ملف قضايا الغموض
( إختفاء )

سرى جدااااا
0000000

قعده مزاج
000000
يهبط عبده فلشر من شقته التى أجرها من المعلم مرزوق صاحب العماره ، ويتقدم من صديقه عطيه سلكه وعندما يراه عطيه سلكه امامه يقترب من أذنه ويقول
ايه الاخبار ياعبده انا شايف المعلم صاحب البيت قاعد طول النهار والليل على القهوة!!
ايه مش هنعرف نضرب الكام حجر بتوعنا ولا ايه ؟؟
ينظر عبده فلشر الى المعلم مرزوق صاحب المنزل الجالس على المقهى المقابل لمنزله ويقول بحيرة
والله ماعارف ياعطيه من ساعه ما السكان اشتكوا له اننا بنحشش فى بيته وهو قاعد مستنى اى حركه نعملها
ينظر عطيه الى المعلم مرزوق بغضب ويقول لعبده
طيب والحل ياعبده انا معايه حته عجب لسه نازله السوق وكنت عايز اجربها
ينظر اليه عبده بفرح ويقول
متخفش ياعطيه انا اعرف حته موكنه انما ايه ولا الجن الازرق يعرفها
هنقضى فيها المصلحه هى صحيح مخزن مهجور بعيد شويه فى 6 اكتوبر
بس اهو يقضى الغرض ومفيش حد هيزعجنا هناك
ينظر عطيه بفرح الى عبده ويقول له
طيب مستنى ايه ! يالله بينا
وينظر كليهما للمعلم مرزوق وفى صوت واحد يقولان
قشطه عليك يامعلم مرزوق احنا فى الخلعون ياكبير ومش راجعين دلوقتى ممكن تروح تخدلك تعسيله ولما نرجع إن شاء الله هنرن عليك ،، بس اوع تفتح علينا اصل ممعناش رصيد
ويطلقون ضحكات هستريه ،،
فلم يتوقع اى شخص منهما انها قد تكون اخر الضحكات !!!!!


الخطه
0000
يجتمع ثلاثه رجال فى مخزن قديم فى منطقه شبه مهجورة فى 6 اكتوبر من ملامحهم وحركتهم يبدو انهم غير شرقين وأنهم مدربين وعلى درجه عاليه من الذكاء ،، يقترب الثلاثه من مكتب بسيط فى منتصف المخزن ويتحدث احدهم بالغه العاميه المصريه وكأنه بالفعل مصريا وليس اجنبيا ويبدوا انه قائد المجموعه ويقول
العربيه جاهزة ياجاك ؟؟
ينظر اليه جالك ويقول بإنتباه زى ما طلبتها بالظبط عربيه خاصه بشركه رجل الاعمال مهاب حسين
وينظر قائد المجموعه الى الاخر ويقول والاسلحه يامايكل ينظر اليه مايكل ويقول تمام
كل الاسلحه تم شرائها من تجار معروفين جدا وسهل جدا وزارة الدخليه المصريه توصلهم
ويبتسم ابتسامه غامضه ويقول
وساعتها التجار هيوصلوهم لشخص واحد هو رجل الاعمال مهاب حسين ،،،،
زى الخطه بالظبط ..... 3 ساعات بالظبط والسياره الخاصه بشركه رجل الاعمال مهاب حسين هتكون فى المنطقه المحدده لساعه الصفر
متقلقش ياسام احنا اعظم مخابرات فى العالم واقوى دوله فى العالم
يطلق سام ضحكه متقطعه وهو يقول
نفسى اشوف وشوش رجال المخابرات المصريه وهما بيحاولوا يحلو سر اللغز !! ويطلق الجميع ضحكات هستريه
وفاجاه يصمت الجميع عند سماعهم حركه مريبه خارج المخزن !! فيخرج الثلاث رجال اسلحتهم ويتأهبون ولحظات ويدخل عبده فلشر وعطيه سلكه ويطلق الثلاث رجال نيران اسلحتهم بلا تفكير
تصيب رصاصه قائد المجموعه سام ،،، عطيه سلكه فى جبهته وترديه قتيلا على الفور
وينطلق عبده فلشر خارج المخزن بكل ما أتته من قوة وهو يرتعش ويقول
إحنا بتوع حشيش والله حشيش
وينطلق ورائه مايكل وجاك ويطلقون النيران من حوله وعبده فلشر يجرى بكل ما أتته من قوة ويختفى عبده فلشر عن الانظار ويتوقف جاك ومايكل عن مطاردته بعد انا يإسا من اللحاق به
ويعودا اللى المخزن ويقفا بإنتباه ويقول مايكل لسام بغضب فقدناه ياسام
العمليه لازم تتلغى فورا ده ممكن يبلغ وساعتها خطتنا كلها هتنكشف !!
يضع سام يداه خلف ظهرة ويقول بعد تفكير استمر للحظات
اتصل ب ماريا ياجاك فورا
وبالفعل يتصل جاك هاتفيا بماريا وترد ماريا على سام قائله ماريا فى خدمتك سام
فيرد سام ويقول
فى مهمه عايزك تنفذيها بدقه يا ماريا فى شخص عايزك تريحيه من قرف الدنيا
هبعتلك صورته اللى التقطتها كاميرا المراقبه حالا
الشخص ده خطر علينا وعلى خطتنا ياماريا
اظن ساعه كفايه جدا تكونى خلصتى عليه فيها
وياريت يكون انتحار مش قتل فهمانى طبعا ياماريا
ويغلق سام الهاتف وتلتمع عيناه ……..



تتبع



بقلم

تامر على الطويل

أمير الجروح

ملف قضايا الغموض

( إختفاء )


سرى جدااااا

الحلقه الثانيه


الهروب

00000

يصل عبده فلشر الى منزل صديق له يدعى حماصه ويطرق باب شقته وهو يلتفت خلفه فى رعب

ولحظات ويفتح له الباب صديقه حماصه فيدخل عبده فلشر داخل الشقه ويغلق الباب خلفه وهو لا يقدر على الكلام من شده الرعب

فعندما يجده صديقه بهذه الحاله يقول له

اوع يكون البوليس بيطاردك ياعبده انا مش عايز مشاكل انا مصدقت قضيت ال 3 سنين بتوعى وعايز اعيش بقه

فيلتقط عبده فلشر انفاسه ويقول بصعوبه وهو ينظر الى حماصه

قتلوة ياحماصه قتلوة

فينظر حماصه بإستغراب اللى عبده ويقول له

مين هو ده اللى قتلوه ؟؟ ومين اللى قتلوة ؟؟

انت اظاهر شارب حاجه ياعبده وجاى تفوق عليا

فيرتعش عبده ويقول ،، والله ماشربت انا كنت رايح اشرب انا وعطيه سلكه فى مخزن مهجور ولما دخلنا المخزن لقينا 3 رجاله شكلهم اجانب واول ما شفونا ضربوا علينا نار وموتوا عطيه وانا هربت

يطلق حماصه ضحكه عاليه ويقول وهو يبتسم ،، اظاهر الاسطف المرة دى عال العال د انت ضايع خالص ياجدع

ينظر اليه عبده فلشر بغضب ويقول / انت غبى بقولك قتلوا عطيه وبيطردونى دلوقتى وعايزين يموتونى

خبينى ياحماصه دول ناس بيتفهموا بضرب النار

ينظر حماصه اللى عبده ويقول له / اهدى بس ياعبده انت شكلك تعبان قوى نام شويه دلوقتى ولما تصحى ان شاء الله هنروح لعطيه سلكه علشان اثبت ليك ان كل اللى بتقوله ده مجرد اوهام

يدفعه عبده فلشر بقوه ويقول له بغضب

اوهام بقولك قتلوا عطيه قدام عينى وتقولى اوهام

الحل الوحيد انى ابلغ البوليس

العالم دى مش هتسبنى فى حالى ابدا لازم ابلغ البوليس

ويندفع عبده فلشر ليفتح باب الشقه وعندما يفتح الباب يجد امامه فتاه رائعه الجمال من ملامحها يبدوا انها غير عربيه وبيدها اليسرى مسدس ذهبى اللون

وعندما تراه امامها هو وصديقه تبتسم لهما فى سخريه وتقول وهى تضغط على زناد المسدس good bay





البدايه

00000

ينطلق محمود على وادهم شكرى فى السياره الخاصه بشركه رجل الاعمال مهاب حسين فى طريقهم لتسليم مجموعه من الاجهزه الكهربائيه فينظر محمود من زجاج السياره الجانبى ويقول لأدهم بغضب

انا زهقت بجد ياادهم بقالنا سنه دلوقتى فى الشركه ولسه متسبتناش لحد دلوقتى

فينظر اليه ادهم وهو يسرع بالسياره لكى يتم تسليم الاجهزة فى الميعاد المحدد ويبتسم بسخريه وهو يقول ،، انت فاكر التثبيت بالساهل كده يامحمود تعرف الاستاذ نبيل موظف الحسابات

فينظر اليه محمود ويتذكر الاستاذ نبيل موظف الحسابات ويرد بإستغراب على ادهم ويقول

ايوة عارفه ماله الاستاذ نبيل

فتذداد ابتسامه ادهم وتذداد السخريه فى نبرة صوته وهو يقول

لحد دلوقتى متسبتش مع انه بقاله 4 سنين موظف فى الشركه يعنى إحمد ربنا اننا بنقبض مرتبنا

فى غيرنا دكاترة ومحامين ومهندسين قعدين على القهاوى مش لقين شغل

فيصمت محمود وداخله غضب يحاول انا يداريه بصمته

وفاجاه تصتدم سياره جيب سوداء ضخمه بسياره محمود وادهم من الخلف وتنطلق رصاصه تخترق قفل الباب الخلفى للسياره فيضغط ادهم بحركه لا إراديه على دواسه البنزين فتنطلق السياره اسرع وتطارده السياره الاخرى ب إصرار ويقول أ دهم برعب لا حدود له ،، اتصل بسرعه بالنجده يا محمود

فيخرج محمود تليفونه ويتصل بالفعل بالنجده ولا كن تصتدم السياره مرة اخرى بهم وتنقلب السياره التى بها محمود وادهم على جانب الطريق فيتألم ادهم وينظر برعب تجاه محمود الذى ينزف دماء بغزارة

يحاول انا يخرج جسده من السياره وبالفعل يخرج وينظر تجاه السياره الاخرى فيجد ثلاث رجال مقنعين يحملون مجموعه الاسلحه ويتجهون مسرعين تجاه سيارتهم فينظر حوله فيجد بعض الماره التى تحاول ان تتصل بالنجده وتقف خائفه تنظر برعب للثلاث رجال المقنعين ويجد ادهم مجموعه من الاجهزة الكهربائيه ملقاه ومحطمه وسط الطريق ومن بينهم جهاز عجيب وغريب امامه مباشرتا به مجموعه من الازرار الغريبه ومن بينها زر احمر كبير وفاجاه ينظر ادهم امامه فيجد رجل من الرجال المسلحين يوجه له سلاحه ويبتسم بسخريه ويطلق النار وبحركه لا إراديه يضغط ادهم الزر الاحمر بالجهاز

ويختفى الجميع ادهم ومحمود والثلاث رجال المقنعين والسيارتان

امام اعين بعض الاشخاص التى تقف مذهوله لا تصدق ما حدث !!!!

ملف قضايا الغموض

( إختفاء )

سرى جدااااا

جمييييييييييييييييله جداً أستاذ تامر
بجد هاااااااااااايله
تسلم إيدك