بعد اذنكم انا عاوز اعرف كل حاجة عن قانون التنسيق و القواعد المتبعة علشان فى مشكلة ان والدى عاوز يدخلنى غصب عنى هندسة عادية علشان اتخرج مدنى و انا عاوز ادخل الكترونيات القاهرة او منوف و هو مقفل دماغه خالص و بعدين انا شايف ان ليا الحق فى الاختيار لان ده مستقبلى فعاوز اعرف انفذ رغبتى ازاى و انا آسف لو هاقولها (غصب عن رغبة والدى لانه مش شايف غير اللى هيريحه هو مش اللى انا عاوزه ايه ما دام صح)... :(

بص حضرتك افهم وجهة نظره واتكلم معاه وحاول تقنعه برغبتك او والدك يقنعك
وكل حاجة هتبقى سهلة ان شاء الله لكن اسمع رأى والدك ووجهة نظره يمكن تقتنع
ولاتنظر انها قهر وفى النهاية صلى صلاة استخارة وربنا يقدملك الخير

حضرتك فاهم الموضوع غلط.. الموضوع مش وجهة نظر او حاجة هو بس نتاج خلاف بين والدى و والدتى (اللى شبه منفصلين) لانى لو دخلت الكلية اللى انا عاوزها هاكون قاعد مع والدتى فى بيت جدى اللى فى القاهرة و والدى للأسف مبيحبهومش و كمان ولاد عماتى هندسة اقاليم فهما مضايقهم ازاى ادخل القاهرة بالرغم انى مبفكرش زيهم و هى حلمى من زمان لان اغلب العلماء متخرجين منها و مفهاش نسبة الكوسة اللى موجودة برة غير ان ولاد عمتى نفسهم كان نفسهم يدخلوها- والدى لما ناقشته فى الموضوع و بعد محاولات مستميته رافض ادخل اى كلية خارج نطاقنا علشان ماسبهوش و اروح اقعد مع والدتى - مع ان السنادى واحد من ولاد عمى دخل اكتوبر و عادى... انا عاوز انا اللى يكون ليا سلطة الاختيار لان انا اللى اتعذبت و كمان والدتى موافقانى هى و جدى فاظن ان اللى بيتكلم كلامه فيه سنة من العقل.. موقف صغير: تخيل لما كنت بتفرج على التليفزيون عن جامعة زويل بابا شاله خالص ساعتها خايف ان طموحى يوصل ليها...انقذونى :(

للعلم الهندسة المدنية ليست سيئة و إنما هيئة ممتازة فى بعض الاشياء

لكن رغباتك أنت التى تحدد ، حتى و إن أردت العمل ( لا تؤاخذنى ) زبال و والدك أرادك عالم نووى ، فهى رغباتك أنت و حياتك أنت ::> ( أعذرنى ) فإن الوالدان أطال الله أعمارهمها لن يعيشا لك طوال حياتك ، و إنما أنت تكمل حياتك وحدك ، و لا تدخل الخلاف فى حياتك المهنية ، لأنك بهذا ستتدمر .

أما ففى بر الوالدين فسأل به علماء الدين ، و أسأل والدتك إذا وافقت أظن أنه عليك طاعتها أولى ، و أنا لا أعلم كثيرا فسأل علماء الدين

أو إذا استطعت أن توفق بين الاثنين ( المهنتين ) لا أعلم كيف و اظن أنه صعب

مع احترامى لجميع الاعضاء ارجو الرد بحل. نصائحكم كلها على راسي من فوق
والله انا متضايق جدا و زهقان و عاوز اعرف ازاى ادخل الكلية اللى انا عايزها من غير سلطة والدى. او السؤال بمعنى اصح لو اخترت الكلية اللى انا عاوزها فى التنسيق ممكن والدى يغيرها لى غصب عنى...... الحل الحل ارجوكم :( :( :(

الردود فين ارجوكم ؟؟؟

نفذ رغبتك وادخل هندسة الكترونية

أسوء حاجة تسلط الآباء فى تحديد مستقبل آبائهم .. بتبقى حاجة يعنى مش ممكن !

انا مش فاهم الموضوع ليه اتحول لاجتماعيات طالب...
السؤال: ازاى قانونا ادخل الكلية اللى انا عاوزها من غير ما الوالد يعرف يمنعنى؟؟

انا مش فاهم الموضوع ليه اتحول لاجتماعيات طالب...
السؤال: ازاى قانونا ادخل الكلية اللى انا عاوزها من غير ما الوالد يعرف يمنعنى؟؟

بسيطه هتنسق ع النت ..

واحنا فين والتنسيق فين :d

ادعي الخلاف دا يتحل

يعني ان شاء الله لو بعد الشر ما الخلاف مايتحلش انت ممكن يعني اول ما يفتح باب التنسيق تعمل التنسيق من ورا والدك بس مع حد كبير لازم عشان متغلطش فيه ممكن عند سيبر ومع استاذ ياريت واول ما والدك ينوي انكو تعملو التنسيق فاجئو بانك عملتو بس استحمل العواقب بس بردو هيبأى قدامو كام يوم يغير الرغبات على ما باب التنسيق المرحلة الاولى يقفل

شكراً لردودكم لكن انا عاوز حل قانونى بحيث يكون ولى امرى هو والدتى مش والدى .. يعنى والدى ميكنش ليه تحكم في انه يغير التنسيق او يسحب ورقى من الكلية.. عاوز والدتى بس هى اللى تقدر تعمل كده لكن والدى لأ.. يا رب اكون وضحت اكتر

يرجى نقل الموضوع لقسم التنسيق او القسم المناسب للعرض على اهل الخبرة

هو ينفع ابوك ينشف دماغه وانت تنشف ريقه وتسقطلك كام سنه وفي الاخر تدخل الكليه اللي عايزها ومتقلقش مكانك على دكه الاحتياطي وطوابير البطاله هيبقا محجوز
ههههههههههههههههههههههههههه
بص ادخل حاجه انت بتحبها هاتنجح فيها اوي

هو ينفع ابوك ينشف دماغه وانت تنشف ريقه وتسقطلك كام سنه وفي الاخر تدخل الكليه اللي عايزها ومتقلقش مكانك على دكه الاحتياطي وطوابير البطاله هيبقا محجوز
ههههههههههههههههههههههههههه
بص ادخل حاجه انت بتحبها هاتنجح فيها اوي
للأسف الحاجة اللى بحبها متعارضة مع اللى والدى عاوزه.. و بعدين مفيش حاجة اسمها بطالة اللى عاوز يشتغل هيلاقى لو فى اى مكان بس المشكلة هاشتغل حاجة انا حاببها فى الآخر ولا لأ
مستنى الحل لمشكلتى و إلى الآن معقولة محدش لاقى حل!!
:(

واجهه والدك زقوله انا مش حابب الكليه اللي حضرتك اختارتها

واجهه والدك زقوله انا مش حابب الكليه اللي حضرتك اختارتها
الحلول اللى حضراتكم بتقترحوها حلول ودية ونقاشية و كده و هى كويسة جدا بس مش مع واحد زى والدى.. للأسف والدى من النوع اللى شايف ان علشان انا صغير و معنديش خبرة زيه يبقى مستحيل الى حد كبير ان كلامى يكون منطقى.. فبالتالى عمر ما حاجة ودية او اتفاقية هتنفع معاه لان الحمد لله سبق و جربت مليون مره الاقناع و بكل الطرق و لا حياة لمن تنادى...يا جماعة انا عاوز حل للموضوع علشان اعرف اركز فى مذاكرتى :(

الى المشرف: استأذن حضرتك تحويل الموضوع الى قسم التنسيق

اول حاجه انت لسه قدامك سنه وقدامك فرصه غظيمه انك تذاكر وتجيب مجموع اللي انت عاوزه..ف متضيعهاش

حلينا نركز على النص الايجابي وهو انك لسه قدامك سنه تذاكر فيهاو تجيب المجموع اللي انت عاوزه ماتشغلش بالك خااااااااااااالص بالحكايه دي دلوقتي وركز في مذاكرتك وحاول على قد ماتقدر ماتسيبش فتفوته تضيع منك

وساعه لما ييجي التقديم-في اسوء الظروف-باباك غصبك ع الهندسه مش هيقدر يقدملك بنفسه لانك بتروح بنفسك علشان الكشف الطبي "في كل الكليات متخافش"ولازم تحضر بنفسك وكده ف اعتقد مش هينفع والدك يقدملك

الملخص...سيبك من الموضوع ده كله وركز في مذاكرتك بجد.......وخليك فاكر انك لسه قدامك الفرصه تجيب المجموع اللي انت عاوزه.......علشان متقعش في مأزق"لا قدر الله"ماتعرفش تخرج منه




كان معاك عمرو عاطف باداب حلوان-فرقه أولى
كان نفسي ادخل حاسبات ومعلومات,,ومدخلتش اصلاً علمي لظروف الدراسه
ولاقيت نفسي ف اداب علم نفس وكذا حاجه حصلت بينت لي ان ربنا مخطط لي حياتي من زماااان تخطيط دقيق جداً ووصلني لمكانه مكنتش أحلم بيها....


المهم راعي ربنا في كل حاجه تعملها

ربنا معاك :)