ما هو لا ذنبى ... ولا برضه ذنبها [الأرشيف] - بوابة الثانوية العامة المصرية

مشاهدة النسخة كاملة : ما هو لا ذنبى ... ولا برضه ذنبها

To Be Is To Do

18-09-2012, 02:42 PM

السلام عليكم

لقيت بوست على جروب هندسه على الفيس عن العلاقه بين الشاب والفتاه فى الكليه
المهم أنا حنقلكم الكومنات بمنتهى الأمانه

الشاب : لا على فكره يا جماعه بنات فنون جميله أحلى من بتوع هندسه بمراحل
البنت : ليه يعنى إن شاء الله ومالهم بتوع هندسه يا خويا
الشاب : مش حلوين خالص وتحس إنهم معقدين كده
البنت : طب تصدق بقى إن شباب صيدله أحلى منكم وألذ وأحف دما منكم
الشاب : على فكره بنات المجمع بيقولوا فينا أشعار وبيتمنوا يتجوزوا واحد من هندسه
البنت : هما بتوع المجمع دول بنات
الشاب : بس على الأقل عندهم نظر وبيفهموا عنكم
البنت : أه عشان كده دخلوا المجمع

وكومنتات تانيه كتير
المهم أنا رحت حاطط كومنت بيقول

" على فكره يا جماعه مش ذنب أى ولد إنه وحش ، مش ذنب أى بنت إنها مش حلوه لكن ذنب كلاهما إن تكون أخلاقهم هى إللى مش حلوه أو أسلوبهم وتصرفاتهم وحشه
ثانيا إحنا إزاى نربط جمال أو وحاشه الشاب أو البنت بالكليه !
لو مثلا عندنا شاب جميل جدا بس ربنا موفقهوش وراح المجمع يبقى برده حيتقال عليه وحش لمجرد إنه ف المجمع
وكذلك لو عندنا بنت وحشه بس ربنا وفقها ودخلت فنون جميله حيتقال عليها برده حلوه لمجرد إنها فى فنون جميله
الموضوع يا جماعه ليس له علاقه بالكليه دى حاجه بتاعه ربنا "

راحت الناس معلقه عليا وقالوا

الشاب : على فكره يا خالد إنت معقد جدا
البنت : إيه ده مين إللى محبكها كده !

طبعا معلقتش تانى بس فضلت أشوف كومنتاتهم
المهم
أى حد يدخل يقول رأيه فى الحوار كله ...

smsmzeros

18-09-2012, 06:19 PM

قليل قوى لما تلاقيلك حد جد عالفيس بالذات لو الكلام بهزار انتا عندك حق فكل اللى قولتو بس الحوار اولاً واخراً مش جد فاول ما هتدخل هتبقى انتا الجد الوحيد اللى فيهم (ابو امهم ابو ابوهم مش هيفرق ههههه)
فبلاش تدخل فالحوارات الفكسانه دى وناقشلك ناس بجد وفالجامعه او الكليه فيس تو فيس عشان تستفيد وتشوف الواقع
تقبل تحياتى

NeVeR CoMe BacK

18-09-2012, 08:22 PM

ناس تافهة :( صراحة كلامك غير متواصل معاهم لأنهم بيفكسوااااا يعنى ده كلام كلو هبل علا عبط علا شوية تفاهة علا حبة فرااااااااااااااااااااااااااااااااااااغ :(

shahd.

18-09-2012, 08:27 PM

انت عندك حق فى كل اللى قولتو
ايه العالم التافهه دى:mad:

NeVeR CoMe BacK

18-09-2012, 08:38 PM

سورى يا جماعة انا بأعترض علا كلامكو
هو انتو اووووول مرة تعرفو ان الناس اللى عالفيس بيتكلمو فى حاجات تافهة !!!! :o
غريبة اووى مع اننا كلنا بردو بنتكلم مع اصحابنا كتتييييييييييير عالفيس وفى المنتدى هنا كومان وبردو فى حاجات تافهة !! اينعم مش طووول الوقت ولكن بنعمل كده ولا لاء ؟؟؟؟!! يبقا هما ملهمش زنب بقا :(
الفيس ده موقع اجتماعى ومحدش ليه حكم فيه علا حد فطبيعى نتوقع ان اى حد يتكلم مع اى حد بطريقته !
رأيى غلط ؟!!
:d

To Be Is To Do

18-09-2012, 08:50 PM

Yes We Can

18-09-2012, 09:14 PM

To Be Is To Do

18-09-2012, 09:35 PM

بص يا خالد عمرك ماهتقدر تجيب فكر مدرس فيزياء مثلا لطالب لسه بيدرس
ده الحصل بالظبط انت واخد الحياه بجد يعنى بما يرضى الله يعنى مش بتبص ده حلو و لا وحش
لان ربنا الخلقه مش احنا المهم الاخلاق البتيجى من الشخص نفسه انا ليا زمايل ممكن يكون منظرهم متبهدل جدا
لكنى بحترمهم جدا جدا جدا لاوسع الحدود لانهم شخصيات فعلا تستحق الاحترام مش بالمظهر او بالشكل
انت عندك حق ف كلامك و اوعى ترجع عن رايك عشان ناس فكرهم غير فكره
جرب فى مره تخيل حوار بين واحد غنى اووووووى و واحد فقير جدا
و تخيل الحوار هتلاقى الغنى بيستهون باى حاجه اما الفقير بيحمد ربنا على اقل اقل الحاجات
لا تنظر الى فكر الناس الردىء و تتعجب من فكـرك فلا تترد و انت واثق من فكـرك
مدام انت ماشى بما يرضى الله و عمرك مابتحتقر حد و بتحترم كل الناس يبقى انت ف السليم
تحيــــــــاتى

أولا بشكرك على ردك الرائع ومرورك الطيب
ثانيا ما هو ده إللى حصل إنى مكملتش فى النقاش معاهم وسيبتهم وفضلت ألاحظ كومنتاتهم بس بصراحه حوار مستفز
وأنا واثق من كلامى والحمد لله ومش حغيره عمرى
بس حبيت أخد آراء ناس بتفهم وفكرها كويس على حد علمى ( إللى هما انتم طبعا )
يلا مش كل الناس زى بعضها

شكرا لردك كره ثانيه
وفقك الله

Yes We Can

18-09-2012, 09:45 PM

أولا بشكرك على ردك الرائع ومرورك الطيب
ثانيا ما هو ده إللى حصل إنى مكملتش فى النقاش معاهم وسيبتهم وفضلت ألاحظ كومنتاتهم بس بصراحه حوار مستفز
وأنا واثق من كلامى والحمد لله ومش حغيره عمرى
بس حبيت أخد آراء ناس بتفهم وفكرها كويس على حد علمى ( إللى هما انتم طبعا )
يلا مش كل الناس زى بعضها

شكرا لردك كره ثانيه
وفقك الله

طبعا الناس مش زى بعضها
و لو كانت زى بعضها كانت الدنيا خربت اقولك ليه
لو مكانش فيه شر اكيد الخير مش هيبان
زى لو انت عاوز تبين لون جميل مثلا حطه فى الوان قبيحه هيبان اوووى و تلاقيه وضح جدا
انت بكلامك ده عامل زى اللون الجميل وسط الوان قبيحه كلهم هيغيروا منك عشان تفكيرك صح
او بمعنـى اصح بالنسبه لهم انك معقد يا خساره الزمن ده بقى يبص للطيب على انه ساذج
و على المومن على انه معقد و على البيعمل خير على انه عبيط
الزمن مهما تغير اكيد فيه ناس بتطلع تصلحه من اول و جديد لانى لو مشيت على افكار غيرى
و مشيت على ارائهم عمرى ماهفلح لانى انا الهتسال قدام ربنا ليه احتقرت انسان هل دخلت جواه
ساعات بيكون فيه ناس جميله جداااا من جوه و قلبها نقى و عشان منظرها الناس تحتقرها
الزمن يتغيـر اما الانسان و علاقتـه بربنا لا تتغير
المبنـى على الصخـر لا يتاثر بالرياح اما المبنـى عالى الرمل يسقط من اول عاصفه
تحيـــــــاتى

مريم السباعى.

18-09-2012, 11:53 PM

طبعا الناس مش زى بعضها
و لو كانت زى بعضها كانت الدنيا خربت اقولك ليه
لو مكانش فيه شر اكيد الخير مش هيبان
زى لو انت عاوز تبين لون جميل مثلا حطه فى الوان قبيحه هيبان اوووى و تلاقيه وضح جدا
انت بكلامك ده عامل زى اللون الجميل وسط الوان قبيحه كلهم هيغيروا منك عشان تفكيرك صح
او بمعنـى اصح بالنسبه لهم انك معقد يا خساره الزمن ده بقى يبص للطيب على انه ساذج
و على المومن على انه معقد و على البيعمل خير على انه عبيط
الزمن مهما تغير اكيد فيه ناس بتطلع تصلحه من اول و جديد لانى لو مشيت على افكار غيرى
و مشيت على ارائهم عمرى ماهفلح لانى انا الهتسال قدام ربنا ليه احتقرت انسان هل دخلت جواه
ساعات بيكون فيه ناس جميله جداااا من جوه و قلبها نقى و عشان منظرها الناس تحتقرها
الزمن يتغيـر اما الانسان و علاقتـه بربنا لا تتغير
المبنـى على الصخـر لا يتاثر بالرياح اما المبنـى عالى الرمل يسقط من اول عاصفه
تحيـــــــاتى
اولا انا مش حزيد كتير عن كلام الناس الى فاتت وخصوصا كلام مارك قال الى نفسى فى بصراحة ولو زد فحاجة بسيطة قوى ويمكن ببسها انا قطعت الفيس خالص مش بقيت غيرر مع اصحابى والجروبين الى انا عملاهم باخد بالى منهم وبس
بس حاجة وحدة صغيرة لو كان الكويس كتير فالزبالة اكتر سورى يعنى الفكر الردئ والافكار الغريبة كتير جدا
يعنى مثلا لقيت واحد قبل كدة كنت لما حطيت جمب اسم البدج بتاعتى الاضافة لاخوات لقيت وحدة تتريق عليا وقلتلى انتى معقدة وفيها يعنى لما تعملى صدقات مع ولاد فى الفيس او على النت و قعد اقنع ميت مرة قعدت تقولى انتى معقدة والكلام دة فييييييييييييين حتى الى اقتنعت وقلتلى اها جايز يكون عندك حق ياربنا
ولقيت حاجات من كدة ياما وبصراحة بعد كدة اتعلمت من الدرس وان الفيس او النت عموما بيلم خصوا اول مدخلت لقيت نفسى فى نظر الجميع محبكها وعقد وناس قعدت تقول لما انتى كدة دخلتى ليه الفيس اصلا والموال دة قال يعنى لازم علشان ادخل الفيس اكون زيهم ولا لازم اكون مش كويسة بقا مدام بعقد على الت فكر غريب فحولت تكون علاقتى حدودة فى لاقصى درجة
بس بينى وبينكم انا مستغربتهاش لان بقول مهى مثلا لو بنت متربية كدة وبتلاقى بنت خلتها مصاحبة فلان وصحبتها ماشية مع فلان وعادى يعنى الصداقة على النت دى بنسبلها العب عيال يبقى ازاى ممكن تقتنع بسهولة وغيره وغيره فيعنى انت اهم شئ انك تفضل كدة محافظ دايما على مبدائك تحاول تقنع وتهدى الناس لان شغلتنا فى الارض هو اننا ندعو الناس للخير ونعمر لارض ملناش دعوة بقا اقتنعو ولالا احنا لينا اننا نعمل الى علينا وندعيلهم فانك لا تهدى من احببت ولكن الله يهدى من يشاء وبجد مرسى كتير على التوبيكات الجامدة دى
وربنا يكرم شببنا جميعا يارب

To Be Is To Do

19-09-2012, 01:00 AM

اولا انا مش حزيد كتير عن كلام الناس الى فاتت وخصوصا كلام مارك قال الى نفسى فى بصراحة ولو زد فحاجة بسيطة قوى ويمكن ببسها انا قطعت الفيس خالص مش بقيت غيرر مع اصحابى والجروبين الى انا عملاهم باخد بالى منهم وبس
بس حاجة وحدة صغيرة لو كان الكويس كتير فالزبالة اكتر سورى يعنى الفكر الردئ والافكار الغريبة كتير جدا
يعنى مثلا لقيت واحد قبل كدة كنت لما حطيت جمب اسم البدج بتاعتى الاضافة لاخوات لقيت وحدة تتريق عليا وقلتلى انتى معقدة وفيها يعنى لما تعملى صدقات مع ولاد فى الفيس او على النت و قعد اقنع ميت مرة قعدت تقولى انتى معقدة والكلام دة فييييييييييييين حتى الى اقتنعت وقلتلى اها جايز يكون عندك حق ياربنا
ولقيت حاجات من كدة ياما وبصراحة بعد كدة اتعلمت من الدرس وان الفيس او النت عموما بيلم خصوا اول مدخلت لقيت نفسى فى نظر الجميع محبكها وعقد وناس قعدت تقول لما انتى كدة دخلتى ليه الفيس اصلا والموال دة قال يعنى لازم علشان ادخل الفيس اكون زيهم ولا لازم اكون مش كويسة بقا مدام بعقد على الت فكر غريب فحولت تكون علاقتى حدودة فى لاقصى درجة
بس بينى وبينكم انا مستغربتهاش لان بقول مهى مثلا لو بنت متربية كدة وبتلاقى بنت خلتها مصاحبة فلان وصحبتها ماشية مع فلان وعادى يعنى الصداقة على النت دى بنسبلها العب عيال يبقى ازاى ممكن تقتنع بسهولة وغيره وغيره فيعنى انت اهم شئ انك تفضل كدة محافظ دايما على مبدائك تحاول تقنع وتهدى الناس لان شغلتنا فى الارض هو اننا ندعو الناس للخير ونعمر لارض ملناش دعوة بقا اقتنعو ولالا احنا لينا اننا نعمل الى علينا وندعيلهم فانك لا تهدى من احببت ولكن الله يهدى من يشاء وبجد مرسى كتير على التوبيكات الجامدة دى
وربنا يكرم شببنا جميعا يارب

إنتى تقريبا بتتكلمى ف نفس النقطه بتاعتى بس ف موقف تانى
ما هو ده حال الدنيا إللى تلاقيه ماشى ملتزم وبما يرضى الله يتقال عليه مقعد ومحبكها وإللى تلاقيه بيتكلم على البنات والحوارات دى يتقال عليه بيفهم ومدقدق

حنعمل إيه بس ده إحنا كل ده ولسه مدخلناش جامعه
أمال لما ندخل !!!!! حنعمل إيه ولا حنتعامل إزاى مع هؤلاء البشر

يلا ربنا يصلح حالنا جميعا شباب وبنات

مشكوره على المرور الرائع

المتفائله...

19-09-2012, 01:07 AM

rana rory

19-09-2012, 09:15 AM

انت صح فى كل كلامك
الفيس بقى كتير جدا تافهين و المواضيع اتفهه :slap1qk6:
و نادرا لما تلاقى حد بيتكلم فى حاجه مفيده
انا عشان كده مبقتش اشوف كومنتات
لانى عارفه ان ضغطى هيترفع و انا مش ناقصه:d

EZEL coming

19-09-2012, 10:21 AM

دى ناس ضايعة المفروض الجامعة مبنى معد للتعليم مش الكلام دة وبعدين يجب ان لا نفرق بين احد من خلقة كلنا واحد سواء مهندس دكتور عالم محامى كل واحد لى دور فى المجتمع تخيل حياتك من غير عامل النظافة من غير نجار من غير سباك اى وظيفة بسيط من دول من غيرها المجتمع لايمشى كلنا محتاجين الدكتور وعامل لنظافة الخ جزاك الله خيرا ياخالد على الموضوع دة

sameh mostafa

19-09-2012, 10:23 AM

هههههههههه فى مثل بيقول لبس البوصة تبقى عروسة يعنى الشكل انه هيكون حلو ده اسهل اسهل اسهل حاجة لكن صعب انك تخلى واحد اخلاقه كويسة

شكل ايه بس هههههه

مريم السباعى.

19-09-2012, 11:14 AM

إنتى تقريبا بتتكلمى ف نفس النقطه بتاعتى بس ف موقف تانى
ما هو ده حال الدنيا إللى تلاقيه ماشى ملتزم وبما يرضى الله يتقال عليه مقعد ومحبكها وإللى تلاقيه بيتكلم على البنات والحوارات دى يتقال عليه بيفهم ومدقدق

حنعمل إيه بس ده إحنا كل ده ولسه مدخلناش جامعه
أمال لما ندخل !!!!! حنعمل إيه ولا حنتعامل إزاى مع هؤلاء البشر

يلا ربنا يصلح حالنا جميعا شباب وبنات

مشكوره على المرور الرائع

اه ونبى متفكرنيش ;)دنا يوم مرحت بس اكتب الرغبات واليوم الى رحت اعمل التحويل اتصدمت من المناظر واشكال ايه ومناظر تخلى الانسان يشك فى نفسه ويحس انه جاى من زمن تانى طبعا مش كله بس الاغلبية العظمى طب والله اقعد اعد البنات الى كانو لابسين حجاب الى هو مبعنى حجاب اقسملللك بالله عدتهم على صوبعى عدد قليل جدا وبدعى ربنا انهم يكترو لما اروح الجماعة طبعا مش بقول المظهر او الحجاب من بره هو كل شئ بس دة على سبيل المثال ليس الا
بس مؤكد ربنا ان شاء الله حيهدينا لصحبة صالحة ويبعد عننا شر الفتن ما ظهر منها وما بطن وربنا يهيدينا جميعا
وربنا يستر:rolleyes:

To Be Is To Do

19-09-2012, 02:28 PM

لو كل الناس بقت دكاترة مين هيكون المريض
ولو كل الناس بقت مهندسين مين اللى هيبنى
ولو كل الناس بقت محامين مين اللى هيكون عنده قضية هى دى سنة الحياة
واحنا فى حاجة الى كل المهن لا نستطيع العيش بدون الطبيب والمهندس والمحامى والكهربائى والمزارع
مش ذنب اى حد ان ربنا خلق ليه قدرات محدوة دا الانسان وهو جنين فى بطن امه بيبقى مكتوب له هيكون ايه وهيقابل مين وهيكون غنى ولا فقير
(رفعت الاقلام وجفت الصحف)
واحب اقول للاستاذ اللى كاتب لحضرتك الكلام ده لو انت اجتهد وعملت كل حاجة علشان توصل لهدفك وربنا مش رايدانك توصل لهدفك عمرك ما هتوصله كان ممكن تحصلك مصيبة قبل الامتحان ومتدخلش الامتحان انت ربنا اداك شهادة حلوة بس اكيد ناقصك حاجات تانية كتير ممكن تكون مريض وبتاع المجمع اللى مش عاجبك ربنا مدلهوش شهادة حلوة بس اكيد عايش مرتاح البال هيخلف ابن يعلمه كتاب الله ويدعيله ويدخله الجنة ومفيش حد بياخدها كاملة ومفيش حد بيعيش سعيد طول عمره ولا حد بيعيش تعيس طول عمره بتاع المجمع ده ربنا مدلهوش طب لحكمة هو يعلمها كل انسان وليه رزق سبحان مقسم الارزاق
انت تريد وانا اريد والله يفعل ما يريد
وربنا خلقنا سولسية كاسنان المشط لا فرق بين عربى ولا اعجمى الا بالقوى والعمل الصالح
واود ان اشكر حضرتك يا بشمهندس على ردك الجميل عليهم ومتحولش فى يوم تغير افكارك ومبدئك اللى اهلك ربوك عليها وابعد عن اى حد يحاول يغيرلك مبادئك ولا تجادل الاحمق فقد يخطا الناس فى التفريق بينكم
الشجرة المثمرة يضربونها بالحجر فتلقى اطيب الثمر
ربنا يوفقك ويوفقنا جميعا لما فيه الخير

شكرا على ردك ومرورك الرائع
وطبعا عمرى ما حغير تفكيرى

انت صح فى كل كلامك
الفيس بقى كتير جدا تافهين و المواضيع اتفهه :slap1qk6:
و نادرا لما تلاقى حد بيتكلم فى حاجه مفيده
انا عشان كده مبقتش اشوف كومنتات
لانى عارفه ان ضغطى هيترفع و انا مش ناقصه:d

تافهين ده القليل بس
اهم اقل من مستوى التفاهه بمراحل
نورتى التوبيك :)

دى ناس ضايعة المفروض الجامعة مبنى معد للتعليم مش الكلام دة وبعدين يجب ان لا نفرق بين احد من خلقة كلنا واحد سواء مهندس دكتور عالم محامى كل واحد لى دور فى المجتمع تخيل حياتك من غير عامل النظافة من غير نجار من غير سباك اى وظيفة بسيط من دول من غيرها المجتمع لايمشى كلنا محتاجين الدكتور وعامل لنظافة الخ جزاك الله خيرا ياخالد على الموضوع دة

فعلا والله يا صادق
نورت التوبيك :)

هههههههههه فى مثل بيقول لبس البوصة تبقى عروسة يعنى الشكل انه هيكون حلو ده اسهل اسهل اسهل حاجة لكن صعب انك تخلى واحد اخلاقه كويسة

شكل ايه بس هههههه
تفاهه بعيد عنك يا سموحه والله
ربنا يهدى الجميع

د/نداء الجنة المصرية

19-09-2012, 09:15 PM

كلام حضرتك صح بس هم مش عاوزين يتفاهموا بالمنطق هم عاوزين يفضلوا يهزروا ويضيعوا وقت وخلاص نفسى يعملواليهم امتحان الاسبوع الجاى زينا مش هيقولوا حتى كلمة واحدة من دول ودول للاسف نتاج تربية غلط فى المجتمع وده رايى

د/نداء الجنة المصرية

19-09-2012, 09:19 PM

~ Smile 4 Life ~

19-09-2012, 09:47 PM

بصـــــــراحة أنا مش مندهشة خالص من الحـــــــوار ده

لإن وللأسف أنا معايا بنات في المدرٍســـــــة عندهم نفس التفكــير

يعني الحكاية مش حكاية فيس ونت وحوارات ملهاش لزمة والكلام ده يعني...

الحكاية( أخلاق وتربية)..وســـوري يعني أي بنت تتكلم في المواضيع دي

تبقي انسانةتــــــــــافـــــــــهة

بس مع ذلـــك برضه العيب مش عليها ..علي البيـــــئة اللي هيا اتربت ونشأت فيها

ده كويـس أوي انهم ردوا عليــك كده..والله أنا بسمع كلام بنات معايا

في الدرس والمدرسة بحس اني مش عايشــــة في الدنيا أصلا..

ربــــــــنا يصـــــــلح الحــــال ويـــــــهدي الجمــــــــــــيع...

To Be Is To Do

20-09-2012, 05:12 AM

انا على فكرة من وقت مارحت الكلية وانا مش بتكلم مع اى حد بدخل اقعد فى المدرج احضر المحاضرة وبعدين اقوم اروح السكشن واروح على طول رغم اننا فى طب لكن فى بنات حاسة انهم داخلين الكلية كده وعاوزين يقضوها لعب ومافيش مذاكرة وبصراحة كنت مدايقة جدا فى اول السنة ان دول معانا فى الكلية بس بعد كده تقبلت لكن موقفى ثابت انى مش بتكلم مع حد مافيش غير 3 بس ومش معايا فى المدرج هم فى مدرج تانى اللى اقصد اقوله ان الانواع دى فى كل الكليات بسبب انتشار افكار غلط فى مجتمعنا

فعلا والله فى كل الكليات
دى قاعده ثابته عندنا
لا ترتبط بكليه معينه
وعمر ما حد يقدر يربط
الالتزام من عدمه بكليه قمه أو كليه عاديه يعنى

كلام حضرتك صح بس هم مش عاوزين يتفاهموا بالمنطق هم عاوزين يفضلوا يهزروا ويضيعوا وقت وخلاص نفسى يعملواليهم امتحان الاسبوع الجاى زينا مش هيقولوا حتى كلمة واحدة من دول ودول للاسف نتاج تربية غلط فى المجتمع وده رايى

لا يتفاهموا مين
فعلا هذار وضحك وكركر ومرمر على طول
ولو اتكلمت جد محدش يرد عليك
وكأنى اليهودى إللى وسطيهم
هدى الله شباب وبنات المسلمين

نورت برأيك الرائع :)

بصـــــــراحة أنا مش مندهشة خالص من الحـــــــوار ده

لإن وللأسف أنا معايا بنات في المدرٍســـــــة عندهم نفس التفكــير

يعني الحكاية مش حكاية فيس ونت وحوارات ملهاش لزمة والكلام ده يعني...

الحكاية( أخلاق وتربية)..وســـوري يعني أي بنت تتكلم في المواضيع دي

تبقي انسانةتــــــــــافـــــــــهة

بس مع ذلـــك برضه العيب مش عليها ..علي البيـــــئة اللي هيا اتربت ونشأت فيها

ده كويـس أوي انهم ردوا عليــك كده..والله أنا بسمع كلام بنات معايا

في الدرس والمدرسة بحس اني مش عايشــــة في الدنيا أصلا..

ربــــــــنا يصـــــــلح الحــــال ويـــــــهدي الجمــــــــــــيع...

هههههههههههه
كانوا يشتمونى أحسن
فعلا عندك حق والله
لا مفى كلام تانى إتقال بس أنا بعتبر بنقى أرقى الألفاظ عشان الشكل العام للتوبيك
لكن سمعت كلام تانى يشرح الصدر الصراحه بس حنعمل إيه ؟؟
هو عيب أخلاق من البيت + طيش شباب بطريقه زائده شويه

ربنا يهدى الجميع
أنرتى :)