سلام عليكم
هو انا الحقيقة مخنوق وقرفان من نفسي وعايز اكتب وخلاص
اللي مش فاضي وكدة ينفض للموضوع دة عشان مليان رغي كتير :d
مبدئيا يعني انا في اعدادي هندسة شبرا
كان عندنا رسم هندسي النهاردة
القاعات غير مجهزة ومفيش ميكروفونات ولا اي حاجة
بالتالي كل اللي كان قاعد بعيد نسبيا عن الدكتور مكنش فاهم حاجة ولا سامع حاجة
وعامة هو مشرحش كتير اساسا هم خمس دقائق وقال لنا انزلوا القاعة اللي تحت بتاعة الرسم
نزلنا كنا حوالي 250 واحد في قاعة واحدة مفيش سكاشن
جايبين ناس فوق 60 سنة المفروض يروحوا يقعدوا على قهوة ولا يشتغلوا تجار مخدرات مش في كلية هندسة
بيتعاملوا معانا تعامل ومعلش في اللفظ تعامل وسخ
اقعدوا يا بهايم قوموا يا همج بس يا متخلفين
اه والله كدة
المهم احنا مش عارفين هنرسم ايه
ومش عارفين هنرسم ازاي وسايبينا كدة كأننا كلاب
ننده لحد مفيش حد بيرد
نسأل ينفضوا لنا
لحد ما لقيت واحد من زمايلي فاهم نسبيا نقلت منه شوية حاجات كدة وخلاص اي هبل يعني عشان متبقاش اللوحة فاضية
دلوقتي هل انا اخد كورس في الرسم ولا اتصرف ازاي
لأني حاسس اما ان انا غبي او اني مش هنفع في الكلية دي بسبب غباء من الاخرين

أأأأأأأأأأأأأأأيه يا عم ده انت بتقول ايه انا عندي رسم بكره
وكمان بلاش التسيييييح هنا يعني

انا بردك عامل زيك مش فاهم اي حاجه في الرسم بس انا سألت لاقيت واحد صحبي بيقولى تعالوا ناخد درس رسم هندسي بره

eh ya gd3an na f shobra......hya zbala

bs m7slsh el t3amal da m3ana f el rsam

انا عايز اعرف لو انتوا عملين جروب على الفيس لى لم الشمل علشان انا صحابى كتيير فى شبرا بس ملهموش جروب هندسة شبرا على الفيس للدفعة بتاعتنا