مشاهدة النسخة كاملة : هام وخطير عاجل الأن (لكل معلمي مصر)


mhmd76
23-09-2012, 05:52 PM
نحن في مدرسة تديرها مديرة جديدة

ولكن تتعامل مع المدرسين بكل سطو والصوت العالي وتسلط أولياء الأمور على المدرسين
وتسلط الطلبة على المدرسين بكتابة شكاوي ضدهم وتحارب المدرسين في المجموعات وتفعل كل شئ لا تتخيلوه في جميع مدارس مصر



نريد كتابة شكوى جماعية ضدها
ولكن نريد الطرق الفاعلة غير الوزارة والمديرية او النيابة وما شبه ذلك

ماذا نفعل يا أهل الخبرة

aboumona2007
23-09-2012, 06:42 PM
الدعاء عليها لو كان كلامك صحيح

عبد الله مصلحى
23-09-2012, 06:45 PM
الاستقالة المسببة

فؤاد م
23-09-2012, 06:59 PM
عليكم بالرقابة الإدارية لو فى مخالفات إدارية و لو فى مخالفات مالية عليكم بالنيابة الإدارية و فى موقع بوابة الشكاوى المصرية

mrbasha
23-09-2012, 07:01 PM
حضرتك بتسال عن طرق غير الوزارة والمديرية والنيابة وهى دى الطرق المشروعة والا اذا كانت تسب احدكم فقدموا بلاغ سب علنى ودى قضية

mrbasha
23-09-2012, 07:05 PM
ولو قبلتوا بالوضع ده يبقى اسمحلى انتوا اللى خايفين من حاجة وهى عارفة ده ..........لا اصدق ان نهان مرة اخرى لاى سبب ..........وعلى فكرة لو اتحدتم ممكن تشييلوها فى ايام قليله

dadan
23-09-2012, 07:15 PM
اعملوا لها كمين خارج المدرسة

dadan
23-09-2012, 07:18 PM
خلوا واحد يضربها و2 يشهدوا عليها انها هى اللى ضربتة

sam111egypt
23-09-2012, 07:50 PM
اسرع حل هوا عمل اضراب جماعى فى طابور الصباح سوف تجد النيا كلها عندك فى المدرسة خلال ربع ساعة و يريت تتصل بالصحافة - بس تكونوا على قلب رجل واد و محددين طلابتكم و شكوتكم و يريت بالادلة

shaaban sayed
23-09-2012, 08:31 PM
اولا : تقديم طلبات نقل جماعية مسببة و بذلك تحرجون التوجيه كله و الادارة
ثانيا : تقديم شكاوى ضدها فى النيابة الادارية بأى سبب
ثالثا : تتبع مخالفاتها من حيث الحضور و الانصراف و الكنترول و المصروفات و الجدول المدرسي و ستجدون الكثير و الكثير من المخالفات

M..osama
23-09-2012, 08:42 PM
المعلم عليه بعض الواجبات مثل التحضير والالتزام بمواعيد الحضور
ومواعيد الحصص وبعض الأعمال الاخرى::::::
ان كان ملتزما فلا يهمه شىء من المدير أو المديرة
او الوزير أو حتى ولى الامر



.

صلاح محمد الدابى
23-09-2012, 10:37 PM
ليس بالشكاوى و انما بالاتحاد لو انكم فى هذه المدرسة ايد وحده لن تستطيع ان تفعل اى شىء مما تقول . ايد وحده فى الصح و فى مصلحة العمل. و لكن مما استشعرة من كلام حضرتك انها لديها فى المدرسة حائط صد قوى من مجموعة منكم ذو تاثير قوى. اخيرا استحالة تستطيع ان تقود مدرسة جميع المعلمين فى اتجاه و هى لوحدها فى اتجاة

عبد الله مصلحى
24-09-2012, 12:36 AM
يارب يا جبار انتقم من يعادى عبادك الصلاحين

مسيو عبدالشافي
24-09-2012, 12:22 PM
معقول الى انا بسمعة واقراة دة داحنا شلنا المدير باسهل مايمكن كتابة مذكرة جماعية والكل يوقع عليها

حمادة المصرى2
24-09-2012, 01:08 PM
احنا عندنا المدير عمل معانا كده
ثانى يوم اضراب جماعى الادارة كلها جات عندنا المدرسة وبقوا يتحايلوا علينا
(وياريت تطالبوا بنقلها من المدرسة)
بس اظن انكم مش متحدين وصعب تعملوا كده

جمال حسين
24-09-2012, 06:40 PM
سلطوا عليها مدرسه تكون شديده تضربها علقة موت وتطلع على الإدارة تشتكيها انها سبتها وشتمتها وإشهدوا عليها ساعتها هتكسروا عينها احنا عملنا كده فى مدير كان عندنا مدرس شديد قفل الباب عليه ورزعه علقة موت بعدها مشى من المدرسه علطول بس اوعى يكون بينكم مدرس خاين يشهد عليه

mohammed733
24-09-2012, 06:52 PM
ماهوه انتم لو بتنزلو مظاهرات كان يبقي عندكم قلب جامد تعرفوا تتعاملو مع الأشكال دى

عبدالوهاب11
24-09-2012, 08:19 PM
لو وجدتكم متحدين مع بعض
حتبوس رجليكم قبل ايديكم
وشكرااااااااااااااااااااااااااااااااااااا

محجدى
24-09-2012, 09:45 PM
وقعوا فى الدفتر واجلسوا جميعا فى حجرة المدرسين ولالالالالالالالالالالالالالا تعملوا اى حاجة

حنين الحسينى
25-09-2012, 05:47 AM
ربنا يهديها

Arafat SHF
25-09-2012, 06:15 PM
لسه بايظة !!!!!!!!!!!!!!!!!!!!!!!!!!!
حسبى الله ونعم الوكيل

sobhy333
25-09-2012, 08:22 PM
دى اكيد مسنوووووووووده دى لو عندنا ياخراااااااااااااااااابى كان زمنها اتفصلت من زمان وكمان اتحولت لجنة القيم يا استاذ الطرق كتييييييييييييييييييييير بس متتذكرشى فى المنتدى مش لانها عيب لا لا لا لانها تجاوزات غير قانونيه بس هتعمل ايه هى اللى بدأت يعنى بمعنى انكم هتشتغلوها بطريقة المحامى بتاع اليومين دول

حسين صديق
25-09-2012, 08:25 PM
حضرتك ابعت ليه اسم المدرسة و العنوان بالكامل و اسم المديرة في رسالة خاصة و بإذن الله تعالى سوف نتقدم نحن طلاب القاهرة بشكوى لوزير التعليم

عبد الرحمن منتصر
25-09-2012, 10:03 PM
الامر سهل جدا
امش عدل يحتار عدوك فيك
هناك الكثير من هؤلاء بادارة برج العرب التعليمية بالاسكندرية
أصحاب الوساطة والايدي الناعمة
00000 تحت شعار الكفاءة
وهن ليس لديهن أية كفاءة
اصبر علي جارك السوء اكيد هيرحل أو تجيله مصيبه