يعنى أية فيلم مسيىء للرسول [الأرشيف] - بوابة الثانوية العامة المصرية

مشاهدة النسخة كاملة : يعنى أية فيلم مسيىء للرسول

حميد بدوى

14-09-2012, 11:57 AM

أعذرونى وسامحونى
يعنى أية فيلم مسيىء للرسول
هو فيه حد يقدر يسيىء للرسول ؟؟
أنتم فين يا اصحاب العقول ؟؟
طب هما فين دول وفين الرسول
وكدا أو كدا دول شوية بهايم وعجول
ما يستهلوش الرد والرد يطول
هما يعرفوا اية عن الرسول

أنا شايف الاساءة مننا أحنا
أحنا اللى ارتحنا وريحنا
وبنستوردوا منهم هدمتنا ولقمتنا وسلاحنا
دا أحنا حتى بنستوردوا منهم كمان احزنا وافرحنا
دا أحنا من ظلمنا لنفسنا أندبحنا
دا أحنا مستنين المعونة والقروض
عشان تداوى جراحنا
أعذرونى وسامحونى
أنا شايف الاساءة مننا أحنا
أحنا اللى من كتر الكدب بقينا نصدقوا نفسنا
أحنا اللى مفيش حد فى العالم يعرف ينافق زينا
أحنا اللى الواسطة عندنا اهم من اهم قانون
احنا اللى الغش عندنا عشان راحة الزبون
أحنا اللى مقضينها نوم فى نوم
والعالم سبقنا بميت مليون سنه
طيب دا مش اساءة للرسول
أحنا اللى مات من سنين حلمنا
أحنا اللى وجودنا زى عدمه
ويمكن كمان عدمه أحسن مننا
أحنا اللى كل يوم لازم يتحرق دمنا
ولازم نتقهروا فى قعر بطننا
جايين دلوقتى عاملين رجالة
وحالتنا حالة
اقولكم اية اية حاجة من نفسنا

نفسى نتعلموا حتى لما نغضبوا
ازاى نغضبوا
احنا نغضبوا على حالنا الاول
وبعدين نتكلموا ونصرخوا
احنا طالما حالنا على دا الحال
مش من حقنا نقولوا ولا ننطقوا
سؤال لازم نسالوه لنفسنا
هو حد يقدر يسيىء للرسول
فرحنا فينا عدونا
بنهاجموا السفارة
والسفارة على ارضنا
هى صحيح سفارة امريكية
بس فى الاساس ملكنا
عايزين تقتلوا السفيرة
زى ما فى لبيبا قتلوا السفير
اقتلوها محروق ابوها
بس ياترى بعد ما تقتلوها
يبقى انتقمنا وانتصرنا للرسول ولنفسنا
ونبقوا كدا خدنا حقنا
وساعتها هايرضى عننا ربنا
انا عايز اعرف فين عقلنا
انتم فين يا اصحاب العقول

طيب واللى بيحصل فى سوريا يا مسلمين
يا موحدين يرضى ربنا
يرضى مين يرضى الرسول
وما خلقناك الا رحمة للعالمين
أنتم فين من الرسول
أنتم فين يا اصحاب العقول
ما تتكلموا ما تنطقوا
ولا ما بتتكلموش الا ما تقبضوا

الشاعر
عبد الحميد بدوى

فيض خاطري

14-09-2012, 02:35 PM

دموع القدر

14-09-2012, 03:36 PM

حسبى الله ونعم الوكيل
بس احنا الى سمحنا بكدة
لما اتعمل مسلسل عن سيدنا عمر وغيرة من الصحابة وسكتنا
فاحنا المخطئين
كان لازم نعرف ان اليوم دا هيجى

مستر مصطفى الناقه

14-09-2012, 05:21 PM

جزاكم الله خيراً

ابو ساره77

14-09-2012, 06:56 PM

هؤلاء كلاب اليشرية لايجب الرد عليهم لأنهم يتكلمون عن خير البشر الذى لاينطق عن الهوى وهو الذى لم يسئ له كفار قريش لأنهم يعرفون أنه الصادق الأمين ولكن أحفاد القردة والخنازير يردون الأن السخرية من الحيبب ولكن أبشرو فإن الأسلام قادم وسوف يؤدى ذلك بإذن إلى انتشار الأسلام أكثر وأكثر

حميد بدوى

15-09-2012, 05:34 PM

وهذا ما اردت ان اقوله اللهم انصر الاسلام والمسلمين وانصر نبيك الكريم

ahmed_eldaly

15-09-2012, 11:40 PM

بارك الله فيك

الاستاذ محمد الطنطاوى

16-09-2012, 11:09 AM

جزاكم الله خيراً
رب ضارة نافعة
ربما ما حدث يذكرنا بالنبى (ص)
كلنا نسينا سيرة النبى (ص)
انا ملاحظ كل صفحات الفيس بوك تتحدث عن هذا الدث
كل الشباب والبنات تنشر صور لحب النبى
ناس كتير مش مسلمين سوف تسلم بسبب هذا الحدث
سبحان الله
سبحان الله
ويمكرون ويمكر الله والله خير الماكرين
يعنى الى حصل دة خير
ان شاء الله
ان لذين يؤذون الله ورسولة لعنهم الله فى الدنيا والاخرة
المطلوب ما
حب النبى (ص)
واتباع سيرتة

kingkongo

16-09-2012, 06:54 PM

فعلالالالالالالالالالالالالا شكرا لحضرتك

إليزابيث

17-09-2012, 12:19 AM

لكم الله يا مسلمين
جزاك الله كل خير

حميد بدوى

18-09-2012, 05:40 PM

اشكركم تحياتى فى كل ساعة عدد المسلمين فى زيادة والحمد لله وهذا الفيلم اللعين اتعمل لانهم مقهورين واحنا اقوى لاننا مع الحق ومع ربنا ومع رسولنا الكريم

عثمان على

18-09-2012, 05:55 PM

بارك الله فيكم .

حميد بدوى

15-10-2012, 10:04 AM

اشكرك يا صديقى وتحياتى للجميع