تسجيل الدخول

مشاهدة النسخة كاملة : محتار فى المستوى ياجدعان

ahmedpoppp
26-09-2012, 06:15 AM
السلام عليكم انا فى 3 ثانوى وانا علمى علوم وواخد علم نفس ومحتار جدا فى المستوى الرفيع انا عايزه ماده سهله ودرجاتها مضمونه انصحونى
merocat
26-09-2012, 09:26 AM
المستوى اسهل حاجه العربى ودرجاته مضمونه جداااااااااااااااااااااااااااا
تيتو الزمالكوى
26-09-2012, 11:54 AM
بس ياريس مفيش غير العربى ليلة الامتحان تقراه وحتى لو مش عارف حاجه ممكن تجيب درجة فيه لانه سهل جدا جدا
aYMAN CURVA
26-09-2012, 01:19 PM
عربي طبعا سهل جدا
يوسف الاسوان
26-09-2012, 05:03 PM
جغرافيا

احسن ماده
user22
26-09-2012, 07:38 PM
شوف اختيار المادة يرجع لك أنت , كل واحد هيدخل الموضوع هيرد بالمادة اللى اختارها :d

أنت لو مستواك كويس فى عربي / انجليزى اختار المادة اللى أنت كويس فيها من غير منهج وهتسلك وتجيب عالأقل 9 من 10 بإذن الله

خلى اختيارك محصور بين تلات مواد بس:
عربى / انجليزي / جغرافيا

وأبعد عن المستوى أحياء كفاية عليك المنهج :p
MARRON-5
26-09-2012, 07:50 PM
العربي سهل ولو مش مذاكر الف فيه عادى جدا
ELMOTREB
27-09-2012, 01:33 PM
خلاصه الكلام خد عربي والله مضمون جدا جدا جدا جدا اما الانجليزي والله بيجي صعب انا كنت واخد انجليزي كان امتحان صح بمعني الكلمه واللي كانوا واخدين عربي خلصوا في ساعه ومشوا فاتوكل علي الله عربي............................
hussien el attar
27-09-2012, 02:14 PM
-بما انك علمي علوم يبقي مافيش ادامك غير عربي او انجليزي ,انسي الاحياء طبعا
لو انت من الناس اللي مابتذكرش كتير انجليزي و بتجيب فيه الدرجات النهائية علشان هما موستواهم جامد من غير حفظ خده, لان الانجليزي بيجي صعب جدا و ملهوش منهج , انا اخدت فيه درس و المدرس قالنا كده كده الامتحان بيجي معظمه بره المنهج الموجود ودا فعلا اللي حصل معايا
و الحكاية ديه كده ميزة و عيب فنفس ال وقت ,الميزة ان بكده انت درجتك فيه مش هتوقف علي مذكرتك لكن هتقف علي مستواك فمش هتضيع وقت فيه
-عن نفسي انا اخدت انجليزي لان مستوايا فيه كويس الحمد لله ولاني مكنتش عايز اضيع وقت في المستوي ومذكرتهوش تقريبا الا ليلة الامتحان و جبت 8.5
بالنسبة للعربي مقدرش افتيك فيه لاني ماخدتهوش لكن اقدر اقولك ان تقريبا المعظم بياخد عربي
-الخلاصة ,لو ناوي تذاكر المستوي ,ذاكر العربي و هتجيب فيه درجة كويسة باذن الله
ذاكر او ماتذكرش مستوي الانجليزي مش هاتفرق لانك تقريبا هتجيب نفس الدرجة بس فيه حاجة واحدة اللي لازم تذاكرها وهما كام موضوع كده زي القراءة. و اوعي تاخده لو موستواك ضعيف فيه
اسف علي التطويل ويارب كلامي يفيدك