اليوم قامت سكرتيرة المدرسة بعمل استمارة مرتبات شهر أكتوبر ،وسألتها السؤال الذي ينتظره الجميع
ما الجديد ؟ فردت شامتة ساخرة : لا جديد الوضع كما هو عليه ورأيت الاستمارات فوجدتها كما هي
ولذلك نريد من كل عضو أن يخبرنا بالموقف عنده في مدرسته ويذكر ماذا حدث عنده ، وبالتوفيق للجميع
ونذكر الناس جميعا بأنهم هم من قطعوا علي أنفسهم بذلك العهد ووعدوا به وقالوا هذا هو المتاح الآن



رجاء لمن ألغي تثبيت الموضوع ،دع الموضوع مثبتا ،ما الذي جد حتي يتم إزالة التثبيت ؟ دعه حتي لا ينساه السادة المعلمون ،وما قطعه هؤلاء المسئولون علي أنفسهم وعند التنفيذ أخلوا بالوعود والعهود ،وعندما يصدق هؤلاء ويجد في الأمور أمور أزل الموضوع يا أخي الفاضل وشكرا

فعلاً لم يحدث شىء ، ولن يحدث شىء
فى آخر بلاد المسلمين ( السنطة غربية )
وإنا لله وإنا إليه راجعون

الوضع هنا فى محافظة الجيزة نفس مرتبات الشهر الماضى

أنا من سوهاج ونفس مرتبات الشهر السابق ولا أدري هل كانت وعود الرئيس مرسي برقا خلبا ؟ وهل ديدنه نفس ديدن الرئيس السابق

الواضح من تواتر الأخبار من شمال وجنوب المحروسة أن المحافظات كلها اتضربت ، وربنا يسطر علي حلوان
حقا شر البلية ما يضحك .

فعلاً لم يحدث شىء ، ولن يحدث شىء
حسبنا الله ونعم الوكيل






.

ننتظر مسئولا رفيع المستوي ، ليخرج علينا نافيا أو مبررا أو مبشرا أو حتي مدافعا ، وما أكثرهم ! في هذا الزمان .

انا في محافظة الجيزة السكرتيرة قالتلي النهاردة خصمو 10% من 33 جنية وبقت 7.20 جنية وكمان ال50%اللي قالو عليها لسة متصرفتش في كشف المرتبات

يا ترى انت فين يا مرزوق

ولا زياده ولاحاجه ده احنا محصلناش مضيفات الطيران

الشهر دة اتخصم مننا 5 جنية من المرتب اظاهر عقاب علشانطلبنا نزيد
]

الشرقيه محلك سر زى ما احنا المرتب اتعمل على قديمه انا عايزه اسأل سؤال انا سمعت انه المرتب ب10 هيتعمل ب50 % عادى من غير نشرات بيها اتاريهم ثبتونا بيها ومنزلوش نشرات للمدارس
علشان يصرفوها حسبى الله ونعم الوكيل بس همه عايزين ايه دول مش بيهدوا دول بيولعوها

بيقولو فى الادارة لان الزيادة على بدل الاعتماد واحنا مبنخدش البدل ده
قمة الظلم مفروض يسمونا بدل المعلم المساعد المعلم المظلوم

والآن مع مراسلنا في الشرقية أستاذ /...................أيه الوضع عندك بالضبط ؟


أيه ياجماعة أحنا في حالة حرب ولا أيه ؟ ما تهدوا بالله كده وربنا هيسّرها إن شاء الله تعالي

حسبنا الله ونعم الوكيل

فى دمياط اتعمل على قديمه

هنا الفيوم لسه ما قبضناش شهر سبتمبر
حووووووووووووووووووووووووووووووووول

مش عارف هنفضل مظلومين لمتي حتي ثبتوا دفعه 2008 وتركوا دفع 1999 بدون تثبيت يعني هل ده هعدل والله انا انتخبت مرسي بس ليه بيحاولوا يخلونا نندم علي كده

والآن مع مراسلنا في الشرقية أستاذ /...................أيه الوضع عندك بالضبط ؟


أيه ياجماعة أحنا في حالة حرب ولا أيه ؟ ما تهدوا بالله كده وربنا هيسّرها إن شاء الله تعالي


أنت الوحيد الذي غرد خارج السرب حتي الآن !
أكيد حضرتك تعرف مسئول رفيع المستوي ، أسأله الله يكرمك ويخليك ،فالمعلمون غلابة وضمن الأهل والعشيرة أيضا .

بالله عليكو مش مكسوفين كل اللى انتو عاملينه دا عشان 100 جنيه الله يخرب بيتكم شوية تفهة الله يلعن اليوم اللى اشتغلت فيه مدرس شوية ولايا فاعدين يلطموا ويعيطوا وفى النهايه يصحى الصبج يجرى على المدرسة


المسألة مسألة مبدأ وكلام يحترم ،وليست بلعب العيال
ولا تعليق بعد ذلك علي أسلوب حضرتك الرقيق

الوزير صرح وقال اخر اكتوبر !

والله نستاهل الي بيجرالنا ده بكره تشوفوا أضراب الاطباء هيعمل أيه أحنا بس الي بيستهتروا بينا يلا خليهم يخسروا ناس كانت في صفهم وبكره يقابلوني لو حد أنتخبهم

فعلاً لم يحدث شىء فى قنا

احنا فى محافظة البحيرة ادارة كفر الدوارمرتب شهر 10 على قديمه لان هى دى تعليمات الادارة لان مفيش نشرة ب50%

يا جماعه صلوا علي النبي الزيادة جايه انشاء الله بس انتو عارفين ان المرتبات بتتعمل اول الشهر ولسه القرار موصلش الادارات ولا المديريات وانشاء الله هناخده بس هيكون في استماره خارجيه ومن شهر 11 هيضاف علي المرتب ابشروا

محافظة سوهاج على قديمة لان المثل بيقول (من فات قديمة تاة ) واحنا المعلمين المساعدين عفوا اقصد المعلمون المنحوسون حنفضل على كدة لننا فى بلد ضاع فيها الحق ومات فيها العدل وخربت بها الضمائر

الوزير قال ان ال50% هتصرف في شهر اكتوبر
بلاش يا جماعة المناحة الي عاملينها دي عشان 100 جنية

انا كمان في مركز بني مزار محافظة المنيا لا في زياده ولا حتى تثبيت

احنا فى قنا مرتب اكتوبر قالوا اعملوه زى سبتمبر يعنى لا جديد الوزير ضحك علينا هو ونقيب الاخوان حسبى الله ونعم الوكيل البلد بتدار بنفس النظام القديم واوسخ

مراسل كفر الشيخ :
لم ينجح احد
الوضع على ما هو عليه
والله المستعان

نفس الحال السكرتيرية بشرتنا من كام يوم إن المرتب كما هو السبب أن في الإدارة بيقولولها مافيش أي نشرات جتلنا

اليوم عملت مرتبات شهر اكتوبر 2012 بدون زيادات ((( كل شيء على قديمه ))) البقاء لله

مراسلكم من الشرقية يبقي ا لحال علي ما هو عليه وعلي المتضرر ما يصدقش كلام الحكومة ولا مرسي تاني

ممكن يكونوا بيحوشوا لنا

انا سمعت ان فى حاله عدم صرفها فى 10 حتتصرف بعدين بأثر رجعى

كل ينة وانتو طيبين يا جماعة المدرسين
اقابلكو السنة الجاية فى نفس التوقيت ونقول نفس الكلام
لان اللى بيقبض مبيتكلمشى واللى بيتكلم مبيقبضشى

فى دمياط يبقى الوضع كما هو عليه ونوافيكم بالاخبار تباعا

انا سمعت انها هتتعمل في استمارات فردية لانها ليست علي باب اول

تأخر قطار ال50% فى وزارة التربية والتعليم
لاسباب يعلمها ناظر المحطة ............وعجبى :mad:

إحنا ليه بنحكم على الأمور بظواهرها هو علشان مش هتيجى على المرتب تبقى مش هاتيجى ماكل الزيادات اللى فاتت كلها جات فى استمارات فردية وبعدين على المرتب

طيب هو صدرت اساسا تعديلات قانون الكادر التى يجب ان تنشر فى الجريدة الرسمية بعد تصديق السيد الرئيس والذى يملك السلطة التشريعية الان ؟!!

النهاردة المدرسة بلغتنا ان الزيادة هتضاف الشهر ده لانهم بعد ما عملوا الاستمارات رجعتلهم عشان اضافة ال50% والله وحده اعلى واعلم

فى المنوفية لم يحدث جديد وحسبنا الله ونعم الوكيل فى هؤلاء المسئولين الفاسدين

يا اخ عبد العزيز عايد المرتب بيتعمل اول الشهر يعنى بيتحرر فى الكشوف وقالوا اعملوه بدون زيادة يبقى نصبر لاخر الشهر والزياد اصلا منزلتش على المرتب فى الكشوف ادينى ودنك قصدى عقلك ههههههههههههههههههه

النهاردة المدرسة بلغتنا ان الزيادة هتضاف الشهر ده لانهم بعد ما عملوا الاستمارات رجعتلهم عشان اضافة ال50% والله وحده اعلى واعلم
حضرتك محافظة اية وادارة اية التى قيل فيها هذا الكلام
انا محافظة القاهرة لم اسمع اى شىء

الوزير لا يدير سوى ديوان عام الوزارة ومديرى المديريات التعليمية فقط، أما المعلمون والاداريون والعمال، فهم يعملون بالمحليات وليس التربية والتعليم،حقوقنا ضائعة ما بين المحافظين والتنظيم والإدارة ووزارة التعليم والمالية.

أين النقابة التى هى حماية للمعلمينحقا شر البلية ما يضحك

انا محافظة المنيا ادارة بني مزار

لا جديد فى المنوفية ولا عزاء للمعلمين

هههههههههههههههههههههههههههههههههههههههههههههههههه ههههههههههههههه

انا من المنوفية ونفس الشئ ... الوضع كما هو علية

هو ده اللى هما عاوزينه بالظبط ان المرتبات تفضل زى ماهى شهر او اتنين المعلمين يقلقو ويطالبوهم بيها يبقى كدة معناه انهم رضيو بيها ويسكتو مايطالبوش بحاجة تانية متخافوش الوزير انا سمعاه فى النهار مع محمود سعد ردا على نفس السؤال من احد المعلمين بيقول ملتزمين بالزيادة دى حتى لو باثر رجعى من اول اكتوبر

حسبنا الله ونعمة الوكيل
تلاقيهم مستكترينها
عموما الصبر كويس وشهر واحد مش بعيد