اعزائي بدل ما كل خمسة ولا حتى عشرة يتكتلوا معا لرفع قضية لية منتحدش كلنا ف قضية واحدة لضم المدة ذي ادارة البدرشين بالجيزة ودمياط والبحيرة في الطريق
انا معي حوالى 12 فرد
مستعدين للتعاون ورفع قضية ضم المدة
سمعت عن محامية بالمنصورة بيقولوا شاطرة قوي اسمها اسماء البغدادي
بصراحة لا اعرفها
مين معانا من المنصورة يقول راية وينضم لينا
انا بشوف ناس من ادارة طلخا ونبروة والسنبلاوين
فين رجالة المنصورة العاصمة
مستنين اللى على الاطراف
؟؟؟؟؟؟؟؟؟؟؟؟؟؟؟؟

انا من منية النصر تعاقد 1/10/2005 ومعايا من منية النصر زى كثير فى مختلف التخصصات معكم مستر محمد مختار فما المطلوب عمله تحديدا لاننا فى محافظه اخر من يعلم.

موضوع القضية طويل ومبيخلصش كل المحاميين نصابيين احنا نتجمع ونحدد يوم ونروح المحافظة ونطالب اسوة بالمحافظات الاخرى واحنا عددنا مش شوية المهم تحديد يوم ويفضل مثل السبت لان اثناء الاسبوع الدراسى صعب الناس دى توفى بانهم هياتوا وانا عن نفسى معاى عشرة فى ايدى

انا موافق ع كلام الاستاذ محمد فيثاغورث دي عايزة تجمع عند المحافظة بعد تحديد اليوم لان المحافظة وجد بها التنظيم والادارة الي موقف ضم المدة

كلامكم صحيح يا رجالة الموضوع تنظيم وادارة بالمحافظة
مش مديرية تربية وتعليم
ولا انتم رايكم اية

معاكم ابناء اداره نبروه

معقول اللى يشترك من الدقهلية ثلاث افراد فقط
لسة في خوف وجبن
مبارك بياكل ميري في السجن يا جماعة
رحم الله قاهروا لويس التاسع
من رجال ونساء
انتهى عهدهم الى الابد
سلام

يوم السبت 6 - 10 إن شااااء الله

من ادارة نبروه ويا ريت الموضوع يدخل فى الجد ونحدد يوم

يوم السبت 6 - 10 إن شااااء الله


يوم 6 - 10 اجازة يا نجم
انا معاكم ان شاء الله من ادارة شرق المنصورة

يا جماعة ميبفعش يوم 6 اكتوبر لابد من فترة كافية للدعوة لضم المدة لمدة لاتقل عن اسبوعين حتى يجهز كل واحد مننا نفسه وااللى عنده درس او شغل خارجى يخليه فى يوم ثانى زى الجمعة وندعو لها فى المدارس ولابد ان تكون يوم سبت ولتكن يوم 13 أكتوبر اعتقد انها فترة كويسة اننا نجهز بعضنا للدهاب الى المحافظة وانا منتظر تعليقاتكم

لازم نتفق كلنا مينفعش اقتراحات و خلاص ابناء اداره نبروه و بلاش نتسرع و نروع و نرجع زي ما احنا لازم نجمع اكبر عدد ممكن

أنا معاكم من إدارة السنبلاوين
بس الكلام يكون بجد ونحدد يوم الكل يجتمع فيه

وانا معاكم

ربنا يوفقكم

وانا معاكم نحدد يوم مناسب

يا مسهل بقينا كااااااااااااااااام معلم لغايه دلوقتي ؟؟؟؟؟؟؟؟؟؟؟؟؟؟؟؟؟؟؟؟؟؟

النهاردة فية اجتماع مجلس الوزراء لمناقشة تعديل الكادر يارب يكون فية خبر عن ضم مدة التعاقد

انا كمان معى 10 افراد ادارة ميت سلسيل

باين زمايلنا اللى ضموا المدة هيبقو موجهين ومدرسين اوائل علينا بعد بضع سنين واحنا هنفضل درجة تالفة قصدي تالتة

وأنا و وكل رجال السنبلاوين معاكم

يبقي لازم نجمع اكبر عدد من المعلمين ونحدد الميعاد

ونذهب الي التنظيم والادارة في المحافظة

كفر الشيخ ضمت يا جماعة
هنرفع قضيا لية هما مارفعوش
حد معايا ولا انا في الصحراء
يا دقهلوية
خايفين على يوم عارضة
ولا يوم خصم
ولا درس هيروح
ولا تعبانين مرهقين
ولا مستغنيين
سلام اصل جالي النوم
يا ليتني كنت دمياطيا
او جيزاويا
او شمال سيناوي
او دمهنهوراوي
ولخيرا كفر شيخاوي
كنت بقيت درجة تانية ولي وضع افضل ادبيا قبل ماديا
اعذروني اخواني
عارف اسلوبي جاف
معلش من اللى انا شايفة
سلام

وقفة للحياة
السلامةعليكم و رحمة الله وبركاته
يجب الوقوف لضم المدد السابقة لجميع المعلمين على مستوى الجمهوريةلذلك نرجو من جميع المعلمين فى جميع الادارات التعليمية بذل الجهد من أجل وصول صوتنا للوزير كل محافظة تتجمع امام المديرية فى يوم واحد و ليكن قبل ٢١ ديسمبر.. عيد المعلم ولتكن وقفة للحياة للمطالبة بحقنا فى ضم المدد السابقة موعدنا يوم الخميس 20/12/2012 الساعة التاسعة امام مديرية التربية والتعليم بكل محافظة للمطالبة بحقنا فى ضم مدد التعاقد السابقة

لقد شاركت الان لاجدد ظهور هذا الموضوع
ياليتك تشاهدة الان اخي حانون

احنا فى كفرالشيخ اتحـــــــدنــــــــــــــا من جميع ادارت المحافظة ال 10 ادارات

ثم ذهبنا الى المحافظ و التنظيم و الادارة و الى وكيل وزارة التربية و التعليم بقيادة اخى احمد وعيويع و كنا على قلب رجل واحد و مطالبنا موضوعه فى نقط و معانا مذكرة تفصيلية بطلباتنا ....

و كان من شروط الضم الا يكون ضم اعتبارى ككثير من الادارات و لكن ضم درجة و يتغير تاريخ التعيين ( ويسمى فى هذه الحاله تعيين افتراضى ) من تاريخ بداية عملنا سواء كان بالاجر او العقد العادى او المميز

و الان ادارات المحافظة تقوم بتجميع الافادات فى الفترات التى عملنا بها سواء بالاجر او العقد او غيره لتشكيل لجان لفحص الافادات و تدوينها فى كشوف تعرض على المديريه ثم التوقيع عليها من المحافظ لضم المدة و بعد ذلك تعود للتسويات بجميع الادارات للضم

طب قول اي بيانات عن المحاميه دي مكان مكتبها مثلا؟؟؟؟؟؟؟؟؟ انا اسمع برده عن واحده مكتبها جنب مجمع المحاكم و صديقه لي عرضت عليها الموضوع و هي قالت هاتو الورق بس الواحد عاوز حد واااااثق فيه يعني يكون حد شاطر

للاسف لا اعرف الا اسمها "
اسماء البغدادي "
بيقولوا هي المتخصصة في هذة القضابا
بس فين اخوانا من المعلمين والمعلمات من المنصورة هما اللى سهل يعرفوا
لان انا من بلد ارياف
بعيدة عن المنصورة