[QUOTE=أم عائشه;61927]http://www.goodwayinlife.com/forum/bsmlah.gif







أنا مش ورقه ....
أنقل لكم قصه متجدده بإذن الله أبطالها محمد وعبد الرحمن
سنه اولي طب واصدقاء من وهما صغيرين
القصه ممكن تكون طويله او قصيره لكنها رائعه
وحنستفيد منها بإذن الله


ندخل في أحداث القصه
...........




http://img62.imageshack.us/img62/3688/00003.png




الحلقه الاولي (http://www.goodwayinlife.com/forum/showpost.php?p=61928&postcount=2)
الحلقه الثانيه (http://www.goodwayinlife.com/forum/showpost.php?p=62758&postcount=9)
الحلقه الثالثه (http://www.goodwayinlife.com/forum/showpost.php?p=63344&postcount=12)
الحلقه الرابعه (http://www.goodwayinlife.com/forum/showpost.php?p=64718&postcount=17)
الحلقه الخامسه (http://www.goodwayinlife.com/forum/showpost.php?p=65200&postcount=18)
الحلقه السادسه (http://www.goodwayinlife.com/forum/showpost.php?p=65969&postcount=23)
الحلقه السابعه (http://www.goodwayinlife.com/forum/showpost.php?p=66301&postcount=26)
الحلقه الثامنه (http://www.goodwayinlife.com/forum/showpost.php?p=67794&postcount=31)
الحلقه التاسعه (http://www.goodwayinlife.com/forum/showpost.php?p=68965&postcount=32)
الحلقه العاشره (http://www.goodwayinlife.com/forum/showpost.php?p=70111&postcount=39)
الحلقه الحادية عشر (http://www.goodwayinlife.com/forum/showpost.php?p=72663&postcount=40)
الحلقه الثانيه عشر (http://www.goodwayinlife.com/forum/showpost.php?p=72664&postcount=41)
الحلقة الثالثة عشر (http://www.goodwayinlife.com/forum/showpost.php?p=72702&postcount=44)
الحلقة الرابعة عشر الجزء الأول (http://www.goodwayinlife.com/forum/showpost.php?p=76045&postcount=48)
الحلقة الرابعة عشر الجزء الثاني (http://www.goodwayinlife.com/forum/showpost.php?p=76047&postcount=49)
الحلقة الخامسة عشر (http://www.goodwayinlife.com/forum/showpost.php?p=82727&postcount=54)
الحلقة السادسة عشر (http://www.goodwayinlife.com/forum/showpost.php?p=82729&postcount=55)
الحلقة السابعة عشر (http://www.goodwayinlife.com/forum/showpost.php?p=83729&postcount=60)
الحلقة الثامنه عشر (http://www.goodwayinlife.com/forum/showpost.php?p=86388&postcount=64)
الحلقة التاسعة عشر الجزء الأول (http://www.goodwayinlife.com/forum/showpost.php?p=86390&postcount=65)
الحلقة التاسعة عشر الجزء الثاني (http://www.goodwayinlife.com/forum/showpost.php?p=86939&postcount=67)
الحلقة العشرون (http://www.goodwayinlife.com/forum/showpost.php?p=86941&postcount=68)
الحلقة الحادية والعشرون (http://www.goodwayinlife.com/forum/showpost.php?p=86944&postcount=69)
الحلقة الثانية والعشرون (http://www.goodwayinlife.com/forum/showpost.php?p=88796&postcount=73)
الحلقة الثالثة والعشرون الجزء الأول (http://www.goodwayinlife.com/forum/showpost.php?p=93331&postcount=82)
الحلقة الثالثة والعشرون الجزء الثاني (http://www.goodwayinlife.com/forum/showpost.php?p=93332&postcount=83)
الحلقة الرابعة والعشرون (http://www.goodwayinlife.com/forum/showpost.php?p=93333&postcount=84)
الحلقة الخامسة والعشرون (http://www.goodwayinlife.com/forum/showpost.php?p=98364&postcount=93)
الحلقة السادسة والعشرون (http://www.goodwayinlife.com/forum/showpost.php?p=98368&postcount=94)
الحلقة السابعه والعشرون (http://www.goodwayinlife.com/forum/showpost.php?p=100350&postcount=100)
الحلقة الثامنة والعشرون (http://www.goodwayinlife.com/forum/showpost.php?p=113726&postcount=114)
الحلقة التاسعة والعشرون (http://www.goodwayinlife.com/forum/showpost.php?p=115115&postcount=117)
الحلقة الثلاثون (http://www.goodwayinlife.com/forum/showpost.php?p=122082&postcount=120)
الحلقة الحادية والثلاثون (http://www.goodwayinlife.com/forum/showpost.php?p=122084&postcount=121)
الحلقة الثانية والثلاثون (http://www.goodwayinlife.com/forum/showpost.php?p=122085&postcount=122)
الحلقة الثالثة الثلاثون (http://www.goodwayinlife.com/forum/showpost.php?p=137096&postcount=123)
الحلقة الرابعة والثلاثون (http://www.goodwayinlife.com/forum/showpost.php?p=142006&postcount=128)
الحلقة الخامسة والثلاثون (http://www.goodwayinlife.com/forum/showpost.php?p=147102&postcount=134)
الحلقة السادسة والثلاثون (http://www.goodwayinlife.com/forum/showpost.php?p=150774&postcount=136)
الحلقة السابعة والثلاثون (http://www.goodwayinlife.com/forum/showpost.php?p=157257&postcount=141)
الحلقة الثامنة والثلاثون (http://www.goodwayinlife.com/forum/showpost.php?p=157258&postcount=142)
الحلقة التاسعة والثلاثون (http://www.goodwayinlife.com/forum/showpost.php?p=161401&postcount=153)
الحلقة الاخيرة (http://www.goodwayinlife.com/forum/showpost.php?p=161402&postcount=154)


[UOTE]

QUOTE=أم عائشه;61928]http://islamroses.com/zeenah_images/w6w_20060121195311421d5058.gifالحلقة الاوليhttp://islamroses.com/zeenah_images/w6w_20060121195311421d5058.gif


يصحي محمد اول يوم ليه في الكليه ايه ده الساعه 10 طبعا محمد صاحي مفزوع اول محاضرة

راحت عليه ....
ينادي محمد علي والدته
ماما ماما انت مصحتنيش ليه ينفع كده من اول يوم مفيش التزام
والدته تدخل انا قعدت اصحي فيك من الساعة7 وكالعادة صحيني بعد 5 دقايق لا لابعد ربع ساعة لحد ماوصلنا الساعة 8 وانت نايم في سابع نومه وانا زهقت منك
ازاي ده انا محستش بأي حاجه خالص انا زعلان اوي




وهنا يدخل والد محمد زعلان اوي ياحبيبي لك حق تزعل والايبقي ماعندكش دم
محمد:مش كده برده يابابا قول لماما اصلها مش مقدرة
الوالد: مش مقدره لا مالهاش حق اتصدق بالله انت ماعندكش دم
محمد: ليه كده بس انا مالي ماما هي اللي ماصحتنيش بذمه
الوالد: ياسلام ياخوي انا مابكلمش علي كده انت زعلان اوي لما فاتتك اول محاضرة
طب ماانت ضيعت صلاة الفجر انهارده مازعلتش اوي كده ليه وللاانت خلاص بعد امتحانات الثانويه العامه مش هشوفك تاني في الجامع
محمد: في سره انا فاتتني محاضرة الكليه بس الحمد لله ربنا عوضني خيرا منها محاضرة ابويا
ده بدل مايقولولي تفطر ايه ياحبيبي نروح نحضره ماعلينا
الوالد: انت سكت ليه نمت
محمد:لالا ابدا خلاص سماح المرة دي انا هجهز بقي قبل مايفوتني باقي المحاضرات



وهنا يرن موبايل محمد الظاهر صاحبه عبد الرحمن بيطمن عليه
محمد:ايوه ياعبده ازيك عامل ايه
عبد الرحمن: الحمد لله رب العالمين انت فين
محمد :انا علي السرير اصلي راحت عليه نومه
عبد الرحمن: ولا يهمك تتعوض المهم انا مستنيك ماتتاخرش يلا
محمد : ماشي مسافه السكه ويجهز محمد وينزل عشان يقابل عبد الرحمن



محمد: كل دي زحمه انا هركب ازاي وبعد عناء طويل محمد يركب الميكروباص وينطلق الي الكليه
ويفاجا محمد بواحده تيجي تقعد جنبه......
وبعد فتره تساله هو حضرتك في كليه ايه
محمد: نعم طبعا هو سامع بس مستغرب السؤال
تعيد البنت السؤال مرة تانيه
محمد: ليه حضرتك فيه حاجه
البنت :لا ابدا بس زي مانت عارف ان النهارده اول يوم في العام الدراسي وانا مااعرفش اي حاجه في الجامعه فبسال حضرتك ممكن نكون في نفس الكليه فتعرفني عليها وكده يعني
محمد: يفكر فترة طويله ياتري اقولها ايه دلوقتي اروح معاها كليتها واخدمها واعمل فيهامعروف طب وعبد الرحمن اعمل فيه ايه .....




ولكن فجاه يفتكر محمد قصة سيدنا موسي عليه السلام مع المرأتين وكيف كان حياءوه وادبه معهم وكذلك حياء المرأتين
محمد : بصوت حازم هو حضرتك في كليه ايه
البنت : في تجاره
محمد : خير انا مش في تجاره ومعرفش حاجه عنها وكأنه يقول لها اسكتي واياكي تتكلمي تاني
وبعد عناء ينزل محمد من الميكروباص واخيرا هيقابل عبد الرحمن

ياتري ايه اللي هيحصل بينهم؟
هذا ماسنعرفه في الحلقه القادمه ان شاء الله[/QUOTE]

لو القصة عجبتكم ممكن حبقا انزل الحلقات الباقية هنا ان شاء الله

جميلة جدا يا مريم
بارك الله فيكى

مشكوووره يا قمر
مستنيين الحلقات الجايه
كملى

م عائشه;62758]الحلقه الثانيه
http://www.b4gold.com/smiles/smile_albums/seprate/11920187187937.gif
محمد يدخل الكلية يدور علي عبد الرحمن وبعد لف كتير في الكلية ايه ده ده شبه عبد الرحمن خالص

لا لا بس اكيد مش هو ايه المقشة اللي في وشه دي هههههههههههههه وللا البنطلون شكل الترزي ضحك عليه وخد باقي القماش وقعد يفحصه من فوق لتحت لا دا اكيد مش عبد الرحمن ولو عبد الرحمن امتى وازاي وليه حصله كده ويقطع تفكير محمد صوت عبد الرحمن...

عبد الرحمن:ايه يامحمد هو انا كنت بايت معاك امبارح وللا ايه ده بدل ماتخدني بالحضن قاعد تبصلي من فوق لتحت.

محمد :لا ابدا ياعبده وياخده بالحضن وحشتني اوي انا معرفتكش يابني انت ايه اللي حصلك 3 شهور اجازة يحصلك كل ده ايه اللي حصلك؟!!!!

عبد الرحمن :بعدين احكيلك المهم انت ازاي تفوت اول محاضره من اولها كده طب حتي خليك ملتزم اول يوم.

محمد:صحيح عملتوا ايه من غيري.

عبد الرحمن:طبعا الدكتور كان زعلان جدا انك محضرتش وكان عايز يلغي المحاضرة لولا ان العدد كان كبير ..

محمد:انت بتتريق؟؟

عبدالرحمن:مانت اللي سؤالك غريب هنعمل ايه يعني من غيرك لاانت الكمبيوتر ولا البروجيكتور وللا حتي الميكروفون عشان المحاضرة تتعطل من غيرك..

محمد:ماشي ياعبده بكره تعرف اهميتي.

عبدالرحمن:المهم انت ازاي راحت عليك نومه والفرق بين جلسة الشروق والمحاضرة قليل يعني ماتلحقش تنام فيه؟؟!!

محمد:مش اما اكون الاول صليت الفجر ابقي اقعد جلسة الشروق

عبدالرحمن:يعني انت ضيعت صلاة الفجر انهارده ازاي؟!!!

محمد:يلا ابدا المحاضرة التانيه كلي اذان صاغيه امال يابني لومكناش دفنينه سوا ..
عبد الرحمن:دفنا مين ؟؟

محمد:ايه يابني احنا مش كنا بنصلي ايام الامتحانات وبعد كده بئي انت عارف انا بحب النوم اد ايه ...
اوعي تقولي ان انت لسه بتصلي الفجر!!!!!

عبدالرحمن:انا بفضل الله بصلي كل الصلوات في المسجد.

محمد:بجد عليه انا برده الكلام ده؟؟!!

عبدالرحمن:المهم دلوقتي يامحمد انا هرن عليك كل صلاة عشان اذكرك بيها وبالذات صلاة الفجر بس اياك تفتح عليه انا بقولك اهو والا هخليك تشحنلي...

محمد:براحه بس عليه احنا اول يوم في الدراسه..

عبدالرحمن:ماهو عشان كده لازم نفتح صفحه جديده مع ربنا احنا فرطنا كتير اوي يامحمد..

محمد:في سره فرطنا في ايه انا مش فاهم اي حاجه؟!!!

عبدالرحمن:هنبتدي من انهارده ..
اول حاجه لازم تعرفها اهميه صلاة الفجر
انا لواديتك صندوق فيه طوب وصندوق فيه دهب وقلتلك وصلهم مكان معين ياتري اهتمامك بالاتنين هيكون نفس الاهتمام؟؟

محمد:لا طبعا دا حتي لو صندوق الطوب ضاع بسيطه هشتري صندوق والطوب اهو كتيرفي الشارع لكن صندوق الدهب لو ضاع هعوضه ازاي؟؟

عبدالرحمن :الحمد لله اتفقنا بص بقي صلاة الفجر اغلي من كنوز الدنيا يعني لوضاعت مش هتعرف تعوضها...

1-قال رسول الله صلي الله عليه وسلم
( من صلى الصبح في جماعة فكأنما صلى الليل كله ) رواه مسلم .


2- قال رسول الله صلى الله عليه وسلم
( من صلى الفجر فهو في ذمة الله (حفظه) فلا يطلبنكم الله بشئ من ذمته ) حديث صحيح
رواه الطبراني ومسلم بلفظ مشابه .


3-قال رسول الله صلي الله عليه وسلم
( بشر المشائين في الظلم إلى المساجد بالنورالتام يوم القيامه ) صحيح .


كده اتفقنا ان صلاة الفجر مهمة ماشي ..

محمد:ماشي ياسيدي كمل باقي المحاضره اما اشوف اخرتها معاك

عبد الرحمن:بص بئي انت قبل ماتنام لازم تكون متوضي وتقول اذكار النوم بكره ان شاء الله هجيبلك كتاب حصن المسلم
وتكون مخلص انك عايز تقوم بجد تصلي ولازم تكون عارف ان صلاه الفجر دي ترمومتر علي صدقك شوف بئي انت صادق ولا .....
خلاص اتفقنا يامحمد هرن عليك وهستناك تكنسل

محمد:خلاص خلصت المحاضرة يلا بئي قولي ايه اللي غيرك كده

عبدالرحمن :هوا نا ههرب منك ماحنا مع بعض اهو يابني ان شاء الله هحكيلك تعالي بس نروح الجامع لان الظهر قرب يأذن وبعد الصلاه ان شاء الله هحكيلك

وفي الجامع عبد الرحمن يقوم يصلي السنة

عبد الرحمن:انت مش هتصلي السنة

محمد:دا كويس اني بصلي الفرض يابني

عبدالرحمن :ماشي ياسيدي بس الرسول صلي الله عليه وسلم بيقول من صلي اثنا عشر ركعه في اليوم والليله بني الله له بيتا في الجنه

محمد :ماشي ماشي صلي انت بس وخليني اقعدلي شويه بئي عشان تحكيلي بين الاذان والاقامه

محمد :يراقب عبد الرحمن وهو بيصلي ايه دا الواد اتغير 180 درجه هو ايه اللي حصله ماكنش بيتكلم كده ابدا الواد اتجنن وللا ايه انا خايف عليه لاحول ولاقوه الا بالله ايه ده وكمان بئي بيصلي كويس ماشاء الله ايه الخشوع والسكينه دي هو مستني نتيجه امتحان تاني وللا ايه

ياتري ايه اللي حصله 3شهور يتقلب القلبه دي؟؟!!


_________________

[/QTE]

منزلاها ف وقت غريب شوية .. لكن بدايتها جميلة و مبشرة
ذكرتيني بـ " عبد الـــــــــرحمن " :d

منزلاها ف وقت غريب شوية .. لكن بدايتها جميلة و مبشرة
ذكرتيني بـ " عبد الـــــــــرحمن " :d
يا حببيتى قلبى القصة دى منقوله مش بتعتى وقصدك غيرب يعنى علشان المذاكرة والدراسة وكدىة يا ستى اهم شوية بس بجد حتسعدو بيها جدا :rolleyes:
بس يا ختى ابقى افتحى رسايل وبعتالك ملاحظة فى اللف الشخصى بتاعك لانك وحشانى ونفسى اكلمك واطمن عليكى يا ندالة هههه:friendsxs3:

ه;63344]الحلقه الثالثه
http://www.b4gold.com/smiles/smile_albums/seprate/11920187187937.gif
ينتهي محمد وعبد الرحمن من صلاة الظهر

محمد:يلا بقى احكيلي..

عبدالرحمن:ياعم اصبر حتي استني لما نختم الصلاة ونخرج من الجامع هحكيلك واحنا مروحين.

محمد:ماشي انا صبرت عليك كتير

عبدالرحمن:معلش استحملني

ويخرج محمد وعبدالرحمن من الجامع ويعيشوا ازمه المواصلات
يركب محمد وعبد الرحمن اخيرا

محمد :يهزر مع عبد الرحمن مابلاش بخل يااخي وهات عربيتك معاك وارحمنا من الزحمه دي

عبد الرحمن :ماشي ماشي

محمد:يلا كلي اذان صاغية

عبدالرحمن:بص ياسيدي انت عارف طبعا محمود ابن خالتي انا وهو ومجموعه من اصحابنا نوينا بعد الثانويه العامه وقرفها اننا نسافر بعيد ونصيف بئي ونعيش حياتنا
وبالفعل سافرنا وقضينا كام يوم فسح بئي وسهر واغاني وافلام وملاهي

محمد:ايه ده وانا ليه ماقولتليش

عبد الرحمن:ماتقطعنيش يامحمد
المهم واحنا راجعين كان السواق مشغل اغنيه انا واصحابي كنا بنحبها اوي وكنا قاعدين نصقف
لقينا واحد مانعرفوش بيدي للسواق شريط ويقوله لوسمحت من فضلك خد شغل ده احسن
طبعا كلنا اعترضنا واولنا السواق المهم الشخص ده قعد يتكلم واحنا ودن من طين والتانيه من عجين كلامه طبعا زي قلته انا تقريبا ماسمعتش كلمه منه
وفجاه الاتوبيس كان هيعمل حادثه بس ربنا ستر
وكأن دي كانت رساله من ربنا لينا بس احنا اللي مابنفهمش

محمد:يااااااسلام وده بئي اللي غيرك هو انت بقيت حساس اوي كده هههههههههههههههه

عبدالرحمن:شكلي مش هكملك الحكايه

محمد:صحيح انا نسيت أسالك ع البت سها اللي كانت معانا في درس الكيميا البت دي اللي انت كنت بتحبها صحيح هي دخلت معانا طب

عبدالرحمن:يارب صبرني اديك قعدت تقاطعني لحد مامحطتي جت انا هنزل واكملك بكره

محمد:بس استني طب تعالي اتغدى عندي وكملي القصه ماما عامله فراخ هديك فرخه بحالها بس تعالي

عبدالرحمن:جزاك الله خيرا المهم انا نسيت اقولك ابقى اظبط المنبه عشان صلاة الفجر وانا برده هرن عليك

محمد:طب يلا انزل قبل ما السواق يرميك من الشباك

ويودع عبد الرحمن صاحبه محمد

ومحمد:يفضل قاعد وينزل المحطه اللي بعده اما نشوف اخرتها مع الواد عبده دي ايه

ويدخل محمد البيت ماما انا جعان اوي يلا فين الفراخ

والد محمد:يابني اصبر شويه احكيلي عملت ايه انهارده في الكليه

محمد:دا انا عملت عمايل تخيل يابابا الواد عبد الرحمن بيصلي والله وقال ايه هيرن عليه كل صلاه عشان يذكرني بيها وانا قال ايه اكنسل عليه واقوم اصلي

والد محمد:وايه الغريب في كده عقبالك يابني ربنا يهديك

وبعد اما ينتهوا من الغدا

محمد:صحيح انا هدخل انام واسيب الموبايل واما الواد عبد الرحمن يرن العصر والمغرب والعشاء والفجر تكنسلوا عليه وتقوموا تصلوا

ها مين هياخد الموبايل وللا بابا ياخده عصر ومغرب وماما تاخده عشا وفجر

والد محمد:وسيادتك هتعمل ايه هتنام من دلوقتي لحد تاني يوم الكليه

محمد:الله اعلم انا تعبت اوي انهارده

ويدخل محمد ينام ويسيب الموبايل



ياتري عبد الرحمن هيعمل ايه بكره مع محمد ان شاء الله؟؟[/QUOTE]