موت الضَّنَا واعر أوى
جَمْرَاية والْعَة ف قلب أمّ مَتِنْطِفِيشِى وبِيـر وَجَع
لو خَدْتْ مِنُّو أَدْ مَا بْتَاخُد يزِيد
طَبْ إنتى إيه ؟!
مش أُمُّو إنتى وللَّا إيه؟!
أُومّال بأه طول عمرنا بنغنى ونقول أمّنا علشان ف آخر دَرْبِنا تِقْسِى كده ؟!
قِسِيتِى ليه؟!
مين عَلِّمِك تِقْسِى / تِبِيعِى بالْأَوِى ؟!
مين عَلِّمِك تِتْفَرَّجِى والدَّم سَايِل من " محمد "* يِشْتكِى
يِسْتَحْلِفِك تاخديه ف حضنك حَبِّتِين قبل النَّفَسْ مَا يْوَدَّعُو؟
وعْنِيكى رَافْضة تِسْمَعُو
وإيديكى ليه مِتْكَتِّفِين زى الصَّنمْ
قَابِل قَرَابِين المَحَبَّة من قلوب العاشقين
رغم إنُّو مش بإيدو يضر / ينفع أو يِطَيِّبْ وقت ما يزيد الألم ؟
طَبْ ساكتة ليه ؟
اتكلمى
وللَّا الخَرَسْ طَابِق ف زورِك بَعْد ما اتْبَعْتِى حِتَتْ
طَب واقفة ليه ؟
اتْحَرَّكِى
وللَّا العَجَزْ كَتِّفْ خُطَاكِى بَعْد ما ترابك بَهَتْ
وِلْد " ابو سوِيلَم " جَرِيمتو إِنُّو حَبِّكْ
وللَّا يِمْكِن حَبّْ بِنْتِك
مش حَتِفْرِقْ صدقينى
النتيجة ف النهاية : وِلْد "ابو سويلم" تِعِب
النتيجة ف النهاية إنُّو هان
وانْ رِخْصِتْ رُوحُو عَنْدُو
حتَّى حدّ الْإِمْتِهَانْ
وانُّو سَلِّمْ كلّ وَرَقُو بدُون ما يِعْرَفْ إنْ دَا آخر امْتِحَانْ

¬¬¬¬¬¬¬¬¬¬¬¬¬¬________________
" محمد "* : طالب هندسة القاهرة " محمد جمال أبو سويلم " الذى سقط جثة هامدة من الدور الرابع فى المدينة الجامعية بجامعة القاهرة فجر الأربعاء 3/10/2012

الكلام جميل جدا ومؤلم جدا

شكرا على هذا الابداع و هذه الرمزية العالية

و رحم الله كل موتى المسلمين

اولا البقاء لله
وربنا يجعل مسواه الجنه امين يارب العالمين
ثانياً كلماتك مليئه بالحزن
لامست قلوبنا واوجعتها أيضاً
ابكيتنا معك
ولكننا استمتعنا برائعتك
في انتظار المزيد

كلمات موجعة جدا لأنها واقع ما اقساه

رحمة الله عليه

الكلام جميل جدا ومؤلم جدا

شكرا على هذا الابداع و هذه الرمزية العالية

و رحم الله كل موتى المسلمين


شكرا لمرورك يا شيماء ولقلبك طاقات من الضوء يا عزيزتى

اولا البقاء لله

وربنا يجعل مسواه الجنه امين يارب العالمين
ثانياً كلماتك مليئه بالحزن
لامست قلوبنا واوجعتها أيضاً
ابكيتنا معك
ولكننا استمتعنا برائعتك
في انتظار المزيد


اللهم آمييين .. ربنا يسكنه الجنة هو وكل موتى المسلمين يارب
وسلم الله قلبك من كل وجع ورزقك فرحة لا تنقطع

كلمات موجعة جدا لأنها واقع ما اقساه

رحمة الله عليه

رحمه الله وأمواتنا رحمة واسعة
شكرا لمرورك العطر

جميلة جدا جدا جدا

رحمه الله وادخله فسيح جناته

جميلة جدا جدا جدا

رحمه الله وادخله فسيح جناته

مرورك الأجمل

آمييييييييييين

رائعة .. رائعة .. رائعة
من أجمل قصائد العامية التى قرأتها منذ فترة طويلة
أعجبنى كل ما فيها من موضوع وأفكار وفلسفة وصور ومفردات وموسيقى ومشاعر
شاعرة محترفة بمعنى الكلمة
دمت بكل الخير والصحة والإبداع

رائعة .. رائعة .. رائعة
من أجمل قصائد العامية التى قرأتها منذ فترة طويلة
أعجبنى كل ما فيها من موضوع وأفكار وفلسفة وصور ومفردات وموسيقى ومشاعر
شاعرة محترفة بمعنى الكلمة
دمت بكل الخير والصحة والإبداع

أترانى أستحق كل هذا يا أخى العزيز!
دمت راقي الحرف أعْذَبَهْ
ولا حرمنى الله من طيب مرورك

الله الله
شاعرة للعامية متمكنة حقا .. أحيي فيك موهبتك .. المنتدى من حقه أن يفخر بوجودك

الله الله
شاعرة للعامية متمكنة حقا .. أحيي فيك موهبتك .. المنتدى من حقه أن يفخر بوجودك

شكرا بحجم المدى
وأنا أفخر بوجودى بينكم