السلام عليكم


ارجو من الاخوة والاخوات الاعزاء انهم يساعدوني بالنصيحة لاني اكتر حد محتاج لها

باختصار علشان مش عايزة اطول عليكم انت كنت في ثانية علمي جبت 85% وحولت ادبي

انا كنت عايزة اخش صيدلة ودلوقتي مش عارفة اخش ايه ياريت تساعدوني مع العلم اني ادبي

وقولولي ايه الكليات المقترحة لي اه هي كلية حسابات ومعلومات علمي ولا ادبي


رب ارحم المسلمين والمسلمات الاحياء منهم والاموات
يارب نجحني انا وزمايلي اللي في الثانوية العامة علشان احن بجد تعبنا قوي

{ قُل لَّن يُصِيبَنَآ إِلاَّ مَا كَتَبَ ٱللَّهُ لَنَا هُوَ مَوْلاَنَا وَعَلَى ٱللَّهِ فَلْيَتَوَكَّلِ ٱلْمُؤْمِنُونَ }التوبه 51

بداية الحديث واجب عليك ألا تُثقلي على نفسك و الا تُحبط عزيمتك بل اتخذي

من تلك المواقف ما يجعلك تحققين أفضل مما كنت ستناليه

و لك ان تعلمي ان الله يعلم لنا الخير أين هو أكثر من أنفسنا فهوني على نفسك فهو اختيار الله لك

أما بالنسبة لسؤالك

كلية حاسبات و معلومات تكون تابعة لعلم رياضة

أما بالنسبة لكليات الشعبة الأدبية (كلية الحقوق _كلية الاداب -كلية التجارة-كلية التجارة-إعلام -آثار-الألسن-سياسة و اقتصاد - فنون جميلة - تربية نوعية - تربية ..............)

ممكن حضرتك تشوفي اللي يناسب ميولك

اهم حاجة انك تجتهدي و تشدي حيلك و إن الله لا يضيع أجر من أحسن عملا


دعائي لك بالتوفيق و النجاح

ممكن فنون جميلة لو بتحبي الرسم و الاعمال اليدوية ...الى اخره
و السن لو حابه تشتغلي في مجال الترجمة و بتحبي اللغات و كده
و تجارة لو حابه تشتغلي محاسبة في بنك او شركة ..
و تربية تكوني مدرسة و كلية اداب و حقوق
دي الكليات الي باذن الله هتكون متاحة ليكي
بس اجتهدي و اعملي اللي عليكي و مجموعك ممكن يوصل ل90 بالمذاكرة و تنظيم الوقت

و ربنا يوفقك و يوفقنا جميعا..