احمد لطفى
25-05-2008, 01:39 PM
دى بقت حاجة محتاجة مليون سؤال اللى بيحصل فى البلد دى ........
دى بلدنا كترت حراميها و يقوللك ريسنا حاميها امال خيرها دة فين.............
يا فرحتى عايشين من غير حروب 30 سنة جوة البلد دى......................
دى بلدنا خيره مهوش لينا .....دة بيدخل جيب اللى حامينا
0000000000 على كدة عشنا سنين0000000000000
ما تحل عنا بقى زهقتنا خلتنا نكره انك وسطنا لو كنت مصرى زيك زيناوكفاية بقى............
ياما سمعنا كلام ووعود كتير فى برنامجك الانتخابى وعشتنا غلتها علينا خلتنا نمشى على ايدينا علشان ناكل عيش........
ياما سمعنا كلام ووعود كتير ما شفناش ولا شىء ايجابى ملنا سيبنا بقى كفايو ما لقينا للفقر نهاية على كدة عشنا سنين
بورسعيدى
26-05-2008, 02:45 AM
انتم السبب انتم الى صدقتوا تلك الوعود
ولعب باحلامكم
واحد بيكزب عليك بقالة 25 سنة
وبعدين نصدقة ؟؟؟
طب ازاى؟؟؟؟؟؟؟؟
احنا الى اغبياء
واحنا الى نستاهل
احمد رضا
28-05-2008, 06:26 AM
طيب ولو مصدقناش
آخرك ايه تعمله
البلد دي مش بتاعتنا
يارب نلاقي بلد في اي مكان في الفتره اللي جايه بالذات
عشان الفتره اللي جايه خراب ماشاء الله
شكرا يا احمد
كلمات جميله والله
تسلم ايدك
sh2awa _ 91
28-05-2008, 10:26 AM
كلامك جامد اوي ما شاء الله تسلم ايدك ,,
بس هي فين البلد دي اصلا ؟؟!! البلد دي احنا بقينا ضيوف فيها وهما بقى استثقلوا وجودنا ( اكل ومرعى وقلة صانعة ) ففكروا بقى ايعملوا اية .. اية .. ممممممممممممم ايون هانجيب للشعب كساح وهانجوعهم يقوم الضعيف فيهم يسرق وينهب ويقتل نقوم نحبسه او نعدمه طيب والباقي !! مممممممممم ايون نموتهم بالضرايب _ و الثانوية العامة _ و نسيب حالة الامن بليلة باللبن _ يقوم الشعب ياخد اول اتوبيس ولا اول عبارة وعلى اي بلد واترمي .
ماشاء الله شايفين السياسة . خطة مش تخر نقطة ماية !!
احمد لطفى
05-06-2008, 02:28 PM
ايوة صح ادعى عليهم يمكن ............................
ahmed ab razike
09-06-2008, 06:58 AM
بجد والله العظيم كلامك جميل, بس يارب حد يسمع بيه, نفسى حد يقوم يصرخ بصوت عالى وكل الشعب معاه يمكن .................................................. ...
Osama93
09-06-2008, 10:52 AM
هو القصيدة بصراحة كلامها ماشي يعني
بس مفيش فيها قافية يعني .. ههههههه
المهم .. الموضوع اللي انت بتتكلموا عنه ده .. ودا ناس في داهية قبلكم
متحسوش بالحرية أوي برده ع النت يعني .. احنا هنا جواسيس في البلد دي .. متراقبين .. وبنتسجن لو تكلمنا وحاجات كده
حال البلد بيفكرني بالاتحاد السوفيتي الشيوعي .. مش صح برده؟!
احمد لطفى
10-06-2008, 05:18 PM
انا مبخافش علشان عارف انى معايا رجالة عالنتدى
sh2awa _ 91
10-06-2008, 08:10 PM
هو القصيدة بصراحة كلامها ماشي يعني
بس مفيش فيها قافية يعني .. ههههههه
المهم .. الموضوع اللي انت بتتكلموا عنه ده .. ودا ناس في داهية قبلكم
متحسوش بالحرية أوي برده ع النت يعني .. احنا هنا جواسيس في البلد دي .. متراقبين .. وبنتسجن لو تكلمنا وحاجات كده
حال البلد بيفكرني بالاتحاد السوفيتي الشيوعي .. مش صح برده؟!
هههههههههههههههه عارف والله الكلام دا كله ولاااااا فارق لأن اصلا كدة كدة احنا رايحين في داهية هنا في البلد دي .
اية الي هيجصل اكتر من الي بيحصل !! ما اخنا شوفنا امتحان 3 النهاردة كان عامل ازاي والله مش ليا نفس افتح كتاب مع ان امتحاني بكرة ببس الصدمة !!
ربنا يرحمنا ويتولنا .