اولا السلام عليكم
وثانيا انا مواضيعى كلها مبتتقريش :( ولو موضوع اتقرء يقرءة واحد او اثنين بلكتير
وبعدين انا مواضيعى تعتبر من افضل المواضيع الى بتتعرض فى المنتدى انا شايف كدة
ولو حد شايف غير كدة يقول لى وانا من الاعضاء القدام على المنتدى بس اتغيبت فترة علشان اذاكر وانفع
بس المنتدى هنا ميشجعش ان الواحد يتعب علشانة فى شىء ولو كل واحد دخل جامل اى حد ولو بكلمة بسيطة على سبيل المجاملة :angry:
وياريت اى حد من المسؤلين يمسح عضويتى من المنتدى :angry:
لاااااااااااااااااااااااااااا
كل شويه حد هايزعل والا إيه
كل لما حد يزعل يقول احذفوا عضويتي
ليه بسسسسسسسسسسس كده
انت اكتب مواضيع عناوينها غامضة تجذب الانتباه
والكل هايدخل
أو يمكن مواضيعك طويلة فمش بيلحقوا يقرأوها ويردوا
أنا عن نفسي مش بادخل الموقع كتير الفترة دي
لكن حظي كل لما أدخل ألاقى حد بيقول احذفوا عضويتي
ما تزعلش وأكيد مفيش حد قاصد يزعلك
وأنا أكيد لو شفت موضوع ليك لازم أرد
مفيش حد يزعل تاني
مفهوم
اينشتاين
20-12-2005, 08:13 AM
ايه يا عم دوكو الكلام ده انت مش طلبت ازاى تعمل توقيع وقولتلك يبقى ازاى بقى ما بنهتمش
وبعدين ما انا كتبت كذا موضوع قبل كده وما حدش اهتم
معنى كده ان امشى
اهم حاجة ما تزعلش روحك يا مان وخليك فريش اوكى
علشان خاطرك انت بس اينشتاين انت وana بس اية رايك فى التوقيع هههههههه
الامير عبده
20-12-2005, 01:03 PM
ايخ ياعم كريم انت هاتعيط ولا ايه
اوعى تسيب المنتدى كده هازعل منك بجد
ياعم بكره مواضيعك تقرا
coo_girl_ool
20-12-2005, 01:11 PM
كلنا كنا كدة فى الاول يا كريم وانت بجد مواضيعك جميلة
بورسعيدى
20-12-2005, 01:58 PM
ايه الى مزعلك يا كيموووو
اقول لك على سبب وتنظر اليه بعين العقل وبدون زعل؟
اتفقنا ؟؟؟
اوكى
انا شايف ان سبب عدم قرأة مواضيعك يتلخص فى انك بتنزل كزا موضوع فى وقت واحد
وكل ما تشوف موضوع فى اى منتدى تنقلة فورا الى هنا ,,,
وهذا من غير زعلل طبعا او اهانة ممكن يسبب بعض الملل للقراء وبالتالى سوف يرحلون عن مواضيكم سواء الموضوع جيد او مش جيد
وانا عن نفسى دخلت امس المنتدى وجدت كزا موضوع جديد باسمك فى صفحة واحده بصراحة تعمدت انى لا اقرأ ولا موضوع منهم
لا تزعل من كلامى وخد بنصيحتى ...
لا تطرح مواضيعك بدون حساب حتى لا تخسر عامل التشويق لدى القارئ
اقرأ كلامى تانى واحسبها كويس
والسلام خير الختام
msamido
20-12-2005, 10:28 PM
علي فكره كلام الاستاذ بورسعيدي مظبوط جدا جدا اجدا
وعلي فكره مواضيعك فعلا مميزه
وعلي فكره كمان انا بروده وضحتلك حاجه في موضوع التوقيع يعني ليا نصيب من الدعوة بتاعه اينشتاين هههههههه
وعلي فكره مره اخيره انا في الاول قلت زيك كده وطلبت بردوه حذف مواضيعي
متزعلش نفسك يا كيمو
واخر علي فكره بقي لاني كده طولت
مش هتلاقي اعضاء منتدي زي الاعضاء اللي هنا والمشرفين اللي هنااااا