ساعدو طالب محتار :( [الأرشيف] - بوابة الثانوية العامة المصرية

مشاهدة النسخة كاملة : ساعدو طالب محتار :(

beta777

18-09-2012, 08:51 AM

بسم الله الرحمن الحيم
اية اخبار المدارس والجامعات معاكم؟؟؟
طبعا كل واحد داخل السنة دى مقرر هو هيدرس اية او هياخد اية في المواد خصوصا تالتة ثانوى ......
الا انا مقررتش هدرس اية محتار محتار محتار :(:(
انا استقريت على علمى رياضة مع كرهى للرياضة
ومحتار اخد علم نفس ولا اقتصاد واحصاء ؟؟؟ولية؟؟
اخد physics(لغات) ولا فيزيا(عربي) ؟؟؟
:028ja7::028ja7::028ja7:
انا كتبت الموضوع دا وانا عارف ان محدش هيرد علية بس تفريجا للهموم
وان رد حد هيقولى ادرس اللى بتحبة او شوف حسب ميولك
انا مليش ميول ومبجبش حاجة لان بختصار انا كل المواد دى بالنسبة لى عنواين معرفش التفاصيل بتاعتها
انا خايف اقدى السنة كلها محتار واضيع مجموع السنة اللى فاتت 97.56% ارجوكم ساعدونى:friendsxs3:
ان الدين النصيحة

مريم السباعى.

18-09-2012, 09:46 AM

Yes We Can

18-09-2012, 10:09 AM

اولا مبروووووووووك ع المجموع الجميل ده
و بالنسبه انا هقولك الاعرفه بخصوص الاقتصاد و الاحصاء و علم النفس
علم النفس ماده جميله لكن كلها حفظ مكونه من علم النفس 5 وحدات و علم الاجتماع ( رخم شويه ) 4 وحدات
و الماده لو فى مذكره استاذك هتكون فى حدود 100 - 120 ورقه على حسب مذكرات استاذك بتكون الاتنين
نفس و اجتماع و ماده تفهما شويه لكن 90 % حفظ حفظ حفظ فلو انت قد الحفظ خدها و ربنا يوفقك
اما الاقتصاد و الاحصاء الاقتصاد 6 وحدات صغيرين يعنى الوحده هتلاقيها 3 صفح او اربعه ماعدا وحدتين كبار 8 صفحات
او 10 صفحات يعنى الماده كلها فى حدود 50 - 60 صفحه على حسب مذكرات استاذك و بتبتديها متاخر لانها صغيره
اما الاحصاء هى 5 وحدات و بتتكلم عن مسائل لفظيه بسيطه مع قوانين تنفذ عليها حل المسائله و مسائل اعداداى دى
الهيا الاتحاد و التقاطع و هكذا و على فكره المادتين مواد 50 يعنى يتقفلوا
بص انت على حسب ميولك و نصيحتـى ليك عندى هنا ف المنتدى مذكرات نزلها و اقرا شويه ف المواد
او هات كتاب خارجى فى المواد دى و شوف ميولك ايه لانى مش عارف انت بتحب الحفظ و لا لا
لو ليك ف الحفظ ميه ميه يبقى علم نفس و لو ليك ف الفهم مع حفظ بسيط يبقى اقتصاد و احصاء
و متخافش اليقولك الماده دى كذا او كذا بص البيذاكر بيقفل المواد
اما بخصوص علمى رياضه انا معرفش فيها حاجه بسلو هتكمل رياضه حتى لو نقصت لقدر الله
مجموعه ف 2 هيأهلك لهندسه ان شاء الله اما بخصوص موادها رياضه 2 انا ادبى مفهمش فيها
و هكذا الفيزياء لانى ادبـى بس من رائى خليك ف الفيزياء العـربى افضل عشان المسائل و كده
و بص انت لازم تقعد مع نفسك و تفكر كويس جـدا لان ده مستقبلك
و شوف ميولك رايحه فين و لما تاخد قرارك و تثق فى قرارك
مهما قالوا الناس انت مثبت على قرارك بعد تفكير طبعـا
بمعنى انت لو قلت علمى رياضه ناس هتقولك وحش
و لو قولت علمى علوم ناس تانيه هتقولك وحش
و لو قلت ادبى ناس تانيه باردو هتقولك وحش
لان علمى العلوم مينفعش ف الرياضه و الرياضه مينفعش ف الادبى و الادبى مينفعش ف العلوم
و هكذا ... ربنا خلقنا كلنا متساويين لكن انت رغبتك ف ايه
هتلاقى واحد يقولك عاوز اكون دكتور و واحد تانى مهندس و واحد تانى مدرس
و ربنا يوفق الجميع
اتمنى اكون افدتـك
تحيــــــــاتى

rana rory

18-09-2012, 12:39 PM

بص يا بسام انت قلت انك بتكره الرياضه طيب طالما بتكرها ليه واخدها
و لو عشان متعرفش الاحياء فهى بتتكلم عن كل حاجه فى حياتنا بالتفصيل
يعنى البناء الضوئى و لهضم و النقل و الاخراج و الوراثه و التنفس بس كله بالتفصيل
بس مش تفصيل ممل هيخليك متشوق عشان تعرف معلومات اكتر
فحاول تعيد التفكير فى الموضوع دا
و بالنسبه للغه دراسه الفيزيا فاعتقد فيزيا عربى افضل لانك مش ناقص تعقيد هى معقد خلقه
و الماده الادبى دى فمش هقدر اقولك غير على حسب ميولك يعنى ليك فى الحفظ الكتير
يبقى علم نفس ليك فى الفهم و المسائل يبقى اقتصاد و احصاء مع العلم ان الاتنين سهلين
و مضمون انك تجيب ال 50 فيهم
ربنا معاك و يهديك للى فيه الخير

beta777

20-09-2012, 12:39 PM

والله يا باسم لما هى كل المواد عناوين امال قررت انك بتكره الرياضة ازاى

احبا قوللك رياضة تانية متجيش شئ فى تالتة بس مجموعك يقول تدخل رياضة طبعا بس خوفى الرياضة تضيعك وانت بتقول مش طايقها كدة فيعنى استخير الله برضه ولو بتحبى علمى اكتر يعنى بص فى الاحياء لو حبتها اكتر كل علوم لو نفس الكلام برضه يبقى كمل رياضة
اا بنسبة لمادة علمنم نفس او احصا فعلم نفس طبعا حتضمن درجته وانت مستريح
اما الفزياء يفض تاخدها عربى انت عايز تضمن درجات مش نقصين عقد ولغات وككدة
وربنا يوفقك يارب لما فى الخير ويرضاه

شكرا على ردك الجميل وانا بقول رياضة وخلاص هاخد دروس كتير فيها ,وكمان علشان الخاص بتاع هندسة في المعقول شوية
بدل ما لاقدر الله ادفع مبالغ مهولة في طب او ادخل علوم
هى المشكلة في الفيزياء عربي ولا لغات(درجات بتوع لغات عالية جداا بس بيقولو المدرس وحش وهما اللى زكروا مع نفسهم عربي وترجموة انجليزى)
علم النفس درجات السنة اللى فاتت ضايعة
اقول اخد اقتصاد واحصاء يقولولى الامتحانات بتعتها بتيجى صعبة

إليزابيث

20-09-2012, 02:43 PM

بس انت بسم الله ماشاء الله مجموعك حلو واحتمال كبير جدا السنة الجاية تدخل طب او صيدلة
طالما بتكره الرياضة خد احياء وان شاء الله ربنا يكرمك انت شاطر وطبيعي الشطار مبيفشلوش ولا ربنا بيسبهم يضيعو طالما بيبذلو مجهود و ربنا يكرمك ويوفقك يارب

قطرالندى22

20-09-2012, 06:45 PM

بالنسبه لموضوع علم النفس والاقتصاد والاحصاء انصك بعلم النفس لانها فهم لو فهمتها هتلقيها اتحفظت معاك متن غير مجهود كبير اما الاقتصاد والاحصاءعندك الاقتصاد صغير بس تلقى الملزمه مفيهاش مكان فاضى مليانه حاجات كتيره عايزه تتحفظ وهتعمل مجهود كبير عشان تحفظها والاحصاء هتحفظ القانون وتعرف الطريقه وتتطبق عليهم بس فيها مشكله كمان كانك بتاخد درسين ومادتين غير كده ليله الامتحان كانك بتراجع مادتين هتذاكرهم ازاى.........
وممكن حد يكون ليه راى تانى ده راىوربنا يوفقك

beta777

24-09-2012, 01:08 PM

شكرا جزيلا جزاكم الله خيرا

coka zero

24-09-2012, 01:31 PM

لى فكرة انا خدت اقتصاد واحصا وجبت 50 وصخابى خدوا عتلم نفس وجابوا 50 انا خدت الاقتصاد والاحصا لانى كنت بحب الرياضة اوووى بالرغم انى علمى لوم ومش بحب احفظ خاااااااااااالص طبا صلى صلاة استخارة وبعدين شوف الى مرتحاله وموضوع الفيزيا من راى انك تاخدها بالعربى على الاقل هتلاقى مدرسين كتير وطبعا فى الاول والاخر القرار قرارك وده طبا مستقبلك حاول تقرر بسرعة لشان الوقت ويااااااااااااااااااااااااااااااااااارب تلقى الحل يا بش مهندس :)

beta777

26-09-2012, 12:49 PM