يا جماااعة انا عاوزة حد يفيدنى ضرورى دلوقتى انا جبت مجموع فى الثانوى 97% ادبى ,وانا فى محافظة المنوفية فالكليات الى كانت قدامى هى تربية وحقوق وتجارة واداب الخ.......المهم سمعت ان مستقبل تجارة انجلش حلو فاقدمت واتقبلت فيها خلاص ولسة النتيجة طالعة س لسة مقدمتش , ولما روحت المجمع وكدة عفت ان فى عندنا حقوق انجلش ودى كانت معلومة جديدة بالنسبة ليا فابقيت فى حيرة شديدة ووالدى بيقنعنى انى احول حقوق انجلش لانه بيفضل مستقبلها وانا كنت داخلة تجارة انجلش رغ انى مش بحب الرياضة بس قلت هتعب شويا وهاكتهد فهل يا ترى الحقوق انجلش افضل ليا انا عاوزة اعرف كل شىء عنها وهل مستقبلها للبنات حلو ولا لا وشغلها مضمون فعلا زى ما بيقولوا وايه نظام دراستها وكدة وهل هى تتساوى فى اصعوبة مع تجارة ولا اصعب فياريت حد يرد عليا وارجوكم اهتموا بالموضوع وللعلم فرصة التحويللا قدامى 3 ايام فقط فا عاوزة اخد القرار الصح:(

ان شاء الله كل حاجة عايزة تعرفيها هقولهالك بالليل بس ارجع النت لاني مش هعرف اشرح دلوقتي تابعي الموضوع وان شاء الله تاخدي القرار المناسب

شكرا جزيلا واسفة على الاذعاج بس ارجو الاهتمام لانى فعلا بحاجة الى مساعدة

بصي انا كنت في حيرة جامدة جدا بين تجارة انجليزي وحقوق انجليزي بس عايز اقولك لو انتي مش حابة مجال التجارة متدخليش لاني اول خطوة في الطريق الصح حب المجال تمام لو هتتكلمي على مجال الشغل فمجالات الشغل كتيرة جدا جدا وتعالي ندي الامثلة لو حاجة حكومية او تبع الدولة فعندك السلك الدبلوماسي والسفارات وعندك النيابة الادارية ومجلس الدولة وغيره وعندك الشركات او البنوك الاجنبية وعندك المكاتب الدولية وعايز اقولك مفيش حتة في البلد مفهاش شئون قانونية فالقانون حلو و ممتع بس عايز انبهك لحاجة لو عايزة تشتغلي في مكان كويس ويبقى ليكي مستقبل لازم تحطي في دماغك انك هتدخلي مرحلة جديدة عايزة مجهود ولازم تكوني متميزة اسمعي للدكتور كويس اوي وذاكري واجتهدي وهتنولي وغير كده لو هنتكلم على حقوق انجليزي فكبيرهم كل سنة بيتخرج بتاع 2500 واحد بالكتير في كل الجامعات لكن لو تجارة انجليزي حتى شوفي كام الف بيتخرجواده عين شمس لوحدها السنادي 1500 غير بقيت الجامعات والخاص وغيره فالبلد كلها تجارة وغير كل ده انتي ممكن لو اتخرجتي من حقوق لو عايزة تاخدي تجارة انجليزي في اي جامعة اجنبية تقدري لكن الحقوق مفيش منها خاص يعني انا بصراحة شايف الي في حقوق انجليزي عنده المجالات مفتوحة جدا قدامه وفيه حاجة تانية هتلاقي ناس كانت كارهة الكلية عايز اقولك اي حد دخل حاجة مش حاببها مهما كانت الكلية مميزة فمش هتعجبه لانها مش رغبته وانا بقالي اسبوع اهو في الكلية وبصراحة عجباني جدا وكل يوم بقتنع بيها زيادة

حاجة تانية استخيري ربنا وفكري كويس وشوفي نفسك في المجالين وفي الدراستين وشوفي تفضلي ايه وبعد الاستخارة اسألي كويس وفكري وقرري وعايز اقولك تقريبا القانون منطق لو درستي فلسفة ومنطق ودرستي قانون هتحسي الاتنين نفس الفكر

شكرا ليك بس انل محتارة جدا وخايفة وبسال كتيير كل واحد بيقولى رد مختلف وبحتار بزيادة وفى بيقولى تجارة عددها كتييير وغير الى بيتخرجوا من تجارة عربى بيشتغلوا بردو وليهم مجاال بس انا عاوزة اعرف هل الدراسة صعبة اوى ولا عادى هامشى فيها وهل مستقبلها مضمون للبنات ولا لا وهل شغلها خارج مصر بس زى ما سمعت ولا ايه؟؟؟ وايه المميزات الى فيها عن تجارة يعنى ايه الى بيميزها عنها وللعلم انا داخلة تجارة عشان دى الى كانت قصادى بعد لما والدر رفض موضوع سفرى للقاهرة عشان السن او غيره فسالت وقالولى دى الافضل وللعلم انا مش بحب الرياضة بس قالولى مجالها حلو وهاتفهمى وانا من النوع الى بفهم يعنى هامشى بالمذاكرة بس لما عرت ان فى حقوق انجلش عندنا فى المنوية بدات تلفت نظرى وكمان عددها قليل جدا فعاوزة اعرف ايه الافضل ومش عارفة والله انا خلاص فى حيرة جامدة جدا ومقميش فرصة للتحويل لحد يوم الاتنين فقط.....انا اسفة على الاطالة بس ارجو الرد والاهتممام واسفة على ازعاجك

واسفة تانى بس انا سمعت ان حفظها صعب وتقيلل ومش اى حد يعرف يجيب تقدير فيها واصحابى بيقولولى انها كووسة وكدة هل داه صحيح ولا ايه يعنى الدكاترة بيدوا تقديرات لابناء الناس المهمة بس ولا ايه

بصي عايزين نتفق على كام حاجة في الاول اول حاجة موضوع الشغل الشغل ده بتاع ربنا ورزق يعني مفيش حاجة اسمها مضمون يعني انتي دلوقتي ضامنة تطلعي من تجارة تشتغلي لكن عايز اوضح نقطة تجارة دلوقتي في كل حتة وفي كل مكان الاهم اني ابقى مبدع في شغلي بمعنى حطي نفسك مكان صاحب شركة وعامل اعلان لوظيفة هيتقدمله ناس كتير طب هو بقى هيختار بينهم بناء على ايه اكيد فيه معايير منها اللغة ومنها كفائة العمل ومنها تقديره فهيبتدي يفاضل ما بين المتقدمين على الاساس او المعايير ال حاطتها تمام والبنات ليهم نيابة ادارية وطبعا شغل النيابة شغل جامد وانا قبل ما اكمل هسالك سؤال انتي كنتي ادبي كنتي بتعملي ايه في التاريخ و الفلسفة وعلم النفس ؟

وبعدين انتي متاكدة ان ينفع تحولي لان التنسيق الداخلي بيقفل بدري فهل انتي سالتي في شئون حقوق على امكانية تحويلك لحقوق انجليزي

ايوة انا سالت وقالولى التحويل اخره يوم الاتنين وهيتقفل وهاسحب الملف بى 300 جنيه وشية اجراءات وخلاص..التاريخ انا جايبة 50 وعلم النفس 50 والفلسفة 49 ,وعاوزة استفسر على موضوع التقديرات وكدة ..انت مرجحلى ايه اكتر انا مخى شغاال وممكن امشى ان شاء الله فى المجالين بس اما بدور على الافضل بس دلوقتى ليا ايه انا سهرانة لحد دلوقتى وورايا جامعة الصبح من الحيرة والله واسفة انى بزعجك ...

انا اقصد المواد ديه كنتي بتقعدي تحفظيها وتاخديقت فيها ولا كنتي بتذاكريها ازاي وانا كمان والله عندي جامعة الصبح بس اخلص معاكي الاول

انا التاريخ كان تاعبنى شويا وداه الطبيعى بس انا كويسة فى الحفظ مش وحشة...وعلم النفس مخدتش فيه درس اصلا وذاكرته انا الصفحة مثلا تاخد منى ربع ساعة حسب الصعوبة وكدة والفلسفة خدت اخر شهر بس فيها وانا الى بيتعبنى فى الحفظ انى لازم احفظ زى الى مكتوب بظبط بس ....

طيب تمام الي عايز اقوله بقى من على لسان دكاترة واحد قالنا انتوا قدامي سواسية ميفرقش ابن وزير من غفير ده واحد والتاني قال ان الي بيوقع الطلبة انها تقعد تحكي ومتجبش اجابة السؤال وغيره قالوه بس انا قابلت النهاردة واحد اهله عاديين وجايب تقدير جيد جدا ولو التقدير صعب فهو صعب على الدفعة كلها والنيابة بتاخد حد ادنى جيد والحاجة التانية ان القانون اجزاء كتير منه فهم يعني لو استوعبتي المادة بمخك هتشرحي باسلوبك

اه وفيه دكاترة مش عايزة كل حاجة بالنص يعني طالما انتي بتفهمي خلاص انتي ممكن تكتبي باسلوبك وانتي قدرتك في المواد الادبية كويسة جدا ما شاء الله وانا لحد دلوقتي شايف المواد جميلة اي نعم انا لسه في الاول بس بيبان برضو انتي بتلاقي ناس خارجة من كليات مختلفة بيقولوا احنا مش فاهمين حاجة

يعنى منعاش هم موضوع التقديرات والكلام داه يعنى بمجهودى هوصل للى انا عاوزاه ..طب حضرتك شايف ايه الاحسن بما انك مريت بنفس موقفى وايه الى شجعك على دخول حقوق انجلش بدلا من تجارة انجلش مع ان العدد الاكبر بيدخلها ؟؟ واسفة بجد على الاطالة

؟؟؟؟؟؟ ممكن بس اعرف كمان ايه المواد الى بندرسها

اول حاجة متعتذريش عادي ده مستقبلك وانتي قلقانة وده حقك وانا حاسس بموقفك الحاجة التانية ان الناس المحبطة للعزائم والمتشائمة موجودة وكتير كمان ولو الواحد حط مستقبله عليهم مش هيتحرك خطوة واكيد انتي شوفتي النوعية ديه في ثانوية عامة فانتي في اي حتة هتعملي الي عليكي وخلاص واسألي نفسك ايه الي بيخلي ناس في الكلية تجيب مقبول او جيد او جيد جدا او امتياز او تشيل مواد وافتكري ان الدكتور ده مش عدو وحاولي ان يكون فيه احترام متبادل مابينك وبينهم وانا كنت محتار لحد اخر يوم في التنسيق وكنت بكلم والد واحد صاحبي وقالي ادخل حقوق انجليزي من غير تفكير قالي حقوق في اي حتة وفي اي مكان ومستقبلها كبير لكن تجارة موجودين كتير جدا وفي كل حتة معاهد وكليات وخاص وغيره وغيره وان العدد الاكبر بيدخلها ديه مش ميزة بالعكس معنى انهم ياخدوا عدد قليل انهم عايزين احسن ناس ومش عايزين اي حد اناهقولك على حاجة كمان انتي لو عايزة اي معلومات انا ممكن امدك بيها بس في النهاية انتي اكتر واحدة عارفة قدراتك وعارفة نفسك وعارفة ايه المجال الي ممكن تمشي فيه احسن وعايز اقولك احنا معانا في الكلية ناس مجاميع جبارة مسألتيش هما دخلوها ليه احنا معانا واحدة اخوها خريج انجليزي وشغال في لندن هل ده مقياس ان كل الي هيتخرج هيشتغل بره فالمقياس نسبي وفردي وحسب حب الشخص لمجاله ومدى قدراته وابداعه *

انا هقولك المواد الي انا بدرسها دلوقتي
1- مدخل علوم قانونية وديه مادة عربي
2- احوال شخصية لغير المسلمين وديه عربي
3- شريعة اسلامية وطبعا عربي
4- منظمات دولية وديه انجليزي
5 - علم اجرام وعقاب وديه انجليزي
6- قانون دستوري وديه عربي
7 - الانجلو الامريكي وديه انجليزي
8- تاريخ قانون وديه عربي

الشريعة و المواد الانجليزي هنمتحنها اخر السنة والباقي نص السنة وفيه بقى في الترم التاني مواد زي النظم السياسية و اقتصاد ودول انجليزي ده الي انا فاكره دلوقتي بس متتخضيش فيه حاجات سهلة والقانون نفسه يعتبر منطق*

يعنى انا احول واخلى والدى يسحب ملفى ويحولى ومش هندم ان شاء الله ؟؟ وهى اكيد اى كلية عاوزة ابقى حاجة فيها انى اهتم واذاكر عشان اتميز عن غيرى...وهى حقوق انجلش بتبقى زى العربى بس بالانجلش ولا ايه نظامها معلش ايالتى كتييرة

لا هي تختلف عن عربي كتير في مواد زي العربي لكن عندك مواد انجليزي كتير وعلشان كده القضايا الدولية والشركات والبنوك الاجنبية عايزاهم والا كانت خدت بتوع عربي وانا قولتلك الي اقدر افيدك بيه والرد على اسئلتك وانا رأيي قبل ماتسحبي ملفك استخيري وفكري لو لقيتي نفسك مستريحة خلاص توكلي على الله وان شاء الله مفيش ندم والقرار في ايدك وانا شايف انك اصلا مش حابة اوي تجارة انجليزي

لا مش حباها لانها فيها رياضة وانا بكره الرياضة .....ان شاء الله هاستخير وربنا يختارلى الى فيه الخير واسفة على ازعاجك وشكرا ليييك,

العفو على ايه وان شاء الله خير وربنا معاكي وبالتوفيق باذن الله وابقي طمنينا عملتي ايه

تجارة انجليزى احسن 100 مرة طبعا من حقوق انجليزى

ديه وجهة نظرك مش عارف ايه سببها بس انا دخلت حقوق انجليزي وليا ناس في تجارة انجليزي وبحمد ربنا اني دخلت حقوق لانها احسن 1000 مرة من تجارة وكل واحد وقدراته