
بس مين يقدر يمنعهم
شباب شافوا الموت بعيونهم
جيين يطالبوا بحق اخواتهم
كانت النتيجة حرب وخسارة
لعبوا اللعيبة ولبسوا اشارة
قال يعنى هى دى الامارة
وادارة لحق اللى ماتوا ناسيين
وبعد الفوز لا دا احنا فاكريين
ضحكوا علينا فاكرنا مساطيل
بس لحق الشهيد مش ساكتين
لفينا وراء الكيان فى كل مكان
شجعنا الاهلى من اول الزمان
هتفنا وقولنا لكل الكون
عمرى علشان الاهلى يهون
قالوا عنى بلطجى مجنون
وع البلد منك لازم نصون
كان عن الحرب مفيش بديل
مات من الاهلى 30 لعيب
ولادارة النادى موقف رهيب
قالوا علينا شباب عجيب
نسيوا ان الله علينا رقيب
ياشهيد نام واتهنا
ولو على حقك بلاش تستنى
فى الجنة اتجمعوا كل اخواتنا
واحنا على الارض للشهدا بنستنى
https://fbcdn-sphotos-a-a.akamaihd.net/hphotos-ak-ash4/268145_1968460164904_8131776_n.jpg

فاروق ابوعيانه
10-09-2012, 10:08 AM
نعم يا منير أنت المتحدث الرسمى للمنتدى فى أحداث هذا الوطن
سلم ذهنك المتقد
وسلمت أفكارك الحاضرة الدائمة
ومشاعرك الواضحة التى لا تعرف التعتيم
هو هكذا المبدع دائما صاحب قضية
أعود وأحييك على كل ما كتبت
أنا زملكاوى ولكن أشعر بكل حرف مما خطته
فمن سقطوا كان إخوتنا وأصدقائنا وزهرة شباب هذا الوطن
فى انتظار ابداع جديد لك

مـــــلك
10-09-2012, 12:08 PM
مافيش أي كلام يتقال
كل الكلمات مش هاتديك حقك بجد
تسلم إيدك

Monier
10-09-2012, 07:28 PM
نعم يا منير أنت المتحدث الرسمى للمنتدى فى أحداث هذا الوطن
سلم ذهنك المتقد
وسلمت أفكارك الحاضرة الدائمة
ومشاعرك الواضحة التى لا تعرف التعتيم
هو هكذا المبدع دائما صاحب قضية
أعود وأحييك على كل ما كتبت
أنا زملكاوى ولكن أشعر بكل حرف مما خطته
فمن سقطوا كان إخوتنا وأصدقائنا وزهرة شباب هذا الوطن
فى انتظار ابداع جديد لك

شكرا استاذى الكبير على هذا الكلام الجميل وعلى هذا الثناء العظيم

Monier
10-09-2012, 07:44 PM
مافيش أي كلام يتقال
كل الكلمات مش هاتديك حقك بجد
تسلم إيدك



شكرا لكى اختى كنارة

دمعة على خد الزمن
10-09-2012, 09:59 PM
كلامك
رائع رائع رائع
بجد تسلم ايدك

أحمد هاشم الزيدي
10-09-2012, 11:32 PM
بارك الله في حضرتك
بجد جميلة أوووووووي

Monier
14-09-2012, 02:45 AM
ربنا يخليكى يا احمد