مشاهدة النسخة كاملة : فيدوني في اختيار اللغه الثانيه ضروري


essam0
22-09-2012, 07:55 AM
ازيكم يا شباب
انا لسه سنه اولي سياحه وفنادق . وفي تانيه ان شاء الله هتخصص ارشاد
المهم . المفروض اختار لغه تانيه مابين اللغات ديه
ألماني وفرنسي وأيطالي وأسباني وصيني وبقية اللغات لو اتجمع عدد بيتم تدريسها
انا بجد مش عارف اللغه اللي ماشيه في السياحه حلو . بس انا عايز اعرف اللغه النادرة اللي مافيش ناس كتير وخداها وفي نفس الوقت فرص العمل تكون حلوة . سمعت ان الروسي والصيني هم ماشيين كويس جداً والمرشدين بتوعهم قليلين
ياريت لو حد بيدرس حاجة منهم يفيدني
وشكراً

treka_100
22-09-2012, 01:59 PM
نصيحة مني ادرس لغة سهلة في الكلية ولتكن ايطالي وخد كورس في اللغة اللي انت عايزها برة لان الكلية مش بتعلم لغات فادرس حاجة سهلى تنجح فيها وخلاص ومنها تبقى عرفت عنها شوية حجات بجانب اللغة اللي هتاخد فيها كورس :)
بالنسبة للغات النادرة عندك بولندي تشيكي صيني كوري يباني هولندي برتغالي

ايمان هارون
23-09-2012, 12:07 AM
انا بحب روسى واسبانى

essam0
23-09-2012, 06:50 AM
نصيحة مني ادرس لغة سهلة في الكلية ولتكن ايطالي وخد كورس في اللغة اللي انت عايزها برة لان الكلية مش بتعلم لغات فادرس حاجة سهلى تنجح فيها وخلاص ومنها تبقى عرفت عنها شوية حجات بجانب اللغة اللي هتاخد فيها كورس :)
بالنسبة للغات النادرة عندك بولندي تشيكي صيني كوري يباني هولندي برتغالي
شكرا يا طارق ع النصيحه انا والله كنت بفكر في كدة بس المشكلة ان تعدد اللغات بيلغبط الواحد انا عايز تركيزي كلو يبقي علي لغه واحدة يعني مثلا اخد روسي في الجامعه وكامان كورسات مستوايا اكيد هيبقي احسن فيها . ولا انت ايه رايك
لان اكيد طبعا الكورسات مش كل حاجة انا عايز امارس اللغه في كل حته

treka_100
23-09-2012, 01:54 PM
دي حاجة ترجعلك لو شايف انك هتتلخبط اعمل كده واعمل حسابك السي في بتاعك المفروض مايكونش فيه لغة واحدة حاول يكون معاك على الاقل 2 مع الانجلش

The Secret
03-10-2012, 09:07 AM
سيبك من الروسى
ناس كتير رشحتلى ألمانى كلغة في الجامعة وناس أكتر رشحولى بولندى لو عايز لغة تانية