Mouslima
10-09-2012, 10:16 PM
السلام عليكم
يا جماعه انا عايزه افهم ليه كل ما اقول قدام حد على كلية سياسه واقتصاد
يقولوا دى مينفعش تدخليها لانى لو دخلتها محتاجه واسطه كبيرررررررررررررررره جدااااااااااااااااا عشان اشتغل
خصوصا لو فى السلك الدبلوماسى
يعنى انا عايزه اعرف من الناس اللى دخلتها واتخرجت منها هما اشتغلوا ولا لا .؟
وموضوع السلك الدبلوماسى ده ممكن الواحد يشتغل وظيفه محترمه ولا محتاج واسطه
ولا عمنا مرسى هيلغى الواسطه ...؟؟؟؟؟
حد يجاوبنى
Mouslima
10-09-2012, 10:18 PM
فى امل ان الواحد يشتغل فى وزارة الخارجيه والسلك الدبلوماسى والكلام ده ولا مفيش.....؟
eslam mohsen ali
12-09-2012, 01:57 AM
السلام عليكم
التعين فى السلك الدبلوماسى بتقبى بالوراثة ماعدا الملحق العسكرى لان بصحيحة العبارة ماينفعيش يتم تعين شخص عائلته ليس لها علاقة بالعمل باالسيرك ..
ام بالنسبة للرئيس محمد مرسى والواسطه التى فى البلد انظرى الى فريقه الاستشارى سوف تجديه ان المعظم من حزب الحرية والعداله وجماعة الاخوان المسلمين ..
اسمع العبارة ديه كويس وافتركنى لو تحول نهر النيل الى طماطم (عصير) مش هيكفى الكوسه التى فى البلد ..
على فكرة جميع دول العالم تسير على هذا النظام للتعين فى الخارجية..
elmagekooo
14-09-2012, 02:34 PM
aywa ya o5ty bs fe aksam tanya zay el aktsad magal el 3aml koes awy we kman fe a7sa2
مستر محمد اسامه
01-02-2013, 05:19 PM
السلام عليكم احب ان اعرفك باننى خريج اقتصاد وعلوم سياسيه والحمد لله بعد سلسله من المفاوضات والاختبارات بوزاره الخارجيه للعديد من الاعوام اشتغلت بس مدرس اعدادى وثانوى فى مدرسه وليس فى السلك الدبلوماسى الموضوع بجد صعب جدا بالاضافة الى صعوبه اختبارات وزارة الداخليه
وفيق اشرف
21-04-2013, 03:24 PM
طب اشتغلت مدرس ايه طب مش السياسة ممكن يشتغل فى المراكز الحقوقية و المؤسسات بتاعت الدولة مش لازم السلك الدبلوماسى
ابوعضلات
25-06-2013, 01:01 AM
بصي باختصار شديد وبوضوح شديد كلية اقتصاد وعلوم سياسية مش صعبة تدخليها جيبي مجموعها وخلاص ده اولا
ثانيا:قدامك مجالات عمل كتير جدا بعد ماتتخرجي "البنوك,البورصة,وزارة الاقتصاد,الشركات متعددة ال***يات,الشركات المدرجة بالبورصة المصرية,مراكز البحوث السياسية,الصحافة,اجهزة الاعلام بكافة اشكالها,هيئة الاستعلامات,امانة مجلس النواب والشوري,المجالس القومية و وزارة الخارجية المصرية
ثالثا:القبول في وزارة الخارجية المصرية يكون علي 3 مراحل
المرحلة الاولي:معاير القبول
أ-مصري ال***ية من ابوين مصريين (يفضل عدم وجود ***يات مزدوجة)
ب-أهلية مدنية كاملة
ج-لو متجوز(ة) يجب ان الزوج(ة) يكون مصري من ابوين مصريين (يفضل عدم وجود ***يات مزدوجة ويفضل عدم الزواج قبل التقدم حتي لا يتم التأثير في القبول)
د-محمود السيرة حسن السمعة
ه-الا يكون قد حكم عليه بعقوبة جنائية وان رد اليه اعتباره (يفضل ان يكون الاقارب من الدرجة الاولي ايضا متطابقين لهذه القاعدة)
و-مؤهل عالي من الجامعات المصرية او بمعادلة من المجلس الاعلي للجامعات (يفضل كليات اقتصاد وعلوم سياسية-حقوق-تجارة-السن)
ز-الا يقل سنه عن 21 ولا يزيد عن 27 في اختبار القبول
ح-يتمتع بلياقة صحية
(قواعد كده معروفة بشكل بديهي لازم الاهل من الدرجة الاولي يكونو بيشتغلوا يعني ميكونش فيها اخ او اب -لا قدر الله- اتسجن قبل كده او بيشتغل شغلانة مش رسمية او سمعته مش كويسة)
(الحجاب زمان كان ممنوع بشكل بديهي ومكانش فيه حد بيتقبل مش محجب لكن بعد الثورة عدد البنات زاد بشكل ملحوظ والمحجبات كمان ومبقاش فيه اي مشكلة)
بتقدمي في لما يتفتح الامتحان وفي الغالب الامتحان بيكون في مايو واكتوبر من كل عام بتدفعي 500 جنيه لخزينة وزارة الخارجية وبتقدمي المستندات المطلوبة
المرحلة الثانية:الامتحانات التحريرية
المواد
أ-اللغة العربية(التعبير-الروايات-النحو)
ب-اللغة الاجنبية الاولي (انجليزي-فرنسي)(المقال-القراءة-القواعد اللغوية)
ج-اللغة الاجنبية الثانية (انجليزي-فرنسي-الماني-اسباني-ايطالي-ياباني-صيني-روسي-عبري-فارسي-تركي)(المقال-القراءة-القواعد اللغوية)
د-القانون الدولي والمنظمات الدولية (فهم وحفظ الاتفقايات الدولية والمصرية مع المظمات الدولية ونظم عملها وفهم وحفظ كل مايتعلق بالقانون الدولي)
ه-العلاقات والمشكلات السياسية الدولية المعاصرة (فهم مجريات السياسية الدولية والمحلية ومتابعة المستجدات الدولية ويمكنك ذلك من خلال الانترنت ومجلة السياسة الدولية)
و-الاقتصاد السياسي والعلاقات الاقتصادية الدولية (فهم الية عمل المنظمات الاقتصادية ونظم عمل التكتلات الاقتصادية الدولية والاتفاقيات المصرية والدولية الدولية المتعلقة بالاقتصاد)
ز-مصر والوطن العربي والشرق الاوسط وافريقيا (فهم تاريخ مصر الحديث منذ عهد محمد علي وحتي اليوم والتاريخ السياسي للمنطقة والعلاقات المصرية التاريخية والمعاصرة مع المنطقة وافريقيا)
(النجاح من 60%)
المرحلة الثالثة:القدرات والحاسب الالي
أ-اختبار عملي لاجادة الحاسب الالي والتعامل مع برمجيات اوفيس
ب-الاختبار الشفوي للغات
ج-المقابلة النهائية
يتم الاخطار عن طريق البريد ويتم دراسة تستمر لمدة عامين في معهد الدراسات الدبلوماسية وحينها يتم عقد اختبار بعد الدراسة في المعهد ويتم تعيينك رسميا في السلك الدبلوماسي في حالة القبول
المرتبات:360 جنيه-2100 جنيه