اتصلت بي اليوم اداره الدراسات العليا بالكليه وقالتلي اروح ادفع 180 جنيه وصل دوره حاسب

هما يقصدوا الدوره ايلي اخدناها بالمهني ولا ايه؟؟؟؟؟؟؟

انا اتفاجأت بطلبهم ولا هو شغل لم فلوس وبس ولا ايه؟؟؟؟

ايلي قدم خاص تربيه طنطا يبلغني من فضلكم

أيوة يا أختي مش انا قلت لك في موضوعي اني دفعت فعلا دورة حاسب آلي والبنات هناك قالوا كل اللي قدم في الاول لم يدفعها وبالتالي هيصلوا بهم يطلبوها.

ربنا يوفقك وبالمرة اسأليهم على الجدول بعد العيد ولا قبل.

وبارك الله فيك.

هو ده ايلي مخلي الواحد بيرجع بفكره شويه في حكايه تكمله التعليم

مادييييييين ايه الفلوس الكتيره ايلي بيخدوها دي الله يحرقهم اعدين علي بنك احنا ولا دي ضريبه ايلي حابب يتعلم

طيب فهميني دي دوره غير بتاعه المهني ولا ايه؟

لو سمحتو يا جماعة حد ينزل جدول المحاضرات بتاعة دبلوم خاص صحة نفسية وله جزيل الشكر عشان أنا شغال وموش عارف أروح طنطا وجزاكم الله خيرا

والله يا أختي مش عارفة دي دورة حاسب ايه؟ بس بصراحة اتضايقت منهم مش حابة أروح تاني دورات وحضور وامتحان مفيش وقت للكلام دا. وسبحان الله أخدناها مرة وحصلنا على icdl عاوزين ايه تاني أنا مش فاهمة.

الأستاذ عوض تقريبا الجدول لسه وعموما سأذهب بإذن الله خلال هذا الأسبوع لو وجدته سأضعه بالمنتدى.

السلام عليكم

سألت اليوم على الجدول لسه منزلش.

ربما على الاسبوع القام بإذن الله. وأظن لو نزل الاسبوع القادم تبدأ الدراسة الفعلية بعد العيد.

تابعوا بقى الاسبوع القادم لانني لا أضمن الذهاب مرة أخرى قبل العيد.

بالتوفيق للجميع.

انا اخدت icdl ولكن قلولى لازم تخدى دورة الحاسب عشان دى اعلى من icdl
والدورة هتكون على ويندو 7و اوفيس 2010

ياريت يا اخواتى دايما نتواصل عشان الى عنده معلومة يبلغها لان زى منتوا عارفين كانا موظفين و عايزين نحسن مستوانا العلمى و الادبى
على فكرة انا سألت على الجدول احتمال ينزل الاسبوع القادم 11/10

حسبي الله ونعم الوكيل فيهم غايتهم لم الفلوس وبس

وليس تعليم ولا افاده ولا اي شئ

ورغم ذلك لسه عندنا عزيمه نكمل الله يقوينا ويصبرنا

بالتوفيق للجميع وان شاء الله نتواصل للافاده

الدراسه احتمال بد العيد

طيب كويس خلينا نرتاح منهم شويه قبل ما نبدا الهم والتعب معاهم

الجدول نزل ياريت حد يجيب جدول تربية مقارنة لو سمحتوا انا سفرى طويل

انا رايحه يوم الاتنين اذا لقيته بنقله رغم اني سمعت انه هيبقي بعد العيد هشوف

الجدول بعد التعديل هيبقي

سبت واتنين من 3:11مساءاً

هو في تعديل في الجدول؟

والاسماء في الحاسب الالي نزلت يا ريت تروحوا شوفوا توزيعكم تبع كلية العلوم ولا التجارة ولا مركز المعلومات
بالمبنى بتاع المكتبة هتلاقوا الكشوف

حسبي الله ال كان نقصنا هم الدوره دي كمان العلم بقي تجاره وليس للعلم نفسه

شكرا يا جميله علي المعلومه انتي هتروحي بكره الجمعه يعني ولا لسه متبعتيش؟

رديت عليك هناك

وبالمناسبة انا رحت قدمت لدورة الحاسب الآلي وقالت لي يمر اسبوع واروح اسأل تاني ابتدوا ولا لسه