مشاهدة النسخة كاملة : إيدى ب إيدك فى المستوى الرفيع رياضه
To Be Is To Do 25-09-2012, 02:13 AM السلام عليكم
كل سنه وانتم طيبين
كنت حابب انصحكم نصيحه
واخد رياضه 2 تبقى تاخد المستوى نفس ماده التخصص يعنى رياضه 3
طب ليه ؟؟
1/ المستوى رياضه له علاقه قويه جدا بالرياضه العاديه بتاعتك
2/ المستوى رياضه بيفيدك فى إعدادى هندسه
3/ المستوى رياضه سهل يتلم سهل يتذاكر
4/ المستوى رياضه امتحاناته هى هى من 2000 نفس الفكره نفس النمط بس بتغير الأرقام
5/ المستوى رياضه مفيهوش عقد بمعنى مفيهوش مسائل مكلكعه إنت ممكن مدرسك يديك مسائل مكلكعه فى رياضه 2 العاديه وتيجى فى الأمتحان
لكن الرياضه المستوى لو أداك مسائل مكلكعه ولا تبصلها لإن الإمتحان زى ما قلتلكم بييجى مكرر من قبل كده
أنا حبقى معاكم إن شاء الله فى إللى إنتم عايزينه
إستفساراتكم مجابه عندى إن شاء الله
حنزلكم إمتحانات السنين إللى فاتت وإجاباتها
حقولكم على توزيعه الدرجات
كلمه أخيره / إدخل رياضه 3 ( مستوى ) وأضمن لك أقل حاجه 4 من 5
والسلام عليكم ..
To Be Is To Do 25-09-2012, 02:39 AM حبدأ أقولكم توزيعه ورقه الأسئله
وبعد كده أجيبلكم إمتحانات السنوات السابقه
To Be Is To Do 25-09-2012, 05:56 AM بسم الله الرحمن الرحيم
أولا الميكانيكا :
عليها 24 درجه من 40
بيجيلك 4 أسئله
السؤال الأول إجبارى : 5 صح وغلط عن حاجات شبه التعريفات كده بتتحفظ وسهله جدا وبتتكرر كل سنه عليه 5 درجات ، ومسأله عليها 3 درجات بتبقى سهله جدا عن الاذدواج أو التكافؤ
السؤال التانى :مسأله عليها 8 درجات بتبقى سهله تقريبا
السؤال التالت : تقريبا بيبقى مسألتين كل واحده ب 4 درجات بتبقى صغيرين ل حد ما
السؤال الرابع : مسأله ب 8 درجات وغالبا بتبقى رسم سلم وبتقعد تاخد درجات كده طول منت ماشى فيها كل كلمه بتكتبها فيها بتاخد درجه عليها
طبعا انت من ال 3 اسئله بتختار 2
الميكانيكا فيها جزء كبير من الميكانيكا بتاعتك العاديه تقريبا نفس القوانين بس بتستخدمها بطريقه تانيه
To Be Is To Do 25-09-2012, 06:10 AM ثانيا التكامل
عليه 16 درجه من 40
عباره عن 3 أسئله
السؤال الأول إجبارى : 5 إختيارات وتقريبا عايزين تركيز شويه وغالبا بيبقى فيهم تكه وعليهم 5 درجات
وبيبجى مسأله كل سنه هى هى المسأله خطواتها محفوظه على طول بتبقى داخل الامتحان وعارف ان المسأله دى جايه جايه ان شاء الله وعليها 3 درجات
السؤال التانى : بيبقى 3 مسائل الأولى تكامل سهله مفيهاش حاجه تقريبا عليها 2 درجه والتانيه مساحات غالبا بتبقى سهله وأحيانا بيغلس فيها وتقريبا عليها من 2 ل 3 درجات والتالته مسأله حفظ صم من الدرجه الأولى ودى المسأله الوحيده إللى بتبقى ضامن إنك داخل وحاططها فى جيبك حافظ خطوات بتخش تحطها وتاخد الدرجه على طول سهله جدا بس خطواتها طويله عليها من 3 ل 4 درجات
السؤال التالت : مسألتين الأولى سهله جدا عباره عن تطبيقات فيزيائيه بتحفظ قوانين وتطبق وبس عليها من 4 ل 5 درجات لإنها بتجيلك أ ، ب ، ج
والتانيه مسأله حجوم أنا شخصيا مكنتش بحب الدرس ده بتيجى غالبا سهله بس ساعات غلسه عليها من 3 ل 4 درجات
طبعا انت من السؤالين بتختار واحد فقط
مسائل التكامل تعتبر فكره منها عندك فى التكامل الأصلى بتاعك فى المنهج العادى
وباقى قواعد التكامل بتاخدها تقريبا فى إعدادى هندسه
Eng.Moataz Samy 25-09-2012, 12:57 PM ربنا يخليك يا رب .. ربنا ينفع بيك .. بجد انا مش عارف اقولك ايه . انا بصراحة مش شايف اى اهتمام بالمستوى الرياضة من ساعة ما فكرت ادخل رياضة لكن انت الوحيد اللى فعلن مهتم و حاسس بالموضوع كلو .. ربنا يكرمك
To Be Is To Do 25-09-2012, 07:40 PM ربنا يخليك يا رب .. ربنا ينفع بيك .. بجد انا مش عارف اقولك ايه . انا بصراحة مش شايف اى اهتمام بالمستوى الرياضة من ساعة ما فكرت ادخل رياضة لكن انت الوحيد اللى فعلن مهتم و حاسس بالموضوع كلو .. ربنا يكرمك
على فكره انا كمان مكنتش لاقى اهتمام وياما عملت مواضيع عشان الناس تهتم لكن لا حياه لمن تنادى
عشان كده انا حاسس بيكم والله
وحساعدكم ف اللى انتم عايزينه
:)
Eng.Moataz Samy 26-09-2012, 08:38 PM شكرا ليك اوى .. على المجهود الرائع دا .. و ان شاء الله انا حبدأ المستوى فى شهر 12 و ان شاء الله تكون معانا بعد ربنا فى الفترة دى
To Be Is To Do 26-09-2012, 08:52 PM شكرا ليك اوى .. على المجهود الرائع دا .. و ان شاء الله انا حبدأ المستوى فى شهر 12 و ان شاء الله تكون معانا بعد ربنا فى الفترة دى
نفس الوقت اللى بدأت فيه برده
انا تحت امرك
اى حاجه مش عارفها او اى استفسار
ان شاء الله تلاقينى موجود
:)
Blue_Angel 27-09-2012, 12:26 AM تمام قوى انا كانوا بيخوفونى من رياضة 3 لكن خلاص الحمد لله عرفت هختار اية شكرااا على الموضوع
To Be Is To Do 28-09-2012, 04:19 AM تمام قوى انا كانوا بيخوفونى من رياضة 3 لكن خلاص الحمد لله عرفت هختار اية شكرااا على الموضوع
إن شاء الله
ربنا يسهل لكم الأمور جميعا
وأنا تحت أمركم فى أى شئ
yahia1234 11-10-2012, 10:54 PM السلام عليكم ..... معلش انا عندي سؤال : هو ازاي انتو ابتاديتوا المستوي الرفيع شهر 12 وهو بيبقا معتمد علي بعض الدروس في رياضة 2 زي اخر فصل في فرع التفاضل و دروس في فرع الاستاتيكا والديناميكا ؟؟ هل بتكونوا خلصتوا الحاجات دي قبل شهر 12 ؟؟؟؟؟؟
yahia1234 11-10-2012, 11:40 PM إن شاء الله
ربنا يسهل لكم الأمور جميعا
وأنا تحت أمركم فى أى شئ
السلام عليكم ..... معلش انا عندي سؤال : هو ازاي انتو ابتاديتوا المستوي الرفيع شهر 12 وهو بيبقا معتمد علي بعض الدروس في رياضة 2 زي اخر فصل في فرع التفاضل و دروس في فرع الاستاتيكا والديناميكا ؟؟ هل بتكونوا خلصتوا الحاجات دي قبل شهر 12 ؟؟؟؟؟؟
To Be Is To Do 11-10-2012, 11:46 PM السلام عليكم ..... معلش انا عندي سؤال : هو ازاي انتو ابتاديتوا المستوي الرفيع شهر 12 وهو بيبقا معتمد علي بعض الدروس في رياضة 2 زي اخر فصل في فرع التفاضل و دروس في فرع الاستاتيكا والديناميكا ؟؟ هل بتكونوا خلصتوا الحاجات دي قبل شهر 12 ؟؟؟؟؟؟
اه عادى جدا
احنا بدأناه فى شهر 12 وخلصناه فى شهر 4
وكان المستر بيبدأ بالحاجات اللى اخدناها فى الرياضه العاديه
وكل ما ناخد حاجه فى الرياضه العاديه كنا بناخد اللى شبهها فى الرياضه المستوى
وفقك الله
yahia1234 12-10-2012, 04:57 PM اه عادى جدا
احنا بدأناه فى شهر 12 وخلصناه فى شهر 4
وكان المستر بيبدأ بالحاجات اللى اخدناها فى الرياضه العاديه
وكل ما ناخد حاجه فى الرياضه العاديه كنا بناخد اللى شبهها فى الرياضه المستوى
وفقك الله
شكراا علي الرد .....طب انا كنت عاوز اعرف ايه هي الفصول اللي في رياضة 2 اللي لازم اخدها عشان افهم الدروس اللي في المستوي اللي موجودة في التفاضل والميكانيكا؟؟؟
To Be Is To Do 12-10-2012, 11:33 PM شكراا علي الرد .....طب انا كنت عاوز اعرف ايه هي الفصول اللي في رياضة 2 اللي لازم اخدها عشان افهم الدروس اللي في المستوي اللي موجودة في التفاضل والميكانيكا؟؟؟
عندك التكامل العادى بتاع رياضه 2 ده يبقى نوع واحد من انواع التكامل اللى فى المستوى
عندك الحركه على مستوى مائل وخشن فى الديناميكا موجوده بالنص فى المستوى
عندك معادلات الحركه بتاعه نيوتن دى اساسيه فى الرياضه العاديه والمستوى
ربنا معاك :)
yahia1234 13-10-2012, 10:54 PM شكرااا و ربنا يخليك.... انا ان شاء الله حبدأه شهر 12 ......ربنا يوفقك في الكلية.....
To Be Is To Do 13-10-2012, 11:05 PM شكرااا و ربنا يخليك.... انا ان شاء الله حبدأه شهر 12 ......ربنا يوفقك في الكلية.....
اى خدمه حبيب قلبى أنت تأمر
أى حاجه تعوزها أنا تحت أمرك
ربنا يوفقك :)
dalioao 17-10-2012, 03:29 AM انا طالبه فى تالته ثانوى وكنت عايزه اخد مستوى رفيع رياضه ومستر الرياضه اعد يتارياء عليا ومش بيدى ومش عرفه اعمل ايه
dalioao 17-10-2012, 03:30 AM ممكن حد يساعدنى انا عايزه مستر رياضه ممتاز
EyadOsa 27-10-2012, 01:28 AM ربنا يوفق الجميع
el senyorita 08-11-2012, 07:55 PM انا في 3ث علمى رياضه كنت جايبه في 2ث 97% ومش بحب الحفظ والدش اللي في العربي وعاوزة اخد مستوى رفيع رياضه وانا مع المستر بتاعى من 1ث واتعودت ع شرحه وخايفه اجرب غيره مستريحش وهو مش عاوز يشتغل مستوى رفيع عشان مفيش حد غيري وبيقولي مش هشتغل مع واحدة وبيقولي عاوز مجهود انا مش فارقه معايا بس المهم اذاكر حاجة بحبها وبردو انا عاوزة 10 من 10 في المستوى لو الرياضه هتخلينى اقل مش عاوزاها هستحمل الدش بتاع العربي
انا عاوزة حد ينصحنى اخده ولا اخد عربي
وعاوزة مدرس كويس يشتغله يكون من اليكس او طالب في هندسه عادي المهم يشرحه كويس ويفهمنى كل حاجة والقانون جاي منين ويفسر كل كلمه يقولها ويستحملنى عشان اسالتى كتير لازم اعرف كل كلمه بتتقال بتتقال ليه
ياريت حد يرد عليا بقي لان الموضوع ده قديم مفتكرش ان حد هيرد هنا
To Be Is To Do 08-11-2012, 08:33 PM انا في 3ث علمى رياضه كنت جايبه في 2ث 97% ومش بحب الحفظ والدش اللي في العربي وعاوزة اخد مستوى رفيع رياضه وانا مع المستر بتاعى من 1ث واتعودت ع شرحه وخايفه اجرب غيره مستريحش وهو مش عاوز يشتغل مستوى رفيع عشان مفيش حد غيري وبيقولي مش هشتغل مع واحدة وبيقولي عاوز مجهود انا مش فارقه معايا بس المهم اذاكر حاجة بحبها وبردو انا عاوزة 10 من 10 في المستوى لو الرياضه هتخلينى اقل مش عاوزاها هستحمل الدش بتاع العربي
انا عاوزة حد ينصحنى اخده ولا اخد عربي
وعاوزة مدرس كويس يشتغله يكون من اليكس او طالب في هندسه عادي المهم يشرحه كويس ويفهمنى كل حاجة والقانون جاي منين ويفسر كل كلمه يقولها ويستحملنى عشان اسالتى كتير لازم اعرف كل كلمه بتتقال بتتقال ليه
ياريت حد يرد عليا بقي لان الموضوع ده قديم مفتكرش ان حد هيرد هنا
خدى رياضه والله والله والله
لو بمجموعك الكويس اوى ده ل تجيبى اقلها 4 او 4.5
خدى رياضه ومش حتخسرى
انتى منين من اليكس ؟؟
انا من اليكس واعرف مدرس كويس جدا كنت باخد معاه
el senyorita 09-11-2012, 04:02 PM انا من الورديان
لو المدرس بتاعك في مكان قريب ياريت رقمه
بس اكيد انت عارف اسلوبه لو هو مش بيحب يقول كل حاجة جت منين يبقي مش عاوزاها عشان هسال اسئله كتير ممكن تضايقه
el senyorita 10-11-2012, 05:58 PM خالد بعد اذنك عاوزة الرد عشان انا كاتبه المستوى لا ارغب ولازم اغيره الاسبوع
To Be Is To Do 10-11-2012, 06:07 PM انا من الورديان
لو المدرس بتاعك في مكان قريب ياريت رقمه
بس اكيد انت عارف اسلوبه لو هو مش بيحب يقول كل حاجة جت منين يبقي مش عاوزاها عشان هسال اسئله كتير ممكن تضايقه
بصى هخو من بحرى
راجل كبير معدى الستين انا كنت باخد معاه رياضه 2 وخدت مستوى هو شاطر وحيفهمك ان شاء الله
هو من بحرى قريب منك ؟؟
el senyorita 10-11-2012, 06:10 PM اه قريب
ممكن رقمه او اعرف المكان فين بالظبط
FATMAELARBY 15-11-2012, 01:55 PM خالد لو سمحت ممكن تقولي لوبدأت المسنوي شهر واحد عادي
To Be Is To Do 15-11-2012, 02:29 PM خالد لو سمحت ممكن تقولي لوبدأت المسنوي شهر واحد عادي
بصى حضرتك
انا بقول انه كل ما يكون بدرى كل ما يكون احسن عشان ما تتزنقيش فى المراجعه فى الاخر
زى ما قلت انا اخدته فى اربع شهور 16 حصه
انا بس خايف لتتزنقوا فى الاخر فى المراجعه
فعلى قد ما تقدرى حضرتك تخديه بدرى عشان تخلصيه بدرى وتحلى امتحانات فيه لان امتحانك السنادى ان شاء الله حييجى من امتحانات سابقه
ربنا معاكى
FATMAELARBY 18-11-2012, 05:12 AM شكرااااااااااااااااااا جزيلا:078111rg3::078111rg3:
To Be Is To Do 30-11-2012, 04:12 PM شكرااااااااااااااااااا جزيلا:078111rg3::078111rg3:
الشكر لله ربنا معاكِ إن شاء الله
yahia1234 26-06-2013, 01:23 PM قشطة يا باشا الامتحان جااااا سهل جدا وعبيط ,ربنا يخليك
ehabelsapa 26-06-2013, 01:37 PM قشطة يا باشا الامتحان جااااا سهل جدا وعبيط ,ربنا يخليك
يا باشا الامتحان كل سنة بييجي زي مانت شايفوا كدااا
والامتحان دا انا حاله قبل كدا في امتحانات الكتاب اللى معاياا
الامتحانات بتعيد نفسها مع تغيير الارقاااام:022yb4:
hady2002 26-06-2013, 01:41 PM مفيش مذكرات للمستوى الرفيع؟
احمد الهارب 26-06-2013, 02:49 PM وبتقعد تاخد درجات كده طول منت ماشى فيها
هههههههههههههههههههه جامدة دى :d
معاك حق فعلا
وانا لسه مخلص الامتحان انهاردة و الامتحان جاى سهل مع انى اخدت المستوى كله فى 8 ايام ورا بعض :d
بس العيوب :
1- بتبقى انت الوحيد تقريبا فى اللجنه
2-نادر تلاقى مدرس ليها
To Be Is To Do 26-06-2013, 04:14 PM قشطة يا باشا الامتحان جااااا سهل جدا وعبيط ,ربنا يخليك[/
QUOTE]
طب لحمد لله ان شاء اله تقفله باذن الله :)
[QUOTE=ehabelsapa;5358017]يا باشا الامتحان كل سنة بييجي زي مانت شايفوا كدااا
والامتحان دا انا حاله قبل كدا في امتحانات الكتاب اللى معاياا
الامتحانات بتعيد نفسها مع تغيير الارقاااام:022yb4:
كلامك صح مليون % عشان كده قلت تاخدوا رياضه وباذن الله فى هندسه حتلاقى شابتر كامل اسمه التكامل المحدد والمساحه والحجوم زى اللى انت واخدها بالظبط فى المستوى واسهل كمان منها ... ربنا يوفقك :)
هههههههههههههههههههه جامدة دى :d
معاك حق فعلا
وانا لسه مخلص الامتحان انهاردة و الامتحان جاى سهل مع انى اخدت المستوى كله فى 8 ايام ورا بعض :d
بس العيوب :
1- بتبقى انت الوحيد تقريبا فى اللجنه
2-نادر تلاقى مدرس ليها
طيب الحمد لله انه جه سهل باذن لله 5 فيه ان شاء الله
اما العيوب فعندك حق ف النقطتين انا كنت الوحيد فى اللجنه اللى رياضه وفعلا ملهوش مدرسين كتير بس رقم 1 مش عيب اوى لواحد مش بيغش اما 2 ففعلا عندك حق
ربنا يوفقك :)
|