بالامس استضاف المذيع اللامع فى كل عصر واوان الاستاذ / محمود سعد سيادة وزير التربية والتعليم وشوف الاتنين بيحلموا بايه . بيحلموا بان المدرس مايبقاش كسول ويكون اكثر نشاط من الوضع الحالى بمعنى لوانا مدرس دراسات وباشرح للاولاد درس عن الاهرامات اقوم برحلة انا والاولاد من ارياف شربين الى الجيزة علشان تكون المعلومة واضحة امام الاولاد بالله عليكم هى دى حلول مشاكل التربية والتعليم ولا الناس دى عايشة فى كوكب تانى ؟ ثم طلب سيادة الوزير من جميع المدارس زيارة المدينة العلمية بالسادس من اكتوبر ووجه النداء الى 18مليون طالب حاجة تفرح ماشاء الله اين يعيش هؤلاء الناس ؟ لا ادرى
ثم كان التركيز على ممارسة الانشطة وان كانت الانشطة بتلك الاهمية فاين الامكانيات ياحضرات ؟
والله حرام اللى احنا فيه ده .

لقد حزنت جدا من ان وزير التربية والتعليم لا يعلم شئ عن المناهج والمدارس الم يسمعة احد وهو يذكر المشكلة الخطيرة الى واجهتة فى التعليم الفنى وهو الفذ ذو القدرة الخارقة هيحلها والمشكلة كما ذكر ان كل قسم فى التعليم الفنى يدرس منهج وكتاب مختلف فى العربى والانجليزى وكل المواد الثقافية اى ان هناك منهج مختلف لكل مادة من المواد الثقافية حسب الاقسام ولم يعلم ان منهج العربى والانجليزى والرياضيات والعلوم اى المواد الثقافية جميعا منهج واحد للمادة وكتاب واحد لكل الاقسام هذا هو وزيرنا المفوض

ولن يكون هناك جديد
غير اسم الوزير

الوزير ده فى عالم تانى
لنا الله يامعلمين
الم يذكر شىء عن المعلم المطحون
الى بيشتغل شغلتين علشان يصرف
على اولاده

لازم يحلم هوا حاسس بحاجة دا جاى الوزارة يكون نفسة ويعمل قرشين ومع السلامة بعد كدا

الاستاذ / محمود سعدمش هو اللي كان بيقبض 11 مليون جنية في السنة من برنامج صباح الخير يامصر ولم سألوة قال دة من الاعلانات والتليفزيون علية ديون 11 مليار جنية التليفزيون المصري اللي محدش عاد بتفرج علية
لازم الوزير يكون من المعلمين وبدا السلم من اولة
ودكاترة كليات التربية يخليهم في كلياتهم النظرية البعيدة عن الواقع الغلمي والتربوي ومناهجهم القائمة ع المناهج الغربية البعيدة عن عاداتنا وافكارنا

كل ده متاح ومكن ده طبعا علي اساس ان الحكومة والوزير هيوفروا طيارة هيلكوبتر فوق سطح كل مدرسة تقوم بعمل تلك الزيارات وترجع الطلبة تاني في نفس اليوم