"مصر ام الدنيا والدنيا والدنيا ملعونة وملعون اهلها يعنى مصر هى ام الملاعين " الشيخ كشك رحمه الله
.......................................
هو احنا ملاعين
بس ملاعين صغيرين
عايشين ومش عايشين
من يوم ماتولدت
وانا عايش حزين
مكسور مخنوق
خايف من بكره
وارتحت من امبارح
وانهاردا اهو خلص
والمستقبل اهو رايح
على فين مش عارف
والوطن اهو جارح
والاهلى اهه كاسح
والزمالك اه نايم
والدستور مظبوط
ع الساعة مكتوب
والشعب مسطول
والشهيد مدبوح
وانا مش انا
ايه اللى اتبنى
من ثورة مسطولة
عملها الابطال
وحماها الاندال
وسرقوها الحرمية
والضحكة مش هية
فى القلوب هموم
والبشر سموم
عاوزين الحرية
قلبوها بلطجية
حقى بايديا
والناس شاهدة عليا
انا جدع
انا راجل
انا مش بتاع مشاكل
انا اتعلمت
انا اتخرجت
وكانى اشتغلت
اخ دا جيش
مش لاقى العيش
دا عبدا الناصر
ودا سادات
ودا تاريخ بينعاد
فاكرنى فاهم اللى انا كاتبه
دانا كاتم كل اللى جوايا
لو فاكر ان كل دا انا حبه
يبقى انت مقرتش الرواية
دا شعب جميل مسطول
مجنون ساعات بس مش مخبول
بيطلب حرية من بلده الحنون
بس هو فى نظر الحكام شخص
.
.
.
.

مجنون
تعب من الاهانة
تعب من العذاب
نفسو فى كرامة
مش مشاكل احزاب
نفس فى لقمة يسد جوعة
والحاكم عاوزه يبقى تحت طوعه
عاوز حريه عاوز تغيير
ولسه بنتساق زى الحمير
شكرا يابلدى على اللى قدمتيه
شعب كريم وانتى اهنتيه
رافض يابلدى كل الاهانة
وارمينى يا دخلية جوا الزنزانة
ومهما يحصل فيا صوتى عالى
ومهما تقتل فيا عمرى ما اطاطى

روعة روعة
بجد سلم فكرك وقلمك وخيالك
كلمات لا تقرأ مرة واحدة بل عدة مرات
أحييك على موهبتك وقدرتك المميزة على تصوير الأحداث
ورسم كل تلك التفاصيل فى لوحة فنية واحدة

جميل جدا أيها المبدع ولكن أين التفاؤل الذى عودتنا عليه
الخير قادم ان شاء الله

روعة

روعة روعة
بجد سلم فكرك وقلمك وخيالك
كلمات لا تقرأ مرة واحدة بل عدة مرات
أحييك على موهبتك وقدرتك المميزة على تصوير الأحداث
ورسم كل تلك التفاصيل فى لوحة فنية واحدة

شكرا استاذ فاروق
ولكنى لازلت اتعلم من حضرتك ومن المبدعين هنا


جميل جدا أيها المبدع ولكن أين التفاؤل الذى عودتنا عليه
الخير قادم ان شاء الله

روعة

معلش بقا يا شيماء الواحد تعب عمال يعافر فى الجبال وفى كل حاجة ورا الحقوق والواحد تعب
تقريبا كدا البلد زهقت مننا
وبقت مش طايقانا
بس ان شاء الله خير
نورتى يا شيماء

:o
إيه ده
:o
إيه ده
:o
إيه ده
بجد عندك كميه أفكار ومواضيع تاخدنا ليها روعه
اكتر حاجه بتعجبني فيك التنوع اللي عندك
وكمان حبك لبلدك واهتمامك بالمشاكل والاوضاع اللي في البلد
والله لو كل الشباب ذيك كان زمان حال البلد معدول
طبيعي بقا تسلم إيدك
لان كلماتك هاااااااااااااااايله

رائع جدااااااا يا منير بجد كلمات رائعة واختيار دقيق جدا
دام ابداعك دائما

:o
إيه ده
:o
إيه ده
:o
إيه ده
بجد عندك كميه أفكار ومواضيع تاخدنا ليها روعه
اكتر حاجه بتعجبني فيك التنوع اللي عندك
وكمان حبك لبلدك واهتمامك بالمشاكل والاوضاع اللي في البلد
والله لو كل الشباب ذيك كان زمان حال البلد معدول
طبيعي بقا تسلم إيدك
لان كلماتك هاااااااااااااااايله



شكرا يا كنارة المنتدى لمرورك
ولما اكن ابدع لولا تشجيعك وتشجيع كل من هنا
والذى اعتبر نفسى لا اقارن بهم فهم الاساس وانا احاول مجرد الاقتراب منهم وليس ان اكو مثلهم




رائع جدااااااا يا منير بجد كلمات رائعة واختيار دقيق جدا
دام ابداعك دائما


شكرا يا مريم لمرورك العطر