مشاهدة النسخة كاملة : حد يساعدنى :(


hadeer95
13-09-2012, 03:39 AM
ياجماعة انا لحد دلوقتى محدتش ادخل ادبى ولا علمى وخايفة اوى خايفة من العلمى والتنسيق وبرده نفسى ادخله يمكن الحق صيدلة او مثلا طب اسنان :blush: بس المشكلة ان الكليات الادبية بتاخد من العلمى من ادبى وخايفة ادخل علمى واضيع نفسى يعنى مثلا لوجبت 95 % مش هعمل بيهم حاجة انما لو الادبى ممكن ادخل اعلام او السن
ياريت حد يوضحلى النظام الجديد حلو ولا لأ لانى خلاص متشائمة جدا :(
ومحدش يقولى ميولك ايه لانى عادى مش فارقة معايا انا على استعداد اذاكر اى حاجة

signore alaa
13-09-2012, 03:53 AM
ياجماعة انا لحد دلوقتى محدتش ادخل ادبى ولا علمى وخايفة اوى خايفة من العلمى والتنسيق وبرده نفسى ادخله يمكن الحق صيدلة او مثلا طب اسنان :blush: بس المشكلة ان الكليات الادبية بتاخد من العلمى من ادبى وخايفة ادخل علمى واضيع نفسى يعنى مثلا لوجبت 95 % مش هعمل بيهم حاجة انما لو الادبى ممكن ادخل اعلام او السن
ياريت حد يوضحلى النظام الجديد حلو ولا لأ لانى خلاص متشائمة جدا :(
ومحدش يقولى ميولك ايه لانى عادى مش فارقة معايا انا على استعداد اذاكر اى حاجة

بصى يا هدير مدام مستعده تذاكرى اى حاجه يبقى صلى استخاره وشوفى ربنا هيختارلك ايه
وبعدين ربنا مش بيضيع مجهود حد فبلاش تشاؤم وابدى الدراسه بتفاؤل وان شاء الله خير
الادبى عايز حفظ اكتر والعلمى فى رياضه وفيزيا وكيمياء ورياضه وبرضه هتبقى عايزه تحفظى شوفى ايه الكليه اللى انتى نفسك تدخلها وحطى لنفسك هدف من دلوقتى واشتغلى عليه وان شاء الله ربنا يكرمك ويوفقك .

( تفألوا بالخير تجدوه )

تحياتى : سنيور علاء صلاح الدين
مدرس ايطالى

hadeer95
13-09-2012, 07:25 PM
grazie mille signore alaa (http://www.thanwya.com/vb/member.php?u=712523)
اصل انا ايطالى :)

..وشكرا لحضرتك انك رديت عليا وانا هصلى صلاة استخارة وهسيبها على ربنا

Bent el pope
13-09-2012, 07:30 PM
طيب ممكن اعرف حضرتك ناويتى على ايه
اصل انا كنت زيك كده وقررت ادبى علشان خايفه من التنسيق ومش ضامنه الكليه الصراحه فى العملى علشان هى سنه واحده

hadeer95
13-09-2012, 07:41 PM
بصى انا قررت ادخل علمى واسيبها على ربنا واعمل اللى عليا واللى ليا نصيب فيه ربنا هيديهولى بس انتى لو شايفة نفسك مش هتمشى فى العلمى خلاص خليكى ادبى وبعدين ناس كتير طمنونى وقالولى التنسيق ممكن ينزل اصل فى ناس كتير حولت ادبى انا معنديش فى المدرسة غير هما 6 فصول علمى من اصل 15 يعنى اكيد الكليات هتنزل التنسيق وربنا يستر :)

Dolph Ziggler
14-09-2012, 04:22 AM
خشي علمي لسبب بسيط
كل الكليات يمكن دخولها من علمي والعكس غير صحيح

Bent el pope
14-09-2012, 04:35 AM
اه ماشى كل الكليات يمكن دخولها من علمى
بس لو الكليات الادبيه دى انا دخلتها وجبت مجموع كويس احسن من انى ادخل علمى واجيب درجه مش كويسه
وادخل كليه ادبيه ما هتبقى كده زى زى اللى داخل ادبى

Dolph Ziggler
14-09-2012, 04:40 AM
بنت البابا شنودة
______________

مش فاهم قصدك خالص علي فكرة كلامك ملخبط أوي !

man fanan
07-11-2012, 05:55 PM
على حسب ميولك , و لو خايفة من العلمى ! , هتخافى ليه ؟ ," ان الله لا يضيع اجر من احسن عملا "

شوفى ميولك لكلية ايه , و حدديها من دلوقتى قبل ما تندمى , و اعملى ليها , و ربنا معاكى , بس الاجتهاد الاجتهاد .

سمسمه الشطوره
19-11-2012, 06:03 PM
انا شايفه ان العلمي زي الادبي كله عايز مذاكره انا كنت ف اولي محتاره
بس اتوكلت علي ربنا واخترت علمي والحمد لله ماشي معايا هو اينعم المواد كتير بس والله سهل بالمذاكره
المهم انتي لازم تعرفي الاول انتي عاوزه تبقي ايه وتحطي قدامك كذا هدف وبناءا علي اهدافك تحددي هتدخلي ايه بغض النظر عن صعوبة المواد او عن خوفك من انك متجبيش مجموع طبعا مع صلاة الاستخاره
وان شاء الله ربنا يقدملك اللي فيه الخير

almslm2000
20-11-2012, 01:05 PM
التنسيق محدش يعرف هيعلى هينزل دا حسب المجاميع اللي الناس بتجبها يعني لو الناس ذاكرت يبقا التنسيق يعلى مذاكرتش هيقل

حته علمي وادبي انا شايف علمي مدام بتعرفي تذاكري ولو عايزا تدخلي كليه ادبيه من علمي هتدخلي والفرق مش هيكون كبير كبيرها 5% زياده

بس انتي حددي لو مثلا ربنا قدر وجبت مجموع عالي هخش كذا جبت اقل هخش كذا عشان مش بعد التنسيق تحتاري

AhmedEgy_2013
22-07-2013, 02:05 AM
عملي احسن...:friendsxs3: