muhammad ellithy
10-09-2012, 04:04 PM
تعليقا على مظاهرات المعلمين أمام مجلس الوزراء، قال الدكتور إبراهيم غنيم وزير التربية والتعليم، إن وزارته فعلت أقصى المتاح لديها ونجحت فى إقرار الكادر بنسبة 50% يصرف منذ أول أكتوبر القادم.
وأضاف الوزير فى بيان رسمى له اليوم: "نؤمن بحق المصريين فى التظاهر والاحتجاج، ونتفهم مطالب المعلمين المحتجين أمام مجلس الوزراء، نافيا ما تردد حول تحريضه لوزير الداخلية ضد المتظاهرين أمام مجلس الوزراء.
وطالب الوزير جموع المعلمين المتظاهرين بتفهم طبيعة المرحلة التى تمر بها مصر، مضيفا: "ننتظر من المعلمين بناة الأجيال وصناع الحضارة أن يقوموا بواجبهم الوطنى تجاه الطالب المصرى، وتجاه الأسرة المصرية التى تنتظر منه الكثير".
وكانت حركات المعلمين المستقلة قد بدأت منذ الصباح الباكر فى تظاهراتها المعروفة باسم "ثورة المعلم" والتى أغلقت على إثرها شارع القصر العينى ونصبت الخيام، تمهيدا للاعتصام أمام مجلس الوزراء، والإضراب بداية العام الدراسى، للمطالبة برفع الحد الأدنى لأجور المعلم ليصل لـ3 آلاف جنيه.
abdusmed
10-09-2012, 04:08 PM
موافق على كلامك سيادة الوزير بشرط واحد وهو
أن كل من يعمل في الحكومة يتقاضى أجر المعلم وبكدة نقف كلنا مع بعضنا ونبني بلدنا بعدالة ونوفر كتير لخزنة الدولة
abdoallahm
10-09-2012, 04:22 PM
نطالب بالعداله الاجتماعيه بين كل فئات المجتمع
محمد شنن
10-09-2012, 04:37 PM
نريد حق المعلم كل الموظفون اخذوا حقوقهم الا المعلم
طه المنشاوى
10-09-2012, 04:38 PM
لازم يكون الكل سواسية فى الدولة
سحر محمود امين
10-09-2012, 04:48 PM
عايزين حق المعلم في حياة كريمة ويقدر يتغدي مع اولاده ويقعد معاهم زي كل الموظفين و مين غير امتحان علشان ياخد الدرجة لازم نحس بالعدالة شوية
midohamza2
10-09-2012, 05:03 PM
أنا كمان موافق على كلامك بس لو انت يا سيادة الوزير تقبض زيك زى المعلمين ولا ايه؟
وبعدين نفسى سيادتك تقول الزيادة 50 % تعمل كام يعنى على المرتب علشان الناس تعرف انت زودت كام أصل اولياء الأمور فاكرين ان 50 % دى يعنى تعمل 1000 جنيه ولا حاجة
khaled1968
10-09-2012, 05:13 PM
الكل سواء مش ناس تعيش وناس تموت وللاسف اللى بيقبض الالاف والله قاعد على القهاوى
والله كتر خيرك وسنكتب لك هذا الانجاز فى التاريخ الحديث والقديم بل مافعلته لم يفعله صلاح الدين الأيوبى ولم تفعله حرب اكتوبر وان شاء الله بك التعليم سيرتفع الى زحل
ميدو200
10-09-2012, 05:34 PM
يا عم متزودناش بس حققوا العدالة باقرار قانون الوظيفة الموحد
كركرمومو
10-09-2012, 06:17 PM
:cool:والله ياجماعة لو ممكن الواحد يتنقل الى الدخلية انا مستعد انا فى التربية والتعليم بقالى 25 سنة ولسة ولسة:rolleyes:
mr/osama alsyad
10-09-2012, 06:29 PM
ينعيش عيشه فل ينموت احنا الكل
حسام المصري
10-09-2012, 07:47 PM
لا فرق بين مرسي ومبارك إلا في الذقن وكلاهما يحيط به نفس الوجوه القذرة
morsi2030
10-09-2012, 08:01 PM
تمام حضرتك اتفق معكم فى الرأى عاوزين العدالة الاجتماعية حتى تختفى جميع المطالب الفئوية قانون موحد للأجور على جميع الوزارات فلا تطالبنا بالعمل و من هم أقل منا تعليماً يحصلون على مرتبات و حوافز أكثر منا أما تطبيق العدالة الاجتماعية و اما فا عام دراسي و لماذا لا يتحمل أصحاب الملايين واجبهم القومى و الوطنى تجاه البلد و نريد أن نعرف إذا كان هؤلاء المستشارين يتقلون كل تلك المرتبات فلماذا العجز فى الموازنة أين عملهم ؟ أين نتيجة ما يحصلون عليه؟ مصر ليست دولة فقيرة كما يدعى البعض و لكنه الطمع حب الامتلاك حب السلطة و ليس جميعنا يعطون دروس خصوصية و منا من يكمل شهره برحمة رب العالمين أتقوا الله و حسبي الله و نعم الوكيل فى الحكومة
العلوم للصف الخامس
10-09-2012, 08:07 PM
انت مش ملاحظ ياوزير التربية والتعليم انة لما اقر الرئيس الزيادة فى الكادر
كنت انت محبوس فى وزارتك من المعلمين المتظاهرين
khaled1968
10-09-2012, 08:26 PM
دا ان شاء الله وزير مين والله لايشرفنا ولا نرضى به وزيببببببببير لنا نحن بلا وزارة وبلا نقابة وبلا دوله نحن تبع حلف المغضوب عليهم
وجاء الدكتور مرسى اللى احنا اخترناه وطينها بطين