هم أنتجوا و نحن أخرجنا ونشرنا و شاهدنا [الأرشيف] - بوابة الثانوية العامة المصرية

مشاهدة النسخة كاملة : هم أنتجوا و نحن أخرجنا ونشرنا و شاهدنا

To Be Is To Do

13-09-2012, 07:15 AM

السلام عليكم ورحمه الله وبركاته

إستمرارا لموضوع الفيلم الذى أساء لرسولنا محمد صلى الله عليه وسلم حبيت بس أوضح نقطه تكررت فى توبيك آخر ونقطه من عندى

أولا / طبعا عمرنا ما حنغير إللى حصل أو ندافع عن الرسول ب " تغيير صوره البروفايل / تغيير صوره الكوفر / تغيير رنه الموبايل ) ده سفه وجهل

ثانيا / إحنا مش عاجبنا إللى حصل " طبعا " بس لما نزّلوا بوست للفيلم على الفيس وجدت كومنتات غبيه تدل على مدى جهلنا وتخلفنا للأسف كومنتات كلها سبّ وشتم وقذف وشتائم فى قمه القذاره من الشباب وأيضا من البنات

سبحان الله هو إحنا مينفعش نغير المنكر غير بالمنكر !

إذا كان من قاموا بعمل ذلك الفيلم وتصويره وإنتاجه قد فعلوا ذلك لأنهم فى غفله من أمرهم
أمّا نحن فلا تعليق علينا لما بدا مننا من ألفاظ وشتائم سواء كانت فى كومنتات أو فى مظاهرات
والله إنى لأخجل الآن أن أنزل فى مظاهره اليوم ( عندنا أمام مكتبه الإسكندريه ) لأننى واثق بما سيحدث فيها من سبّ وشتم وكأننا نازلين لنزيد الطينه بلّه كما يقولون
كما حدث أمام السفاره الأمريكيه عندنا

إذا كان هؤلاء القوم قد أنتجوا فيلما إساءه لرسولنا
فلماذا نحن لا ننتج فيلما عن حياه الرسول وعن صفاته وعن أخلاقه

والله إنى لأخجل مره آخرى أن أرى ممثله أمريكيه تضع الحجاب على رأسها وتنزل لتعارض ما حدث لنا كمسلمين

http://a2.sphotos.ak.fbcdn.net/hphotos-ak-snc7/427793_10151055959286546_868348025_n.jpg

"الممثلة الأمريكية "أنجلينا جولي" تخرج في لقاء عاجل و هي ترتدي الحجاب و تدافع عن الإسلام و القرآن الكريم رغم أنها ليست مسلمة و تقول أن الفيلم الذي نزل ما هو إلا حرب على الإسلام .."

أين نحن المسلمون من نصرته ؟؟!!

الخلاصه / هم أنتجوا و نحن أخرجنا و نشرنا وشاهدنا

To Be Is To Do

13-09-2012, 07:25 AM

الحل ليس فى التظاهرات والصياح فقط

الحل هو الرد عليهم كما انتجوا فيلما ننتج فيلما مثلهم يرد عليهم لكن محتواه غير محتوى فيلهم

الحل هو إننا نحاول نصلح شبابنا وبناتنا

فإذا كانت البنات تخرجن من بيوتهن وشعرهن نصفه مكشوف ولبسهن ضيق لأبعد الحدود
وإذا كان شبابنا يفطروا نهار رمضان علانيه أمام الجميع ودون أى كسوف أو خجل

إذن لا نعيب على من أنتج الفيلم فهم فى غفله من أمرهم

أما نحن فلا لانقل سوى هدانا الله

أصلحوا أنفسكم هو الحل

sameh mostafa

13-09-2012, 10:50 AM

الصراحة وناس كتير تخلفنى فى الراى ده واحد تافه وعايز يعمل شوااااااا اللى اسمه موريس صادق بس للاسف نجح فى اللى هو عايزه اكتر مما يتوقع

Yes We Can

13-09-2012, 12:14 PM

انا اتفق معاك يا خالد و اتفق مع the king 2012
فيه واحد مسيحى و لكن لا اؤمن انه نفذ الديانه المسيحيـه
هو العمل كده بهدف شخصى له ليس لهدف عام
و هو هدفه القاء الضوء عليه و هو داخل بهدف خفى ان المسيحين فى مصر هتقف معاه
و حدث العكس ان كل مسيحـى فى مصر وقف ضد الاهانه و السب
و الدليل بيان الكنيسه و الاقباط النزلوا مظاهرات و كل الاراء المسيحيه
ضد الاهانه و رائى اننا نتجاهل الامر لان الفيلم يعبر عن رائى صاحبـه
هقولك حاجه و ياريت محدش يزعل منى فيه مسلمين بيكرهوا المسيحين كره العمى
لان ده تعصب اعمى هكذا يوجد مسيحين يكرهوا المسلمين و ده تعصب اعمى
لان مبدا الكره لايوجد فى اى ديانه و لا يحث عليه الله ربنا بيحث على المحبـه
هل سمعتوا فى اى ديانه قائمه على الكره بالعكس الديانه الصحيحه تحث على الحب و السلام
احنا لازم النعمله التجاهل من هذا الفيلم و ده رائى و ارجو محدش يزعل من رائى
و ربنا يحافظ على شعب مصر مسيحين و مسلمين

To Be Is To Do

13-09-2012, 12:21 PM

انا اتفق معاك يا خالد و اتفق مع the king 2012
فيه واحد مسيحى و لكن لا اؤمن انه نفذ الديانه المسيحيـه
هو العمل كده بهدف شخصى له ليس لهدف عام
و هو هدفه القاء الضوء عليه و هو داخل بهدف خفى ان المسيحين فى مصر هتقف معاه
و حدث العكس ان كل مسيحـى فى مصر وقف ضد الاهانه و السب
و الدليل بيان الكنيسه و الاقباط الزلوا مظاهرات و كل الاراء المسيحيه
ضد الاهانه و رائى اننا نتجاهل الامر لان الفيلم يعبر عن رائى صاحبـه
هقولك حاجه و ياريت محدش يزعل منى فيه مسلمين بيكرهوا المسيحين كره العمى
لان ده تعصب اعمى هكذا يوجد مسيحين يكرهوا المسلمين و ده تعصب اعمى
لان مبدا الكره لايوجد فى اى ديانه و لا يحث عليه الله ربنا بيحث على المحبـه
هل سمعتوا فى اى ديانه قائمه على الكره بالعكس الديانه الصحيحه تحث على الحب و السلام
احنا لازم النعمله التجاهل من هذا الفيلم و ده رائى و ارجو محدش يزعل من رائى
و ربنا يحافظ على شعب مصر مسيحين و مسلمين

تمام بجد روعه يا مارك فعلا المسيحيين نزلوا معانا ووقفوا ضد الاهانه

نحن نتعايش فى عصر يريد التوقيع بين فئتى الشعب ولا نغفل من ذلك حادثه كنيسه القديسيين ف إسكندريه عندنا

Yes We Can

13-09-2012, 12:31 PM

تمام بجد روعه يا مارك فعلا المسيحيين نزلوا معانا ووقفوا ضد الاهانه

نحن نتعايش فى عصر يريد التوقيع بين فئتى الشعب ولا نغفل من ذلك حادثه كنيسه القديسيين ف إسكندريه عندنا

انا عاوز اقولك حاجه احنا احلى حاجه فينا اننا كل مشكله بنتعاون مش بنفترق
ماعدا ناس تطلع و تحاول توقعنا ف بعض لكن بيفشلوا لان مصر ربنا حاميها
و كل حادثه خير لينا انا هقولك حاجه كنيسه القديسين الماتوا شهداء عندنا
يعنى خير لينا مين يطول يكون شهيد لربنا كله يتمنى
و زى مابيقولوا الضربه المتوجعش تعلم
احنا لازم نتعلم من اخطائنا اننا منستسلمش للغرب باقوالهم و عاداتهم و ارائهم
لازم يكون لينا عقل نفكر بيه و نسلم اى مشكله لربنا و ربنا عادل و هيحكم بالعدل
و مش بيضيع حق حد ابدا و مين يعلم ممكن بكره يحصل حاجه خير لمصر و لشعبها
بشكرك على موضوعك يا خالد و متفق معك تماما
تقبل مرورى

lolo nice

13-09-2012, 12:37 PM

طالب الرئيس محمد مرسي من السفارة المصرية في واشنطن اتخاذ الإجراءات القانونية في الولايات المتحدة ضد صناع الفيلم المسيء للرسول صلى الله عليه وسلم .
وأدان الرئيس محمد مرسي، الفيلم المسيء للرسول الكريم صلى الله عليه وسلم، مؤكدًا أن الرسول الكريم خط أحمر لا يجوز المساس به.
جاء ذلك خلال كلمة الرئيس ـ التي بثتها القناة الأولى بالتليفزيون المصري صباح اليوم "الخميس".
كما طالبت حكومة الدكتور هشام قنديل، فى اجتماعها أمس الأربعاء الإدارة الأمريكية باتخاذ موقف حازم من منتجي الفيلم المسيء، وذلك فى إطار المواثيق الدولية التي تجرم الأفعال التى من شأنها إثارة الفتن على أساس العرق أو اللون أو الدين.
وذكرت الحكومة خلال بيان لها، أن الفيلم يعبر عن منتهى التدني الأخلاقي والتصرف الخارج عن كل القيم والأعراف الإنسانية فى احترام ديانات وعقائد الآخرين.

لا اله الا الله محمد رسول الله .. أنا رأيى أنه لازم يتخذ اجراءات قانونية ضد منتجى و ممثلى الفيلم و هذا العمل يدل على مدى قذارتهم و حقارتهم

و لكن الله سينصفنا ان شاء الله

الله غايتنا ورسولنا قدوتنا ,قرآننا دستورنا والموت فى سبيل الله أسمى أمانينا

To Be Is To Do

13-09-2012, 12:41 PM

انا عاوز اقولك حاجه احنا احلى حاجه فينا اننا كل مشكله بنتعاون مش بنفترق
ماعدا ناس تطلع و تحاول توقعنا ف بعض لكن بيفشلوا لان مصر ربنا حاميها
و كل حادثه خير لينا انا هقولك حاجه كنيسه القديسين الماتوا شهداء عندنا
يعنى خير لينا مين يطول يكون شهيد لربنا كله يتمنى
و زى مابيقولوا الضربه المتوجعش تعلم
احنا لازم نتعلم من اخطائنا اننا منستسلمش للغرب باقوالهم و عاداتهم و ارائهم
لازم يكون لينا عقل نفكر بيه و نسلم اى مشكله لربنا و ربنا عادل و هيحكم بالعدل
و مش بيضيع حق حد ابدا و مين يعلم ممكن بكره يحصل حاجه خير لمصر و لشعبها
بشكرك على موضوعك يا خالد و متفق معك تماما
تقبل مرورى

أنا بحييك طبعا على كلامك

حفظ الله مصر وشعبها منهم

ولا بد ان تنفذ الايه " إدخلوا مصر إن شاء الله آمنين "

مشكور يا مارك ربنا يحمينا من الفتن

ahmed.yahia

13-09-2012, 12:56 PM

لازم نتمسك بالسنة وتعاليم الدين واصولة علشان نكيدهم اكتر

smsmzeros

13-09-2012, 04:14 PM

عندك حق فكل كلمه قولتوها
موضوع جميل احييك يا خالد

إليزابيث

13-09-2012, 06:28 PM

dandana.s

13-09-2012, 07:40 PM

جزاكم الله كل خير
اتباع سنة النبى هى افضل الطرق

highlight

13-09-2012, 10:36 PM

انا مش هقول كتير ... غير...
فى امريكا بمناسبة احداث سبتمبر و تفجير البرج
نزلت اعتصامات و قالت ....
Muslims didnt do it
واحنا ما شاء الله بنثبت لهم كده
بتفجير السفير فى ليبيا و تدمير السفارة فى اليمن واللى بيحصل فى مصر

برة فى المانيا الرد عليهم كان
بتوزيع الاف المصاحف و سيرة للرسول عليه الصلاة والسلام
مجـــــــــــــــــــــانا .... تحضر

واحنا هنا عمالين نولع و نحرق و نشتم...
لا و كماااان فى ناس بتايد اللى حصل للسفير
مع انه والله راجل محترم شفتله فيديو لا يبدو عليه تعصب
وكان متواضع جدا و يمشى من غير حراسة
المهم
الناس دى بتايد ***ه جدا و كل سفير امريكى فى الدول العربية
و كمااااااااااااااااان التخلف وصل انهم يتهموا امريكا
الفيلم بس اتعرض هناك
الا انه انتاج هولندى والممثلين كمان ...

وبدا الاتهامات لاقباط المهجر و طلب طردهم من مصر
يعنى لو انت عندك عربية وسلفتها لصاحبك و عمل بيها حادثة
يبقى انت اللى تتعدم...
حسبى الله و نعم الوكيل....

كل واحد نازل يتظاهر عشان اللى حصل لاشرف الخلق
اتحداه والله لو حافظله حديث واحد كامل صح

الرد الوحيد على اللى حصل ده
هو انك تثبت للعالم مين هو الرسول فعلا
وايه اخلاقه
وهو وصانا بايه

افتكروا الرسول كان بيعامل الكفار ازاى الى كانوا بيرموا على راسه رملة
ويدوسوا عليها و هو بيصلى و يشتموا فيه
ومنهم ابو جهل .... اللى من لحمه و دمه ... عمره ما اذاه ولا اتعدى عليه

ودور الاحزاب الاسلامية بقى دلوقتى تكفير الاقباط
والتشجيع على اعمال ال*** تحت اسم الشهادة
وهو مكانهم مبينزلوش

والشيخ بيفتخر انه حرق الانجيل و بيعلنها على الملا
وعايزة عشان يتبول عليه قدام الناس

ودورهم فى الميدان ... قال ايه رايحين ينصحوا المتظاهرين انهم يرجعوا بيتهم
ويرجعوا فى مظاهرة حماية ممتلكات الدولة

مقدرش اقول حاجة الا انى فوضت امرى لربنا
والكلاب تعوى.... و القافلة تسير
وصلى الله على محمد ... وعلى اّله و صحبه و سلم
انا اسفة يا رسول الله
مفيش بايدى حاجة اعملها

احمدالمدريدي

13-09-2012, 10:57 PM

~ Smile 4 Life ~

13-09-2012, 11:48 PM

جــــــــزاك الله خـــــــــــيرا...

احــنا مش هنقدر ننصر النبي النصرة الحقيقة غـــــير بتطبيق سنته

والالتزام بمبادئ الدين

To Be Is To Do

14-09-2012, 08:46 AM

للاسف البعض في الفيس ينشر الفيديو في الفيس ويقعد يشتم وناس كتير تشتم وراه طب انت بتنشر الفيلم كده الناس اللي عملت الفيلم حققت هدفين الاول ان ينتشر الفيلم الثاني ان يببنوا للناس في الدول الغربية ان الاسلام عقيدة *** و تطرف وسوء اخلاق والعياذ بالله ان اتعجبت لما لاقيت ناس فرحانة ان السفير الاميركي في ليبيا ات***
هو ايه ذنب واحد ولو كان مسيحيا ان ي*** هو بيادي شغله وهو ولا اذي النبي ولا اساء ليه
للاسف ان احنا باعمالنا بنؤكد ان احنا لا نستحق ان نكون مسلمين الاسلام مش شتائم ليلا ونهارا الاسلام دين يدعو الي الخلق الحسن انا جذبني قول الشقيري اغضب للرسول باخلاق الرسول هذا يجب ان يفهمه كل المسلمين وربنا يحفظ مصر والامة الاسلامية

ما هو كده هما بيحققوا إللى هما عايزينه

زى برضه فى حريق كنيسه القديسين بالاسكندريه
عندما قام اعضاء الحزب الوطنى حسبى الله ونعم الوكيل فيهم بتفجير الكنيسه
قام الاخوه المسيحيون بتكسير المسجد الذى أمامها وتحديفه بالطوب

وبذلك نجح الحزب الوطنى فيما يريده

هذا ما فعله من قاموا بعمل الفيلم
وهذا ما أرادوه هو اننا نشتد مع المسيحيين وتقلب لفتنه فى مصر
لكن
هيهات هيهات

المصريين مسلمين ومسيحيين لديهم الآن من الوعى ما يترفعوا به عن تلك الصغائر الدنيئه التى يريدها أعداء السلام كافه وليس أعداء الإسلام فقط

To Be Is To Do

14-09-2012, 08:52 AM

موضوع رائع فعلا
اعتقد انه مهما عدت الايام مش هنقدر نرد عليهم احنا اللي سمحنالهم بكده لان احنا نسينا سنتنا مستنيين مين يفكرنا ؟!!!!!!!!!!!!!!!!!!!! خلاص الاهانة نفدت واي كلام مش هيقدر يرد عليها
لكي الله يا مصر لكي الله

جزاكم الله كل خير
اتباع سنة النبى هى افضل الطرق

جــــــــزاك الله خـــــــــــيرا...

احــنا مش هنقدر ننصر النبي النصرة الحقيقة غـــــير بتطبيق سنته

والالتزام بمبادئ الدين

حلولكم رائعه وجوزيتم خيرا
وأنا أرى الحل فى نقطتين

الأولى هى كلامكم بأن نتمسك زياده بديننا ومبادئه وأخلاقه

الثانيه هى عمل فيلم مماثل لهم ولكن عن أخلاق وتسامح الرسول وصفاته ومبادئ الإسلام السمحه وكذا وكذا وكذا

فليكفينا عيبا أن نرى ما تفعله الممثله الأمريكيه إستياءا مما حصل

ونحن نقف مكتوفى الأيدى

حفظ الله إسلامنا من كل الشرور ومن أراد بنا أو بإسلامنا أو بنبينا سوءا فليرد عليه فى دينه وفى نفسه إن شاء الله

dandana.s

14-09-2012, 07:27 PM

اود الاعتراض على جزئية
وهى عدم وصف من قامو بتغيير رنة الموبايل او صورة البروفايل بالجهل والسفة
انا اعلم ان هناك خطواط عملية يجب ان نتخذها ولكن هذا لا يعنى ان نحقر هذة الاعمال كتغييير الرنة وصورة البروفايل
لانى فى اعتقادى عندما يلاحظ الناس ان معظم الشباب تحولت رناتهم من اغانى الى الصلاة على محمد فهذا امر طيب
عندما يلاحظ الغربيون تغيير صورة البروفايل لعدد كبيييييييييييييير جدا من مستخدمى الفيس بوك
هذا سيجعلهم يعيدون النظر ويبحثون من هو محمد الذى يفعلو نمن اجلة كل هذة الافاعيل !!!!!!!!!!!!!!!
هذة وجهة نظرى واردت تنبيهك
وجزاك الله كل خير

To Be Is To Do

14-09-2012, 08:44 PM